ရှာဖွေရေး ...

Loading...
PO Box 320-207, San Francisco, CA 94132-0207, USA – editors @ moemaka.net ((510) 854-6501)။ HOME, ၅၈/၆၀ ဗိုလ်အောင်ကျော်အောက်လမ်း၊ ရန်ကုန်၊ ဖုံး (၀၉၂၅- ၄၂၀၀ - ၆၀၆)။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

Yoke Soe - MoeMaKa News on the Run

မိုးမခဖတ်ဖို့ အပြေးအလွှားသတင်းများ

ရုပ်ဆိုး

ဇွန် ၃၀၊ ၂၀၀၉

လုံခြုံရေးတပ်တွေကို မီဒီယာသင်တန်းပေး - ဖောင်ကြီးမှာ လုံခြုံရေးတပ်သားတွေ၊ ၀န်ထမ်းတွေက်ို မီဒီယာသင်တန်း တပတ်ခန့် ခေါ်ပေးတယ်လို့ ဆိုပါတယ်။ ပြည်ပမီဒီယာတွေက စစ်အစိုးရဆီက ခွင့်ပြုချက်တောင်းစရာ မလိုလို့ လူထုထံကို အမြန်ရောက်ရှိပြီး လွှမ်းမိုးမှုတွေ လုပ်နိုင်တယ်။ အစိုးရမီဒီယာကတော့ ခွင့်ပြုချက်အဆင့်ဆင့်လိုအပ်လို့ နှေးကွေးရတယ်ဆိုတာကို ရှင်းပြပြီးတော့ အခုလို မြန်ဆန်သွက်လက်တဲ့သတင်းတွေကို မယုံကြည်ဖို့ မိန့်ကြားတယ်လို့ သိရပါတယ်။

မူးယစ်ဆေးဝါးခန်းမမှာ လုပ်ခဲ့တဲ့ ဒေါ်စုရှင်းလင်းပွဲ - အယင်အပတ်ကပြုလုပ်တဲ့ သတင်းစာရှင်းလင်းပွဲက မူးယစ်ဆေးဝါးနှင့် ပတ်သက်တဲ့ အစိုးရအဆောက်အဦမှာ လုပ်တာကြောင့် ပြည်တွင်းမီဒီယာတွေ အငိုက်မိသွားတယ်လို့ ပြောကြပါတယ်။ မူးယစ်ဆေးဝါးအကြောင်းတွေ ရှင်းမယ်လို့ ထင်နေတာကနေ ဒေါ်အောင်ဆန်းစုကြည်အကြောင်း ရှင်းလင်းတာဖြစ်လို့ အံ့အားသင့်ကြတယ်လို့ ဆိုပါတယ်။ စစ်အစိုးရရဲ့ သတင်းပြန်ကြားရေး လက်ကိုင်တုတ် ၂ ဦးဖြစ်တဲ့ မြတ်ခိုင်နဲ့ ဟိန်းလတ်ကပဲ အဆင်သင့်ပေးထားတဲ့ မေးခွန်းတွေ ဖတ်ပြတာကို တွေ့ကြရပါတယ်။

အစိုးရက ၂ ကျပ်၊ ကုန်သည်ကြီးများ ၂ ကျပ်ခွဲ - လယ်သမားတွေ၊ တောင်သူတွေကို စစ်အုပ်စုက မိုးစပါးချေးငွေတွေ ထုတ်ပေးတဲ့နေရာမှာ ၂ ကျပ်တိုးနဲ့ ချေးတယ်လို့ ဆိုပေမယ့် စစ်အုပ်စုက ကုန်သည်ကြီးများကို ၂ ကျပ် တိုးနဲ့ ထုတ်ချေးတာ ဖြစ်ပါတယ်။ ကုန်သည်ကြီးတွေက လက်သမားတွေကို ၂ ကျပ်ခွဲ တိုးနဲ့ တဆင့် ပြန်ချေးကြတယ်လို့ သိရပါတယ်။ ခန့်မှန်းတာကတော့ ချေးငွေရဲ့ ၁၀ ရာခိုင်းနှုန်းဟာ တောင်သူလယ်သမားတွေဆီက ပြန်ရဖို့ လမ်းမရှိဘူးလို့ ကုန်သည်ကြီးတွေ အဆိုအရ သိရပါတယ်။

ဆန် ပြသနာ - ဆန်တွေ ဒီတခါ ပိုလျှံမယ်လို့ ပြောသူက ပြောနေပါတယ်။ ပြည်ပဈေးကွက်ကို ပို့တဲ့နေရာမှာ စစ်အုပ်စုရဲ့ စွက်ဖက်မှုတွေ၊ ချုပ်ကိုင်မှုတွေကြောင့် နိုင်ငံခြားဖောက်သည်တွေက စိတ်ချလက်ချ အမှာစာ မပို့ရဲကြဘူးလို့ ဆိုပါတယ်။ နိုင်ငံတကာမှာ စီးပွားကျနေတော့ အခြားနိုင်ငံများနဲ့ ဈေးကွက်တည်ငြိမ်တဲ့ဆီကနေ ဆန်ကို အရင်မှာယူပြီးတော့မှ မြန်မာ့ဆန်ကို နောက်ဆုံးဦးစားပေးအဖြစ် မှာယူမယ်လို့ ပြောသံထွက်နေပါတယ်။ နိုင်ငံတကာ ကုန်သွယ်ရေး စည်းမျဉ်းတွေ၊ အာမခံချက်တွေကို မြန်မာအာဏာပိုင်တွေက နားမလည်တာအပြင် ပြည်ပက ၀ယ်လက်တွေဖက်ကလည်း ကတိမတည်တာတွေ၊ လိမ်လည်တာတွေ ရှိတာကြောင့် ပြည်တွင်းကုန်သည်ကြီးတွေမှာ အခက်အခဲရှိတယ်လို့ ပြောပါတယ်။

ပဲ ပြသနာ - မနှစ်က ပဲဈေးကွက် ပျက်တော့ မြန်မာပြည်မှာ မကြုံဖူးတဲ့ ပြသနာဖြစ်တယ်လို့ ကုန်သည်ကြီး တချို့က ပြောပါတယ်။ စစ်အစိုးရက ဒီလိုအကြပ်အတည်းတွေကို ညှိနှိုင်းဖြေရှင်းဖို့ ဆောင်ရွက်သင့်တယ်၊ အဖွဲ့ ဖွဲ့သင့်တယ်လို့ ပြောကြပါတယ်။ နောက်ပြီးတော့ ကုန်သည်ဈေးကွက်ကို နောက်ပိုင်း အလုံးအရင်းနဲ့ ၀င်ရောက်လာသူတွေက ငွေမည်းကို ငွေဖြူဖော်တဲ့ လူတွေ ဖြစ်တယ်လို့လဲ ပြောနေကြတော့ ဒီကိစ္စကို အစိုးရက လက်ပိုက်ကြည့်နေဦးမှာပဲလို့လည်း ထင်မြင်ချက် ပေးနေကြပါတယ်။

အင်းစိန် ရုးံချိန်း လှုပ်ရှားမှု - အင်းစိန်ထောင်အနီးမှာ လုံခြုံရေးတွေက အကန့်လိုက် ဖြတ်တောက်ပြီး ပိတ်ဆို့ထားတဲ့အတွက် လာရောက်စောင့်ကြည်သူတွေမှာ အုပ်စုတွေ ကွဲပြီး အားနည်းနေတာကို တွေ့ရပါတယ်။ အင်အားအတောင့်ဆုံးကတော့ လုံခြုံရေးတွေနဲ့ အရပ်ဝတ်အကြမ်းဖက်သမားတွေပဲ ဖြစ်တာကို တွေ့ရပါတယ်။ အင်န်အယ်ဒီပါတီ ရုံးချုပ်ရှေ့မှာလည်း စောင့်ကြပ်သူတွေ ပိုများလာတဲ့အတွက် အဲသည် အရပ်ဝတ်အကြမ်းဖက်အုပ်စုတွေအချင်းချင်း အားလပ်နေချိန်များမှာ ဖဲရိုက်ခြင်း၊ အံစာပစ်ခြင်းနဲ့ လောင်းကစားဝိုင်းငယ်ကလေးတွေတောင် ဖြစ်လာတယ်လို့ ပြောကြပါတယ်။

June 2009 - Burmese Journals Headlines Collection

ပြည်တွင်းက ဖတ်မိသမျှ ဂျာနယ် အပိုင်းအစ

ဂျာနယ်ဂြိုလ် သာဂိ

ဇွန် ၃၀၊ ၂၀၀၉

ဇွန် ၁ လ လုံးလုံး ဂျာနယ်တွေဖတ်ပြီးတော့ ခေါင်းစဉ်တွေ မထုတ်ဖြစ်၊ ဖြတ်ညှပ်ကပ်ပြီးလည်း မသိမ်းဖြစ်ခဲ့ပါ။ အခု လကုန်တွင် အချိန်မီ တလစာ စုထားသမျှ ဂျာနယ်အပိုင်းအစ ၁၃၃ မျက်နှာကို စုပြီး တင်လိုက်ပါတယ်။ ပြီးတော့ မှတ်မိသမျှ ခေါင်းစဉ်တွေကိုလည်း ဒီနေရာကနေ ရွေးထုတ်ပြလိုက်ပါတယ်။ စိတ်ဝင်စားလို့ အသေးစိတ်သိလိုလျင် ဒီနေရာမှာ သွားဖတ်ပါ။

အွန်လိုင်းဗီဇာ ၃ ရက်အတွင်း ရမည်။

ရေဒီယိုလိုင်စင်မလုပ်က အရေးယူနိုင်။

ထိုင်းက ပြည်ပအလုပ်သမား ၂ သန်းကို တရားဝင်ပြုပေးမည်။

ရွေးကောက်ပွဲဥပဒေ ထွက်တော့မည်ဟု ဇွန်လဆန်းက ဆို။

ကျော်စောမင်း၏ ရာသီစာ - အခြေခံဥပဒေနှင့် ရွေးကောက်ပွဲကို ထောက်ခံ။

တနှစ်အတွင်း အင်တာနက်ဆိုင်များ စီးပွားကျ။

အရှင်ဆန္ဒာဓိက ရန်ကုန် ဇွန် ၁၈ က ပြန်ရောက်။

မြန်မာနိုင်ငံ၏ ထေရ၀ါဒ ဗုဒ္ဓဘာသာသမိုင်းကို ရုပ်ရှင်ကားကြီး ရိုက်မည်။ စင်ရော်မောင်မောင်၊ သံဃာ့နာကယအဖွဲ့နှင့် သီတဂူဆရာတော်တို့ ပါဝင်မည်။

ရွှေဆံပင်တံတား နှိုးဆော်လွှာကြောင့် လူ ၁၅၀ ကျော်က ဆံပင်ဖြတ်ပြီး တံတားဆောက်။

ဇွန် ၂၁ နောက်ပိုင်း ပလတ်စတစ်ကင်းစင် မန္တလေး ဖြစ်တော့မည်။

ဖွားသက်ရှည် ဒေါ်အေးမေ ၁၁၈ နှစ် ပြည့်ပြီ။

အတိုး ၂ ကျပ်နှုန်းနှင့် ဘိုကလေးလယ်သမားများကို မိုးစပါးငွေချေး။

ရှာဗရွန်က ရင်းနှီးမှု မရုပ်သိမ်းဟု ဆို။

(၄၈) အထူးယာဉ် လူပိုတင်က ဒဏ် ၁ သိန်း။

ရန်ကုန်ဈေးများတွင် တပတ်တကြိမ် ငွေ အကြွေလဲပေးနေ။

နှစ် ၁၇၇ တကြိမ် နေကြပ်ခြင်း ဇူလိုင်တွင် မြန်မာတို့ ရှုကြရဦးမည်။

ကြွပ်ကြွပ်အိတ်အစား ငှက်ပျောရွက် သုံးကြပြီ။

မြောက်ဦးတွင် မိုးကြိုးပစ်၍ လူ ၈ ဦး သေဆုံး။

ကာတွန်း ဦးဖေသိန်း ကွယ်လွန်။

အောင်ဆန်းစုကြည် လွတ်၊ မလွတ် အစိုးရနှင့် မဆိုင်။

ကွမ်းစားသူ ၃ ဆ မြင့်တက်ဟု အစိုးရက ထုတ်ပြန်။

မောင်ဆုရှင် ကွယ်လွန်။

အကျဉ်းကျခံများအား မြန်မာစာ သင်ပေးမည်။

ဒေါ်အောင်ဆန်းစုကြည် မှုခင်း မှတ်တမ်း။

People under the masks at the Football Match


ဘောလုံးပွဲကို မျက်နှာဖုံးဝတ်ပြီး အားပေး

ဓာတ်ပုံသတင်း

ဇွန် ၃၀၊ ၂၀၀၉

ဇွန်လ ၃၀ရက်နေ့မှာ သုဝဏ္ဏအားကစားကွင်းမှာ ကျင်းပတဲ့ ဆောက်သန်း မြန်မာ အသင်းနဲ့ ဇေယျာရွှေမြေ ဘောလုံးအသင်း တို့ရဲ့ ပြိုင်ပွဲလာကြည့်သူထဲ ပါးစပ်နှာခေါင်းစည်း တပ်ဆင်ထားသူ ကလေးငယ် တဦးကို တွေ့ရစဉ်။ ဘောလုံးပွဲ တွင်လည်း ယခင်ရက်များထက် လာရောက်ကြည့်ရှုသူ လျော့နည်းသွားသည်ကို တွေ့ရပြီး ၊ လူတုပ်ကွေး ကူးစက်ခံရမှုကို စိုးရိမ်နေကြဟန်တူသည် ဟုယူဆရသည်။

Than Shwe hates to come back Burma

ကာတွန်း ဟန်လေး - မြန်မာပြည်မှာ လူပြန်မဖြစ်ချင်သူ
ဇွန် ၃၀၊ ၂၀၀၉

Face Mask in Rangoon

ပါးစပ် နှာခေါင်းစည်း တပ်ဆင်သူ ရန်ကုန်တွင် ရုတ်တရက် များပြားလာ

မိုးမခ အထောက်တော်၊ ရန်ကုန်

ဇွန် ၃၀၊ ရန်ကုန်

ပြီးခဲ့သည့် ရက်ပိုင်းအတွင်း က အတည်ပြုခဲ့သည့် မြန်မာနိုင်ငံတွင် ပထမဆုံးသော လူတုပ်ကွေး ကူးစက်မှု ဖြစ်ပွားပြီး ၃ရက်အကြာတွင် ရန်ကုန်မြို့ရှိကျောင်းအချို့တွင် ကျောင်းသားများအား ပါးစပ် နှာခေါင်းစည်း တပ်ဆင်ရန်ညွှန်ကြားမှု များပေါ်ထွက်ခဲ့ပြီး အခြား ရန်ကုန်မြို့ခံများအကြား တွင်လည်း ကူးစက်ခံရမည့် အရေးစိုးရိမ်မှုများ ကြီးထွား လာနေသည်ကို တွေ့မြင်နေရသည်။

