ရှာဖွေရေး ...

Loading...
Burmese Community News and Media Station –
PO Box 825, Yangon General Post Office, Yangon, Myanmar
PO Box 320-207, San Francisco, CA 94132-0207, USA –
send email to editors @ moemaka.net ((510) 854-6501)

Burmese Journal Digest - March 31, 2009

ပြည်တွင်းက ဖတ်မိသမျှ ဂျာနယ် အပိုင်းအစ

ဂျာနယ်ဂြိုလ် သာဂိ

မတ် ၃၁၊ ၂၀၀၉

ကျိုက်ထီးရိုးက ဂမုန်းများ တရုတ်က အ၀ယ်လိုက်။ စာရေး ဆရာ၊ ဗိန္ဒော ဆောင်းပါးရှင် သာဂဒိုး ဇနီးသည် ဒေါ်တင်တင်အေး (၇၈ နှစ်) ကွယ်လွန်။ လျှပ်စစ်မီး အလှည့်ကျ ပေးဝေခြင်း မပြောင်းလဲသေး။ သတင်းစာ ဆရာကြီး ဦးခင်မောင်လေး၊ ဖိုးသောကြာ (ခေတ်+မိုး) ကိုယ်ရေးအကျဉ်း။ ရွှေတိဂုံ စေတီတော် ရွှေသင်္ကန်း ကပ်လှူမှု မတ်လကုန်တွင် ပြီးစီ်းမည်။ မရမ်းတလင်း တောတွင် လူအရိုးစုများ တွေ့။ မန္တလေး အထွေထွေ ရောဂါကု ဆေးရုံ အလှူရှင်များ အလှူဖြင့် ၅ ထပ် အဆောင်သစ်ဖွင့်။ ရန်ကုန် ၂၇ မြို့နယ်က အသံနဲ့ အနံ့ရှိ လုပ်ငန်းများ မြို့ပြင် ရွေ့ရမည်။ အင်္ဂလိပ်က မြန်မာပြန်ဆိုနိုင်မည့် အခမဲ့ ဆော့ဝဲ ရနိုင်ပြီ။ ဒီဇယ်ဆီဈေး တပီပါ ၁ သိန်း၊ တဂါလံ ၃၀၀၀ ပေါက်လာပြီ။ ဟောဒီမှာ ဖတ်ပါ့ …။

Burmese Internet Slowdown until April 3rd 2009

အင်တာနက်ဆက်သွယ်မှုများ ဧပြီ ၃ ရက်အထိ ဆက်လက်နှေးကွေးမည်

ဝင်းမြတ်

မတ် ၃၁၊ ၂၀၀၉

ရန်ကုန်၊ မတ် ၃၁ - အင်တာဆက်သွယ်မှုများ ဧပြီ ၃ ရက်နေ့အထိ ဆက်လက် နှေးကွေးနေမည်ဖြစ်သည်ဟု မတ် ၃၁ ရက်နေ့တွင် မြန်မာတယ်လီပို့မှ ထပ်မံကြေငြာလိုက်သည်။ ပင်လယ်ရေအောက်မှ ဆက်သွယ်ထားသော အင်တာနက်ဆက်ကြောင်းအား မတ်၂၁ ရက်နေ့မှ စတင်ပြုပြင်ခဲ့ပြီး မတ်၂၅ နေ့အထိ အင်တာနက်လိုင်းများ နှေးကွေးနေမည်ဟု ကနဦး သတင်းထုတ်ပြန်ခဲ့သည်။ ဧပြီ ၁ ရက်နေ့အထိ နှေးကွေးမည်ဟု ထပ်မံ ကြေငြာခဲ့ပြီးနောက် ယခုအခါ ဧပြီ ၃ရက်အထိ ကြာမြင့်မည်ဟု တိုးမြှင့်ကြေငြာ ခဲ့ရခြင်းဖြစ်သည်။


“ပထမက ၂၅ ရက်နေ့အထိ နှေးမယ်ဆိုပြီး ၁ ရက်နေ့ ဖြစ်သွားတယ်။ အခုလည်း ၃ရက် နေ့လုပ်ပြန်ပြီ။ အဲဒီနေ့ကျရင်ရော တကယ် ရ မရ မသေချာပါဘူး” ဟု ပုဇွန်တောင်မြို့နယ်အတွင်းမှ အင်တာနက်ကဖေးဆိုင် ဖွင့်ထားသူတစ်ဦးက ပြောသည်။


အင်တာနက် ဆက်သွယ်မှုလိုင်းများ နှေးကွေးခြင်းနှင့် လျှပ်စစ်မီး ပုံမှန် မရရှိခြင်းတို့ကြောင့် အင်တာနက်ကဖေး ဖွင့်လှစ် လုပ်ကိုင်သူများနှင့် အင်တာနက် အသုံးပြုသူများ အဆင်မပြေဖြစ်ကြရသည်။


“မေးလ်ပွင့်လာဖို့ကို တော်တော်ကြာတယ်။ တစ်ချို့ဆိုင်တွေဆိုရင် မေးလ်တောင် ဖွင့်လို့မရဘူး။ ရပြန်တော့လည်း ဒေါင်းလုပ် လုပ်နေတုန်း မီးပျက်သွားလို့ အကုန်လုံး ပျောက်ကုန်ရော” ဟု ဗိုလ်တထောင်မြို့နယ်မှ အင်တာနက်အသုံးပြုသူ
တစ်ဦးကပြောသည်။


ထိုသို့သော အခြေအနေမျိုးတွင် မိမိ၏မေးလ်ကို မိမိဘာသာ လော့ဂ်အောက် မလုပ်နိုင်ခြင်းကြောင့် ပတ်စ်ဝဒ် အခိုးခံရခြင်း၊ ပတ်စ်ဝဒ်ပြောင်းလဲ ခံရပြီး မေးလ်အကောင့် ဆုံးရှုံးခြင်းများလည်း ရှိနေသည်ဟု သုံးစွဲသူများက ပြောဆိုသည်။


မိမိ၏ မေးလ်လိပ်စာ လုံခြုံရေးမှာ အင်တာနက်ဆိုင်များမှ ၀န်ထမ်းများ၏ ယုံကြည်စိတ်ချရမှု အပေါ်တွင်မူတည် နေသည့်သဘော ဖြစ်သည်ဟု သုံးစွဲသူ တဦးကကောက်ချက်ချ ပြောဆိုသည်။ ထိုသုံးစွဲသူကပင် ကွန်နက်ရှင် နှေးခြင်းကြောင့် ပုံမှန် လော့ဂ်အောက် မလုပ်နိုင်ခဲ့လျင် ကွန်ပျူတာ၏ ပါဝါကို ပိတ်ချလိုက်သည်လည်း မိမိပတ်စ်ဝဒ်ကို ကာကွယ်သည့် နည်းတခု
ဖြစ်သည်ဟဆိုသည်။


မြန်မာစစ်အစိုးရသည် ဖရီးအီးမေးလ်များအပါအ၀င် ၄င်းတို့မကြည့်စေလိုသော ၀က်ဆိုက်များစွာ ပိတ်ထားခဲ့ပြီး အင်တာနက် ဆက်သွယ်မှု လိုင်းများပြုပြင်နေသည့် ယခုအချိန်တွင် အခြားဝက်ဆိုက်အချို့အား ထပ်မံ ပိတ်လိုက်သည်ဟု အင်တာနက် အသုံးပြုသူများကပြောသည်။


စစ်အစိုးရသည် အင်တာနက် အကောင့်များရောင်းချသည့် ငွေဖြင့် စစ်တပ်ကို ထောက်ပံ့နိုင်ခြင်း၊ စစ်ဗိုလ်ချုပ်များ၏ သားသမီးများ ကိုယ်တိုင် အိုင်တီနယ်ပယ်တွင် ကုမ္ပဏီထောင်ကာ စီးပွားရေး လုပ်ကိုင်နေကြခြင်းကြောင့် အင်တာနက်ဆက်သွယ်ရေးကို ခွင့်ပြုထားရသော်လည်း အခြားတဘက်တွင် အင်တာနက်သည် မြန်မာပြည်တွင်းမှ သတင်း အချက်အလက်များကို ကမ္ဘာတ၀ှမ်းသို့ ထွက်ရှိရာ လမ်းကြောင်း တခုဖြစ်နေခြင်းကြောင့် အစဉ်အမြဲ ဆက်သွယ်ရေးကို နှေးကွေးစေခြင်း၊ ယာယီဖြတ်တောက်ခြင်းတို့ ပြုလုပ်လျက်ရှိသည်ကို တွေ့ရသည်။


မတ် ၂၁ ရက်နေ့မှစတင်ကာ ပင်လယ်ရေအောက် အင်တာနက်ဆက်ကြောင်း SEA-ME-WE3 ကို စတင်ပြုပြင်သည်ဟု မြန်မာတယ်လီပို့မှ ကြေငြာခဲ့သည်။

Electricity in Rangoon with quota - 5 hours a week atleast, residence said


ရန်ကုန်မြို့တွင်း မီးပေးဝေမှုကို စကြ်ာပုံဇယားကွက်ဖြင့် တွက်ချက်နိုင်ပြီ

မြို့သူ မြို့သားတို့ မျက်စိလည်သော်လည်း အနည်းဆုံး တပတ်လျင် မီး ၅ နာရီရ ဟုဆို

မိုးမခ အထောက်တော် (ရန်ကုန်)

မတ် ၃၁၊ ၂၀၀၉

ရန်ကုန်မြိ့တော်အား လျှပ်စစ်ပေးဝေမှုကို ဇုန် ၄ ဇုန်ခွဲခြားပြီး ပေးဝေနေကြောင်း ခွဲတမ်းအချိန်စာရင်းကို ၂၄ ပစ္စည်းရှင်းသည့် စကြာပုံသဏ္ဍာန်ဇယားကွက်နှင့် ရှင်းလင်းထားကြောင်း ပြည်တွင်းဂျာနယ်များတွင် ထုတ်ပြန်ထားသည်ကို တွေ့ရသည်။


မြို့ပြင်ရပ်ကွက်များကို က၊ ခ၊ H ဟူ၍၎င်း၊ မြို့တွင်းရပ်ကွက်များကို A,B,C,H အုပ်စုများဖြင့်၎င်း ခွဲခြားထားပြီး နေ့များခွဲကာ မီးများ ဖြန့်ဝေပေးနေသည်ဟု ဆိုသည်။ မီးရသည့်အချိန်မှာ ညနေ ၅ နာရီမှ ည ၁၁ နာရီ သို့မဟုတ်က ည ၁၁ နာရီမှ မနက် ၅ နာရီအထိ အလှည့်ကျ ရမည်ဟု ဆိုသည်။ စက်မှုဇုံများမှာ မနက် ၇ နာရီက နေ့ခင်း ၁၂ နာရီ။ သို့မဟုတ် နေ့ခင်း ၁၂ နာရီမှ ညနေ ၅ နာရီအထိ အလှည့်ကျ ခွဲဝေပေးနေသည်ဟု ဖော်ပြထားသည်။ အရေးကြီးသော ရုံး၊ ဌာန၊ သံရုံး၊ ဆေးရုံ၊ ကျောင်း၊ တပ်၊ ထောင်၊ ဆိပ်များကို ၂၄ နာရီ ပေးနေကြောင်း ထုတ်ပြန်သည်။


“သူတို့တွေက ပြက္ခဒိန်တွေ၊ ဇယားကွက်တွေ၊ အရောင်တွေ၊ စက်ဝိုင်းလှည့်တာတွေနဲ့ ဘယ်လိုပြောပြော၊ မီးဆိုတာ သူလာချင်တဲ့အချိန် လာတာပါဗျာ။ တပတ်ကို ၅ နာရီလောက်တော့ လာပါတယ်။ အနည်းဆုံးပေါ့။ ဗေဒင်မေးရင်လည်း လွဲမှာပဲ။ မီးမရှိလည်း နေရတာပဲ။ ရုံးတွေမှာလည်း မီးမရှိဘဲနဲ့ အလုပ်လုပ်နေရတာပါပဲ။ မီးလာတဲ့အတိုင်းသာ ၀န်ထမ်းလစာပေးမယ်ဆိုရင် ကျနော်တို့ မွဲမှာပဲ။ အဲပြီးတော့ မီးလာတဲ့အတိုင်းသာ အစိုးရကို အမှတ်ပေးရမယ်ဆိုရင်တော့ ဒီအစိုးရဆိုတာ ပြုတ်နေတာ ကြာပြီ။ မီးမလိုဘဲ အစိုးရလုပ်နေနိုင်တာ ကမ္ဘာမှာ ဒီစစ်အစိုးရပဲ ရှိတယ် …”

ဟု မိုးမခစာဖတ်သူတဦးက သူ့စိတ်အနှောက်အယှက်ဖြစ်မှုများကို ပြောသွားသည်။

Quotes for March

မတ်လ စာကိုး စကားကိုး
မတ် ၃၁၊ ၂၀၀၉

“ - - ရေဒီယိုက လျှပ်စစ်မီး မလာလဲ ဖွင့်လို့ရတယ်။ အသံလွှင့်ဌာတွေလဲ တိုးလာတဲ့အတွက် အရင်ကထက် အရောင်းလိုက်လာတယ်။ နယ်ဘက်ကတော့ ဈေးသက်သာပြီး ဓာတ်ခဲအကြီး သုံးလို့ရတဲ့ ORCHID အမျိုးအစားကို ပိုဝယ်ကြတယ်။ ရန်ကုန်ဘက်က လိုင်း ပိုမိပြီး အရည်အသွေး ကောင်းတာကို ရွေးဝယ်ကြတယ်။ တန်ဖိုးကြီးတော့ လိုင်း ပိုမိတာပေါ့။ မန်မိုရီ မှတ်လို့ ရတဲ့ အမျိုးအစားကို ကြိုက်ကြတယ်။ အဓိကကတော့ လိုင်းတွေ အကုန်မိလား လို့ မေးကြတာ များတယ် - - ”
အရောင်းဝန်ထမ်းတဦး၊ စိန်ကောင်းစတိုး၊ ရန်ကုန်
FLOWER NEWS ဂျာနယ်၊ မတ် ၁၀

