Burmese Monks in US, Canada & UK urged Burmese President to stop Dam Project on Irrawaddy

ဧရာဝတီအရေး ပြည်ပရောက် မြန်မာသံဃာတော်များက သမ္မတကြီးထံ မေတ္တာရပ်ခံ

မိုးမခ၊ စက်တင်ဘာ ၂၃၊ ၂၀၁၁

စက်တင်ဘာ ၂၁ ရက်စွဲဖြင့် ထုတ်ပြန်သော အမေရိကန်၊ ကနေဒါနှင့် အင်္ဂလန်ရောက် ဆရာတော်၊ သံဃာတော်များ၏ မေတ္တာရပ်ခံစာတွင် အမေရိကန်ရှိ ၀ါရှင်တန်ဒီစီသံရုံးမှတဆင့် သမ္မတကြီး ဦးသိန်းစိန်အား ဧရာဝတီမြစ်ဆုံစီမံကိန်းလုပ်ငန်းများ ရပ်တန့်ရန်၊ ဖျက်သိမ်းပေးပါရန် ပန်ကြားတောင်းပန်ထားသည်ကို တွေ့ရသည်။ ဆရာတော်သံဃာတော်များ၏ မေတ္တာရပ်ခံ ပန်ကြားစာကို သည်နေရာမှာ ရယူနိုင်ပါသည်။

အမေရိကန်၊ ကနေဒါနှင့် အင်္ဂလန်ရောက် မြန်မာရဟန်းတော်၊ သံဃာတော်များ၏ မေတ္တာရပ်ခံစာတွင် မြန်မာပြည်သူတရပ်လုံး၏ စားဝတ်နေရေး၊ ပတ်ဝန်းကျင် ရေမြေသဘာဝနှင့် မိုးလေ၀သ မျှတထိန်းသိမ်းရေး နှင့် ပြည်ထောင်စု၏ အမွေအနှစ်ကို စောင့်ရှောက်ရေးတို့အတွက် လက်ရှိနိုင်ငံတော်သမ္မတကြီးနှင့် ပြည်ထောင်စုဝန်ကြီးတို့က အလေးအနက်စဉ်းစားပြီး အများပြည်သူတရပ်လုံး၏ သဘောထားနှင့် ထပ်တူ ဧရာဝတီမြစ်ဆုံစီမံကိန်းများကို ရပ်တန့် ဖျက်သိမ်းပေးပါရန် ပန်ကြားကြောင်း ရေးသားထားသည်။

ဆန်ဖရန်စစ္စကိုဘေးဧရိယာရှိ ကျောင်းထိုင်ဆရာတော်တပါးဖြစ်သော မေတ္တာနန္ဒ၀ိဟာရ ကျောင်းတိုက် ဆရာတော် ဒေါက်တာဓမ္မပီယ၏ သဘောထားကို မေးမြန်းကြည့်ရာတွင် ဆရာတော်က အမေရိကန်ပြည်ထောင်စုရှိ ကျောင်းထိုင်ဆရာတော် ၃၀ကျော်၊ သံဃာတော် ၅၀ ကျော်၊ ကနေဒါပြည်ရှိ ဘုန်းတော်ကြီးကျောင်း ၅ ကျောင်း၊ အင်္ဂလန်ပြည်၏ ကျောင်းတိုက် ၅ ကျောင်းမှ ဆရာတော်၊ သံဃာတော်များ စုစုပေါင်း ၇၀ နီးပါး၏ တညီတညွတ်တည်းသော သဘောဆန္ဒကို ခံယူပြီး ပန်ကြားစာကို ထုတ်ပြန်ခြင်း ဖြစ်ကြောင်း ပြောကြားသည်။ မြန်မာဘုန်းတော်ကြီးကျောင်း အသီးသီးက ဆရာတော်၊ သံဃာတော်များကလည်း မိမိတို့၏ ပရိသတ် ဒကာ၊ ဒကာမများကို တိုက်တွန်း ရှင်းလင်း ပြောဆိုခြင်းများ ပြုလုပ်ကြမည် ဖြစ်ကြောင်း၊ မိမိတို့ ရပ်ရွာတွင်းရှိ မည်သည့် မြန်မာဘုန်းတော်ကြီးကျောင်းကိုမဆို လွတ်လပ်စွာ မေးမြန်း ဆွေးနွေးနိုင်ကြောင်း၊ သံဃာတော်များ၏ ညီညွတ်သော ဆန္ဒကို ကြားသိနိုင်ပါကြောင်း ပြောကြားသည်။

          ယနေ့ နံနက် ဘီဘီစီ မြန်မာအသံလွှင့်ဌာန၏ မေးမြန်းခန်းတခုတွင် လန်ဒန်မြို့ လန်ဒန်ဝိဟာရကျောင်းထိုင် မုဒုံဆရာတော် ဦးကုသလကလည်း သံဃာတော်များ၏ မြန်မာပြည်သူတို့နှင့်အတူ သဘောထားရှိကြောင်းကို အကျယ်တ၀င့်ပြောသွားသည်။ ပြည်တွင်းရှိ ဧရာဝတီအရေးလှုပ်ရှားသူများ၏ ဆွေးနွေးပွဲ၊ ဟောပြောပွဲ၊ ရှင်းလင်းပွဲများ ပြုလုပ်နေသကဲ့သို့ ပြည်ပရှိ မြန်မာဘုန်းတော်ကြီးကျောင်းများတွင် ဟောပြောပွဲ ဆွေးနွေးပွဲများ

ဆောင်ရွက်နိုင်လိမ့်မည် မျှော်လင့်မိကြောင်း အဆိုပါသတင်းကို ကြားသိရသူ မိုးမခမိတ်ဆွေတဦးက သူ၏ အမြင်ကို ပြောကြားသည်။ စင်္ကာပူသို့ နိုင်ငံတကာ ဓမ္မခရီးစဉ်အဖြစ် ရောက်ရှိနေသူ ဒယ်အိုးဆရာတော် ဥူးသုမင်္ဂ၏ မြန်မာပြည်တွင်းတရားပွဲများတွင်လည်း ဆရာတော်က ဧရာဝတီမြစ်ကို စောင့်ရှောက်ရေးအတွက် ဟောကြားမှုများ ပြုလုပ်ခဲ့သည်ဟု စင်္ကာပူရောက် ဧရာဝတီအရေး လှုံဆော်နေသူတဦးက မှတ်ချက်ပေးသည်။

(photo - Myit Makha Media Facebook Page - The Sketch of A River Art  Exhibition  - Sept 22, 2011)