ပုဇွန်တောင် မြို့နယ်ရှိ ဆေးနှင့် ဆေးပစ္စည်းရောင်း သူတဦးက``ဒီနေ့ တနေ့လုံး မိဘတွေ ပါးစပ် နှာခေါင်းစည်း လာဝယ်နေကြတယ်၊ ပစ္စည်းကလည်း ဒီရက်ပိုင်းမှာမှ ဈေးတက်သွားတယ်။ ၃ဆနီးပါးလောက် တက်သွားတယ်။ အခု ရောင်းနေတဲ့ဟာ ဒီနေ့မနက်မှ မင်္ဂလာဈေးက ရခဲ့တာ၊ ပြီးခဲ့တဲ့ ရက်ပိုင်းကလေးက သွင်းတဲ့ကုမ္ပဏီက မရောင်းတော့ပဲ အခုရက်ကျမှ တခြားဆိုင်တွေက တဆင့်ထွက်လာတာ၊´´လို့ ပြောဆိုပါတယ်။

ယမန်နေ့ကတည်းက ဒဂုံ(၁) အထက ကဲ့သို့သော ရန်ကုန်မြို့ရှိ နာမည်ကြီး ကျောင်းများတွင် ပါးစပ် နှာခေါင်းစည်း တပ်ဆင်ထားသည့် ကျောင်းသားများကို စတင်တွေ့ရှိနေခဲ့ရပြီး ယနေ့တွင်မူ အခြားသော ကုမ္ပဏီဝန်ထမ်းများနှင့် လူငယ်များအကြားတွင်ပါ တပ်ဆင်မှု သိသိသာသာ များပြားလာသည် ကိုတွေ့ရှိရသည်။

တက္ကစီမောင်းသူ တဦးကလည်း ပါးစပ် နှာခေါင်းစည်းတပ်ဆင်ထားပြီး ``ခရီးသည်တွေအထဲမှာ ရောဂါရှိတဲ့သူတွေ ပါမပါ မပြောနိုင်ဘူးလေ၊ အဲဒါနဲ့ ကိုယ့်ကိုယ်ကို ကာကွယ်တဲ့အနေနဲ့ တပ်ဆင်ထားတာပါ၊ အများနဲ့ ဆက်ဆံနေရတယ်ဆိုတော့ ´´ဟု ပြောဆိုသည်။

ရန်ကုန်မြို့လယ်တွင် လမ်းဘေးဈေးသည် တဦးဖြစ်သူကလည်း လူအချို့ ပါးစပ် နှာခေါင်းစည်း တပ်ဆင်လာသည်ကို ရုတ်တရက် မြင်တွေ့ရသဖြင့် သူ့အနေဖြင့် ရောဂါ၏ သဘောသဘာဝ၊ ကူးစက်နိုင်ခြေ ရှိမရှိ စသည်တို့ကို မသိသော်လည်း စိုးရိမ်မိသည်ဟု ထုတ်ဖေါ်ပြောဆိုသည်။

ထိုသို့ ယနေ့မှ စတင်ကာ တပ်ဆင်သူ ရုတ်တရက်များပြားလာခဲ့ရခြင်းမှာ ပထမဆုံး ကူးစက်ခံရသည့် ၁၃နှစ် အရွယ်ကျောင်းသူမှာ ယမန်နေ့က သေဆုံးသွားပြီ ဆိုသည့် ကောလဟလများ ကျယ်ပြန့်စွာ ထွက်ပေါ်နေခဲ့ခြင်း ကြောင့်ဖြစ်နိုင်သည်ဟု ရန်ကုန်မြို့ခံများကပြောဆိုသည်။

အစိုးရပိုင်မီဒီယာ မြန်မာ့ရုပ်မြင်သံကြားနှင့် ယနေ့ထုတ် သတင်းစာများတွင် ပထမဆုံး ကူးစက်ခံရသည့် အဆိုပါ ကျောင်းသူမှာ အခြေအနေကောင်းမွန်ကာ ပြန်လည် သက်သာလာနေပြီဟု ဖေါ်ပြထားသော်လည်း မြန်မာနိုင်ငံလူထု အနေဖြင့် အစိုးရ၏ မီဒီယာကို မယုံကြည်မှု ပြင်းထန်ပြီး ၊ အချို့မှာ အဖြစ်မှန်ကို သိရှိလိုလျင် အစိုးထုတ်ပြန်ကြေငြာသည်နှင့် ပြောင်းပြန် အဓိပ္ပါယ် ကောက်ယူရမည် ဟူသည့် နားလည် သဘောပေါက်မှုမျိုးလည်း ရှိနေသည်ကိုလည်း ကြားသိရသည်။

ပြည်တွင်းထုတ် ဂျာနယ်များ အနေဖြင့် ယခု လူတုပ်ကွေး သတင်းကို လူစိတ်ဝင်စား ခံရဆုံး သတင်းအဖြစ် ဖေါ်ပြဖို့ ကြိုးစားလျက်ရှိကြသော်လည်း ကျန်းမာရေး ၀န်ကြီးဌါနမှ တာဝန်ရှိသူများ အနေဖြင့် လတ်တလော ဖြစ်ပေါ်လျက်ရှိသည့် လူထု၏ စိုးရိမ်ပူပန်မှုများကို လျော့ကျစေရန် ရှင်းလင်း ပြောဆိုမှု အားနည်းလျက်ရှိကြောင်း ပြည်တွင်း သတင်းထောက်များက ပြောဆိုလျက်ရှိသည်။

အမေရိကတိုက် မက္ကဆီကို နိုင်ငံတွင် လွန်ခဲ့သည့် ၂လကျော်မှ ၀က်များတွင် ဖြစ်ပွားပြီး မျိုးစိတ်အသစ် ပေါက်ဖွားကာ လူသို့ စတင်ကူးစက်ခဲ့သည့် လူတုပ်ကွေး (ထိုစဉ်က ၀က်တုပ်ကွေး ) ရောဂါသည် အချိန်တိုတိုတွင်း မက္ကဆီကို နိုင်ငံနှင့် ကူးလူးဆက်ဆံမှုရှိသည့် အမေရိကန်ပြည်ထောင်စု၊ ဂျပန်၊ သြစတေလျ၊ အစရှိသည့် အာရှနိုင်ငံများ အပါအ၀င် ဥရောပ နိုင်ငံများ သို့ပါ ကူးစက်ခဲ့ပြီးနောက် တွင် ဇွန်လအတွင်း ကမ္ဘာ့ ကျန်းမာရေး အဖွဲ့ကြီးက ကမ္ဘာ့ ကပ်ရောဂါအဆင့် (အမြင့်ဆုံး အဆင့်) သို့သတ်မှတ်ခဲ့သည်။ လူတုပ်ကွေးရောဂါကြောင့် ကမ္ဘာ တ၀ှမ်းတွင် လူပေါင်း ၂သောင်းကျော်ကူးစက်ခံ ခဲ့ရပြီး ၂၀၀ ကျော်မှာ အသက်ဆုံးရှုံးခဲ့ရသည်ကို တွေ့ရသည်။

(ပုံ - ရန်ကုန်မြို့ရှိ ဆေးပစ္စည်း ဆိုင်တဆိုင်တွင် တွေ့ရသော ပါးစပ်နှာခေါင်းစည်းများ၊ လမ်ဘေး ပလက်ဖေါင်း တွင်လည်း ပါးစပ်နှာခေါင်းစည်း ကို ဗန်းဖြင့်ချရောင်းလာသည် အထိ ရန်ကုန်မြို့ခံများ အကြားစိုးရိမ်မှု မြင့်တက်လာသည်ကို တွေ့ရသည်)(ပုံ - ရိုက်တာဓာတ်ပုံ၊ အင်တာနက်။ မြန်မာကလေးငယ်များ ပါးစပ်နှာခေါင်းစည်းများ ၀တ်ဆင်ထားစဉ်)

Authority should effective news avialable

ထိရောက်မြန်ဆန်သည့် သတင်းထုတ်ပြန်မှုမျိုး လိုအပ်နေ

မိုးမခ အထောက်တော်၊ ရန်ကုန်

ဇွန် ၃၀၊ ၂၀၀၉

အစိုးရမီဒီယာဖြစ်သည့် တီဗီသတင်းနှင့် သတင်းစာတွင် မြန်မာနိုင်ငံတွင် ပထမဆုံး လူတုပ်ကွေး ကူးစက်ခံရသူ ဖေါ်ပြပြီးသည့် နောက်တွင် ပုဂ္ဂလိက မီဒီယာဂျာနယ်မှ သတင်းထောက် များအနေဖြင့် သက်ဆိုင်ရာ တာဝန်ရှိသူများ ထံမှ တုံ့ပြန်ချက်၊ လူထုသို့ အကြံပေးချက် စသည့် သတင်းအချက်အလက်များ ရအောင် ကျန်းမာရေး ဌါနမှ တာဝန်ရှိသူများကို ကြိုးစား ဆက်သွယ်ခဲ့ ကြသော်လည်း ပွင့်လင်းပြီး မြန်ဆန်သည့် သတင်း ထုတ်ပြန်မှုမျိုး မရှိကြောင်း သိရှိရသည်။

ပြီးခဲ့သည့် သောကြာနေ့တွင် တွေ့ရှိခဲ့သည့် မြန်မာနိုင်ငံ၏ ပထမဦးဆုံးသော (A/H1N1) လူတုပ်ကွေး ရောဂါ သတင်းကြောင့် ရန်ကုန်မြို့ခံများ အကြား စိတ်ဝင်စားလျက်ရှိနေကြသည်။ လူထု၏ စိတ်ဝင်စားမှု နောက်တွင် မြန်မာအစိုးရ၏ သတင်း ထုတ်ပြန်မှုကို မယုံကြည်မှု၊ လျော့ပေါ့ပြောဆိုသည်ဟု ထင်မှတ်သည့် သံသယ တို့မှာ အခြားသော ကိစ္စရပ်များကဲ့သို့ပင် ကြီးထွားလျက် ရှိနေသည်ကိုလည်း တွေ့ရသည်။

လူတုပ်ကွေးကူးစက် ခံစားနေရသည်ဆိုသည့် အသက် ၁၃နှစ် အရွယ်မိန်းကလေး မှာ သေဆုံးသွားပြီ ဆိုသည့် ကောလဟလများလည်း ယမန်နေ့က ရန်ကုန်မြို့တွင် ထွက်ပေါ်နေခဲ့ပြီး ထိုသို့သော အတည်မပြုနိုင်သည့် ပြောဆိုမှုများကို ရှင်းလင်း သိရှိနိုင်ဖို့ ဂျာနယ်များမှ သတင်းထောက်များက ကျန်းမာရေး ဌါနမှ တာဝန်ရှိသူတို့ထံ ဆက်သွယ်သော်လည်း စည်းဝေးလုပ် နေသည်၊ ပြောဆိုခွင့် မရှိစသဖြင့် ငြင်းဆန်လျက်ရှိသည်ဟု ရန်ကုန်အခြေစိုက် ဂျာနယ်မှ သတင်းထောက်တဦးက ပြောဆိုသည်။

အဆိုပါ သတင်းထောက်က ``လူတွေအကြားမှာ ပြောဆိုနေတဲ့ အတည်မပြုနိုင်တဲ့ သတင်းတွေကို သံသယ ရှင်းသွားအောင် တာဝန်ရှိသူတွေက ပြောဆိုဖို့လိုပါတယ်။ ကျွန်တော်တို့ သတင်းရေးရဖို့ သက်သက်မဟုတ်ပါဘူး။ စာဖတ်သူတွေ ကို အမှန်တကယ် ဖြစ်ပျက်နေတဲ့ အချက်အလက် မျိုးသိရှိစေချင်တာပါ။ အခုကိစ္စက နိုင်ငံရေး သတင်းလည်းမဟုတ်ဘူး၊ ကျန်းမာရေး ကိစ္စပါ၊ အဲဒီလို ကိစ္စမှာလည်း အချိန်မှီ သတင်း မထုတ်ပြန်တာတော့ မဖြစ်သင့်ဘူး လို့ထင်ပါတယ်´´ ဟုပြောဆိုသည်။

မြန်မာနိုင်ငံ ရှိ အစိုးရ၀န်ကြီးဌါနများတွင် သတင်းပြန်ကြားရေး နှင့်ပတ်သက်ပြီး သတ်မှတ် ပြောဆိုခွင့်ပေးထားသူ များ ထားရှိလေ့မရှိပဲ တာဝန်ရှိသူ အများစုမှာ မီဒီယာနှင့် ပြောဆိုဆက်ဆံရမည်ကို ကြောက်ရွံ့လျက်ရှိကြသည်ကို တွေ့ရှိရသည်။ ထိုသို့ ကြောက်ရွံ့ခြင်းမှာ မီဒီယာတွင် ပါရှိလာသည့် သတင်းတပုဒ်ပုဒ်ကို ၀န်ကြီး သို့မဟုတ် နအဖ ခေါင်းဆောင်ပိုင်းမှ သဘောမတွေ့သည့် အခါ အဆိုပါ ၀န်ထမ်းမှာ အလုပ်နေရာ ပြောင်းရွှေ့ခံရခြင်း၊ တာဝန်မှ ရပ်နားခံရခြင်းတို့ ဖြစ်ပေါ်နိုင်သောကြောင့် ဟုသိရသည်။

သို့ရာတွင် လွန်ခဲ့သည့် နှစ်ရက်လုံးလုံး ရန်ကုန်တိုင်းကျန်းမာရေးနှင့် အခြားကျန်းမာရေး ၀န်ကြီးဌါနမှ တာဝန်ရှိသူများက မီဒီယာကို တရားဝင် တခွန်းတပါဒမျှ မပြောဆိုရဲကြပေ။