“ - - ယခုခေတ် ပါယန်နမ်ခမ်း သမီးပျိုလေးများသည် အိမ်ထောင်မှုနှင့် လက်မှုပညာ မတတ်တော့။ လွန်ခဲ့သော ၁၅ရာစုခန့်က ထွန်းကားလာခဲ့သော ပါယန်နမ်ခမ်းယဉ်ကျေးမှုသည် တဖြည်းဖြည်း ပျောက်ကွယ်ခါစပြုလာပါပြီ။ စကာင်္ပူနိုင်ငံက ပါယန်နမ်ခမ်း ယဉ်ကျေးမှုကို ထိန်းထိန်း သိမ်းသိမ်း ရှိသလောက် မလေးရှားနှင့် အင်ဒိုနီးရှားမှာတော့ လစ်လျူရှုခြင်း ခံနေရပါပြီလို့ သမိ်ုင်း ပညာရှင်တွေက သတိပေးနေကြပြီ။ တကယ်ရော ပါယန်နမ်ခမ်း ယဉ်ကျေးမှုက ဆိတ်သုဉ်းစ ပြုနေပြီလား ကျွန်တော် မသိ။ ကျွန်တော်သိသည်က ကျွန်တော်တို့ မြန်မာတွေနဲ့ ဓလေ့ထုံးစံခြင်း ဆင်တူသော ပါယန်နမ်ခမ်း ယဉ်ကျေးမှုကို မြတ်နိုးမိခြင်းသာ ဖြစ်ပါတော့သည် - - - ”
သက်ပိုင်သူ၊ ဘလော်ဂါ
thetpaingthu.com March 13, 2009
ပါယန်နမ်ခမ်း/ညွန်ညမိန်းမပျိုတစ်ဦး ငရုတ်သီးထောင်းနေပုံ (ဓာတ်ပုံ-Mediacorp)

“ - - - (ဗီဒီယိုလောက တခုလုံး) ကွာလတီ လျှော့နိုင်သမျှ လျှော့ပြီး အမြတ်ကို ရနိုင်သမျှ ယူတဲ့ခေတ် ဖြစ်သွားပါပြီ။ ပြောရရင် အညံ့ပြိုင်ကြတဲ့ ခေတ်ပါပဲ - - - ”
မိုက်တီး၊ ရုပ်ရှင် ဗီဒီယိုဒါရိုက်တာ
နံနက်ခင်းဂျာနယ်၊ မတ် ၁၁(ဓာတ်ပုံ - weekly eleven journal )

“ - - ကိုယ်ကစပြီး နှုတ်ဆက်လေ့ မရှိတာကြောင့် G-talk ကို ဒီအတိုင်းပဲ ဖွင့်ထားလိုက်တယ်။ ဘာအတွက်ကြောင့် ကိုယ်က စပြီး နှုတ်မဆက်ဖြစ်တာလဲ ဆိုတဲ့ အကြောင်းရင်းက တစ်ဖက်လူ အနေနဲ့ စာဖတ်နေတာလား၊ အလုပ်များနေတာလား၊ ကိုယ့်ထက် အရေးပါတဲ့လူနဲ့ စကားပြောနေတာလား ဆိုတဲ့ အားနာစိတ်၊ အလိုက်တသိ စိတ်လေးကြောင့် အွန်လိုင်းပေါ် တွေ့နေပေမယ့် နှုတ်မဆက်ဖြစ်တာကို နားလည်ပေးစေချင် ပါတယ် - - - ”
ဝင်းဇော်၊ ဘလော်ဂါ
winzaw-mdy.blogspot.com မတ် ၁၁

" - - - အချစ်ဆိုတာ အချစ်ပါပဲ။ ချစ်တယ်ဆိုတာ ချစ်နေတာပါပဲပေါ့နော် - - - "
ဝတ်မှုံရွှေရည်၊ မိုဒယ်ဂဲလ်
၂၄ နာရီ ၇ ရက် သတင်းဂျာနယ်၊ မတ် ၁၅

ဝတ်မှုံရွှေရည် (ဓာတ်ပုံ - planet.com.mm )

“ - - - သင်္ကြန်ကို မကြိုက်ဘူး။ ကြောက်ကို ကြောက်တာ။ လုံးဝကို ကားရေပက်ခံ မထွက်ရဲဘူး။ ဘာဖြစ်လို့လဲ ဆိုတော့ ရေမွန်းတဲ့ဒဏ်ကို လုံးဝ မခံနိုင်ဘူး။ ဒီနှစ်တော့ သီချင်းလည်း မဆိုဘဲ မဏ္ဍပ်တွေမှာပဲ အလွတ် လန်းမယ်ပေါ့ - - -”
န၀ရတ်၊ သရုပ်ဆောင်
ပေါ်ပြူလာဂျာနယ်၊ မတ် ၁၇န၀ရတ် (ဓာတ်ပုံ- ခွာနီး)

“ - - နံပါတ် တစ် က သူက (ဘိန်းစိုက် တောင်သူတွေက) ငတ်နေပြီဗျ နော်။ နံပါတ် နှစ် က သူတို့ ဘိန်းအစားထိုး ဆိုတာ မလာဘူးဗျ နော်၊ နံပါတ် သုံး သူတို့ စားဝတ်နေရေးအတွက် ကူညီမယ်ဆိုတဲ့ ကတိအတိုင်း နအဖဘက်ကရော၊ နောက်ပြီးတော့မှ ဒီ့ပြင် နိုင်ငံကြီးတွေကရော ကူညီမှုဟာ မလုံလောက်ဘူး။ လုံလောက်မှု မရှိဘူး။ ကျွန်တော်တို့ လိုတာက တဆယယ် လောက် ဆိုရင် ရတာက တစ် လောက်ပဲ ရှိတယ်တဲ့။ လောလောဆယ် ဆိုလို့ရှိရင် လူထုက ဘယ်လိုဖြစ်လဲ၊ သူတို့ ရွေးစရာလမ်းက နှစ်ခုပဲ ရှိတယ်။ တခုက ထိုင်းနိုင်ငံကို လာပြီးတော့မှ အလုပ်လုပ်ဖို့။ နောက်တခုကတော့ ဘိန်းစိုက်ဖို့ ဒါပဲ ရှိတော့တယ် - - - ”
ဦးခွန်ဆိုင်း၊ သျှမ်းသံတော်ဆင့် သတင်းဌာန အယ်ဒီတာ
RFA အသံလွှင့်ဌာန မတ် ၂၅
ဦးခွန်ဆိုင်း (ဓာတ်ပုံ - မိုးမခ)

“ - - စားသောက်ဆိုင်မှာ သီချင်းဆိုတာ အဆင့်မရှိဘူးလို့ ဘယ်တုန်းကမှလည်း မထင်ခဲ့ပါဘူး။ ပွဲငှားတဲ့သူရယ် ဆိုင်အနေအထားရယ်၊ ပရိသတ်လည်း ရှိတယ် ဆိုရင် ဘယ်နေရာမှာ မဆို ဆိုနိုင်ပါတယ်။ အနုပညာရှင်က ပရိသတ်ရှိရာ အရောက်သွားတဲ့ သဘောပါပဲ။ အဲဒီအတွက် တခုတ်တရကို ဆိုဖြစ်ပါတယ် - - - ”
ဖြူဖြူကျော်သိန်း၊ အဆိုတော်
နံနက်ခင်းဂျာနယ်၊ မတ် ၁၈
ဖြူဖြူကျော်သိန်း (ဓာတ်ပုံ - မြန်မာတိုင်းမ်စ်ဂျာနယ်)

“ - - လတ်တလောမှာ ဟောခန်းဖွင့်တယ်၊ စာရေးတယ်၊ ဂျာနယ်ကို တာဝန်ယူထားတယ်။ အယူတော် မင်္ဂလာခြံထဲမှာ ယတြာကိစ္စတွေ လုပ်ပေးနေပါတယ်။ ခြံတယ်ကို လာတဲ့လူ နည်းတယ် ဆိုတာ ဆရာရှိသလောက်တော့ မများတော့ဘူးပေါ့။ ဒါပေမယ့် လာကြပါတယ်။ စနေ၊ တနင်္ဂနွေ ဆိုရင် လူများတယ်။ - - - - မနောမယ ဂျာနယ်လား၊ စောင်ရေလည်း ပုံမှန်ပါပဲ။ တချို့ထင်တာက ဆရာ(မင်းသိင်္ခ) မရှိရင် စောင်ရေ ပြုတ်ကျပြီ လို့ ထင်ကြတာပါ။ ဒါပေမယ့် ပုံမှန်စောင်ရေ ရှိပါတယ်။ ဆရာရှိစဉ်က မျက်နှာဖုံးမှာ (နှစ်လုံးထီ သုံးလုံးထီ)ဂဏန်း ရှာပေးတယ် ဆိုတာလည်း မဟုတ်ပါဘူး။ ရှာချင်တဲ့လူက သူ့ဘာသာ ရှာကြတာပါ - - - ”
ဇင်ယော်နီ၊ ဗေဒင်ဆရာ၊ စာရေးဆရာ
နံနက်ခင်းဂျာနယ်၊ မတ် ၁၈
(ဓာတ်ပုံ - ဖတ်စရာဂျာနယ် )






Maung Tha Ya in Nevada underwent heart sugery


စာရေးဆရာ မောင်သာရ ဆေးရုံတွင် နှလုံးအကူစက် ခွဲစိတ်တပ်ဆင်ရ

မိုးမခ အထောက်တော် ၀၀၂

မတ် ၃၁၊ ၂၀၀၉

အမေရိကန်ပြည်၊ နဗားဒါးပြည်နယ်တွင် ရောက်ရှိနေသည့် စာရေးဆရာကြီး မောင်သာရ နှလုံးရောဂါအခြေအနေကြောင့် ၎င်းနေထိုင်ရာအရပ်ရှိ ဆောက်သ်သန်ဟီလ် (Southern Hill) ဆေးရုံတွင် တက်ရောက်ဆေးကုသမှု ခံယူနေရသည်ဟု ကြားသိရသည်။ နှလုံးအကူစက် (Peace Maker) ကို ခွဲစိတ်ပြီး တပ်ဆင်ထားရသည်ဟု ဆိုသည်။

ယခု အသက် ၈၀ နားနီးနေပြီဖြစ်သည့် မြန်မာပြည်၏ နံမည်ကျော် ဘ၀သရုပ်ဖော်စာရေးဆရာကြီးတဦးဖြစ်သူ မောင်သာရသည် ၁၉၉၉ တွင် ပြည်ပသို့ ထွက်ခွာလာခဲ့ပြီး အမေရိကန်ပြည်ထောင်စုတွင် ပြောင်းရွှေ့နေထိုင်ခဲ့သည်။ ၁၉၈၉ ခုနှစ်ကတည်းက ၎င်း၏ နိုင်ငံရေးယုံကြည်ချက်များကြောင့် စစ်အစိုးရက စာရေးသားခွင့်ကို ပိတ်ပင်ခဲ့သည်ဟု သူက ဘန်ကောက်ပို့စ် သြဂုတ် ၂၉၊ ၁၉၉၉ ထုတ်တွင် ထုတ်ဖော်ပြောဆိုခဲ့သည်။

မြန်မာပြည်တွင် ထိပ်တန်း အရောင်းရဆုံး ၀တ္ထုရေးဆရာအဖြစ် ၁၉၅၅ မှ ၁၉၈၉ ခုနှစ်အတွင်း လုံးချင်း ၇၀ နှင့် ၀တ္ထုတို အပုဒ် ၃၀၀ ကျော် ရေးသားခဲ့သည်။ ၁၉၇၀ တွင် မတ်တပ်ရပ်လို့ လမ်းမှာငို ၀တ္တုဖြင့် အမျိုးသားစာပေဆု ရခဲ့သည်။ သာရမဂ္ဂဇင်းတစောင်ကိုလည်း ၁၉၈၀ ခုနှစ်များအတွင်းက စီစဉ်ထုတ်ဝေခဲ့ရာ များစွာ အောင်မြင်ခဲ့သည်။ ယခုအခါ ပြည်ပ စာနယ်ဇင်းနှင့် ရေဒီယိုများတွင် အခါအားလျော်စွာ စာရေးသား ဟောပြောလျက်ရှိသည်။

Confiker shaking the World

ကွန်ပျူတာများကိုခြိမ်းခြောက်နေသည့် `ကွန်ဖစ်ကာ´(Conficker) ပိုး

တင့်လွင်

မတ် ၃၁၊ ၂၀၀၉

အရူးလုပ်ခံရမယ့် ဧပြီ တစ်

လာမယ့် ဧပြီလ ၁ရက်နေ့ (ဧပြီဖူးလ် April Fool) နေ့မှာ အင်တာနက်ပေါ်မှ တဆင့် ကမ္ဘာတ၀ှမ်းရှိ ကွန်ပျူတာများကို ကွန်ဖစ်ကာ ဗိုင်းရပ်စ်က ဒုက္ခပေးမယ်လို့ ကွန်ပျူတာ ဟက်ကာတွေက ရာဇသံပေး ထားပါတယ်။


ထိုရာဇသံကြောင့်ရော ပြီးခဲ့တဲ့ ရက်ပိုင်း၊ လပိုင်းတွေမှာ `ကွန်ဖစ်ကာ´ တိုက်ခိုက်ခံရပြီး ဘဏ်အကောင့်နံပါတ်နဲ့ အချက်အလက်တွေ ခိုးယူခံရပြီး ဘဏ်ထဲမှ ငွေဆုံးရှုံးမှုများ ရှိခဲ့တာကြောင့်ပါ စိုးရိမ်မှုတွေ ပိုမို တိုးပွားလာနေတာလည်း ဖြစ်ပါတယ်။


`ကွန်ဖစ်ကာ´ ဆိုတဲ့ ကွန်ပျူတာ ပိုး(worm) ဟာ ပြီးခဲ့တဲ့ ၂၀၀၈ ခုနှစ်အကုန် နိုဝင်ဘာလမှ စတင်ထွက်ပေါ်ခဲ့တာ ဖြစ်ပြီး ပထမဆုံး ပေါ်ထွက်ခဲ့တဲ့ `ကွန်ဖစ်ကာ´ A မှ ယခုဆိုလျင် `ကွန်ဖစ်ကာ´ D အထိ ရောက်ရှိနေပြီလို့ မိုက်ကရိုဆော့ဖ် ရဲ့ ၀က်ဆိုက်ထဲမှာ ဖေါ်ပြပါရှိပါတယ်။


`ကွန်ဖစ်ကာ´ ဆိုတဲ့နာမည်ဟာ ကွန်ပျူတာသုံးစကားလုံး Configure ကို အခြေခံပြီး တီထွင် အမည်ပေးထားတဲ့ စကားလုံးဖြစ်ပါတယ်။


`ကွန်ဖစ်ကာ´ ကဘာတွေဖြစ်နိုင်သလဲ။

`ကွန်ဖစ်ကာ´ လို့ခေါ်ဆိုတဲ့ ကွန်ပျူတာ ပိုးဟာ အင်တာနက်မှ တဆင့် မိမိကွန်ပျူတာထဲကို ကလစ် တချက်နှိပ်မှား မိရုံဖြင့် ၀င်ရောက်နိုင်ပြီး ၀င်ရောက်ပြီးနောက်မှာ မိမိကွန်ပျူတာထဲမှ အချက်အလက်များ၊ ဖိုင်များသာမက အရေးကြီးတဲ့ ပါ့စ်ဝဒ် (password) လိုမျိုးကို ခိုးယူပြီး ဘဏ်စာရင်းထဲမှ ငွေကြေးကိုလည်း ရွှေ့ပြောင်း ခိုးယူသွားနိုင်သလို၊ မိမိကွန်ပျူတာထဲသို့ သောင်းနဲ့ သိန်းနဲ့ချီတဲ့ ကြော်ငြာစာ (spam mail) တွေ အဆက်မပြတ် ၀င်ရောက်ပြီး အသုံးမပြုနိုင်လောက်အောင်လည်း ဒုက္ခပေးနိုင်ပါတယ်။


ပြီးခဲ့တဲ့ တနင်္ဂနွေနေ့ အမေရိကန် စီဘီအက်စ် ရုပ်သံရဲ့ `မိနစ် ၆၀´ သတင်းမှတ်တမ်း အစီအစဉ်မှာ `ကွန်ဖစ်ကာ´ အကြောင်းကို တင်ပြသွားပါသေးတယ်။ အဲဒီလို တင်ပြရာမှာ ဗိုင်းရပ်စ် လို့ခေါ်ခေါ် ကွန်ပျူတာ ပိုး(worm) လို့ခေါ်ခေါ် `ကွန်ဖစ်ကာ´ဟာ ထွက်ပေါ်ပြီး ၄၊ ၅လအကြာမှာ ကမ္ဘာတ၀ှမ်းမှ ကွန်ပျူတာ အလုံးပေါင်း ၁၀သန်းကျော် ကိုဒုက္ခပေးပြီး ဖြစ်တယ် လို့ဆိုပါတယ်။


ကလစ်တချက် အနှိပ်မှား ပြီးနောက်မှာ မိမိက အိပ်နေပေမယ့်လည်း အင်တာနက်နဲ့ ချိတ်ဆက်ထားတဲ့ ကွန်ပျူတာက မအိပ်ဘဲ ယူစရာရှိတာတွေကို မိမိ မသိအောင် ခိုးယူခြင်းခံနေရမှာ ဖြစ်တယ် လို့ဆိုပါတယ်။


နော်တန် အင်တီဗိုင်းရပ်စ်ကို ရေးသားထုတ်လုပ်တဲ့ Symantec ဆော့ဖ်ဝဲ ကုမ္ပဏီရဲ့ ဥက္ကဌ ဖြစ်သူက စီဘီအက်စ်သတင်းထောက်ကို ရှင်းပြရာမှာ နေ့စဉ် ၁သောင်းမှ ၁သောင်းခွဲမျှသော ကမ္ဘာ တ၀ှမ်းမှ ကွန်ပျူတာတွေဟာ `ကွန်ဖစ်ကာ´ရဲ့ ထိုးနှက် ဖျက်ဆီးမှုကိုခံနေရတယ်လို့ ဆိုပါတယ်။


Symantec ကုမ္ပဏီက မိနစ် ၆၀တိုင်းမှာ အန္တရာယ်ရှိတဲ့ ၀က်ဆိုက်လင့်ခ်ပေါင်း ၄သိန်းကို ပိတ်ဆို့ပေးနေရတယ် လို့လည်းဆိုပါတယ်။ သူတို့ကုမ္ပဏီအနေနဲ့ ၅မိနစ်မှာ တခါ ကွန်ပျူတာပိုးနဲ့ ပတ်သက်တဲ့ အပ်ပဒိတ် တွေကို တင်ပေးနေရတယ် လို့လည်း သိရပါတယ်။


အဆိုပါ စီဘီအက်စ် သတင်းမှတ်တမ်း အင်တာနက်ဆိုတဲ့ ကမ္ဘာ့ ဆက်သွယ်ရေး စနစ်ကြီး ကိုယ်တိုင် ယခု ဗိုင်းရပ်စ်ပိုးရဲ့ တိုက်ခိုက်ခံနေရတဲ့သဘောမျိုး သုံးနှုန်းပြောဆိုသွားပါတယ်။


အင်တာနက်ကို သုံးစွဲရာမှာ သတိကြီးစွာထားပြီး ဆောင်ရန်ရှေင်ရန်တွေကို လိုက်နာဖို့အရေးကြီးနေပြီး နို့မဟုတ်ရင် အင်တာကနက်မှ တဆင့် ငွေကြေးပေးချေတာ၊ ဈေးဝယ်တာ၊ ငွေလွှဲပြောင်းရာမှာ အချက်အလက် ခိုးယူခံရပြီး မမျှော်လင့်တဲ့ ဆုံးရှုံးမှုတွေနဲ့ ကြုံတွေ့ရမှာပါ။


ဆောင်ရန် ရှောင်ရန်

ယခုလောလောဆယ် မှာ `ကွန်ဖစ်ကာ´က ပစ်မှတ်ထား ဖြားယောင်းတဲ့ ၀က်ဆိုက်စာရင်းတွေထဲမှာ ဆိုရှယ် နက်ဝေါ့ကင်း ၀က်ဆိုက်များဖြစ်တဲ့ My Space, Facebook လို ၀က်ဆိုက်တွေက ထိပ်ဆုံးမှာ ရှိနေပါတယ်။ အဆိုပါ ဆိုရှယ် ၀က်ဆိုက်စာမျက်နှာပေါ်မှာပဲ မသင်္ကာစရာ လင့်ဆိုပါက ကလစ်မလုပ်မိဖို့ အလွန် အရေးကြီးပါတယ်။


ဥပမာအားဖြင့် facebook ၀က်ဆိုက် စာမျက်နှာပေါ်မှာ "haha check out the hilarious video" ဆိုတဲ့ လင့်ခ်ကို တွေ့ရလို့ အမှတ်တမဲ့ နှိပ်လိုက်ပြီးနောက်မှာ မိမိကွန်ပျူတာပေါ်မှ လုပ်ဆောင်ချက်တိုင်းကို ခိုးယူသူရဲ့ ကွန်ပျူတာမျက်နှာပြင်ပေါ်မှာ အားလုံး မြင်တွေ့နိုင်ပြီး လော့ဂ်အင်လုပ်တဲ့ အမည်၊ ၀ှက်စာကအစ၊ ဘဏ်စာရင်းနံပါတ်၊ ၀င်ရောက်တဲ့ ၀ှက်စာအားလုံးကို တဖက်က မှတ်တမ်းတင် သိမ်းယူထားလိုက်ပါတော့တယ်။


အဲဒီနောက်မှာ ဖြည်းဖြည်းချင်း ဘဏ်စာရင်းထဲမှ ငွေတွေကို ရွှေ့ပြောင်းတာတို့လိုမျိုး လုပ်ပါတော့တယ်။


သတိထားသင့်တဲ့အထဲမှာ ဆိုရှယ် ၀က်ဆိုက်တွေ အပြင် ဖိုင်ရှယ်ယာရင်း လုပ်ဆောင်တာ( P2P, Peer to Peer) တွေလည်း ပါဝင်ပါတယ်။


မိမိကွန်ပျူတာကို စိတ်ချရတဲ့ အင်တီဗိုင်းရပ်စ် ဆော့ဖ်ဝဲ တခုတင်ထားပြီး မှန်မှန်လည်း အပ်ပဒိတ် (update) လုပ်ဖို့လိုအပ်ပါတယ်။ ၀င်းဒိုးစ် စနစ်သုံးတယ်ဆိုရင် ဖိုင်းယားဝေါလ် လိုမျိုးလည်း ဖွင့်ထားသင့်ပြီး မိမိကြည့်နေကျ ၀က်ဆိုက်တွေ မဟုတ်တဲ့အခါ ဘရောက်ဆာတွေက စိတ်မချရတဲ့ ၀က်ဆိုက် ဆိုတဲ့ သတိပေးချက်မျိုးကိုလည်း သတိပြုကြည့်ရှုကာ ရှောင်ရှားသင့်တယ်လို့ ဆိုပါတယ်။


ကွန်ပျူတာ သူလျှို ခေတ်


ယခုလို `ကွန်ဖစ်ကာ´ ခြိမ်းခြောက်မှုကြီးထွားလာချိန်နဲ့ တပြိုင်နက်ထဲမှာပဲ တိဗက် နိုင်ငံရေးနဲ့ ဘာသာရေးခေါင်းဆောင် ဒလိုင်းလားမားရဲ့ ရုံးမှ ကွန်ပျူတာများမှ အချက်အလက် တရုတ်နိုင်ငံမှာ အခြေစိုက်တဲ့ အင်တာနက် ဟက်ကာများက ခိုးယူကြည့်ရှု နေမှုကို ထုတ်ဖေါ်လိုက်တဲ့ ဖြစ်ရပ်လည်း ဖြစ်ပွားခဲ့ပါတယ်။


ရုံးကွန်ပျူတာတွေထဲမှ အချက်အလက် ခိုးယူခံနေရတယ်လို့ မသင်္ကာမှုကို တိဗက်ဘာသာရေး ခေါင်းဆောင်ရဲ့ အကူအညီတောင်းမှုကြောင့် ကနေဒါ အခြေစိုက် အိုင်တီ ကျွမ်းကျင်သူအဖွဲ့က လွန်ခဲ့တဲ့ ၁၀လက စပြီးထောက်လှမ်းခဲ့ပါတယ်။


ပြီးခဲ့တဲ့ ရက်ပိုင်းမှာတော့ အဆိုပါ အချက်အလက် ခိုးယူမှုကို ဖေါ်ထုတ်နိုင်ခဲ့ပြီး ခိုးယူသူတွေဟာ တရုတ်နိုင်ငံမှာ အခြေစိုက်တာ ဖြစ်တာကို တွေ့ရှိရတယ်လို့ ကြေညာခဲ့ပြီး နိုင်ငံပေါင်း ၁၀၃နိုင်ငံရှိ နိုင်ငံခြားရေးရုံးများမှ ကွန်ပျူတာများ၊ သံရုံးကွန်ပျူတာ အလုံးရေ ၁ထောင်ကျော် ၀င်ရောက်ကြည့်ရှုခြင်း ခံရတယ်လို့ ဆိုပါတယ်။


အထက်က `ကွန်ဖစ်ကာ´ ပိုးတွေကို ရေးသား လုပ်ဆောင်နေတာဟာ ရုရှားနိုင်ငံမှလို့ ကွန်ပျူတာနက်ဝေ့ါခ် လုံခြုံရေး ကျွမ်းကျင်သူတွေက ဆိုကြပါတယ်။ အဆိုပါ ဟက်ကာတွေရဲ့ ဓာတ်ပုံတွေ၊ ဟက်ကာတွေက သူတို့ရဲ့ ၀န်ဆောင်မှုရောင်းချတဲ့ ကြော်ငြာတွေကို အင်တာနက်ပေါ်မှာ မြင်တွေ့နိုင်တယ်လို့လည်း ဆိုပါတယ်။ အချို့သော ဟက်ကာတွေဟာ အသက် ၁၄နှစ်အရွယ်မျှသာ ရှိသေးတယ်လို့လည်း ဆိုပါတယ်။


ကိုးကား(စီဘီအက်စ် မိနစ် ၆၀ အစီအစဉ်၊ ဘီဘီစီ ၀က်ဆိုက်၊ မိုက်ကရိုဆော့ဖ် ၀က်ဆိုက်)

Rohinja to vote in 2010 Election, the Question


၂၀၁၀ မှာ ရိုဟင်ဂျာ(သို့) ဘင်္ဂါလီတွေ မဲပေးခွင့်ရှိမှာလား

ဝင်းမြတ်

မတ် ၃၁၊ ၂၀၀၉

နာဇီရွာ ဈေး

နာဇီရွာဈေးရှေ့မှာ လဖက်ရည်သောက်ရင်း ခရီးသည် စောင့်နေတဲ့ ယာဉ်မောင်း မောင်ဖြူ(၄၅ နှစ်) က ခွက်ထဲကျန်နေတဲ့ လဖက်ရည်ကို အကုန်မော့သောက်လိုက်တယ်။

“အလုပ်ကအရင်ကလို မကောင်းတော့ မိသားစု စားဝတ်နေရေး ပြေလည်ဖို့ မနည်းရှာရတယ်” လို့ မြန်မာစကားကို လေသံ ၀ဲဝဲနဲ့ မျက်မှောင်ကျုံ့ပြီးပြောတယ်။

သူထိုင်နေတဲ့ လဖက်ရည်ဆိုင်ထဲမှာ ရှိနေတဲ့သူအများစုက ရခိုင်စကားနဲ့ ဘင်္ဂါလီစကားကိုသာ အများဆုံး ပြောဆိုကြသူတွေ ဖြစ်တယ်။ မြန်မာစကားကို အနည်းငယ်သာ ပြောဆိုနိုင်ကြတယ်။