Burmese Resettlers in Oakland hosts Waso Pwe


ကယ်လီဖိုးနီးယား၊ ဥက္ကလံမြို့ ဓမ္မအေးရိပ်ကျောင်း ၀ါဆိုသင်္ကန်းဆက်ကပ်

မိုးမခ ဓာတ်ပုံသတင်း

ဇွန် ၂၉၊ ၂၀၀၉

ကယ်လီဖိုးနီးယားပြည်၊ ဆန်ဖရန်စစ္စကိုဘေးဧရ်ိယာ၊ ဥက္ကလံမြို့တွင် လာရောက်အခြေချနေထိုင်ကြသည့် မြန်မာတိုင်းရင်းသားများ စုပေါင်းကိုးကွယ်ကြသည့် ဓမ္မအေးရိပ် မြန်မာဘုန်းတော်ကြီးကျောင်း၏ ၀ါဆိုသင်္ကန်းကပ် ကုသိုလ်ပွဲကို လွန်ခဲ့သည့် စနေနေ့ ၂၇ ရက်က ကျင်းပခဲ့ကြသည်။

အမေရိကန်အစိုးရ၏ အစီအစဉ်ဖြင့် မြန်မာတိုင်းရင်းသားများကို နယ်စပ်ဒေသမှ ပြောင်းရွှေ့ခိုလှုံခွင့်ပေးခဲ့ရာ ဒေသများအနက် မြို့တမြို့ဖြစ်သည့် ဥက္ကလံတွင် မြန်မာတိုင်းရင်းသားများ ထောင် ဂဏန်းရှိနိုင်သည်ဟု ခန့်မှန်းသည်။

Quotes for 2009 June


မိုးမခ ရဲ့ ဇွန်လ စာကိုး စကားကိုး
ဇွန် ၂၉၊ ၂ဝဝ၉


“ဒရာမာ ရိုက်တဲ့ လူတွေကလည်း ပေါ့ပေါ့လေး မရိုက်ဘူး။ ရိုက်ပြီ ဆိုကတည်းက အကယ်ဒမီ မှန်းပြီး ရိုက်ကြတာ များတယ်”

ကြည်ဖြူရှင်၊ ရုပ်ရှင်ဒါရိုက်တာ
ပေါ်ပြူလာဂျာနယ်၊ ဇွန် ၉

“နိုင်ငံခြား ဆိုတာက မိဝေး ဖဝေးလည်း ဖြစ်တယ်၊ အုပ်ထိန်းသူလည်း မရှိတော့ လုပ်ချင်တာ လုပ်လို့ရတယ်လေ။ ဒါကြောင့် တိုးတက်ဖို့အတွက် ထိန်းချုပ်မှု ဆိုတာ လိုအပ်ပါတယ်။ - - နေမကောင်းဖြစ်လည်း ကိုယ့်ဘာသာ ဆန်ပြုတ်သောက်၊ ဆေးသောက်နေရတယ်။ အလုပ် လုပ်ရလွန်းလို့ မနက် အိပ်ရာထရင်တောင် လက်ကို ကောင်းကောင်းဆန့်လို့ မရဘူး။ - - သူများနိုင်ငံမှာ နေခဲ့ရတဲ့ အတွေ့အကြုံက ကိုယ့်ဘဝအတွက် နေထိုင် ပြောဆိုမှု၊ အချိန်၊ အလုပ်ကို လေးစားမှုတွေကို အများကြီး အံဝင်သွားစေပါတယ်”

ခန့်စည်သူ၊ သရုပ်ဆောင်
ပေါ်ပြူလာဂျာနယ်၊ ဇွန် ၉

“ပဲဝါလေး ရောင်းတဲ့ ဆိုင်တွေက တစ်ဆိုင်နဲ့တစ်ဆိုင် အရောင် သိပ်မတူကြဘူး။ တချို့ဆိုင်ကပဲက သိပ်မဝါဘူး။ တချို့ဆိုင်ကပဲက အရမ်း ဝါတယ်။ ရေဆေးတဲ့အခါမှာတော့ ရေတွေ အမြဲတမ်း ဝါနေတာကို တွေ့ရတယ်”
ဒေါ်အေးလှ၊ အင်းစိန်မြို့နယ် ဒေသခံ
24/7 News Journal ၊ ဇွန် ၁၄
အင်တာနက်ကဖေးများတွင် p-fingo ဖုန်း ဝန် ဆောင်မှုနှုန်း

“အပြင်က ဖုန်းနဲ့ခေါ်ရင် တစ် မိနစ် ကျပ်သုံး လေးထောင်ကျမှာကို p-fingo နဲ့ ခေါ်တော့ ကျပ် ၅ဝ၊ ၁ဝဝ လောက်ပဲကျလို့ တော်တော်အဆင် ပြေပါတယ်။ စစတုန်းကထက် အခု ဆိုရင် ခေါ်ဆိုခ နှုန်းထားတွေလည်း အတော် သက်သာလာပါတယ်”
ရန်ကုန်မှ စင်ကာပူသို့ ဖုန်းဆက်သူတဦး
Weekly Eleven ဂျာနယ်၊ ဇွန် ၂၄

“ဝိုင်းစုက ငယ်ငယ်ကတည်းက နှာခေါင်းက အားနည်းတာကို အကုန်လုံးက ပြင်ခိုင်းတယ်။ သွားပြတော့ ပြင်ဖို့ရယ်လို့ မဟုတ်ဘူး။ ပန်းလှိုင်မှာ သွားပြရင်းနဲ့ ဆရာဝန်နဲ့ ဘယ်လိုပြင်ရင် ကောင်းမလဲလို့ သွားတိုင်ပင်ရင်းနဲ့ နာရီဝက်လောက် နေတော့ ခွဲလိုက်တာ”

ဝိုင်းစုခိုင်သိန်း၊ အဆိုတော်၊ သရုပ်ဆောင်
နံနက်ခင်းဂျာနယ်၊ ဇွန် ၃

“အခုချိန်မှာ ခလုတ်တိုက်မိရင်တောင် အင်တာနက်ဆိုင် ဖြစ်နေပြီ။ စူပါမားကက်၊ မီနီမားကက်တွေလည်း ပေါလာတယ်”
ရန်ကုန်မှ လေအေးစက်အရောင်းကိုယ်စားလှယ်တဦး
Flower News ဂျာနယ်၊ ဇွန် ၉

“ဟိုတစ်လောက တုတ်တုတ်စီးသွားတဲ့ မြန်မာတွေ လမ်းမှာ ရိုက်အလုခံရတယ်။ တုတ်တုတ်က စိတ်မချရဘူးဟု စိုးရိမ်တကြီး ဆိုသည်။ ကျွန်တော်ကလည်း ကိုယ့်စိတ်ကူးနဲ့ကိုယ် ဘန်ကောက်မှာ တုတ်တုတ်စီးရခြင်း ဖြစ်၍ တုတ်တုတ်နှင့်ပဲ ပြန်လိုသည်။ ပြီးတော့ တုတ်တုတ်မောင်းတဲ့လူက ကျွန်တော့်ကို တံခါးပိတ်ပြီး လော့ခ်ချထား၍မရ။ အန္တရာယ် ကြုံစေဦးတော့ တယောက်ချင်း ဆိုလျှင် ပြဿနာ မရှိ။ ကျွန်တော်လည်း မြန်မာသွေးတော့ အကြွေး ဆပ်ခွင့် ကြုံလျှင် ဆပ်လိုက်ချင်သေးသည့် အတွက် တုတ်တုတ်နှင့်ပဲ ပြန်ခဲ့သည်”

မြတ်ခိုင်၊ အယ်ဒီတာ
လျှပ်တစ်ပြက်ဂျာနယ်၊ ဇွန် ၅

“၁၉၉ဝ ပြည့်နှစ် နိုင်ငံရေး ဝန်းကျင်ဟာ အန္တရာယ်မကင်းခဲ့လို့ ၂ဝ၁ဝ ရွေးကောက်ပွဲဟာလည်း အန္တရာယ် မကင်းနိုင်ဘူးလို့ ယူဆတဲ့သူတွေ ရှိတယ်။ ကျွန်တော့်အနေနဲ့ အဓိပ္ပာယ် ကောက်ယူရမယ် ဆိုရင် ၁၉၉ဝ တုန်းက လုပ်လို့ရမယ် ထင်ပြီး လုပ်ခွင့်မရတာ အခြေခံဥပဒေ မရှိလို့။ ဒီအချိန်မှာတော့ အခြေခံဥပဒေ တည်တည်တံ့တံ့ ရှိပြီလို့ ယေဘုယျ ပြောရမယ်။ ဒုတိယအချက်က ကောင်းပြီ အခု အခြေခံဥပဒေက အာမခံချက် ပေးထားတဲ့ အတွက် ဒီနိုင်ငံရေးကို နိုင်ငံသား အားလုံး အန္တရာယ် ကင်းစွာနဲ့ လုပ်လို့ရပြီလို့ ခင်ဗျား အာမခံသလား မေးရင် it depends လို့ ပြောရမယ်။

ဘာကြောင့် it depends လို့ ပြောရသလဲ ဆိုရင် အန္တရာယ် ကင်းသလား၊ မကင်း သလားဆိုတာ ဒီအခြေအနေကို သက်ဆိုင်ရာ အုပ်ချုပ်ရေး ယန္တရား အထူးသဖြင့် လုံခြုံရေး အဖွဲ့ အစည်းများက ဘယ်လောက် အသွင် ကူးပြောင်းနိုင်မလဲ ဆိုတဲ့ အပေါ်မှာ မူတည်တယ်”

ဒေါက်တာ နေဝင်းမောင်၊ နိုင်ငံရေးသမား
The Voice ဂျာနယ် june 8

“ဘက်စုံပဲ အကူအညီတောင်းတာပဲ။ စစ်တပ် အသိုင်းအဝိုင်း ဆိုလည်း ကျွန်တော်တို့ အကူအညီ တောင်းတာပဲ။ အခု လူသတ်မှု police case တွေပေါ့၊ အဲဒါတွေ ဆွဲကြိုးချတာတို့၊ ရထားတိုက်တာတို့၊ ရေနစ်သေတာတို့ အဲဒါတွေလည်း ကျွန်တော်တို့ပဲ လုပ်ပေးရတာ။ အမှန်မှာ ဒါ စည်ပင်က လုပ်ရမဲ့ ကိစ္စ၊ ဒါပေမဲ့ ကျွန်တော်တို့ပဲ အကူ လာတောင်းတော့ ကျွန်တော်တို့ပဲ လုပ်ပေးနေရတယ်။ ကျွန်တော်တို့ကတော့ အားလုံး ဆင်းရဲ ချမ်းသာ မရွေး၊ မိတ်ဆွေ ရန်သူမရွေး အားလုံး လုပ်ပေးနေရတာပေါ့လေ။ ဒါပေမဲ့ အခု ကျွန်တော်တို့ ကူညီပေးတဲ့ အပိုင်းက နည်းနည်းတော့ နည်းသွားတယ်။ အစတုန်းက တနေ့ကို အလောင်း ၅ဝ ကို သင်္ဂြိုဟ်ပေးရတယ်။ အခုဆိုရင် အလောင်း ၃၅ လောက်ပဲ ကျွန်တော်တို့က လုပ်ပေးနိုင်တော့တယ်။ အချိန်က ကျွန်တော်တို့က မရတော့ဘူး။ မရဘူးဆိုတာ ဒီရေဝေးမှာ ကားသွားယူရတာ။ ဝေးသွားတယ်”

ကျော်သူ၊ နာရေးကူညီမှုအသင်းခေါင်းဆောင်
RFA သတင်းဌာန၊ ဇွန် ၁၉

“ခုလို လုပ်တာမှာ အစိုးရက စီမံကိန်းတွေနဲ့ လုပ်ဆောင် နေတယ် ဆိုပြီး ဒေသခံ လူထုက တော့ အဲသလို ယုံကြည် နေကြပါတယ်။ ရသေ့တောင် မြို့နယ်မှာ သောင်းကျန်း သူလည်း မရှိဘူး။ အေးဆေး တည်ငြိမ်တဲ့ မြို့နယ် တခု ဖြစ်ပါတယ်။ အဲသလို တည်ငြိမ် အေးချမ်းတဲ့ မြို့မှာ စစ်တပ် တပ်ရင်း (၃) ခု လာပြီး တပ်စွဲပါတယ်။ သူတို့ တပ်ချမယ့် နေရာ တွေက လယ်တွေကို သိမ်းပါတယ်။ တောင်တွေကို သိမ်းပါတယ်။ မြစ်ချောင်း အင်းအိုင်တွေကို သိမ်းပါတယ်။ ကျွန်တော်တို့ အများစု ပြည်သူလူထုဟာ တောတောင်တွေ ချောင်းတွေကို မှီခိုပြီး လုပ်ကိုင် စားသောက်ကြသူတွေ ဖြစ်ပါ တယ်။ တောင်ကို ဝါးခုတ် သစ်ခုတ်သွားရင် စစ်သားတွေ ပိုင်တဲ့တောင် ဆိုပြီး ဓားတွေကို သိမ်း လူတွေကို ရိုက်ပုတ် ပါတယ်။ ချောင်းတွေ မြစ်တွေ ဆိုရင်လည်း သူတို့ပိုင်တဲ့ ချောင်းဆိုပြီး ငါးဖမ်း ခွင့်မရပါဘူး။ အဲသလို ဖြစ်လာတော့ အဲဒီဒေသက လူငယ်တွေဟာ မထူးဘူးဆိုပြီး ထိုင်း၊ မလေးရှား စတဲ့ နိုင်ငံတွေကို ထွက်ခွာသွားကြပါတယ်။ ရွာတွေမှာ ကျန်နေခဲ့တာက အမျိုးသမီးတွေဘဲ ဆိုတော့ အိမ်ထောင်ပြုမယ့် အရွယ် ရောက်လာတဲ့အခါ အနီးအနားမှာ ရှိတဲ့ ဗမာ စစ်သားတွေကိုဘဲ ယူကြရတာ ပါဘဲ။ ခုဆိုရင် ရခိုင်ပြည်နယ် အနှံ့အပြားမှာ စစ်သား မိန်းမ မရှိတဲ့ ရွာဆိုလို့ မရှိတော့ပါဘူး။ တချို့ စစ်သားတွေကျရင် သူတို့မိန်းမတွေကို ယူသွားပေမယ့် အများစုက ယူမသွားတဲ့ အတွက် ဗိုက်တလုံးနဲ့ ကျန်ခဲ့ကြရတဲ့ အမျိုးသမီးတွေက ပိုများပါတယ်”
ရသေ့တောင်မြို့နယ် လူငယ်တဦး
နိရဉ္စရာသတင်းဌာန၊ ဇွန် ၁၄