သည်လဖက်ရည်ဆိုင်ရှိတဲ့ နာဇီကျေးရွာမှာ မွတ်စလင် ဘာသာဝင်တွေ အများစုနေထိုင်ပြီး စစ်တွေမြို့ရဲ့ အနောက်ဘက်မှာ တည်ရှိ ပါတယ်။

သည်ရွာလေးမှာ အိမ်ခြေစိတ်တယ်။ အိမ်အများစုက သေးသေးလေးတွေဖြစ်တယ်။ လမ်းတွေပေါ်မှာ ကစားနေတဲ့ ကလေးတွေကို ကြည့်လိုက် အခြားရပ်ကွက်တွေထက် ပိုများနေတာ ခန့်မှန်းနိုင်တယ်။

သူတို့ရွာလေးထဲကို နည်းနည်းလောက် ဆက်လျှောက်ကြည့်လိုက်တော့ သုံးပေx ငါးပေ အကျယ်လောက်ရှိတဲ့ အုတ်ရေကန်လေး ၀န်းကျင်မှာ ကလေး၊ လူကြီး လူငယ် အရွယ်မျိုးစုံ ရေရဖို့ သူ့ထက်ငါ စုပြုံ တိုးဝှေ့နေကြတာ တွေ့မြင်ရတယ်။

ရေခပ်နေတဲ့ အထဲက ခန့်မှန်း အသက်လေးဆယ် ၀န်းကျင်အရွယ် အမျိုးသားတစ်ဦး ထွက်လာပြီး သူတို့ရဲ့အခြေအနေ တွေကို ဘီဘီစီ အသံလွှင့်ဌာနကို ပြောပေးပါလို့ ပြောဆိုနေတယ်။ သူတို့ရွာမှာ ရေရှားပါးပြီး လျှပ်စစ်မီးလည်း ပုံမှန်မရရှိဘူးလို့ ဆိုတယ်။

ယာယီကတ်ပြားသာရှိ

ရိုဟင်ဂျာလို့ လူသိများတဲ့ မြန်မာအစိုးရက ဘင်္ဂါလီလူမျိုးတွေသာ ဖြစ်တယ်လို့ ခေါ်ဆိုတဲ့ သူတို့မှာ မြန်မာနိုင်ငံသား အသိ အမှတ်ပြုလက်မှတ် မရှိဘဲ နာမည်၊ နေရပ်နဲ့ လူမျိုး ကိုးကွယ်သည့်ဘာသာ စတာတွေရေးသားပါဝင်တဲ့ အဖြူရောင် ကတ်ပြား သာရှိပါတယ်။

မောင်ဖြူ က“ကျွန်တော့်မှာအရင်တုန်းကရှိတဲ့ ကတ်က မီးလောင်တုန်းကပါသွားတယ်။ မနှစ်က (၂၀၀၈) မေလ မတိုင်ခင် ကျွန်တော် တို့ကို အဖြူရောင်ကတ်ပြားထုတ်ပေးထားတယ်” လို့ ပြောပြတယ်။ ကတ်ပြားပေါ်မှာ လူမျိုးနဲ့ ကိုးကွယ်သည့်ဘာသာကို ဘင်္ဂါလီလူမျိုး မွတ်စလင်ဘာသာဝင် လို့ရေးသားထားတယ်လို့ ဆိုပါတယ်။

၎င်းကတ်ပြားနဲ့ပဲ ၂၀၀၈ခုနှစ်မေလက ပြုလုပ်ခဲ့တဲ့ အခြေခံဥပဒေ အတည်ပြုမဲပေးတဲ့ နေရာမှာ မဲပေးခဲ့တယ်လို့ သူက ဆက်ပြောတယ်။

မြန်မာ စစ်အစိုးရအနေနဲ့ ဘင်္ဂါလီလူမျိုး တွေကို နိုင်ငံသားအဖြစ် အသိအမှတ် မပြုဘဲ ယာယီနေထိုင်ခွင့် ကတ်ပြားနဲ့ အခြေခံ ဥပဒေ အတည်ပြု ထောက်ခံပွဲမှာ မဲထည့်ခွင့် ပေးခဲ့ခြင်းဟာ ယနေ့အချိန်မှာ ရိုဟင်ဂျာလို့ လူသိများတဲ့ ဘင်္ဂါလီတွေကို လိုရင်လိုသလို အသုံးချသလို ဖြစ်နေတယ်လို့ စစ်တွေမြို့က ရခိုင်အမျိုးသားတွေက ပြောကြတယ်။ ဒါကိုကြည့်ရင် နအဖ စစ်အစိုးရဟာ နိုင်ငံရေး အကျိုးအမြတ်အတွက် ရိုဟင်ဂျာတွေကို လိုတဲ့အခါ အသုံးချပြီး လှေစီးပြေး ဒုက္ခသည် အဖြစ်နဲ့ကမ္ဘာ့ အလယ်မှာ ပေါ်လာတဲ့အခါ ရေငုံနှုတ်ပိတ်နေတဲ့ သဘောထားကို တွေ့မြင်နိုင်ပါတယ်။

၁၉၉၀ ရွေးကောက်ပွဲ ပြုလုပ်ခဲ့စဉ်ကလည်း မောင်တောနဲ့ ဘူးသီတောင် မဲဆန္ဒနယ်မြေတွေမှာ ဘင်္ဂါလီ မွတ်စလင်ပါတီ တစ်ခုက NLD ပါတီနဲ့ တစည ပါတီတွေကို ကျော်လွန်ပြီး အမတ် လေးနေရာ ရရှိခဲ့ပါတယ်။

သည်လိုရရှိခြင်းဟာ အဲဒီဒေသတွေမှာ နေထိုင်သူအများစုဟာ ဘင်္ဂါလီ မွတ်စလင်တွေ ဖြစ်တာကြောင့်လို့ စစ်တွေမြို့မှာ နေထိုင်တဲ့ ရခိုင်အမျိုးသားကျောင်းဆရာအငြိမ်းစားတစ်ဦးကပြောတယ်။

မောင်တောမြို့လူဦးရေရဲ့ ၉၃ % ဟာ ဘင်္ဂါလီ မွတ်စလင်တွေဖြစ်ပြီး ကျန်တဲ့ရာခိုင်နှုန်းကသာ ရခိုင်နဲ့ အခြားတိုင်းရင်း သား တွေ ဖြစ်တယ်လို့ သိရတယ်။

ဦးနုအစိုးရနှင့် ရိုဟင်ဂျာအသံ

ဦးနုအစိုးရခေတ် (၁၉၅၆) တုန်းကလည်း ပါတီမဲရရေးအတွက် ရိုဟင်ဂျာလို့ လူသိများတဲ့ မြန်မာအစိုးရက ဘင်္ဂါလီလူမျိုး တွေသာဖြစ်တယ် လို့ ခေါ်ဆိုတဲ့ မောင်တော၊ ဘူးသီးတောင် တ၀ိုက်က မွတ်စလင်ဘာသာဝင် လူမျိုးတွေကို မဲဆွယ် စည်းရုံးတဲ့အနေနဲ့ ရိုဟင်ဂျာအသံ လို့ ခေါင်းစဉ်တပ်ပြီး ရေဒီယို အသံလွှင့် အစီအစဉ်တွေကို သုံးလခန့် ထုတ်လွှင့် ပေးခဲ့တယ် လို့သိရတယ်။

၁၉၅၆ ရွေးကောက်ပွဲမှာလည်း မဲထည့်ခွင့်ပေးခဲ့တယ်။ တိုင်းရင်းသားတွေ ရတဲ့အခွင့်အရေးတွေကို ပေးခဲ့ပေမယ့် နိုင်ငံသားအဖြစ်တော့ အသိအမှတ်မပြုခဲ့ပါဘူး။ ၄င်းလူမျိုးတွေထဲက သြဇာရှိပြီး ကြွယ်ဝချမ်းသာတဲ့ စူလတန်မာမွတ် ဆိုသူကိုလည်း ကျန်းမာရေးဝန်ကြီး ခန့်အပ်ခဲ့တယ်။

ရိုဟင်ဂျာလို့ လူသိများတဲ့ ဘင်္ဂါလီတွေကို မဲထည့်ခွင့် ပေးခြင်းအားဖြင့် ၄င်းတို့ကို နိုင်ငံသားအဖြစ် အသိအမှတ်ပြု ခံရရေးအတွက် မျှော်လင့်ချက် ပေးသလိုဖြစ်ပြီး တွန်းအားပေးသလို ဖြစ်တယ်လို့ ရခိုင်အမျိုးသားအချို့က သုံးသပ် ပါတယ်။

သမိုင်းများစွာ ရိုဟင်ဂျာ

၂၀၀၈ ခုနှစ်နှောင်းပိုင်းမှာ လှေစီးခရီးသည်တွေလို့ လူသိများလာတဲ့ မွတ်စလင်ဘာသာဝင် လူမျိုးတွေဟာ မြန်မာ နိုင်ငံကနေ လှေနဲ့ ပင်လယ်ပြင်ကိုဖြတ်ပြီး ပိုမို ကောင်းမွန်တဲ့ ဘ၀နဲ့ အလုပ်အကိုင်ရ ရှိရေးအတွက် ထွက်ခွာလာကြတာ ဖြစ်ပြီး ၄င်းတို့ဟာ မြန်မာနိုင်ငံမှာ နေထိုင်တဲ့ ရိုဟင်ဂျာလူမျိုးတွေသာ ဖြစ်တယ်လို့ ဆိုကြတယ်။

မြန်မာစစ်အစိုးရရဲ့ နိုင်ငံခြားရေးဝန်ကြီး ဦးဉာဏ်ဝင်းက မြန်မာနိုင်ငံမှာတရားဝင်ရှိတဲ့ တိုင်းရင်းသား ၁၃၅ မျိုးထဲမှာ ရိုဟင်ဂျာ လူမျိုးမပါရှိကြောင်း ပြန်လည်ပြောဆိုခဲ့တယ်။ တကယ်လို့ မြန်မာနိုင်ငံမှာ နေထိုင်ကြောင်း အထောက်အထား ခိုင်ခိုင် လုံလုံ ပြသနိုင်ရင် ပြန်လည်လက်ခံမယ်လို့လည်း ပြောဆိုခဲ့တယ်။

ရိုဟင်ဂျာလို့လူသိများတဲ့ မြန်မာစစ်အစိုးရက ဘင်္ဂါလီလူမျိုးတွေသာ ဖြစ်တယ်လို့ ပြောဆိုတဲ့ မွတ်စလင်ပညာတတ် အသိုင်းအ၀ိုင်းက ပညာရှင်တွေက ၁၆ ရာစုနဲ့ ၁၇ ရာစုကတည်းက ရိုဟင်ဂျာလူမျိုးတွေ မြန်မာနိုင်ငံမှာ အခြေချ နေထိုင်တာ ဖြစ်တယ်လို့ ဆိုကြတယ်။

၎င်းအချိန်က အာရပ်ကုန်သည်တွေက ရခိုင်ပြည်နယ်မြောက်ပိုင်းကို ရောက်ရှိလာပြီး တဖြည်းဖြည်း တိုးတက် များပြားလာခဲ့တာ ယနေ့အချိန်မှာ ရိုဟင်ဂျာလူမျိုး သုံးသန်းခန့် ရှိနေပြီလို့ ဆိုကြပါတယ်။

မြန်မာပြည်တွင်းမှာ ၁.၅ သန်းခန့်ရှိပြီး ပြည်ပ နိုင်ငံတွေ များသောအားဖြင့် ဘင်္ဂလားဒေ့ရှ်၊ ပါကစ္စတန်၊ ဆော်ဒီ အာရေဗျ၊ ယူအေအီး၊ ထိုင်း၊ မလေးရှားနဲ့ ဥရောပ၊ ဂျပန်နဲ့ သြစတေးလျ နိုင်ငံတွေမှာလည်း အနည်းငယ်စီ နေထိုင်ကြတယ် လို့ဆိုပါတယ်။

မောင်တော နဲ့စစ်တွေမြို့ခံ ရခိုင်အမျိုးသားအချို့က “ရိုဟင်ဂျာ”ဆိုတာ “ရွင့်ကြာ” ဆိုတဲ့ စကားကနေ ဆင်းသက် လာတာ ဖြစ်ပြီး ရခိုင်ဘက်ကမ်းမှာ အခြေချနေထိုင်တဲ့ သူတွေလို့ အဓိပ္ပာယ်ရတယ်လို့ ဆိုပါတယ်။ “ရွင့်မလုပ်” ဆိုတာရခိုင်ဒေသ ကိုခေါ်ဆိုတာဖြစ်ပြီး “ကြာ” ဆိုတာ “အရပ်ဒေသသား” လို့ ခေါ်ဆိုတာ ဖြစ်တယ်လို့ ဆိုကြပါတယ်။

ဥပမာ - “ရန်ကုန်သား”ဆိုရင် “ရန်ကုန်ကြာ”၊ “အညာသား” ဆိုရင် “အညာကြာ”။

ဗြိတိသျှခေတ်

၁၈၂၄ ခုနှစ်မှာ မြန်မာနိုင်ငံ အနောက်ပိုင်းကို ဗြိတိသျှတွေ သိမ်းပိုက်ပြီး အိန္ဒိယနိုင်ငံဘုရင်ခံချုပ်အောက်ကို သွင်းလိုက်တဲ့အခါ အိန္ဒိယနိုင်ငံနဲ့ မြန်မာနိုင်ငံဟာ အဆီးအတားမရှိ ၀င်ထွက် သွားလာခွင့် ရှိလာတယ်။

ရခိုင်ဒေသဟာ မြေဆီသြဇာ ကောင်းပြီး စပါးစိုက်ပျိုးတဲ့ဒေသဖြစ်တာကြောင့် ယနေ့ ဘင်္ဂလားဒေ့ရှ် နိုင်ငံတောင်ပိုင်း၊ အထူးသဖြင့် စစ်တကောင်းနယ် တောင်ပိုင်းမှာ နေထိုင်တဲ့ ဘင်္ဂါလီ လူမျိုးတွေကို လယ်ကူလီအဖြစ် စေခိုင်းဖို့ ဗြိတိသျှတွေက ခေါ်ဆောင်လာခဲ့တယ်။ အဲသည့်အချိန်က ဘင်္ဂလားဒေ့ရ်ှနိုင်ငံ မပေါ်ပေါက်သေးပါဘူး။