“အခု နောက်ထပ် ရိုက်ဖို့ ရှိတာက အမွှေးတိုင်ကြော်ငြာပါ။ ဒဏ်ကြေလိမ်းဆေး၊ သနပ်ခါး၊ skin care နဲ့ ပတ်သက်တဲ့ ကြော်ငြာတွေရောပေါ့။ ဘယ်ကြော်ငြာတွေ TV က လာလို့ လာမှန်း မသိပါဘူးကွယ်။ အစ်မလည်း အလုပ်တွေ မအားလို့ TV မကြည့်ဖြစ်လို့ပါ”

အိန္ဒြာကျော်ဇင်၊ သရုပ်ဆောင်
Hello ဂျာနယ်၊ ဇွန် ၂

“ပလပ်စတစ်အိတ် - - ဆန့်ကျင်တာ မဟုတ်ဘူး။ တတ်နိုင်သလောက် လျှော့ချ သုံးစွဲဖို့ပါ။ အပူထည့်သုံးမယ် ဆိုရင် ကျန်းမာရေးကို ထိခိုက်နိုင်လို့ ပလပ်စတစ်အိတ်ကို မသုံးသင့်ဘူး။ - - - ဈေးဝယ်တဲ့ နေရာမှာ ပလပ်စတစ်အိတ် တွေ အများကြီး သုံးနေမယ့်အစား ချည်သားအိတ်လေးတွေနဲ့ အသုံးပြုနိုင်အောင် စပြီး Plastic Bag ကို No ဆိုတဲ့ အမှတ်အသားနဲ့ လုပ်ထားတဲ့ စာတန်းပါတဲ့ အိတ်ကလေးတွေကို စပြီး ရောင်းတာပါ။ သူတို့ အဓိက ရည်ရွယ်တာက အမျိုးသမီး အိမ်ရှင်မတွေ အတွက်ပါ။ ဒါပေမယ့် အဲဒီအိတ်ကလေးကို ဈေးကွက်ထဲမှာ လူကြိုက်များသွားတာက လူငယ်တွေပါ။ ပထမတော့ ဈေးဝယ်တဲ့နေရာမှာ သုံးဖို့ ဆိုတော့ ကြိုးတိုတိုလေးနဲ့။ နောက်တော့ လွယ်နိုင်အောင် ကြိုးရှည်နဲ့ ပုံစံပါ ထပ်ပြီး ရောင်းပေးပါတယ်”
မအိအိ၊ သဘာဝပတ်ဝန်းကျင်ချစ်သူ
True News ဂျာနယ်၊ ဇွန် ၂

“နေ့စဉ် လိုင်းကားတွေပဲ သုံးနေရတာ။ နွေပိုင်းမှာ ပြဿနာ သိပ်မရှိပေမယ့် မိုးတွင်းဆို မိုးပက်၊ မိုးယိုတာတွေောကာင့် တော်တော် ဒုက္ခရောက်ရတယ်။ တစ်ခါတစ်ခါ ကားအမိုးက ကျတဲ့ ရေတွေက သံချေးရေတွေ ဆိုတော့ အကျအဝတ်အစားတွေမှာ စွန်းကုန်ရော၊ အဲဒီထက် ဆိုးတာက ကားသမား တွေက လူမရရင် တချို့မှတ်တိုင်တွေမှာ နာရီဝက်လောက် စောင့်တယ်။ သူတို့ချင်း အပြိုင် အဆိုင် မောင်းကြပြီ ဆိုရင်တော့ ခရီးသည်ကို အတင်းဆွဲတင်၊ အတင်းတွန်းချတာမျိုးတွေ လုပ်တာပဲ။ စီးပွားရှာတယ် ဆိုတာကို နားလည်ပါတယ်။ ဒါပေမယ့် ခရီးသည်တွေဘက်ကိုလည်း ထည့် စဉ်းစားသင့်တာပေါ့”
ရန်ကုန်မှ ဘတ်စ်ကားစီး ခရီးသည် ဝန်ထမ်းတဦး
Ecovision ဂျာနယ်၊ ဇွန် ၃

“ယွန်းထည်လုပ်ငန်းကို မိရိုး ဖလာလုပ်ငန်းအနေနဲ့ ရှေးကတည်း က လုပ်ကိုင်ခဲ့ပါတယ်။ ပုဂံယွန်း၊ မောင်းထောင်ယွန်းနဲ့ ကျောက်ကာယွန်းလုပ်ငန်း ဆိုပြီး ခေတ်ပြိုင်အနေနဲ့ ထွန်းကားခဲ့ပါတယ်။ ရှေးက အိမ်ခြေ ငါးရာလောက် ရှိတဲ့ ကျောက်ကာရွာကြီးမှာ အိမ်ခြေ ငါးရာစလုံးက ယွန်းထည်လုပ်ငန်းကို လုပ်ကိုင်ကြပါတယ်။- - - ယွန်းထည်လုပ်ငန်းပိုင်ရှင် ကို တိုက်ဆရာလို့ခေါ်ကြပြီး တိုက် ဆရာ တစ်ဦးဟာ တပည့် ဆယ့်ငါး ဦး ခန့်ကို ပညာပေးနိုင်ပြီးအလုပ် လည်း ပေးနိုင်ခဲ့ပါတယ်။ အခုတော့ ကျောက်ကာရွာမှာ ယွန်းလုပ်ငန်း လုပ်ကိုင်တဲ့ တိုက်ဆရာ ၁၂ ဦး လောက်သာ ရှိပြီး အကြမ်းထည် လုပ်ကိုင်တဲ့သူက များပါတယ်။ အချောထည် လုပ်ကိုင်ပြီး နိုင်ငံခြားနဲ့ ဆက်သွယ် လုပ်ကိုင်သူ အနေနဲ့ ကျောက်ကာရွာမှာ တစ်ဦးသာ ရှိပါတယ်”

ယွန်းထည်လုပ်ငန်းပိုင်ရှင် ဦးဆန်းဝင်း၊ ကျောက်ကာရွာ
Weekly Eleven ဂျာနယ်၊ ဇွန် ၂၄

“အင်တာနက်က သတင်းကို သူငယ်ချင်းတစ်ယောက် ကြည့်ပေး၏။ ကျွန်တော်ကတော့ အင်တာနက် မကြည့်၊ ဘလော့တွေ မသိ၊ တောကျသော၊ ဒီဘက်မှာ ခေတ်မမီသော၊ စာအုပ်သာ ဖတ်သောသူပါ”
ကိုတာ၊ စာရေးဆရာ၊ အယ်ဒီတာ၊ စာအုပ်ထုတ်ဝေသူ
ချင်းတွင်း မဂ္ဂဇင်း၊ ဇွန်

SPDC and USDA


ကာတွန်း ဟန်လေး
ဇွန် ၂၉၊ ၂၀၀၉

Aung Way poem from De Line Mag

ပင်လယ်မဲ့မဲ့မြစ်
အောင်ဝေး
ဇွန် ၂၉၊ ၂ဝဝ၉

အလို … စိုဖပ်ဖပ်
ငွေလရောင် စေးပျစ်၊ အေးစက်စက်
သူမ ညထဲစီးဝင်
ဓားအိမ်၊ ဓားကို မျိုသလိုမျိုး
ကျေနပ်၊ ပင်လယ်၊ အိပ်မောကျ။

ငါ့မှာ မြစ်တစ်ခုမျှပဲသာ
မာယာ၊ တောင်တန်း၊ လွင်ပြင်
ငါ ဖြတ်သန်းခဲ့
ရာဇဝင်၊ လောက ကမ်းပါး
နိမ့်ဝှမ်းသော၊ ကောင်းကင်ငုံ့နမ်းရာ
ဟိုးမှာ၊ ငါစီးဝင်ရာ
အနာဂတ်၏ ထိုနေရာ။

လွမ်းပ
ငါက မြစ်ထက်တောင်
ပိုပြီး မြန်ဆန်သေးရဲ့
မင်းဟာ ပင်လယ်။

အချစ်ရေ …
အထီးကျန်
ဗော်လ်တိုင်းယားရယ်လေ
ဖာနေးမှာ ည ည ဆိုရင် …

အချစ်ရယ် …
ဒါ ဖြစ်ခဲ့တယ်
မာယာကော့ဖ်စကီးရယ်လေ
သြဒဲဆာမှာ ည ည ဆိုရင် …

ငါက၊ မြစ်တခုမျှပဲဟာ
ညမှာ လရောင်က
နားချင်ရဲ့
ငါ့ဓားရဲ့ ဓားအိမ်မှာ
ငါက မင့်ရင်အုံမှာပ။ ။

[ မူရင်း - ၁၉၉၅ နိုဝင်ဘာလထုတ် ဒီလှိုင်းမဂ္ဂဇင်း ]

Nay Myo Aye cartoon


နေမျိုးအေး ကာတွန်း
ဇွန် ၂၈၊ ၂၀၀၉

Michael Jackson (1958 - 2009)


မိုက်ကယ်ဂျက်ဆင် (၁၉၅၈ - ၂၀၀၉)

ကျော်ကျော်
ဇွန် ၂၈၊ ၂၀၀၉

အသက် ၅၀ သာရှိသေးတဲ့ ကမ္ဘာကျော်အဆိုတော် မိုက်ကယ်ဂျက်ဆင် သေဆုံးခဲ့တဲ့ ဂျွန် ၂၅ ရက်၊ ၂၀၀၉ ကို သီချင်းတွေ သေဆုံးသွားတဲ့နေ့လို့ ခေါ်ကြသလို၊ ဒီနှစ်ထဲမှာ အကြီးကျယ်ဆုံးသတင်းလို့လည်း တချို့က သတ်မှတ်ကြတယ်။ သူ့ရဲ့သတင်း ဘယ်လောက်ထိ ဂယက်ရိုက်သွားသလဲဆိုရင် Facebook ၊ Twitter ၊ Google ၊ Wikipedia အစရှိတဲ့ ၀က်ဆိုက်တွေမှာ သုံးစွဲသူတွေ ရုတ်တရက်တိုးများလာပြီး AT & T တယ်လီဖုန်းကွန်ယက်မှာ စာနဲ့ရိုက်ပြီးသတင်းပို့တာ ခါတိုင်းထက် ၆၀% မြင့်တက်ခဲ့တယ်။ မိုက်ကယ်ဂျက်ဆင်နဲ့ ပတ်သက်သမျှသတင်းတွေကို အားလုံးဝိုင်းရှာကြတော့ အစပိုင်းမှာ အင်တာနက်ပေါ်ကနေ ဟက်ကာတွေ(hacker) တိုက်ခိုက်နေပြီလို့ ထင်ခဲ့တယ်လို့ Google ကုမ္ပဏီက ပြောပါတယ်။ Youtube မှာလည်း မိုက်ကယ်ဂျက်ဆင်ရဲ့သီချင်းတွေကို ပြန်ရှာပြီးနားထောင်သူတွေ ချက်ခြင်းများလာတယ်။ သူသေဆုံးတဲ့နေ့ကစပြီး မိုက်ကယ်ဂျက်ဆင်နဲ့ ပတ်သက်တဲ့ ၀က်ဆိုက်အသစ်တွေ ၄၀၀၀ နီးပါးရှိသွားပြီလို့ အင်တာနက်ဝန်ဆောင်မှု ကုမ္ပဏီ Go Daddy က ပြောပါတယ်။

သူသေဆုံးတဲ့ညမှာပဲ သူ့ရဲ့ သီချင်းခွေ ဒီဗွီဒီခွေတွေကို အမှတ်တရသိမ်းထားချင်လို့ ebay ပေါ်မှာ ရှာကြည့်တော့ ဈေးတွေကမြင့်ကုန်ပြီး တချို့ဒီဗီဒီခွေတွေဆို ပစ္စည်းပြတ်နေပြီ။ နောက်ထပ် သုံးလေးပတ်လောက် စောင့်ရတဲ့အထိ ဖြစ်သွားခဲ့တယ်။ Amazon မှာလည်း သူရဲ့ သီချင်းခွေတွေအားလုံး တရက်ထဲမှာပဲ ရောင်းကုန်သွားပြီး ရောင်းအကောင်းဆုံး ၁၀ သီချင်းခွေစာရင်းထဲဝင်သွားတယ်။ Barnes and Noble မှာလည်း ထိုအတိုင်းပါပဲတဲ့။ မိုက်ကယ်ဂျက်ဆင် သီချင်းခွေ၊ ဗီဒီယိုခွေ၊ စာအုပ်တွေပါ ရောင်းကုန်သလောက်ဖြစ်သွားတယ်။
Apple ကုမ္ပဏီရဲ့ itune မှာလည်း သူသေပြီး မိနစ်ပိုင်းအတွင်းမှာပဲ သူ့ရဲ့နာမည်ကျော် Thriller သီချင်းဟာ ထိပ်ဆုံး ၁၀၀ အရောင်းရဆုံး စာရင်းထဲရောက်ပြီး နာရီအနည်းငယ်နောက်ပိုင်းမှာ ထိပ်ဆုံး ၁၀ ထဲ ရောက်သွားတယ်။ နောက်တရက်မှာတော့ ထိပ်ဆုံး ၁၀ စာရင်းထဲမှာ မိုက်ကယ်ဂျက်ဆင်ရဲ့ သီချင်း ၉ ပုဒ် ပါခဲ့ပါတယ်။

မိုက်ကယ်ဂျက်ဆင်ကို မြန်မာပြည်ကလူတွေလည်း ကြိုက်ကြပါတယ်။ သူရဲ့ Beat It ၊ Dangerous ၊ Black or White ၊ You are not a lone ၊ BAD ၊ We are the world စတဲ့သီချင်းတွေဟာ လူကြိုက်များပြီး နာမည်ကြီး Thriller သီချင်းထဲက သရဲအက နဲ့ Billie Jean သီချင်းက လပေါ်လမ်းလျှောက်အက (Moon Walk dance) တွေကို မြန်မာပရိသတ်တွေ မှတ်မိကြအုံးမှာပါ။ ဒါတင်မက မြန်မာအငြိမ့်၊ ဇာတ်ပွဲထဲမှာတောင် သရဲအကနဲ့ moon walk တွေ ထည့်သုံးခဲ့ပါတယ်။

သီချင်းခွေပေါင်း သန်းပေါင်း ၇၅၀ ရောင်းခဲ့ရပြီး ဂရမ်မီဆု ၁၃ ဆု၊ Rock and Roll Hall of Fame မှာ နှစ်ကြိမ်စာရင်းဝင်ခဲ့သူ၊ နှစ်ပေါင်း ၄၀ လောက်ထိ အောင်မြင်ကျော်ကြားခဲ့တဲ့ မိုက်ကယ်ဂျက်ဆင်ကို ဂီတဘုရင်(King of Pop) လို့ သတ်မှတ်တာ မလွန်ပါဘူး။ သူရဲ့ ၁၉၈၂ ခုနှစ်က Thriller စီးရီးခွေဆိုရင် ကမ္ဘာပေါ်မှာ အရောင်းရဆုံးသီချင်းခွေအဖြစ် ယနေ့ထိ ဆက်လက်ရပ်တည်နေပါတယ်။

ကမ္ဘာတ၀ှမ်း သန်းပေါင်းများစွာသော သူရဲ့ပရိသတ်ကို ဖျော်ဖြေခဲ့တဲ့ မိုက်ကယ်ဂျက်ဆင် အခုတော့ အေးချမ်းစွာ အနားယူအိပ်စက်သွားပါပြီ။ ဒါပေမဲ့ သူရဲ့ သီချင်းတွေကတော့ အမြဲရှင်သန်နေအုံးမှာပါ။ R.I.P … Michael Jackson.