အဲသည့်အချိန် မတိုင်မီကလည်း ရခိုင်ဒေသကို ဘင်္ဂါလီလူမျိုးတွေ ၀င်ထွက်သွားလာရှိခဲ့တယ်။ အင်္ဂလိပ် အစိုးရခေတ်မှာ ရခိုင်ဒေသဟာ ဘင်္ဂါလီလူမျိုးတွေအတွက် အလုပ်အကိုင် ပေါများပြီး စားဝတ်နေရေး အဆင်ပြေတာကြောင့် အခြေချနေထိုင်လာခဲ့ကြတာဖြစ်တယ်လို့ ဆိုကြပါတယ်။

ဘင်္ဂလားဒေ့ရ်ှမှာ နေထိုင်တဲ့ ဘင်္ဂါလီလူမျိုးတွေက ရခိုင်ဘက်ကမ်းမှာ အလုပ်လုပ်ပြီး နေထိုင်တဲ့သူတွေကို ရခိုင်သား (ရွင့်ကြာ) လို့ခေါ်ဆိုတာကနေ အခုနောက်ပိုင်းမှာ ရိုဟင်ဂျာ ဖြစ်လာတယ်လို့ ရခိုင်အမျိုးသားအချို့ကပြောကြပါတယ်။

ဘင်္ဂါလီစကား နှင့် အင်္ဂလိပ်ဘာသာစကားကို ပိုင်နိုင်စွာ ပြောဆိုနိုင်တဲ့ စစ်တွေမြို့ခံ အသက် ၆၄ နှစ် ရှိ ရခိုင်အမျိုးသားတစ်ဦးက “ ၇၈ နဂါးမင်း စစ်ဆင်ရေး စတင်တဲ့အချိန်မှာ ရိုဟင်ဂျာ လူမျိုးဆိုတာ စပြီးပေါ်လာတာပဲ” လို့ သူ့အတွေ့အကြုံကို ပြောပါတယ်။

စစ်တွေမြို့မှ အသက် ၄၉ နှစ်အရွယ် ပန်းချီဆရာတစ်ဦးကလည်း “ရိုဟင်ဂျာဆိုတာ ကျွန်တော် ၇ တန်း ၈ တန်းရောက်မှ ကြားဖူးတာ။ သုံးလေးတန်းလောက်တုန်းကတော့ မူဂျာဟစ် သောင်းကျန်းသူတွေ ၀င်တိုက်တာ ကြားဖူးတယ်” လို့ ပြောပါတယ်။

မောင်တောမြို့ခံ အသက် ၆၀ ၀န်းကျင် မွတ်စလင်ဘာသာဝင် တစ်ဦးက“ သမိုင်းကြောင်းတွေကို ပြန်ကြည့်လိုက်ရင် ကျွန်တော်တို့ ဒီမှာရှိနေခဲ့တယ် ဆိုတာ ဘယ်သူမှ ငြင်းလို့ မရပါဘူး။ ရိုဟင်ဂျာနဲ့ ပတ်သက်တဲ့ သမိုင်း အထောက်အထား တွေဖတ်ကြည့်ရင်သိနိုင်ပါတယ်” လို့ ပြောတယ်။ တစ်ချို့စကားတွေကို သူက အင်္ဂလိပ် ဘာသာစကားနဲ့ ပိုင်ပိုင်နိုင်နိုင် ပြောတယ်။

“ဒါပေမယ့် အခုချိန်မှာ အများစုက စာမတတ်သူတွေ ဖြစ်နေ ကြတယ်” လို့သူက ဆက်ပြောတယ်။

မောင်တောမြို့ပေါ်က ဆိုက်ကားနင်းသူအများစုဟာ ဘင်္ဂါလီတွေပဲဖြစ်ပြီး တစ်ချို့က မြန်မာ စကားကို ကောင်းကောင်း နားမလည်တာ တွေ့ရတယ်။ ခက်ခဲကြမ်းတမ်းတဲ့ အလုပ်တွေကို လုပ်တဲ့သူ အများစုကလည်း သူတို့တွေပဲ ဆိုတာ တွေ့ရတယ်။

မောင်တောဒေသခံ ရခိုင်အများစုကလည်း ရခိုင်တွေဟာသည်ဒေသရဲ့ မူရင်းလူမျိုးဖြစ်တာကြောင့် ဘင်္ဂါလီ တွေထက် မြင့်မြတ်တယ်လို့ ခံယူထားကြတာတွေ့ရတယ်။ ရခိုင်တွေက သူတို့ကို ခိုင်းစေတဲ့အခါ ဘင်္ဂါလီ လို ပြောဆိုခိုင်းစေတာလည်း တွေ့ရတယ်။

အုပ်ချုပ်ခံနှင့် အုပ်ချုပ်သူ

စစ်တွေမြို့မှာနေထိုင်တဲ့ အသက် ၆၄ နှစ်ရှိ မောင်တော ဇာတိသား ရခိုင်အမျိုးသား တစ်ဦးက လက်ရှိ အခြေအနေကို အခုလိုသုံးသပ်ပါတယ်။

“ဦးနုခေတ်တုန်းကလည်း သူ့ပါတီ အာဏာရရေးအတွက် ဘင်္ဂါလီတွေကို အသုံးချခဲ့တာပဲ။ ထိပ်ပိုင်း အုပ်ချုပ်သူတွေကတော့ ရခိုင်ရော ကုလားရော အုပ်ချုပ်ခံတွေလို့ပဲ မြင်ပြီး အုပ်ချုပ်တာပါ။ ကုလားသုံးချက် ထိရင်တော့ ရခိုင်လည်း နှစ်ချက်တော့ ထိမှာပဲ။ နှစ်ကောင်စလုံးကတော့ မျောက်ပါပဲ”

ရန်ကုန်မြို့မှာ နေထိုင်တဲ့ မောင်တောဇာတိ ရခိုင်အမျိုးသား စီးပွားရေးလုပ်ငန်းရှင် တစ်ဦးကလည်း “တစ်ဦးနဲ့တစ်ဦး နားလည်မှုပေးပြီး တစ်ဦးရပ်တည်မှုကို တစ်ဦးက လေးစားနိုင်ရမယ်။ နိုင်ငံသားဖြစ်မှု မဖြစ်မှုက ပြဌာန်းထားတဲ့ ဥပဒေရှိတယ်။ ဒါကို ဖြေရှင်းဖို့က အစိုးရမှာ အဓိက တာဝန်ရှိပါတယ်” လို့ သူ့အမြင်ကို ပြောပါတယ်။

မောင်တောမြို့ခံ အသက် ၆၀ ၀န်းကျင် မွတ်စလင်ဘာသာဝင်တစ်ဦးကလည်း “ ရိုဟင်ဂျာလို့ပဲခေါ်ခေါ် ၊ ဘင်္ဂါလီ လို့ပဲခေါ်ခေါ် ဒါတွေက Terminology တွေပါပဲ။ အဓိက လိုအပ်နေတာက Status တစ်ခုရဖို့ပါပဲ” လို့ လက်ရှိ အနေအထားကို သုံးသပ်ပါတယ်။

လောလောဆယ်မှာတော့ ၂၀၁၀ ရွေးကောက်ပွဲမှာ နိုင်ငံသားအဖြစ် အသိမှတ်မခံရတဲ့ ဘင်္ဂါလီ မွတ်စလင်တွေ အနေနဲ့ မဲပေးခွင့်ရှိ မရှိဆိုတာ မသေချာသေးဘူးလို့ ဆိုကြပါတယ်။

“ကျွန်တော်တို့ကို မဲပေးဆိုရင်တော့ ပေးရမှာပေါ့။ မပေးရဘူးဆိုရင်လည်း မပေးရုံပေါ့” မောင်ဖြူက လေသံ ပျော့ပျော့နဲ့ ပြောတယ်။ “ကျွန်တော်တို့က ဘာတတ်နိုင်မှာလည်း” လို့ သူက ဆက်ပြောတယ်။

100th Anniversary of Maung Htin

နိုင်ငံရေးနဲ့ စာပေအနုပညာ (၂၉)
ရာပြည့် ခေတ်စမ်းစာဆို ဆရာမောင်ထင်
ထိန်လင်း

မတ် ၃၀၊ ၂၀၀၉

၂ဝဝ၉ ခုနှစ်ဟာ ကုလသမဂ္ဂ အတွင်းရေးမှူးချုပ်ဟောင်း ဦးသန့်နဲ့ စာဆိုကြီး ဆရာမင်းသုဝဏ်တို့ရဲ့ ရာပြည့်နှစ် ဖြစ်သလို ဘိုးသက်ရှည်လို့ ပြောရလောက်အောင် အသက် ၉၇ နှစ်အထိ နေထိုင်သွားတဲ့ ဆရာကြီး မောင်ထင်ရဲ့ ရာပြည့်နှစ်လည်းဖြစ်ပါတယ်။

“ယနေ့ခေတ် ပညာရေးသည် ဦးကြော့ ရေးသည့် စုံနံ့သာမြိုင် ရှာပုံတော်ကြီးမှ မင်းသမီး လင်ပျောက်ရှာနေသည်နှင့် တူသည်” လို့ အစချီပြီး ရေးသားခဲ့တဲ့ အိုးဝေမဂ္ဂဇင်း ထဲက ‘ကမောက်ကမ ပညာရေး’ ဆိုတဲ့ ဆောင်းပါးကို ဖတ်မိကတည်းက ဆရာမောင်ထင်ကို စွဲစွဲမြဲမြဲ မှတ်မိသွားပါတယ်။ ဆိုးဝါးတဲ့ ပညာရေးစနစ်ကို ဝေဖန်ရေးသားရဲတဲ့ စိတ်ဓာတ်နဲ့ ထိထိမိမိ ပေးထားတဲ့ ဥပမာကို သဘောကျသွားတဲ့အတွက် ‘မောင်ထင်’ ဆိုတဲ့အမည်ကို မှတ်သားမိသွားတာလည်း ဖြစ်ပါတယ်။

ဆရာမောင်ထင် ကို ၁၉ဝ၉ ခုနှစ် မတ်လ ၂၁ ရက်နေ့က ဧရာဝတီတိုင်း လပွတ္တာမြို့မှာ မွေးဖွားခဲ့ပါတယ်။ အမည်ရင်း ဦးထင်ဖတ် ဖြစ်ပါတယ်။ လပွတ္တာ၊ မြောင်းမြ၊ ရန်ကုန်မြို့မ အထက်တန်းကျောင်း စတဲ့ ကျောင်းတွေမှာ ပညာသင်ကြားခဲ့ပြီး ၁၉၂၆ ခုနှစ်မှာ ရန်ကုန်တက္ကသိုလ်ကို ရောက်ရှိခဲ့ပါတယ်။ ၁၉၃၃ ခုနှစ်မှာတော့ မြန်မာစာပေ ရွှေတံဆိပ်ဆုနဲ့ ဝိဇ္ဇာဘွဲ့ ရရှိခဲ့ပါတယ်။ အဲဒီအချိန် အသက်၂၄ နှစ်အရွယ်ကတည်းက တက္ကသိုလ်မဂ္ဂဇင်း၊ အိုးဝေမဂ္ဂဇင်း၊ ဂန္ထလောက မဂ္ဂဇင်းတို့မှာ အင်္ဂလိပ် မြန်မာ ၂ ဘာသာနဲ့ ဆောင်းပါးတွေ စတင် ရေးသားခဲ့ပါတယ်။

ရန်ကုန်တက္ကသိုလ်က ဘွဲ့ရပြီးတဲ့နောက် ဆရာမောင်ထင်ဟာ သူ တက်ရောက်သင်ကြားခဲ့ဖူးတဲ့ မြောင်းမြမြို့ တိုင်းရင်းသား အထက်တန်းကျောင်းမှာ အထက်တန်းပြဆရာအဖြစ် တာဝန်ထမ်းဆောင်ခဲ့ပါတယ်။ အဲဒီလို တဖက်က ဝန်ထမ်းဖြစ်နေတဲ့ အချိန်မှာလည်း စာပေရေးသားခြင်းကို အဆက် မဖြတ်ခဲ့ပါဘူး။ ၁၉၃၆ ခုနှစ်မှာတော့ မြို့ပိုင် အဖြစ် မြောင်းမြခရိုင်မှာ စတင် တာဝန်ထမ်းဆောင်ခဲ့ပါတယ်။ မြောင်းမြ မြို့ပိုင်၊ ဧရာဝတီတိုင်း မြို့အုပ်၊ ရခိုင်တိုင်း မြို့အုပ်၊ လပွတ္တာ မြို့ပိုင် စသဖြင့် ကြီးမားတဲ့ တာဝန်တွေ ထမ်းဆောင်ခဲ့ပြီး ဂျပန်ခေတ် ဒေါက်တာဘမော် အစိုးရ လက်ထက်မှာ နိုင်ငံခြားရေးဝန်ကြီးဌာန သတင်းနှင့်ပြန်ကြားရေးဌာန လက်ထောက်အတွင်းဝန်၊ ဒုတိယအတွင်းဝန် အဖြစ် တာဝန်ယူခဲ့ပါတယ်။