Burma Confirms First H1N1 Case

မြန်မာပြည်တွင် A(H1 N1) တုပ်ကွေး ရောဂါပိုးရှိနေသူ တဦး စတင် တွေ့ရှိ
မိုးမခအထောက်တော် ၀၀၈
ဇွန် ၂၈၊ ၂၀၀၉

မြန်မာပြည်တွင် A(H1 N1) တုပ်ကွေး ရောဂါပိုးရှိနေသူ တဦးကို ပထမဦးဆုံး စတင် တွေ့ရှိကြောင်း၊ စင်ကာပူနိုင်ငံသို့ သွားရောက် လည်ပတ်ပြီး ပြန်လာသူ ရန်ကုန်မှ ကလေးငယ်တဦးတွင် တွေ့ရှိရခြင်း ဖြစ်ကြောင်း မြန်မာအာဏာပိုင်တို့က ကြေညာလိုက်သည်။

“အိမ်ရောက်ပြီးနောက် သူငယ်ချင်းများနှင့်အတူ စာဖတ်ဝိုင်းသို့ သွားရောက်စဉ် သင်တန်းဆရာမက ၎င်း ချောင်းဆိုးနေသည်ကို သတိပြုမိသဖြင့် မိဘများနှင့်တိုင်ပင်ကာ ဇွန် ၂၆ရက် ည ၉နာရီတွင် ရန်ကုန် ပြည်သူ့ဆေးရုံကြီးသို့ တက်ရောက်စေခဲ့ကြောင်း” ဟု ယနေ့ထုတ် မြန်မာ့အလင်း သတင်းစာက ဆိုသည်။
၎င်းကလေးသည် ထိုနေ့ နေ့ခင်း ၁ နာရီခွဲက လေကြောင်းခရီးဖြင့် ရန်ကုန်လေဆိပ်သို့ ရောက်လာခဲ့သူဖြစ်သည်။

ရန်ကုန် လေဆိပ်တွင် ခရီးသည်များကို စစ်ဆေးနေပုံ။
လေဆိပ်တွင် ကျန်းမာရေး စစ်ဆေးသော်လည်း အဆိုပါကလေးနှင့် ပတ်သက်ပြီး ချွတ်ယွင်းချက် မရှိကြောင်း၊ ညဘက်ရောက်မှ ဆေးရုံပို့အပြီးတွင် A(H1 N1) တုပ်ကွေး ရောဂါပိုး တွေ့ရကြောင်း သတင်းစာတွင် ရေးထားသည်။


ရောဂါကူးစက်ပြန့်ပွားမှုကို ထိန်းချုပ်ရန် “လူနာနှင့်ထိတွေ့မှုရှိသော မိသားစုဝင်များ၊ စာဖတ်ဝိုင်းအတူ တက်ရောက်ခဲ့သူများ၊ သင်တန်းဆရာမနှင့် မိသားစုများ အားလုံးကို ပြင်ပသို့သွားရောက်ခွင့်မပြုဘဲ ကာကွယ်ဆေးများပေးကာ စောင့်ကြပ်ကြည့်ရှုလျက်ရှိကြောင်း” သတင်းစာတွင် ရေးသားထားသည်။

လူနာနှင့်အတူ စီးနင်းလိုက်ပါလာသော လေယာဉ်စီးခရီးသည် ၉၁ ဦး နှင့် လေဆိပ်မှ ဝန်ထမ်းများကိုလည်း စောင့်ကြည့်နေပြီး ရောဂါကူးစက် ဖြစ်ပွားမှု ရှိ မရှိကို သတင်းထုတ်ပြန်ပေးမည်ဟု ဆိုသည်။

မြန်မာအစိုးရက အဆိုပါရောဂါကို လူတုတ်ကွေးရောဂါဟု ခေါ်သည်။ ထိုရောဂါမှာ လွန်ခဲ့သည့် ၂ လက မက္ကဆီကိုနိုင်ငံမှ အစပြုခဲ့ခြင်းဖြစ်သည်။ ထိုစဉ်က ၀က်တုပ်ကွေး ရောဂါဟု ခေါ်ကြသည်။

ကမ္ဘာတ၀ှမ်းတွင် A(H1 N1) တုပ်ကွေး ရောဂါပိုး ကူးစက်သူ ၇ သောင်းခန့်ရှိပြီး၊ ၃၀၀ ၀န်းကျင် သေဆုံးပြီးဖြစ်သည်ဟု ကမ္ဘာ့ကျန်းမာရေးအဖွဲ့၏ အဆိုအရ သိရသည်။

အမေရိကန် ပြည်ထောင်စု ကျန်းမာရေးဌာနက သောကြာနေ့က ကြေညာရာတွင် ၎င်းတို့နိုင်ငံတွင် ရောဂါပိုးရှိသူ ၁၀ သိန်းကျော် ရှိမည်ဟု ခန့်မှန်းလိုက်သည်။

ဤရောဂါကို နိုင်နင်းမည့်ဆေးကို စမ်းသပ်နေဆဲ ဖြစ်ပြီး ရှေ့နှစ်လယ်ပိုင်းအထိ တွေ့ဦးမည်မဟုတ်ကြောင်း သြစတေးလျ သိပ္ပံပညာရှင်များကို ကိုးကားပြီး သတင်းများတွင် ယနေ့ ဖော်ပြထားသည်။

မြန်မာပြည်၏ အိမ်နီးချင်း ထိုင်းနိုင်ငံတွင် ထိုရောဂါကြောင့် သေဆုံးသူ ၂ ဦးရှိပြီဖြစ်သည်။ ရောဂါပိုးရှိသူ ၁၂၀၉ အနက် ပြန်လည် နာလန်ထလာပြီဖြစ်သော လူနာ ၁၁၉၀ ရှိသည်ဟု ဆိုသည်။

“ကာကွယ်ဖို့အတွက်ဆိုရင် ဆေးလိပ်မသောက်နဲ့၊ လုံလုံလောက်လောက် အနားယူရမယ်၊ အာဟာရပြည့်စုံအောင် စားရမယ်၊ ဆပ်ပြာနဲ့ ရေသုံးပြီး လက် ခဏခဏ ဆေးပေးရမယ်” ဟု ကမ္ဘာ့ကျန်းမာရေးအဖွဲ့ ညွှန်ချုပ် ဒေါက်တာ မာဂရက်ချန် က ပြောသည်။

Law Eh Soe - Ma Sabe and Her Mother

မစပယ်နှင့် သူ၏ မေမေ

လောအယ်စိုး

ဇွန် ၂၇၊ ၂၀၀၉

ဟုတ်ကဲ့..သူမကို ကျနော် မစပယ်လို့ ခေါ်ပါရစေ။ လောကကြီး၏ အကြောင်းနှင့် မိမိ၏ ဘ၀အမှန်ကို ဘာတခုမျှ ရေရေရာရာ သိပုံမရသော၊ သိခွင့်လည်းရမည် မထင်သော အဖြူရောင်ဘ၀ကို ပိုင်ဆိုင်ထားသူ အမျိုးသမီးတဦးပါ။

တခါတရံ သူမ၏ မျက်နှာပြင်ပေါ်ဝယ် အပြုံးရောင်ခြည်များ လင်းလက်နေတတ်သလို တခါတရံမှာလည်း တိမ်စိုင်မဲမဲတွေပမာ ညိုးနွမ်းကာ ညိုပုတ်သွားပြန်သည်။

၎င်း၏နှုတ်မှလည်း အမြဲလိုလို “ ဘုရား ... ဘုရား ... ကယ်ပါ ... ကယ်ပါ”

“သူတို့တတွေ ဘာတွေ လုပ်ကြဦးမှာလဲ”

“ငါ့သား … ပိန်သွားပြီ”

“အိမ်ကို သတိရတယ်”

ဆိုသည့် စကားလုံးများကို ထပ်ကာ ထပ်ကာ ရေရွတ်နေတတ်သည်။

တခုသော ကရင်ပြည်နယ် ကျေးလက်မှ မွေးဖွားခဲ့သော မစပယ်တယောက် ယခုအသက် သုံးဆယ့်ရှစ်နှစ် ခန့် ရှိနေပေပြီ။ အရှိန်အဟုန်ပြင်းပြင်း တောက်လောင်နေသော ပြည်တွင်းစစ်ကာလတွင် မစပယ်လေးကို မွေးဖွားခဲ့သည်။ မွေးချင်းလေးယောက်တွင် မစပယ်က တတိယမြောက်ပါ။

“မွေးပြီး အသက်ဆယ်လေးနှစ် အထိ ကျမ်းကျမ်းမာမာ ၀၀ဖြိုးဖြိုးနဲ့ တကယ့်ချစ်စရာလေး၊ စွာတာကလည်း အရမ်းပဲ။ အနီးပတ်ဝန်းကျင်ရွာက လူပျိုတွေတောင် သူအပျိုဖေါ်ဝင်ကာစမှာ လာကြိုက်တာလည်း တပုံကြီးကွဲ့”

သူမနှင့်ပတ်သက်၍ မစပယ်၏မိခင်က ကျနော့်ကို ပြောပြခြင်းဖြစ်သည်။

“ငါတို့မှာ စိတ်ရောဂါနဲ့ပတ်သက်လို့ မျိူးရိုးလည်း မရှိပါဘူး လူလေးရယ် …။ သူ့ကျမှ ဘယ်လိုဖြစ်သွားသလဲ အမေလည်း စဉ်းစားလို့ မတတ်ပါဘူး။ တနေ့ သူ အကြီးအကျယ် ဖျားတယ် ပြီးတော့ နှာခေါင်း ပါးစပ်တွေကနေ သွေးတွေလျှံတယ်။ အန်တယ်။ အဲ့ဒီကတည်းက သွက်သွက်ခါအောင် ရူးသွားတာ ဒီနေ့ အထိပါပဲ”

ကံကြမ္မာကို အပြစ်ပုံရမည်လား သို့မဟုတ် လောကဓံ၏ ရက်စက်မှုကြောင့်ပဲလား ... စသည့် စသည့် မေးခွန်းတို့၏ အဖြေများကို မစပယ်၏မိခင်သည် ယနေ့တိုင်အောင် မပေးနိူင်ခဲ့ပါ။ ထိုအဖြေကို ဘုရားရှင်သာ သိပေလိမ့်မည်ဟု သူမ ရိုးစင်းစွာ ယုံကြည်သည်။

သူမ တခုကိုတော့ ယနေ့တိုင် အကောင်းဆုံးလုပ်နိူင်သည်က မိခင်တယောက်၏ တုနှိုင်းဖွယ်မရှိသော ချစ်ခြင်းမေတ္တာဖြင့် မစပယ်လေးကို အကောင်းဆုံး ပြုစုစောင့်ရှောက်ဖို့ပါပဲ။

“ရပ်ရွာကလည်း မငြိမ်းချမ်းရတဲ့ကြားထဲ ငါလည်းရှိသမျှ ထုခွဲရောင်းချပြီး ဘားအံ၊ လှိုင်းဘွဲ့ သထုံမြို့တွေကိုသွား၊ ငါ့သမီးရဲ့ ရောဂါကို ကုပေးနိူင်မယ့် ဆရာတွေကိုရှာပြီး အပ်ခဲ့တာပါပဲ ... သားရယ်။ ဒါပေမဲ့ ငွေတွေ အချိန်တွေသာ ကုန်သွားတယ်၊ သူရဲ့ အခြေအနေက ဘာမှ မထူခြားလာပါဘူး။ မောင်နှမတွေလည်း သူနဲ့ပတ်သက်ပြီး ရှက်ကြတာပေါ့။ အရူးမရှိဖူးတဲ့ ငါတို့မိသားစုအဖို့ အရူးမျိုးရိုး ဖြစ်သွားရတာပေါ့။ ငါ့အထင်တော့ ငါ့သမီးကို ဆေးနဲ့ လုပ်လိုက်တာ ဖြစ်ရမယ်”

မစပယ်နှင့်ပတ်သက်၍ စကားစပ်မိတိုင်း မိခင်အိုကြီးသည် သူမ နှစ်ပေါင်းများစွာ ခံစား နာကျင်ခဲ့သော အရာများကို ကျနော့အား သွန်ထုတ် အန်ချ ရင်ဖွင့်တတ်သည်။

“စိတ်ဖေါက်ပြီးကတည်းက အိမ်ကိုမကပ်တော့တာ။ လျှောက် … လျှောက်ပြီး သွားနေတာပဲ ငါလည်း သူ့ကို အမြဲ ဘယ်လိုက်ပြီး ကြည့်နေနိူင်မှာလဲ။ အသက်ကလည်း ကြီးပြီလေ သူတို့အဖေကလည်း သူတို့ ငယ်ငယ်ကတည်းက ဆုံးသွားပြီးပြီပဲ”

“တနေ့ - ငါ သတိထားမိတယ်။ ငါ့သမီး ဓမ္မတာ မလာတာ နှစ်လလောက်ရှိပြီ။ တခုခုတော့ မှားနေပြီလို့ ထင်မိတာ၊ အဲ့ဒါနဲ့ ရပ်ထဲ ရွာထဲက ဆေးဆရာမ တယောက်နဲ့ ပြကြည့်တော့ အိုး… ငါ့ခေါင်းကို မိုးကြိုး ပစ်လိုက်သလိုပါပဲ။ သူ့မှာ ကိုယ်ဝန်ရှိနေပြီဆိုတာ သိလိုက်ရတယ် … သားရယ်”

“ သူလား… ဘယ်ကလာ သိရမှာလဲ သားရယ်။ အဲ့ဒီအချိန်က ငါ့သမီးဟာ သူ့အမေရင်းဖြစ်တဲ့ ငါ့ကိုတောင် ကောင်းကောင်း မသိတာ။ သူ့ကို စော်ကားလိုက်တဲ့လူကို ဘယ်လိုလုပ်ပြီး ပြောနိူင်မှာလဲကွယ်… သူ ဘယ်လိုလုပ် သိမှာလဲ။ လူတွေများ လုပ်ရက်လိုက်ကြတာနော်”

“ငါ့ကတော့..သူ့ကို မေးတာပေါ့။ သူလည်းမသိ။ ငါလည်းမသိ။ အဲ့ဒီလိုနဲ့ ငါတို့လည်း တဒုက္ခကနေ နှစ်ဒုက္ခ ဖြစ်ရပြန်တာပါပဲ။ သူကိုယ်တိုင်လည်း သူ့မှာ ကိုယ်ဝန်ရှိတယ် ဆိုတာ သိချင်မှလည်း သိမှာပါ။ မီးဖွားခါနီးတော့ ဒို့သားအမိလား ဒုက္ခသည်စခန်းကို ရောက်နေပြီလေ။ ဆရာမလေးတွေက သဘော အရမ်းကောင်းကြတယ်။ သူ့ကိုလည်း သနားတယ်။ ငါ့ကိုလည်း အရမ်း သနားကြတယ်။ ဘုရား မ တာပေါ့သားရယ်”

“ကလေးကို ဒုက္ခသည်စခန်းက ဆေးရုံမှာ မွေးတော့ ကလေးကို အနှီးနဲ့ပတ်နေရင်း ဆရာမလေးတွေလည်း ငိုကြတယ်။ ငါလည်း ငိုတာပေါ့ သားရယ်။ သူများတွေက မီးဖွားလို့ ကလေး မျက်နှာမြင်ရင် အရမ်းကို ပျော်ကြတာ။ သူရဲ့ယောက်ျားဖြစ်ဖြစ် မိဘတွေဖြစ်ဖြစ်ပေါ။့ ငါတို့ရဲ့ အဖြစ်က သူများတွေနဲ့မှ မတူတာ သားရယ်…။ ဘာပဲဖြစ်ဖြစ် ဖြစ်ပြီးမှတော့ ရင်ဆိုင်ရဖို့ပဲ ရှိတာပေါ့။ အခုကလေးက ခုနှစ် နှစ်ရှိနေပြီ။ ငါ အခုထိ သူ့ရဲ့ အဖေနာမည်ကို မွေးစာရင်းမှာ မထည့်သေးဘူး။ သူ့ကိုလည်း ပြောထားတယ်၊ နင့်အဖေဟာ သေတာ ကြာပီလို့”

ကျနော်တို့ နှစ်ဦး စကားပြောနေသည်ကို မစပယ်က ကြောင်၍ ကြည့်နေတတ်သည်။ သူမ အကြောင်း ပြောဆိုနေခြင်းကို သူမ သိချင်မှ သိပေလိမ့်မည်။

“သား … ကျောင်းမှာ စာလိုက်နိူင်လား”

ဟု ကျနော်မေးသောအခါ မစပယ်၏ရင်သွေးက ၀မ်းသာအားရဖြင့် သူ စာလိုက်နိုင်ကြောင်း၊ စာသင်ခန်းတွင် အလွန်ပျော်ရွှင်ကြောင်း၊ ကျနော့်ကို စိတ်အားထက်သန်စွာဖြင့် ပြောပြသည်။ နားရွက်

ကားကားလေးနှင့် ထက်ထက်မြက်မြက် ကလေးငယ်တဦးပါ။

“အိုး… ကျောင်းက ပြန်လာရင် သူ တတ်လာတဲ့အင်္ဂလိပ်စာနဲ့ ငါ့ကိုရော သူ့အမေကိုပါ အင်္ဂလိပ်လို ခေါ်တော့တာပဲ။ သူကျောင်းမှာ အတော့်ကို ပျော်ပုံရတယ်”

ဟူ၍ အဖွားဖြစ်သူက ၄င်း၏ မြေးငယ်လေးအတွက် ဂုဏ်ယူကာ ပြောပြတတ်သည်။

ကလေး၏ မျက်နှာပြင်ပေါ်ဝယ် ၄င်း၏ မိခင်နှင့် အဖွားတို့ ကြုံတွေ့ခံစားခဲ့ရသော အိပ်မက်ဆိုးကြီးသည် မိမိနှင့် ဘာမျှ မသက်ဆိုင်သလို၊ နာကျင်ခံစားရမည့် အရွယ်ကိုလည်း မရောက်သေးတာ ဖြစ်ပုံရပေမည်။ ၄င်းအတွက် အနာဂါတ်ကြီးသည် ၀င်းပကာ တောက်ပြောင်လို့ လင်းလက် နေသလားပဲ။

အဖွားသည်လည်း အမေ။ အဖွားသည်အဖေ။ ၄င်းအတွက် အရာရာအားလုံးသည် အဖွားပင် ဖြစ်လို့နေသည်။

“အခုလား … သူ့ရဲ့သားကိုတော့ သူကောင်းကောင်းကို သိနေပြီ”

အသိဉာဏ်အရာ၌ အဆင့်မြင့်လှပါသည် ဆိုသော လူသားသည် တခါတရံ၌ အဟိတ်တရိစ္ဆာန်တို့ပင် မကျူးလွန်တတ်သော ရွံရှာဖွယ်အမှုတို့ကို မိမိတို့၏ ရမ္မက်အာသာ ပြေဖျောက်ရန်အတွက် ကျူးလွန်တတ်သည်မှာ မစပယ်အဖြစ်က သက်သေပင်တည်း။ မစပယ်သည်လည်း ရမ္မက်၏ သားကောင်ဖြစ်ခဲ့ရပေသည်။

မြန်မာနိူင်ငံ၏ မုတ်သုန်သစ်တောကြီးတွင် ရုန်းကန်ပြေးလွှားခဲ့ပြီး တခုသော အတိုင်းအတာ ကာလအထိ နယ်စပ်ဒုက္ခသည်စခန်း ၀ါးတဲငယ်ကလေးတွင် နေထိုင်ခဲ့သော မစပယ်တို့မိသားစုကလေးသည် ယခုတော့ ကျနော်ရောက်ရှိနေသည့် မြန်မာနိူင်ငံနှင့်မိုင်ပေါင်း ထောင်ချီ် ကွာဝေးသော ဒေသသို့ရောက်ရှိ၍ နေပြန်ပါပြီ။

နှင်းတွေဝေကာ ရေခဲများ ဖုံးလွှမ်းနေသော အရပ်ဒေသတွင် မစပယ်တို့ မိသားစုကလေး ဘ၀အသစ် စ လို့ နေပါပြီ။ ၄င်း၏ စိတ်ကျမ်းမာရေးအတွက် သက်ဆိုင်ရာ အဖွဲ့အစည်းတို့ကလည်း မစပယ်အတွက် အကောင်းဆုံး ကြိုးစားပေးကြပါသည်။

အစားအသောက်၊ ဆေးဝါး၊ နေထိုင်မှုတို့အတွက် မစပယ်တို့ ပူပင်စရာမလိုပါ၊ သားငယ်လေးအတွက် ပညာရေးကလည်း အားရစရာ ကောင်းလှပါသည်။ သို့ပေမဲ့ လက်ရှိအချိန်မှာတော့ ၄င်းတို့အတွက် ဘာသာစကား အဆီးအတားသည် အကြီးမားဆုံးသော နံရံတံတိုင်း ဖြစ်နေပြန်ပါသည်။

ဤကိစ္စက ၄င်းတို့ မိသားစုသာမက ဒုက္ခသည်အစီအစဉ်ဖြင့် ရောက်ရှိလာသော မြန်မာနိူင်ငံမှ မိသားစုအတော်များများ ကြုံတွေ့နေရသော အခက်အခဲ တခုဖြစ်သည်။

“ဘယ်ကလာ ကျောင်းနေဘူးရမှာလဲ သားရယ်။ တခါဆို တခါဖူးမှ ကျောင်းကို မနေဘူးတာ။ ဒီ အမေရိကန်ကို လာဖို့ဆိုတာ တခါမှလည်း စိတ်မကူးမိပါဘူး။ ဘုရား ပို့လို့သာ ရောက်လာတာ။ သူများတွေ ပြောတော့ ဒီအမေရိကန်နိူင်ငံကို ရောက်ဖို့ တချိူ့တွေများ ငွေကို သိန်းနဲ့ချီပြီး ပေးရတာဆို။ ငါတို့တော့ တကယ်ပါ တပြားမှတောင် မကုန်ခဲ့ပါဘူး … ဒီကို ရောက်လာတာ”

ရေသစ် မြေသစ်သို့ ရောက်ရှိလာခြင်းနှင့်ပတ်သက်၍ မစပယ်မိခင်တယောက် သူမ၏ ရိုးစင်းသောအမြင်နှင့် ခံစားချက်ဖြစ်သည်။

“ဒုက္ခသည်စခန်းမှာ သူများက စာရင်းသွင်းဆိုရင် သွင်းလိုက်။ ဓါတ်ပုံရိုက်ခိုင်းရင် ရိုက်လိုက်။ ဆေးစစ်ဆို စစ်လိုက်။ လေယာဉ်ပျံသင်တန်းတက်ဆို တက်လိုက်နဲ့ နောက်ဆုံး ဒီကို ရောက်လာတာပဲ ပေါ့”

“ဒါပေမဲ့ ဒီကလေးအတွက်က အရမ်းကောင်းတာ။ သူကတော့ စာတတ်ပေတတ်ကြီးဖြစ်မှာ။ ငါက မေးတော့ စက်ပြင်ဆရာကြီး ဖြစ်ချင်တယ်လို့ ပြောတာပဲ”

မူလတန်းပညာရေး စတင်နေပြီဖြစ်သော မြေးငယ်လေးအတွက် အဖွားဖြစ်သူ၏ ကြည်နူးရသော မျှော်လင့်ချက်တခု။ ဒုက္ခ၊ သောကအစုံ လောကဓံ လှိုင်းလုံးကြီးများနှင့် ယမ်းငွေ့တွေကြား မစပယ်လေးကို လက်ဆွဲ၍ ပြေးလွှားခဲ့သော မိခင်အိုကြီးသည် ယခုလည်း အခွင့်အလမ်းတို့၏ ဘူမိနက်သန်ဖြစ်သည်ဆိုသော အမေရိကန်မြေ၌ ကြိုတင်၍ မြင်နိူင်စွမ်းမရှိသော အသစ်အသစ်သော စိန်ခေါ်ချက်များကို ရင်ဆိုင်ကာ အားသစ်အင်သစ်တို့ဖြင့် ပြည့်လို့ နေပါသည်။

“လာခဲ့ ... နင်လားဟဲ့ … လောကဓံ”

ဆိုသည့် စိတ်ဓါတ်မျိုး။ သန်းခေါင်ထက် ညဥ့်နက်ဦးတော့မည်မဟုတ် ဟူ၍ မိခင်အိုကြီး အပြည့်အ၀ ယုံကြည်သည်။

ရင်သွေးငယ်သည်လည်း သူ၏ကျောင်းစာသင်ခန်းထဲတွင် တောက်ပရှင်းလင်းသော အနာဂါတ်ရှိသည်ဟု အခိုင်အမာ ယုံကြည်နေသည်။

မစပယ်ကတော့

“ ဘုရား …ဘုရား .. သူတို့တတွေ ဘာတွေလုပ်ကြဦးမှာလဲ”

“ငါ့သားလေး … ပိန်သွားတယ်”

“ဘုရား … ဘုရား ... ကယ်ပါ ... ကယ်ပါ ...”