အဲဒီမှာ တာဝန်ထမ်းဆောင်တုန်း သခင်နုရဲ့ အကြံပေးချက်နဲ့ ဂျပန်တော်လှန်ရေး ရှေ့ပြေး တမျိုးသားလုံး လျှို့ဝှက်လုပ်ငန်းတွေမှာ မြန်မာတိုင်းရင်းသားတွေ နှုတ်လုံဖို့ ဆော်သြတဲ့ အာဇာနည်မိခင် ပြဇာတ်ကို ဂျပန်တွေ မရိပ်မိအောင် စင်တင်ပြသခဲ့ပါတယ်။ ၁၉၄၇ ခုနှစ် ဗိုလ်ချုပ်အောင်ဆန်း အစိုးရလက်ထက်မှာ အသံလွှင့်ဌာန ညွှန်ကြားရေးဝန်အဖြစ် တာဝန်ထမ်းဆောင်ခဲ့ပါတယ်။ ရခိုင်တိုင်း ပြန်လည်ထူထောင်ရေးနှင့် နေရာချထားရေး အထူးမင်းကြီး၊ ပြန်ကြားရေးဌာန ညွှန်ကြားရေးဝန်၊ ရန်ကုန်သတင်းစာ အုပ်ချုပ်မှုအယ်ဒီတာ၊ လန်ဒန်တိုင်း သတင်းစာ ရန်ကုန်သတင်းထောက်၊ မြန်မာနိုင်ငံ စာရေးဆရာအသင်း ဥက္ကဋ္ဌ၊ မြန်မာနိုင်ငံလုံးဆိုင်ရာ စာကြည့်တိုက်များ ဥက္ကဋ္ဌ၊ မြန်မာနိုင်ငံ သတင်းစာအသင်း ဥက္ကဋ္ဌ၊ မြန်မာ့စွယ်စုံကျမ်း ပြုစုရေးအဖွဲ့ အတိုင်ပင်ခံ စသဖြင့် တာဝန်ပေါင်းများစွာ ထမ်းဆောင်ရင်း စာပေတာဝန် ကျေခဲ့တဲ့ ဆရာမောင်ထင်ဟာ အသက် ၉၇ နှစ်အရွယ် ၂ဝဝ၆ ခုနှစ် ဇန်နဝါရီလ ၂၉ ရက်နေ့မှာ ကွယ်လွန်ခဲ့ပါတယ်။

ဆရာမောင်ထင်ရဲ့ စာပေတွေထဲမှာ ဂျပန်ခေတ် ကျေးလက်လူတန်းစားဘဝကို သရုပ်ဖော်ထားတဲ့ ‘ငဘ’ ဝတ္ထုနဲ့ ‘ဗမာ့နိုင်ငံရေး သုခမိန်’ စာအုပ်တို့ ထင်ရှားသလို စာပေဝါသနာရှင်တွေ၊ စာဖတ်ပရိသတ်တွေကို နိုင်ငံတကာ စာပေတွေနဲ့ မိတ်ဆက်ပေးထားတဲ့ ကမ္ဘာ့စာပေအညွှန်း စာအုပ်များဟာ တန်ဖိုးရှိလှပါတယ်။ ဆရာမောင်ထင် ဟာ ဆရာဇော်ဂျီ၊ ဆရာ မင်းသုဝဏ်တို့လိုပဲ ခေတ်စမ်းစာပေများ ရေးသားခဲ့သူဖြစ်ပါတယ်။ ‘ခေတ်စမ်းစာပေ’ ဆိုတဲ့ အမည်ကို စတင် တီထွင်သုံးစွဲစေခဲ့သူက ဆရာကြီး ဦးဖေမောင်တင် ဖြစ်ပါတယ်။ သူက သူ့ရဲ့ တပည့်တစ်ဦး ဖြစ်တဲ့ ဆရာမောင်ထင်လည်း ခေတ်စမ်းထဲက ပေါ်ထွက်လာခဲ့တဲ့အကြောင်း ဝမ်းသာအားရ ပြောပြဖူးတယ်လို့ စာရေးဆရာ မင်းယုဝေရဲ့ ‘ပထမ မြန်မာများ’ စာအုပ်မှာ ရေးသားထားပါတယ်။

စာပေပညာရှင်တွေကို အမျိုးမျိုး နှိပ်စက်ကလူ ပြုနေတဲ့ ဒီကနေ့ခေတ်မှာ ဂျာနယ် အယ်ဒီတာ၊ မဂ္ဂဇင်း အယ်ဒီတာတွေ တော်ကြာ အဖမ်းခံရ၊ တော်ကြာ အတင်း အလုပ်ဖြုတ်ပစ်ဖို့ ဖိအားပေးခံရတာတွေ ကြားနေရပါတယ်။ ဒါပေမယ့်လည်း ဒုက္ခအမျိုးမျိုးကို ကြံ့ကြံ့ခံရင်း စာပေတာဝန် ကျေပွန်နေသူတွေလည်း တပုံတပင်ကြီးပါ။ ဒီဖြစ်ရပ်တွေကို စဉ်းစားမိတော့ လွန်ခဲ့တဲ့ ၄၅ နှစ်ကျော်က ဆရာမောင်ထင် ရေးသားခဲ့တဲ့ ဆောင်းပါးတစ်ပုဒ်ကို ပြန်ဖတ်မိပါတယ်။ ဆောင်းပါးအမည်က ‘အယ်ဒီတာ’ဖြစ်ပြီး ၁၉၆၃ ခုနှစ် အောက်တိုဘာလမှာ ထုတ်ဝေခဲ့တဲ့ နဝဒေးစာစောင်မှာ ဖော်ပြခဲ့တာဖြစ်ပါတယ်။ အဲဒီဆောင်းပါးမှာ ဆရာမောင်ထင်က အယ်ဒီတာ ဆိုတဲ့ အသုံးအနှုန်း စတင်ပေါ်ပေါက်ပုံ၊ အယ်ဒီတာတွေရဲ့တာဝန်တွေကို ရေးသားပြီး အယ်ဒီတာတွေရဲ့ စိတ်ဓာတ်ကိုပါ အခုလို ရေးသားခဲ့ပါတယ်။

“အယ်ဒီတာဆိုသည်မှာ အတော် ဆန်းပါသည်။

ဥပမာ - အယ်ဒီတာဆိုသူများအား မှတ်ကရော့ဟု ဆို၍ ထောင်ချသူက ချကြပါသည်။ သို့ရာတွင် ထောင်ထွက် အယ်ဒီတာတို့ ထောင်မှ လွတ်လာသောအခါ အမှတ်မရကြပါ။ အယ်ဒီတာတစ်ဦး မိန့်ခွန်းတော် ခြွေဖူးသည်မှာ ‘ကျနော်တို့ အယ်ဒီတာတိုင်း အယ်ဒီတာတိုင်း ဗဟုသုတ ပြည့်ဝစေခြင်းငှာ အနည်းဆုံး ထောင် ၆ လ ချထားလျှင် ပို၍ ကောင်းပေလိမ့်မည်’ ဆိုပါသည်။

ထို့ကြောင့် အယ်ဒီတာမှန်လျှင် စိတ်မညစ်သင့်ဟု ပြောချင်ပါသည်”

‘သခင်ပေါက်စ ထောင်ခြောက်လ’ ဆိုတာမျိုး ‘အယ်ဒီတာပေါက်စ ထောင်ခြောက်လ’ ဖြစ်တော့ရော အယ်ဒီတာဆိုတာ လုပ်သင့်တာ လုပ်ရမှာပဲ လို့ ဆရာ ဆိုလိုချင်ပုံ ရပါတယ်။ တကယ်တော့ လူဆိုတာ ကိုယ့်သမိုင်း ကိုယ်ရေးကြရတာပါ။ ကိုယ်ကောင်းတာ လုပ်ရင် ကိုယ့်ရဲ့ သမိုင်းကောင်း ကျန်ရစ်မှာဖြစ်ပြီး မကောင်းတာလုပ်ရင်ဖြင့် ကိုယ့်ရဲ့ သမိုင်းဆိုးက ကိုယ်လုပ်တဲ့ ဆိုးမှုအကြီးအသေးအလိုက် ကျန်ရစ်ခဲ့မှာဖြစ်ပါတယ်။ ဒါနဲ့ပတ်သက်ပြီး စာရေးဆရာ ချစ်ညွန့်ကျော် ပြုစုထားတဲ့ ‘မြန်မာနိုင်ငံ၌ ထင်ရှားခဲ့သော ရာပြည့်ပုဂ္ဂိုလ်များ၏ ဘဝနှင့် စာပေခရီး’ ဆိုတဲ့ စာအုပ်က ဆရာမောင်ထင်ရဲ့ ဆိုစကားကို ထပ်ဆင့် ဝေငှချင်ပါတယ်။

“သမိုင်းက လူကိုစစ်ချလိုက်သောအခါ လူထု၏ ပူဇော်ခြင်းကို ခံထိုက်သော သူတို့သည်သာ အမည်ထင်ရှား ကျန်ရစ်သည်” တဲ့။ ဟုတ်ပါတယ်။ သမိုင်းက စစ်ချလိုက်ပြီး ပူဇော်သင့် ပူဇော်ထိုက်သူတွေဖြစ်တဲ့ ဆရာမောင်ထင် လို ပုဂ္ဂိုလ်မျိုးတွေကို ဒီကနေ့ ကျနော်တို့ အမှတ်ရနေကြ၊ ဂုဏ်ပြုနေကြတာ ဒီသဘောပါပဲ။ ပိတ်ဆို့တားမြစ်မှုတွေကြားကပဲ ဆရာမင်းသုဝဏ်လို၊ ဦးသန့်လို ပုဂ္ဂိုလ်မျိုးတွေကို ကျနော်တို့ တတ်စွမ်းသရွေ့ ဂုဏ်ပြုရမှာဖြစ်ပါတယ်။ တချိန်တည်းမှာပဲ မြစ်ရဲ့ ရေအလျဉ်လို မရပ်မတန့် စီးဆင်းနေတဲ့ သမိုင်းရေစီးကြောင်းရဲ့ သဘောကိုလည်း မေ့ထားလို့ မဖြစ်ပါဘူး။

ဒီကနေ့ အတိတ်ကပုဂ္ဂိုလ်များကို ဂုဏ်ပြုနေတုန်းမှာပဲ ခေတ်သစ်သမိုင်း စာမျက်နှာတွေပေါ်မှာ ရှင်သန်နေသူများကို ဆန်ကာချနေတာဖြစ်ပါတယ်။ စာပေသမားပဲဖြစ်ဖြစ်၊ အနုပညာသမားပဲဖြစ်ဖြစ်၊ နိုင်ငံရေး လှုပ်ရှားသူပဲဖြစ်ဖြစ်၊ သာမန် လူတစ်ဦးပဲဖြစ်ဖြစ် ကိုယ့်ခြေတစ်လှမ်း၊ ကိုယ့်လုပ်ဆောင်မှုတစ်ခုက ကိုယ့်ရဲ့ သမိုင်းထဲက အစိတ်အပိုင်းတစ်ခု ဖြစ်တယ်ဆိုတာ သတိပြုမိဖို့ လိုပါတယ်။ မျက်မှောက်ခေတ် ကျနော်တို့အားလုံးရဲ့ သမိုင်းတွေက အနာဂတ် မျိုးဆက်တွေရဲ့လက်ထဲ အပ်နှံခဲ့ရမှာကတော့ သေချာတဲ့အချက်ပါပဲ။ ။

ထိန်လင်း (၁၊ ၃၊ ၂ဝဝ၉)

၂ဝဝ၉ ခုနှစ် မတ်လ ၆ ရက် နော်ဝေအခြေစိုက် ဒီမိုကရက်တစ်မြန်မာ့အသံ၏ ထုတ်လွှင့်ချက်အား ပြန်လည်ဖော်ပြပါသည်။

Cho Saint - The Sky in need

လိုအပ်နေတဲ့ ကောင်းကင်

ချိုဆိမ့်

မတ် ၃၀၊ ၂၀၀၉

ရှေ့မှာ ကမ်းပါး

နောက်မှာ ကျား

ဒီဘဝမျိုးမှာ နေခဲ့ရတာပါ

နေမသာတဲ့ ကောင်းကင်

မှုန်မည်းကီး

လမသာတဲ့ ကောင်းကင်

မဲနက်နက်

လထွက်တဲ့ ညဆိုရင်

ကောင်းကင်က စိမ်းလို့ ပြာလို့

လွှတ်လှ

ရေခဲနေတဲ့ စမ်းချောင်းပေါ်

အပြာရောင် တောပန်းကလေး

သွားပစ်ချတယ်

ဆရာပွင့် ပြောသလို

ကောင်းကင် ပြာပြာလွင်လွင်

အပျော်ဦးတင်

မော်ဖူးချင်လှပါပြီ

poet Kyi Aung, my friend

သူငယ်ချင်း ကဗျာဆရာ ကြည်အောင်
မောင်စွမ်းရည်
မတ် ၃ဝ၊ ၂၀၀၉

သူငယ်ချင်း ကဗျာဆရာ ကြည်အောင် ကွယ်လွန်ပြီ ဆိုတဲ့ သတင်း ဟာ ၂ဝဝ၉ မတ် ၂၇ ရက်မှာ နော်ဝေက ဒီမိုကရက်တစ် မြန်မာ့အသံက မောင်ဘုန်းမြတ်က လှမ်းပြောလို့ ကြားသိလိုက်ရတော့ ချက်ချင်း စကား ပြန်မပြောနိုင်ခဲ့ဘူး။

သူ့ကို ဆေးရုံတင်ထားတယ် ဆိုတာတော့ သတင်း ရထားပါတယ်။ ကျနော်ကလဲ ခေတ်ပြိုင်ကို ပို့ထားတဲ့ ‘ဦးသန့်နဲ့ဆေးလိပ်’ ဆိုတဲ့ ဆောင်းပါးထဲမှာ ကျောင်းသား ဘဝက အတူ အိပ်၊ အတူ စားခဲ့ကြတဲ့ သူငယ်ချင်းတွေထဲက ဆေးလိပ် အလွန် အကျွံသောက်ကြတဲ့ တင်မိုး၊ ကိုကိုးကျွန်းလေးမောင်၊ ညွန့်အေး (အင်းဝ) တို့ ကွယ်လွန်ကုန်ကြပြီး ကြည်အောင်ပဲ ကျန်တယ်လို့ ထည့်ရေးလိုက်ပါသေးတယ်။ မောင်သာနိုးနဲ့ လူထုစိန်ဝင်းတို့ကတော့ စောစောကပဲ ဆေးလိပ် ဖြတ်ပစ်ခဲ့ကြတယ်။ သူတို့ နှစ်ဦးလဲ ဆေးလိပ် စွဲခဲ့ကြသူတွေပါပဲ။ ဦးသန့်ကလဲ ဆေးလိပ်စွဲသူပါ။ ဆေးပြင်းလိပ်သမားပါ။ စာအုပ်တအုပ်ထဲမှာ ပါးစောင်ကင်ဆာနဲ့၊ တခြား စာအုပ်ထဲမှာတော့ အဆုတ်ကင်ဆာနဲ့ တဲ့ ကွယ်လွန်ရပုံ နှစ်မျိုး ရေးထားပေမဲ့ ဆေးလိပ်ကြောင့် ဖြစ်တဲ့ ကင်ဆာပါပဲ။ လူတော် လူချွန်တွေ ဆေးလိပ်ကြောင့် အရွယ်ကောင်းတုန်း ကွယ်လွန်ကြရတဲ့ အတွက် နှမျောတသ ယူကြုံးမရ ဖြစ်ရပါတယ်။ ဆေးလိပ်ကိုလဲ ရန်သူ ဘီလူးကြီးလို မုန်းမိပါတယ်။ ကျနော်က ဆေးလိပ် လုံးဝ မသောက်ဖူးခဲ့သူဆိုတော့ ဆေးလိပ် သောက်တတ်တဲ့ သူငယ်ချင်းတွေနဲ့ တကျက်ကျက် ဖြစ်ခဲ့ရတာကို ပြန်လည် သတိရမိပါတယ်။ ခုတော့ လွမ်းစရာ “ရန်ပွဲ” များပါ။

အိပ်ရာထရင် ကြည်အောင်က အရင်ညက လက်ကျန်ဆေးလိပ်ကို မီးညှိပြီး လက်ဖက်ရည်ဆိုင် တန်းသွားတယ်။ အထူးတွဲတာက ကိုကိုးကျွန်း ရက် ၅ဝ အစာငတ်ခံ တိုက်ပွဲမှ ကျဆုံးခဲ့တဲ့ ကဗျာဆရာ လေးမောင် (မြင်းခြံ) နဲ့ပါ။ သူတို့ချင်း မိတ်ဖွဲ့မိကြတာကလဲ စာပေနဲ့ စတင်တာ မဟုတ်ဘဲ (ရတနာပုံဆောင်မှာ နေစဉ်က) ဆေးလိပ် မီးညှိရင်းက စတင်တာပါ။ အိပ်ရာထရင် လက်ဖက်ရည်ဆိုင်ကို အတူသွားပြီး နဂါးဆေးလိပ် တမတ်ဖိုး ဝယ်တယ်။ လက်ဖက်ရည်ကျကျထဲကို ဆေးလိပ်တအုပ်လုံးရဲ့ အစီခံတွေ စုပြုံနှစ်ပြီး သူ့အင်္ကျီအိတ်ကပ်ထဲကို ထဲ့ထားပါတယ်။ အဲဒါကို “လဖိရည်နဲ့နှပ်ထားတာ”လို့သူကခေါ်တယ်။ ဘယ်သူတောင်းလို့မှမပေးဘူး။ လိုချင်ရင် ဝယ်ပေးမယ် တဲ့။ သူနှပ်ထားတာကိုတော့ မပေးပါဘူး။

ကြည်အောင်ဟာ အနေအထိုင် အပြောအဆို အလွန် ရိုးပါတယ်။ ဘိုကေကို ပါးပါး တိုတို ထားတယ်။ ဆီ မလိမ်းတတ်ဘူး။ မျက်နှာမှာ ကျောက်ပေါက်မာ ပါတယ်။ မျက်ခုံး ထူတယ်။ လုံချည် အင်္ကျီကတော့ ချည်ထည်တွေပဲ အဝတ်များတယ်။ လုံချည်တွေက ရွှေဘိုဆိတ်ခွံ၊ ဓာတ်ဆေးဆိုး လုံချည်အနီ၊ အစိမ်း ကွက်စိတ်လေးတွေကို ဝတ်လေ့ရှိတယ်။ လုံချည်တိုတို ဝတ်တယ်။

ကြည်အောင်က အင်းဝသားပါ။ တက္ကသိုလ် တက်တော့ မန္တလေး တက္ကသိုလ် ရတနာပုံဆောင်မှာ နောက်နှစ်မှာတော့ ရွှေပြည်အေးဆောင်မှာ နေပါတယ်။ နောက်တော့ မန္တလေး ယိုးဒယားဈေး တောင်ဖက်က သူ့အစ်မ အိမ်က ကျောင်းတက်ပါတယ်။ ၁၉၅၆ခုနှစ်မှာ တက္ကသိုလ်ကို ကျနော်တို့ အတူ ရောက်တယ်။ သက်တူ ရွယ်တူတွေ ဖြစ်လို့ “ကျယ်လောင်”လို့ ခေါ်ကြတယ်။ နာမည်ရင်းက “ကြည်လင်” တဲ့။

သူ စာ စရေးတာကို မန္တလေး “ဗဟိုရ်စည်” သတင်းစာမှာ ကျနော်တို့ တွေ့မိပါတယ်။ ဆရာ ဇေယျရဲ့ အက်ဆေးလေးတွေကို အတုယူရေးတာပါ။ ကလောင် အမည်က “အင်းဝအောင်ဆွေ” တဲ့။ ကဗျာဆရာ ဒေါင်းနွယ်ဆွေကလဲ အောင်ဆွေ အမည်နဲ့ အားကစား ဆောင်းပါးတွေ ရေးနေတာ တွေ့ရလို့ ဒီနာမည်ကို ဆက်မသုံးတော့ဘူး။ သူ တက္ကသိုလ်ရောက်စက နေတဲ့ ရတနာပုံဆောင်မှာ သူ့အခန်းရှေ့က ဖြတ်သွားရင် “ထမင်းမဝ အချောင်သေမယ့်၊ အင်းဝကောင်တွေ” လို့ ကျနော်က အော်ဟစ် နူတ်ဆက်သွားလေ့ရှိပါတယ်။ သူက သူစာရေးနေတာကို လူသိမှာ သိပ်ရှက်ပါတယ်။ ကျနော်က အဲသလို နောက်သွားလေ့ ရှိတာကိုလဲ စိတ်တိုတတ်ပါတယ်။

ဂျပန်ခေတ်မှာ မန္တလေးက ဒေါ်အုန်း (လူထုဒေါ်အမာနဲ့အတူ သပိတ်မှောက်ကျောင်းသူ) တို့ အင်းဝကို လာရင်း စစ်ဘေးရှောင်ရင်း “အင်းဝဂုဏ်ရည်” ဆိုတဲ့ စာသင်ကျောင်းလေး ဖွင့်ပြီး စာသင်ပေးခဲ့တယ်။ သူနဲ့ ကိုလေးနဲ့ အတူ ကျောင်းတက်ခဲ့ပါတယ်။ အဲဒီ ကျောင်းကနေ စာပေ အခြေခံ ရခဲ့ပါတယ်။ ကိုလေးက တက္ကသိုလ်ကို အရင်ရောက်တယ်။ ဖဲရိုက်နေတာ များပြီး စာမေးပွဲ ကျလို့ ဥပစာ အောင်ပြီး ထင်ပါရဲ့၊ ကျောင်းဆရာ ထွက်လုပ်တယ်။ ကျောင်းထွက်မှ သူတို့နှစ်ယောက် တွဲမိတာပါ။ ကြည်အောင်က ကျောင်းမှာ မြင်းခြံသား၊ မြင်းခြံသူတွေနဲ့ပဲ အတွဲများလို့ သူ့ကို မြင်းခြံသားလို့ပဲ အထင်ခံရပါတယ်။ အင်းဝသား ဆိုလို့ သူတွဲတာ က ညွန့်အေး (အင်းဝ) ခေါ် ကိုကံညွန့်ပါပဲ။ ညွန့်အေးလဲ စောစော ကျောင်းထွက်ပြီး ကျောင်းဆရာလုပ်သွားပါတယ်။ သူလဲ ဆေးလိပ်အသောက်လွန်လို့ ကင်ဆာဖြစ်ပြီး ကွယ်လွန်ခဲ့ရှာပါတယ်။

မန္တလေး တက္ကသိုလ် မဂ္ဂဇင်းမှာ ကျနော်အတွင်းရေးမှုး လုပ်တော့ ကြည်အောင်က အင်္ဂလိပ်စာ အယ်ဒီတာပါ။ မောင်သိန်းနိုင်(ဂုဏ်ထူး) က မြန်မာစာ အယ်ဒီတာပါ။ နောက်တော့ ကလောင်ရှင်အသင်းမှာရော၊ ကျောင်းသားတပ်ဦး တကသ နဲ့ ဗကသ မှာရော သံခဲ၊ သံဒုတ်တို့ အဖေ (ကိုစိုးဝင်းမောင်) ရယ်၊ ဖိုးသံချောင်းရယ်၊ မြင်းခြံ အောင်သူရယ်။ ကဗျာ ဆရာ လေးမောင်ရယ် အတူ တွဲပြီးလုပ်ခဲ့ကြပါတယ်။ ကျနော်တို့နဲ့ တုန်းကတော့ သူနဲ့ လေးမောင်တို့က ရှောင်နိုင်သမျှ ရှောင်ပါတယ်။ နှစ်ဦးလုံး ရှက်တတ်လို့ အသင်းအပင်းတွေကို ရှောင်ကြတာပါ။ နောက်တော့ ဝရမ်းပြေးရ၊ တောင်တန်းတွေကျ၊ ကျွန်းတွေ ကျသည်အထိ စွန့်လွှတ် စွန့်စား လုပ်ဆောင်ခဲ့ကြရှာပါတယ်။

ကြည်အောင်အကြောင်း ပြောရင် လေးမောင် အကြောင်းကလဲ မပါမဖြစ်ကို တွဲပြောနေမိတာပါ။ သူတို့ နှစ်ဦးမှာ တခြား တူညီတာက ခုက ကွယ်လွန်သည့်အထိ လူပျိုကြီးတွေပါပဲ။ ကြည်အောင်က ရည်းစားတောင် မယ်မယ်ရရ ထားဖူးသူ မဟုတ်ပါဘူး။ “ချောင်းကြည့်မဲ့ပြန်” အဆင့်ပါပဲ။ သူရဲ့ ကဗျာစာအုပ်ထဲက “နန်းရှေ့သူ” ဆိုတဲ့ ကဗျာဟာ သူ့ချစ်သူအကြောင်း စိတ်ကူးယဉ်ပြီး ဖွဲ့တာပါ။ တကယ်တော့ သူက နှုတ်ကလဲ ဖွင့်မပြောဖူးလိုက်တဲ့ အပြင်၊ စာနဲ့လဲ မလှမ်းလိုက်ရ ရှာပါဘူး။ သူနဲ့ကျနော် တွဲထုတ်တဲ့ “စိတြ” ကဗျာစာအုပ်ကလေးကိုပဲ လက်ဆောင် ပေးဖူးခဲ့ပါတယ်။ အဲဒါလဲ မိန်းကလေးလက်ထဲ မရောက်ပါဘူး။ နုနုရည်(အင်းဝ)က အဲဒီအကြောင်း ဝတ္ထုတို တပုဒ် ရေးဖူးပါတယ်။ ရယ်ရမလို၊ လွမ်းရမလိုပါပဲ။

မန္တလေးတက္ကသိုလ် ကလောင်ရှင်အသင်းမှာ စာပေကိစ္စတွေ လုပ်ကြတော့ တင်မိုးက အသင်းရဲ့ စာစဉ်တွေ စာအုပ်တွေ အဖြစ် ထုတ်ကြရအောင်လို့ ဆွေးနွေးတယ်။ အားလုံး တက်တက် ကြွကြွနဲ့ သဘောတူကြတယ်။ ထုတ်စရာ စာအုပ် အသင့်မရှိကြလို့ တင်မိုးရဲ့ ကဗျာတွေကို စုပြီး “ဖန်မိးအိမ်” ကဗျာစာအုပ်ကလေးကို ၁၉၅၉ မှာ ထုတ်တယ်။ စာပေဗိမာန်ဆု အပေးခံရတော့ အားတက်ကြတယ်။ စာပေလောကမှာ တင်မိုးဆိုတဲ့ နာမည်ကို ဘယ်သူမှ မကြားဖူးသေးဘူး။ “ဖန်မီးအိမ်” ထုတ်မှ ဒီကလောင်အမည်ကို စသုံးတာဆိုတော့ ဆုရတဲ့-အခါ ဟိုးလေးတကျော် ဖြစ်ခဲ့ပါတယ်။ ဆက်ထုတ်စရာမရှိတော့ ကြည်အောင်နဲ့ မောင်စွမ်းရည်နှစ်ယောက် ပေါင်းပြီး “စိတြ” ဆိုတဲ့ အမည်နဲ့ ကဗျာစာအုပ်ကလေး တစ်အုပ်ကို ၁၉၆ဝမှာ စာစဉ် ၂ အဖြစ်ထုတ်ပြီး ကြည်အောင် မောင်စွမ်းရည် ဆိုတာ ပေါ်ပေါက်လာခဲ့ရတာပါ။ ဒီကလောင်နာမည် နှစ်ခုစလုံးဟာလဲ စာပေလောကမှာ အစိမ်းသက်သက်တွေပါပဲ။

၁၉၆ဝ ပြည့်နှစ်တဝိုက်မှာ ကျနော်တို့တတွေ တဂိုးကဗျာတွေကိုပဲ သဲကြီးမဲကြီး ဖတ်နေကြပါတယ်။ တဂိုး ရာပြည့်ပွဲနဲ့လဲ ကြုံတော့ တဂိုးစာအုပ်တွေ၊ တအုပ်ချင်းရော၊ ပေါင်းချုပ်ရော ထွက်လာတဲ့အခါ မလွတ်တမ်း ဝယ်ဖတ်ကြပါတယ်။ တဂိုးနဲ့ ဆက်စပ်ပြီး အိန္ဒိယ ကဗျာဆရာကြီးတွေ၊ ပါရှန်ကဗျာဆရာကြီးတွေကိုပါ ရှာဖွေ ဖတ်ရှုကြရာမှာ အကဲဆုံးက ကြည်အောင် ဖြစ်ပါတယ်။ ရုပ်ရှင်ရုံတခု ဘေးမှာ ဗယာကြော်ရောင်းနေတဲ့ အူရဒူကဗျာဆရာကြီး တဦးကိုပါ ကြည်အောင်က မိတ်ဖွဲ့ပြီး မန္တလေးတက္ကသိုလ်ရဲ့ စာဆိုတော်နေ့ ကဗျာရွတ်ပွဲမှာ ပင့်ဖိတ် ရွတ်စေခဲ့ပါတယ်။ မောင်သာနိုး ဘာသာပြန်တဲ့ အိုမာခိုက်ယမ်ရဲ့ ရုဘာအီယတ် ကဗျာစာအုပ် အမှာစာကို ကြည်အောင် ရေးပါတယ်။ အဲဒီအမှာစာမှာ ကြည်အောင်ဟာ အိန္ဒိယ၊ ပါရှန်စတဲ့ ကဗျာတွေကို ဘယ်လောက်စွဲတယ် ဆိုတာ သိရပါလိမ့်မယ်။