ဟူ၍ နှုတ်မှ ရွတ်ဆို နေဆဲ။

(မေ ၁၉၊ ၂၀၀၉)

Nay Myo Aye - Plenty of General


ကာတွန်း နေမျိုးအေး - ဗိုလ်ချုပ်တွေက များ
ဇွန် ၂၇၊ ၂၀၀၉

Bo San Pyote & DKBA soldiers killed in ambush

ပဒိုမန်းရှာကိုလုပ်ကြံသူဟု သတင်းကြီးသူ DKBA ဗိုလ်ဆန်ပြုတ် ကျဆုံး
နန်းဖော့ဂေ (ကေအိုင်စီ)
ဇွန် ၂၆၊ ၂၀၀၉
တိုးတက်သော ဗုဒ္ဓဘာသာ ကရင် အမျိုးသား တပ်မတော် (DKBA) တပ်မဟာ(၉၉၉)၏ တပ်ရင်းမှူး တဦး ဖြစ်သူ ဒုဗိုလ်မှူးကြီးစံပြုံး (ဗိုလ်ဆန်ပြုတ်)သည် ဇွန်လ (၂၆)ရက်နေ့ ယနေ့တွင် ရေလမ်းခရီး၌ ခြုံခို တိုက်ခိုက်ခံရ၍ ပွဲချင်းပြီး သေဆုံးသွားသည်ဟု နယ်စပ်မှလာသည့် သတင်းများအရ သိရသည်။

၎င်းသည် ယမန်နှစ်က KNU အတွင်းရေးမှူးချုပ် ပဒိုမန်းရှာလားဖန်းကို လုပ်ကြံသူများထဲတွင် ပါဝင်ကြောင်း ထင်ကြေးပေးခံရသူ ဖြစ်သည်။

ယနေ့နံနက် (၈း၎ဝ)နာရီ အချိန်တွင် DKBA တပ်ဖွဲ့ဝင်များသည် မြဝတီမြို့၊ ရွှေကုက္ကိုကျေးရွာတွင် ပြုလုပ်မည့် အောင်ပွဲရသူများအား ကြိုဆိုပွဲ အခမ်းအနားသို့ သောင်ရင်းမြစ် အတိုင်း လှေစီး ပြန်လာရာ မြဝတီမြို့နယ်၊ မော်ဖားသူးဂွင် မော်ကလာအနားတွင် တိုက်ခိုက်ခံရပြီး (၁ဝ)ဦး ပွဲချင်းပြီး သေဆုံးသွားသည့် အထဲတွင် ဗိုလ်ဆန်ပြုတ် ပါဝင်သည်ဟု အမည် မဖော်လိုသူ DKBA ဗိုလ်ကြီးတဦးက ယခုလို အတည်ပြု ပြောဆိုခဲ့သည်။

“ကျနော်တို့ သိရသလောက် ဗိုလ်ဆန်ပြုတ် သေတာက သေချာတယ်။ လှေက သုံးစီးလို့ ပြောတယ်။ အဲဒီထဲမှာမှ ဗိုလ်ဆန်ပြုတ် စီးတဲ့ လှေကိုပဲ တိုက်ခိုက်တဲ့သူတွေက ရွေးပစ်တာ။ ၁ဝ ယောက်က ပွဲချင်းပြီးပဲ။ အဲဒါမှာ သူတို့ခေါ်လာတဲ့ ပေါ်တာတယောက်လည်း သေသွားတယ်လို့ ပြောတယ်။ ကျန် တဲ့လှေပေါ်က လူတွေက ဘာမှမဖြစ်ဘူး”ဟု ဆိုသည်။

ယင်းသို့ တိုက်ခိုက်ခံရသည့် နေရာသည် နအဖ၊ DKBA နှင့် ဗိုလ်မှူးချုပ်ထင်မောင်၏ ငြိမ်းချမ်းရေးကောင်စီ ထိန်းချုပ်ရာ နယ်မြေ ဖြစ်ပြီး မြဝတီဆေးရုံသို့ ရောက်ရှိလာသူ ငါးဦးအနက် နှစ်ဦး သေဆုံး၍ ယနေ့ ညနေပိုင်းတွင် မဲဆောက်ဆေးရုံသို့ ရောက်ရှိလာသူ (၈)ဦးအနက် တဦးမှာ ထပ်မံ သေဆုံးသွားသည်ဟု မျက်မြင်သက်သေများ၏ ပြောပြချက်အရ သိရသည်။

ဒဏ်ရာရသူများကို ကိုယ်တိုင် မြင်တွေ့ခဲ့သူတဦးက “အပစ်ခံရတဲ့ DKBA (၈)ယောက် မဲဆောက် ဆေးရုံကို ရောက်လာပြီး ရောက် ရောက်ချင်းမှာပဲ တယောက် သေသွားတယ်။ ကျန်တဲ့သူတွေအထဲမှာလည်း မျက်လုံးထိတဲ့သူ အပါအဝင် အသည်းအသန် သုံးယောက်လောက် ရှိတယ်” ဟု ပြောသည်။

အဆိုပါ တိုက်ခိုက်မှုမှာ မည်သူမည်ဝါ လက်ချက် ဖြစ်သည်ဟု တပ်အပ် မပြောနိုင်သော်လည်း ဗုံး၊ လက်နက်ငယ်များဖြင့် ပစ်ခတ်မှုသည် မြန်မာဘက်ကမ်းမှ ဖြစ်သည်ဟု မဲဆောက်ဆေးရုံသို့ ရောက်ရှိလာသည့် ဒဏ်ရာရ DKBA အဖွဲ့ဝင် တဦးက ပြောသည်။

DKBA တပ်ဖွဲ့ ခြုံခို တိုက်ခိုက်ခံရခြင်းနှင့် ပတ်သက်၍ KNU တွဲဖက်အတွင်းရေးမှူး(၁) ဗိုလ်မှူးစောလှငွေက “ဒီ တိုက်ခိုက်ခံရတဲ့ နေရာက ကျနော်တို့ KNUတွေ ရှိတဲ့နေရာလည်း မဟုတ်ဘူး။ လက်ရှိမှာ ကျနော်တို့က ကိုယ့်နေရာကိုတောင် ဆုတ်ပေးထားရတော့ ဘယ်သူ့ လက်ချက်လဲ ဆိုတာ ကျနော်တို့လည်း မပြောနိုင်ဘူး”ဟု ကရင်သတင်းစဉ်ကို ပြောသည်။

ပြီးခဲ့သည့် ဇွန်လဆန်းပိုင်းက DKBA တပ်ဖွဲ့သည် နအဖစစ်တပ်နှင့် ပူးပေါင်းကာ KNU တပ်မဟာ(၇)နယ်မြေကို ဝင်ရောက်တိုက် ခိုက်ရာတွင် ဦးဆောင်ပါဝင်ခဲ့သူ ဗိုလ်ဆန်ပြုတ်သည် လက်ရှိ (၉၉၉)တပ်မဟာ၏ အထူးတပ်ရင်း အမှတ်(၇)တပ်ရင်းမှူးဖြစ်သည်။

Rangoon Journalist on the road - View from Rangoon

ရန်ကုန်ရှုခင်း ဇွန်လ စတုတ္တပတ်
လမ်းလျှောက်ဂျာနယ်လစ်၊ ရန်ကုန်
ဇွန် ၂၆၊ ၂၀၀၉
Photo Internet

မြောက်ကိုးရီယား သင်္ဘောနဲ့ နအဖ
ဒီတပတ် စိတ်ဝင်စားစရာ ကောင်းတဲ့ သတင်းတပုဒ်ကတော့ မြောက်ကိုးရီးယား နိုင်ငံရဲ့ လက်နက်တင်တဲ့ သင်္ဘောတစင်း မြန်မာနိုင်ငံ ကိုဦးတည်လာနေတယ် ဆိုတဲ့ နိုင်ငံတကာ သတင်းတွေမှာ ဖေါ်ပြနေကြတဲ့ ကိစ္စပါ။

သီတင်းပတ် အစပိုင်းမှာ ထွက်ရှိတဲ့ မြန်မာနယူးစ် ၀ိခ်၊ ပြည်မြန်မာ သတင်းဂျာနယ် တွေရဲ့ နိုင်ငံခြားသတင်းကဏ္ဍမှာ မြောက်ကိုးရီးယား သဘောင်္တစင်းကို အမေရိကန် ရေတပ်သင်္ဘော ယူအက်စ်အက်စ် မက်ကိန်းက နောက်ယောင်ခံ လိုက်နေတဲ့ သတင်းတွေ ဖေါ်ပြထားတာကို ဖတ်ရှုရပေမယ့် သီတင်းပတ်ကုန်ခါနီး မှာတော့ ဘယ်ဂျာနယ်ကိုမှ ထိုသတင်း ဖေါ်ပြခွင့် မပြုတော့ပါဘူး။

ထိုသတင်းနဲ့ မြန်မာနိုင်ငံ ဆက်စပ်နေတယ် ဆိုတာကို စာပေစိစစ်ရေးက အစပိုင်းမှာ အမှတ်တမဲ့ ဖြစ်ခဲ့ဟန်တူပြီး ထိုသတင်း ပိုမို ကျယ်ပြန့်လာတဲ့ နောက်မှာ ဖေါ်ပြခွင့် မပြုတော့တာပါ။ သတင်းစာမှာတော့ နိုင်ငံတကာ သတင်းများမှာ ဖေါ်ပြနေတဲ့ `ကမ်နမ်း´Kang Nam သင်္ဘောမှ မြန်မာနိုင်ငံကို လာရောက်မယ် ဆိုတာနဲ့ ပတ်သက်ပြီး သက်ဆိုင်ရာမှ သတင်း တစုံတရာ မရရှိထားဘူးလို့သာ ၂၅ရက်နေ့ သတင်းစာမှာ ဖေါ်ပြထားပါတယ်။

စစ်အစိုးရဟာ မြန်မာနိင်ငံနဲ့ ပတ်သက်ပြီး ဖြစ်ပေါ်တဲ့ သတင်းတွေကို ယခုလောက် လျင်လျင်မြန်မြန် တုံ့ပြန်လေ့ မရှိခဲ့ပါဘူး။ ယခုတကြိမ် ဖြစ်ပေါ်တဲ့ သတင်းဟာ မြန်မာနဲ့ အရှေ့အာရှမှာ အနုမြူလက်နက်နဲ့ ခြိမ်းခြောက်နေတဲ့ မြောက်ကိုးရီးယားနိုင်ငံနဲ့ တိုက်ရိုက် ဆက်စပ်နေပြီး ဒေသဆိုင်ရာ လုံခြုံရေးကို ထိပါးလာမယ့် ကိစ္စတရပ် ဖြစ်လာနိုင်တယ် လို့ နအဖက သဘောပေါက်ပြီး လျင်မြန်စွာ တုံ့ပြန်တာလည်း ဖြစ်နိုင်ပါတယ်။

နအဖအစိုးရကတော့ အိန္ဒိယ နိုင်ငံ ကလကတ္တား မြို့က ထွက်ခွာလာတဲ့ အခြားအမည်နဲ့ မြောက်ကိုးရီးယား သဘောင်္တစင်းက လာမယ့် ၂၇ရက်နေ့မှာ ရန်ကုန်ကို ဆိုက်ကပ်ဖို့ ရှိတယ်လို့ ဖေါ်ပြထားပြီး အဆိုပါ သင်္ဘောဟာ လက်နက်တင်တဲ့ `ကမ်နမ်း´နဲ့ ဘယ်လို ဆက်စပ်မလဲ ဆိုတာကို မြန်မာသတင်းမီဒီယာမှ အချို့သူတွေက စိတ်ဝင်စားနေကြပါတယ်။

ရန်ကုန်မြို့ အယ်ဒီတာ တဦးကတော့ ယခုလို မြန်မာနိုင်ငံက အနုမြူလက်နက်လို ကိစ္စရပ်မျိုးနဲ့ ပတ်သက်ပြီး နအဖနဲ့ မြောက်ကိုးရီးယား အစိုးရအကြား ဆက်စပ်မှု သံသယ ဖြစ်ပေါ်လာတာ မြန်မာ့အရေးကို ကမ္ဘာက ပိုအာရုံစိုက်လာ စေနိုင်ပြီး နအဖအဖို့တော့ မကောင်းတဲ့ လက္ခဏာ တရပ်ပဲ လို့ သုံးသပ်ပါတယ်။
Photo - Internet

နေပြည်တော်က လှိုင်ခေါင်းများနှင့် မြောက်ကိုးရီးယား
ယခု သီတင်းပတ်အတွင်း အခြားစိတ်ဝင်စားစရာ ကောင်းတဲ့ ဒုတိယ သတင်းကလည်း နာမည်ဆိုးတဲ့ မြောက်ကိုးရီးယားနဲ့ ဆက်စပ်နေပြန်ပါတယ်။ ၂၀၀၅ခုနှစ် အကုန် ၂၀၀၆ ခုနှစ် အစ ရန်ကုန်မှ ပျဉ်းမနားသို့ မြို့တော် ပြောင်းခါစ လျှို့ဝှက် ဆောက်လုပ်ခဲ့တဲ့ လှိုင်ခေါင်းတွေ အကြောင်းကို မကြာခင်က အမေရိကန် မဂ္ဂဇင်း တစောင်မှာ ဓါတ်ပုံနှင့်တကွ ဖေါ်ပြခဲ့တာပါ။

ဒီသတင်းဟာလည်း နအဖ အစိုးရကို တော်တော်လေး လှုပ်ခတ်နိုင်တဲ့ သတင်းတပုဒ် ဖြစ်တာကို တွေ့ရပါတယ်။ ပျဉ်းမနားကို ပြောင်းသွားခဲ့စဉ် စစ်တပ်ဌာနချုပ်လုပ်တဲ့ဘက် (ပဲခူးရိုးမ ကြပ်ပြေးဘက် အခြမ်းမဟုတ်ဘဲ အရှေ့ရိုးမဘက်အခြမ်း) မှာ ထိပ်တန်း လျှို့ဝှက်အနေနဲ့ ဖေါက်လုပ်နေခဲ့တဲ့ ဥမင် လှိုင်ခေါင်းတွေရဲ့ သတင်းဟာ ဓါတ်ပုံနှင့် တကွ ပေါက်ကြားခဲ့တာဟာ နအဖရဲ့ အတွင်း လုံခြုံရေးစည်း အထိကျိုးပေါက်နေတာကို ထင်ဟပ်ဖေါ်ပြပါတယ်။

အရပ်ဘက်ဝန်ထမ်းတွေ မပါဘဲ စစ်ဘက်ဆိုင်ရာ ဆောက်လုပ်ရေးတွေကိုသုံးပြီး ဆောက်လုပ်ခဲ့တဲ့ စီမံကိန်း တခု ယခုလို ပေါက်ကြားခဲ့တာဟာ နအဖအတွက် ခံရခက်စရာ အဖြစ်အပျက်တခုလည်း ဖြစ်ပါတယ်။

ဥမင်လှိုင်ခေါင်း ဖေါက်လုပ်ပြီး ပုန်းအောင်းဖို့ဆိုတဲ့ စိတ်ကူး အကြံဥာဏ်ကတော့ဖြင့် ကမ္ဘာမှာ နောက်ဆုံး ခိုကိုးရာမရှိတဲ့ အာဏာရှင်တွေ၊ အကြမ်းဘက်သမားတွေသာ လုပ်လေ့ရှိတဲ့ လုပ်ရပ်ဖြစ်ပါတယ်။ မြန်မာနိုင်ငံက နအဖ အစိုးရဟာလည်း အဲဒီလို လမ်းကြောင်းမျိုးပေါ် လျှောက်နေ ပြီလားလို့ ကောက်ချက်ချဖွယ်ရာ ရှိပါတော့တယ်။

Photo - Internet

အကြမ်းဖက်ဒိုင်နာကားများနဲ့ ရန်ကုန်
ခေါင်းတိုတို၊ အိမ်မြင့်မြင့်နဲ့ သူများနိုင်ငံမှာ ကုန်ပစ္စည်းတင်တဲ့ ဒိုင်နာ Dyna ၊ ကင်တား Canter လို ကားများကို မြန်မာနိုင်ငံမှာ လူစီးခရီးသည်ကား အဖြစ် ၁၉၉၀ ခုနှစ်များက စတင် သုံးစွဲခဲ့တာပါ။ ကားက တိုတော့ ရန်ကုန်မြို့ရဲ့ လမ်းတွေပေါ်မှာ ဟိုကြားဝင် ဒီကြားထွက်နဲ့ ကြမ်းကြမ်းတမ်းတမ်း မောင်းလို့ ရန်ကုန်မြို့ခံတွေ အကြား နာမည်ဆိုးနဲ့ ကျော်ကြားလျက်ရှိပါတယ်။