“စိတြ” ဆိုတာ တဂိုးရဲ့ ကဗျာ စာအုပ်တအုပ် အမည်ပါ။ အင်္ဂလိပ်လို Chitra (ချစ်တရ) ပါ တဲ့။ အဓိပ္ပာယ်က “ဆန်းကြယ်ခြင်း” ပါတဲ့။ ပေါ် ဦး သက် ကိုလဲ သူပဲ သွားပြီး မျက်နှာဖုံးအပ်တော့ ပေါ်ဦးသက်ကလဲ အဆန်းတကြယ် ဆွဲပေးလိုက်ခဲ့ပါတယ်။ ဒီနောက်တော့ ကျနော်တို့တတွေ စာတွေ အများကြီး ရေးလာကြပြီး လုံးချင်း စာအုပ်တွေ ထုတ်လာကြပါတယ်။ “လမင်းတရာ” ဆိုတဲ့ စာအုပ်ကို လူထုတိုက်က ထုတ်ပါတယ်။ သူ့သူငယ်ချင်း၊ လူထုအယ်ဒီတာ မောင်တောလူဆိုတာက ကျနော် ကျောင်းသား သမဂ္ဂ အမှုဆောင် စတင်လုပ်တဲ့ နှစ်မှာ ဥက္ကဌပါ။ အမည်ရင်း ကိုစောလွင်တဲ့။ ကိုစောလွင်က သူ့သားအလတ် တယောက်ကို “လမင်းတရာ”လို့ အမည်ပေးခဲ့ပါတယ်။ ခုသူက သွားဆရာဝန် အဖြစ်နဲ့ လော့စ်အိန်ဂျဲလိစ်မြို့မှာ နေထိုင်ပါတယ်။ “လမင်းတရာ” ဆိုတဲ့ စာအုပ်ဆိုင်လဲ ရန်ကုန်မှာ ရှိခဲ့ဖူးပါတယ်။ စာအုပ် ထုတ်ဝေရေး လုပ်ပါတယ်။ ခုတော့ သူလဲ လော့စ်အိန်ဂျဲလိစ်ကို ရောက်နေပါတယ်။ လမင်းတရာစာအုပ်က အမျိုးသားစာပဆုရပါတယ်။ ကျနော့် အရင် ရတာပါ။ ပြီးတော့ ကိုလေး ရပါတယ်။

ကျနော် ဗမာပြည်မှာ နောက်ဆုံးထုတ်ခဲ့တဲ့ ကဗျာစာအုပ်ကိုလဲ လူထုတိုက်ကပဲ ထုတ်ပေးပါတယ်။ “အမေ့ခေါ်သံ”တဲ့။ ၁၉၉၇ က ထုတ်ခဲ့ပါတယ်။ တည်းဖြတ် စီစဉ်ပြီး အမှာစာရေးတာက သူငယ်ချင်း ကြည်အောင်ပါပဲ။ အဲဒါဟာ သူရဲ့ နောက်ဆုံး ပုံနှိပ်စာလဲ ဖြစ်တယ် ထင်ပါတယ်။ အဖွဲ့ချုပ်ရုံးမှာ ဟောပြောပွဲတွေကို အင်းဝ ညီနောင် နှစ်ဦး နဲ့ပဲ လုပ်လေ့ရှိပါတယ်။ ဒါကြောင့်သူတို့ နှစ်ဦး ကို စစ်အစိုးရက စာရေးခွင့်ရော၊ ဟောပြောခွင့်တွေပါ ပိတ်လိုက်ပါတယ်။ ဒါကြောင့် ကျနော် ကဗျာစာအုပ် အမှာစာဟာ သူရဲ့နောက်ဆုံး ပုံနှိပ်စာလို့ ပြောလိုက်ရခြင်းပါ။

စိတြ ကဗျာစာအုပ်မှာ လူထုဒေါ်အမာနဲ့ တင်မိုးတို့က အမှာစာ ချီးမြှင့်ခဲ့ကြပါတယ်။ သူ့ရဲ့ “ဒုဌဝတီမှ ဧရာဝတီသို့” ကဗျာစာအုပ်မှာတော့ ဟံသာဝတီ ဦးဝင်းတင်က အမှာစာ ရေးခဲ့ဖူးပါတယ်။

ကြည်အောင်က တင်မိုး၊ မောင်စွမ်းရည်၊ ကြည်အောင် သူငယ်ချင်းသုံးယောက်ဟာ “မန္တလေး တက္ကသိုလ် သားအိမ် ၀မ်းဗိုလ်က မွေးထုတ်လိုက်တဲ့ အမြွှာကဗျာဆရာသုံးကောင်” လို့ ကျနော်ရဲ့ အမေ့ခေါ်သံကဗျာစာအုပ် အမှာစာမှာ ရေးခဲ့ပါတယ်။ ကျနော့် အကြောင်းကို သီးခြားရေးရာမှာ “ကျွန်တော်တို့ နှစ်ယောက်ဟာ အမြွှာညီအစ်ကို မဟုတ်ပေမယ့် သူ့အကြောင်းပြောရင် ကျွန်တော့် အကြောင်းပါမယ်။ ကျွန်တော့် အကြောင်းပြောရင် သူ့အကြောင်းပါမယ်။ ဒါ မလွှဲမရှောင်သာတဲ့ ကိစ္စ။ သူနဲ့ ကျွန်တော်က မန္တလေးတက္ကသိုလ်မှာ ကျောင်းနေဘက်လည်းဟုတ်၊ သူငယ်ချင်းလဲ ဖြစ်ပြန်၊ ပထမဦးဆုံး ကဗျာစာအုပ်ကို အတူတူ တွဲပြီး ထုတ်ခဲ့ကြတာ “စိတြ” (၁၉၆ဝ) ကဗျာစာအုပ်လေးပဲ တဲ့။

တင်မိုးနဲ့ ကျနော် ပြည်ပရောက်နေတော့ သူက ကိုလေးနဲ့ ကျန်ရစ်တယ်။ သူတို့နှစ်ဦး တွဲပြီး အဖမ်းခံကြရတာလဲ ရှိတယ်။ သူတို့ကို စာရေးခွင့်၊ ဟောပြောခွင့် ပိတ်တယ် ဆိုတော့ အလွန် မတရားတာပဲ။ သူတို့ကို ဆန့်ကျင်တဲ့ စာကိုသာ ပိတ်ရင် ပြီးတာပဲ။ ခုတော့ ဘာမှ မရေးရဘူး ဆိုတော့ မတရားလွန်းပါဘူး။ သူပြောတဲ့ အမိတက္ကသိုလ်ရဲ့ အမြွှာသားသုံးဦး အနက် ကျနော်ပဲ ကျန်ပါတော့တယ်။ ကျနော်က သုံးယောက်စာ စာတွေ ဆက်ရေးရင်း ဒီမိုကရေစီရေး၊ ညီညွတ်ရေးနဲ့ ငြိမ်းချမ်းရေး အတွက် ဆက်လက် တိုက်ပွဲဝင်သွားရတော့မှာပါလားလို့ ခံစားရပါတယ်။ လမင်းတရာ သာတဲ့ ခေတ်ကို ညီညီညွတ်ညွတ် ချီတက်ကြပါစို့။

မောင်စွမ်းရည်
မတ် ၂၇၊ နယူးယောက်

Thai destroys Burmese school

ရွှေ့ပြောင်းအလုပ်သမားကျောင်း မီးရှို့ခံရ
ကရင်သတင်းစဉ်
မတ် ၃၀၊ ၂၀၀၉

မဲဆောက်မြို့တောင်ဘက် ၄၄ကီလိုမီတာ အကွာအဝေးရှိ ဖုတ်ဖရမြို့နယ်မှ မြန်မာရွှေ့ပြောင်း အလုပ်သမားများ၏ စာသင်ကျောင်း တကျောင်းကို ထိုင်းအာဏာပိုင်များက မတ်လ ၂၈ရက်နေ့က မီးရှို့ ဖျက်ဆီးခဲ့သည်ဟု သိရသည်။

ထိုသို့ ကျောင်းမီးရှို့ခြင်းကို ကိုယ်တိုင်မြင်တွေ့ခဲ့သူ ဦးမိုးကြိုးက “မနက် ၁ဝနာရီလောက်မှာ ထိုင်း နယ်ခြားစောင့်တပ်က စစ်သား ၁ဝဦး ရောက်လာပြီး စာသင်ကျောင်းထဲက စာရေးကိရိယာတွေနဲ့ ထိုင်ခုံတွေကို ဖျက်ဆီးသွားပါတယ်။ ကျောင်းက အုတ်နဲ့ ဆောက်ထားတော့ မီးမစွဲပါဘူး။ ဒါပေမဲ့ ကျောင်းကိုပြန်ပြင်ဖို့ထားထားတဲ့ သက်ကယ်တွေကိုပါ မီးလောင်သွားတယ်”ဟု ကရင်သတင်း စဉ်ကို ပြောသည်။

ကျောင်းသူကျောင်းသားဦးရေ တရာကျော်နှင့် ဆရာ၊ ဆရာမ ၆ဦးရှိသည့် အဆိုပါမူလတန်းကျောင်းကို အမျိုးသား လုံခြံရေးအရ ဖျက်ဆီးရခြင်းဖြစ်ပြီး ယခုရက်မတိုင်ခင်က ကျောင်းကို ဖျက်ပေးရန် လေးကြိမ် တိုင်တိုင် လာရောက် ပြောဆိုခဲ့ကြောင်းနှင့် နောက်ထပ် သုံးရက်ကြာလျှင် ကျောင်းပစ္စည်းများကို ရွှေ့ပြောင်းမထားပါက လာရောက် မီးရှို့ဦးမည် ဖြစ်ကြောင်းလည်း ၎င်းထိုင်းစစ်တပ်က ပြောဆိုသွားသည်ဟု သိရသည်။

“အဲလိုလုပ်တာကတော့ လူသားချင်း အတော်ရက်စက်ရာကျတယ်။ အဲဒါနောက်ပိုင်းမှာ ပြဿနာတွေလည်း အများကြီးရှိလာနိုင်တယ်လေ။ အဲဒီနေရာက ကလေးတွေလည်း နောက်နှစ်ကျောင်းဆက်နေဖို့အတွက် အခက်အခဲဖြစ်ပြီပေါ့”ဟု ရွှေ့ပြောင်း ကျောင်းဆရာတဦးက ပြောသည်။

စာမေးပွဲဖြေဆိုပြီး၍ ကျောင်းပိတ်ရက်ဖြစ်သည့်အတွက် စာသင်ကျောင်းအတွင်း ကျောင်းသားများ မရှိသော်လည်း ကျောင်းသားမိဘများမှာမူ တောထဲ ဝင်ရောက် ရှောင်တိမ်းနေရပြီး စာသင်ကျောင်းမရှိပါက ကလေးများ၏ စာရိတ္တများပျက်စီးကာ ခိုးဆိုးလုယက်မှုများ ဖြစ်လာနိုင်သည်ဟုလည်း အလုပ်သမားရေးရာ ဆောင်ရွက်နေသူ ဦးမိုးကြိုးက သုံးသပ် ပြောဆိုသည်။

၎င်းထိုင်းစစ်တပ်သည် ပြီးခဲ့သည့် မတ်လ (၂၂)ရက်နေ့ကလည်း ကျောင်းအနီးတဝိုက်ရှိ မြန်မာပြည်သားများ၏ တဲအိမ်များကို မီးရှို့ခဲ့ပြီး ၂ဝဝ၈ခုနှစ်၊ ဒီဇင်ဘာလ (၁၄)ရက်နေ့ကလည်း ဝါးတောနေရာရှိ မြန်မာပြည်သားများ၏ နေအိမ်အလုံး ၈ဝကို ဖျက်ဆီးပစ်ခဲ့သဖြင့် မြန်မာအလုပ်သမားများမှာ ထွက်ပြေး ပုန်းရှောင်နေခဲ့ရသည်ဟု သိရသည်။

29th March 2009 - MoeMaKa Sunday Weekly Radio

မတ်လ ၂၉၊ ၂၀၀၉ မိုးမခရေဒီယို ဆစ်ဒနီ တနင်္ဂနွေနေ့ အစီအစဉ်

ရွက်ဝါ - ကိုမင်းနောင်

သတင်းတိုထွာ၊ သီချင်းပဒေသာ

တပ်မတော်သူရဲကောင်း ၇ ဦး - ဧရာဝတီ

ဒေါ်အောင်ဆန်းစုကြည်၏ ကဗျာသဘောထား - မိုးမခ

ကဗျာဆရာကြည်အောင် ကွယ်လွယ်ခြင်း အမှတ်တရ - မိုးမခ၊ မောင်စွမ်းရည်

သတင်းတိုထွာ ဒုတိယပိုင်း

ပါပါလေးတို့ လာချေပြီ - ဒီဗီဘီ

အာဇာနည်မိခင် ယုဝတီကြည်ဦး ဂုဏ်ပြု - မိုးမခ၊ ထိန်လင်း

ရန်ကုန်တက္ကသိုလ်အလှ တေးရသ

အထူးကဏ္ဍ - ဗိုလ်အောင်ဒင် (ဇာတ်သိမ်းပိုင်း၊ ကော်လိပ်ဂျင်နေ၀င်း၊ တင်တင်ျွဲ့၊ မောင်ကြေးမုံ၊ )

စီစဉ်သူ - ဦးပန်တျာ၊ မေရီ