မဆင်မခြင် မောင်းလွန်းလို့လည်း အခြားသော ဘတ်စ်ကားတွေထက် မှောက်တာ၊ တိုက်တာတွေ ပိုများတာ အားလုံး သိရှိကြပါတယ်။ ရန်ကုန်မြို့တွင်းနဲ့ ကျောက်မြောင်း တာမွေ ပြေးဆွဲတဲ့ ၁၀၅ လိုင်းဆို တက်စီတွေ၊ ကိုယ်ပိုင်ကားတွေက ကြောက်လွန်းလို့ အမြဲ အလျှော့ပေးကြရပါတယ်။ ပြီးခဲ့တဲ့ သီတင်းပတ် အတွင်းမှာ ဗိုလ်ချုပ်လမ်း၊ မဟာဗန္ဓုလလမ်းဆုံ တွေမှာ ဒိုင်နာဘတ်စ်ကား မှောက်တာ ၂ကြိမ် ဖြစ်ပွားခဲ့ပါသေးတယ်။ စီးနင်းလာတဲ့ ခရီးသည်တွေ ဒဏ်ရာရကုန်ကြ၊ ဒိုင်နာနဲ့ တိုက်မိတဲ့ ကိုယ်ပိုင်ကားပေါ်ကလည်း ဒဏ်ရာရ ကားကပျက်စီးတာမျိုး အဖြစ်နဲ့ ကြုံကြရပါတယ်။

ဒိုင်နာကားတွေ ကို ခရီးသည်တင် ယာဉ်အဖြစ်ပြေးဆွဲခွင့် ရုပ်သိမ်းမယ် ၊ အခြားဘတ်စ်ကား တွေနဲ့ အစားထိုးမယ်လို့ ဂျာနယ်တွေက မကြာမကြာ ရေးသားဖေါ်ပြတာ ဖတ်ရှုခဲ့ရပေမယ့် ယခုအချိန်ထိ ဘာမှ အကောင်အထည် မပေါ်သေးပါဘူး။

ဒိုင်နာကားတွေကို အစိုးရက ဘာလို့ ပြေးဆွဲခွင့် ပြုထားသလဲဆိုတဲ့ အကြောင်းတချက်ကတော့ လူထု အုံကြွမှု၊ ဆန္ဒပြမှုတွေကို အရပ်ဝတ် အကြမ်းဖက် အင်အားနဲ့ နှိမ်နှင်းရာမှာ ခရီးသည်တင် ဒိုင်နာကားတွေက အသုံးတည့်တဲ့ အချက်ပါ။

လောင်စာဆီ ဈေးတက်လို့ လမ်းလျှောက် ဆန္ဒပြခဲ့တဲ့ ၂၀၀၇ ခုနှစ် သြဂုတ်လတွေ ကတည်းက အရပ်ဝတ် ကြံ့ဖွံ့ စွမ်းအားရှင်တွေကို ရဲ၊ စရဖက ဦးစီးပြီး ဒိုင်နာကားနဲ့ နှိမ်နှင်းလာခဲ့တာဟာ အခုချိန်ထိပဲ ဖြစ်ပါတယ်။ ထူးခြားတဲ့ အဖြစ်အပျက်တွေ မရှိတဲ့နေ့လိုမျိုးမှာတောင် ဒိုင်နာလိုင်းတွေထဲက ကားတစ်စီးစ နှစ်စီးစကို ချောဆွဲထားပြီး ရန်ကုန်မြို့တော်ခန်းမထဲမှာ အဆင့်သင့် စောင့်ခိုင်း ထားလေ့ရှိပါတယ်။

အရပ်သား လူမိုက်တွေကို ငှားရမ်းပြီး အရပ်ဝတ် လုံခြုံရေးတွေ ဦးစီးတဲ့ လူထုလှုပ်ရှားမှု နှိမ်နှင်းရေး စီမံချက်မှာ ဒိုင်နာကားတွေဟာ အသုံးတည့်နေတာကြောင့် ဒိုင်နာလိုင်းကားတွေကို ရန်ကုန်မြို့လမ်းများပေါ်က မဖယ်ရှားတာလို့ အချို့က နားလည်လျက်ရှိပါတယ်။

photo - MoeMaKa

ရန်ကုန်လမ်းမများ ရေမလျှံရေး ကြိုးပမ်းနေ
မိုးဦးဝင်စ မိုးကြီးကြီး ရွာလိုက်တာနဲ့ ရန်ကုန်မြို့ရဲ့ လမ်းမများ ချောင်းဖြစ်သွားတဲ့ အဖြစ်အပျက်နဲ့ ပတ်သက်ပြီး ဂျာနယ် မီဒီယာများက မြို့တော်ဝန်ကို မေးမြန်းတဲ့အခါ `မိုးကြီးရင် ရန်ကုန်မြို့ရေလျှံတာ အဆန်းမဟုတ်ဘူး´ ဆိုတဲ့ အပြောကြောင့် အထက်က လူကြီးဆိုသူက မြို့တော်ဝန်ကို ဒီလိုမျိုး ပြောရသလားလို့ ဆူခဲ့တယ်ဆိုတဲ့ သတင်း ထွက်ပေါ်ခဲ့ပါတယ်။ ရန်ကုန် မြို့တော်ဝန်လည်း ဒီလို အပြောခံရတာကြောင့် ရန်ကုန်မြို့ရဲ့ ရေထုတ်တဲ့ စနစ်ကို ပြုပြင်ဖို့ ကြိုးစားနေတဲ့ လက္ခဏာတွေ တွေ့မြင်လာရပါတယ်။

အဆိုပါ သတင်းထွက်ပေါ်ပြီး ရက်ပိုင်းအတွင်းမှာပဲ ရန်ကုန်မြို့ထဲက မြောင်းတွေထဲက အမှိုက်ကို ယခင်ထက်ပိုပြီး ဆယ်တာ၊ ကားလမ်းဖြတ်နေတဲ့ ရေမြောင်းတွေကို ပွင့်အောင် လုပ်ဆောင်တာ၊ ရေမြုပ်တဲ့ လမ်းမကြီးပေါ်က ရေတွေကို ရေစုပ်စက်နဲ့ အခြား ဘလောက်ဖက်က မြောင်းတွေဆီသို့ စုပ်ထုတ်တာတွေ လုပ်ဆောင်လျက်ရှိနေပါတယ်။ လမ်းဆုံတွေ လမ်းထောင့်တွေမှာ ကူဘိုတာ ရေစုပ်စက်တွေ ထိုင်ပြီး၊ ၄လက်မ၊ ၆လက်မ ပိုက်တွေကို တပ်ဆင်ထားပါတယ် ၊ အဲဒီနောက်မှာ ရေစုပ်စက်ကို အထိုင်ချထားဖို့ အကာအကွယ်ကိုပါ အုတ်နဲ့ ဆောက်လုပ်နေပါတယ်။

ယခုလို တခါမှ လုပ်ဆောင်တာ မတွေ့ဘူးတာကြောင့်လည်း ရန်ကုန်မြို့ခံတွေက အံ့သြနေကြပါတယ်။ ရန်ကုန်မြို့ရဲ့ အမှိုက်သိမ်းစနစ်မှာလည်း ပျက်စီးသလောက် ဖြစ်နေပြီ။ အမှိုက်ကားတွေလည်း လမ်းတွေထဲ မလာတော့၊ လမ်းတွေမှာ အမှိုက်ပစ်စရာ ပုံးတွေ ထားရှိတာလည်း မရှိတော့၊ လူနေအိမ် အမှိုက်မှ အစ စီးပွားရေး အမှိုက်တွေအထိ လမ်းပေါ်မှာ နောက်ဖေးလမ်းကြားမှာ စွန့်ပစ်လာကြ၊ အဲဒီ အမှိုက်က မိုးရွာတဲ့အခါ မြောင်းတွေကို ပိတ်ဆို့စေတာ စတဲ့ အကျိုးဆက်တွေကို ယခုကြိုးပမ်းမှုက ဖြတ်ပစ် နိုင်မလားဆိုတာ ကတော့ မေးခွန်းထုတ်စရာ ရှိပါတယ်။

ပြဿနာရဲ့ အရင်းအမြစ်လို့ ဆိုတဲ့ အမှိုက်ကိစ္စကို မကိုင်တွယ်နိုင်ရင်တော့ အင်္ဂလိပ်ခေတ်ကတည်းက ဆောက်လုပ်ခဲ့တဲ့ ရေနှုတ်မြောင်းတွေလည်း ရွာချတဲ့မိုးရေကို မြန်မြန်ဆန်ဆန် လျော့ပါးအောင် စွမ်းဆောင်နိုင်လိမ့်မယ် မထင်ဘူးလို့ ပြောဆို ဝေဖန်တာလည်း ကြားနေရပါတယ်။

မီဒီယာက ရေးသားတဲ့ အတွက်ကြောင့် တခါတရံမှာတော့ သက်ဆိုင်တဲ့ တာဝန်ရှိသူတွေ မလုပ်မဖြစ် လုပ်လာရတာတွေ ရှိလို့ လွပ်လပ်မှု မရှိတဲ့ မီဒီယာဖြစ်ပေမယ့်လည်း အကျိုးသက်ရောက်မှုတော့ အထိုက်အလျောက်ရှိ နေသေးတယ်လို့လည်း စာဖတ်သူ တချို့က ဝေဖန်ကြပါတယ်။

Photo - Interntet

ကြားလား … ကြားလား … ရန်ကုန်မှာ ဂျီအက်စ်အမ် ၈ သောင်း ရောင်းပြန်ဦးမည်
ရန်ကုန်မှာ မိုဘိုင်းဖုန်းကိုင်တဲ့သူတွေ ဖုန်းဆက်ရင် ပထမဆုံး တဖက်နဲ့ တဖက် မေးတဲ့စကားကတော့

`ဟယ်လို ဟယ်လို´ မဟုတ်ပါဘူး၊ `ကြားလား ကြားလား´ ဆိုတာပါ။

ဘာလို့လဲ ဆိုတော့ အသုံးများဆုံး ဂျီအက်စ်အမ်လိုင်း တွေကလည်း စွမ်းဆောင်ရည်ကျ၊ ကမ်းရိုးတမ်းဖုန်း ဆိုတာလည်း လိုင်းဆွဲအား မကောင်း၊ ဆယ်လူလာလည်း အရင်လို မဟုတ်တော့တာတွေ ကြောင့်ပါပဲ။

နိုင်ငံခြားသားတွေလည်း မြန်မာနိုင်ငံရောက်ပြီးရင် ဖုန်းပြောရင်း ပထမဆုံး တတ်ကျွမ်းတဲ့ မြန်မာစကားကလည်း `ကြားလား´ ဆိုတာပဲ ဖြစ်ပါတယ်။ ရန်ကုန်မြို့က မိုဘိုင်း ဖုန်းသုံးသူတွေဟာ ဖုန်းလာရင် ၀ရန်တာ ပြေးထွက်တဲ့သူ ပြေးထွက်၊ မြေညီထပ်ဆို ပလက်ဖောင်းပေါ် ထွက်ပြီး ကြားလား၊ ကြားလားနဲ့ မေးရင်းနဲ့ ကြားပြီဆို အဲဒီလို အနေအထားကနေ မရွှေ့ကြတော့ဘဲ ငြိမ်ငြိမ်လေးနေပြီး ပြောကြရပါတယ်။ အဲလိုမဟုတ်ပဲ ကိုယ်ကိုလှည့်လိုက်ရင် ဒိုင်းမင်းရှင်း ပြောင်းသွားပြီး အသံက မသဲကွဲတော့ပါဘူး။

ပြီးခဲ့တဲ့ အပတ်အတွင်း သတင်းတွေထဲမှာ ယခုနှစ် မကုန်မီမှာ ရန်ကုန်မြို့မှာ ဂျီအက်စ်အမ် လိုင်း ၈ သောင်း ရောင်းဖို့ လုပ်ဆောင်နေတယ် လို့ ဖေါ်ပြထားကြပါတယ်။ ယခုလောက် စွမ်းဆောင်ရည်ကျနေတဲ့ ကွန်ရက်ကို လိုင်း ၈ သောင်း ထပ်တိုး ဦးမယ်ဆိုတော့ လိုင်းတွေ ပိုဆိုးလာမလား လို့ မှန်းဆနေကြပါတယ်။

ဒါပေမယ့် မြန်မာ့ ဆက်သွယ်ရေးက တာဝန်ရှိသူတွေ အပြောအရတော့ အခြေစိုက် လွှင့်စက် ၈ ခု ထပ်မံ တပ်ဆင်မယ်။ ရေဒီယို စခန်း ၃၃ ခု အသစ် တပ်ဆင်မယ် လို့ ဆိုပါတယ်။ အခုလက်ရှိ ကွန်ရက်က လိုင်း ၁သိန်း ၇ သောင်းစာသာ စွမ်းဆောင်နိုင်ရည်ရှိပြီး တကယ်သုံးနေတာက လိုင်းပေါင်း ၂ သိန်း ရှိတယ် လို့လည်း ၀န်ခံ ပြောဆိုသွားပါတယ်။

မြန်မာပြည်မှာ အားနည်းချက်တခုရှိခဲ့ရင် အဲဒီအချက်ကို မပြင်ဆင်ခင် ဘယ်သောအခါမှ ထုတ်ဖေါ်ဝန်ခံလေ့မရှိဘဲ ပြင်ဆင်ပြီဆိုမှ ၀န်ခံလေ့ရှိပါတယ်။

ယခုလည်း ကမ္ဘာမှာ ဈေးအကြီးဆုံး မိုဘိုင်းဖုန်းကို ကိုင်ဆောင် သုံးစွဲနေရသူတွေဟာ မနိုင်ဝန်နဲ့ လုပ်ဆောင်နေရတဲ့ ကွန်ရက်ကြောင့် "ကြားလား၊ ကြားလား" ဆိုတာနဲ့ စခန်းသွားနေကြရ ဆဲပဲ ဖြစ်ပါတယ်။