အိပ်မက်လှလှ မက်ရအောင်
ထိန်လင်း
သြဂုတ် ၆၊ ၂၀၀၉
အိပ်မက်ဆိုသည်က အိပ်ရာထဲမှာ မက်သည့်အိပ်မက်နှင့် စိတ်ကူးထဲမက်သည့်အိပ်မက်ဟူ၍ ၂ မျိုးရှိသည်။ အိပ်ရင်းမက်သည့် အိပ်မက်က အိပ်ရာမှ ထလိုက်သည်နှင့် ပျောက်သွားသော်လည်း စိတ်ကူးထဲ မက်သည့်အိပ်မက်က စိတ်အာရုံထဲတွင် ဘယ်တော့မှ မပျောက်သလို အပြင်မှာတကယ် ဖြစ်လာနိုင်သည်။
လာမည့်ရက်အနည်းငယ်အတွင်း ဆန်ဖရန်စ္စကို ဘေးဧရိယာတွင် ပြုလုပ်မည့် လူငယ်တို့၏ ပွဲတော်တစ်ခုတွင်လည်း လူငယ်များ အိပ်မက်မက်ဖို့ ပြင်နေကြသည်။ ‘ငွေကြယ်စင် အိပ်မက်ပွဲတော်’ ဟု အမည်ပေးထားသည့် အဆိုပါ အခမ်းအနားကို မြန်မာ Community Center တည်ဆောက်နိုင်ရေးအတွက် ရန်ပုံငွေရှာရန် တင်ဆက်ခြင်းဖြစ်ကြောင်း ကြော်ငြာစာ၌ ဖော်ပြထားသည်။ ယင်းကား ဧရာမ အိပ်မက်ဖြစ်သည်။ ဘေးဧရိယာဟုခေါ်သည့် ပင်လယ်အော်ဒေသအတွင်းရှိ မြို့အများအပြားရှိ နေရာအနှံ့ ရောက်ရှိနေထိုင်ကြသည့် မြန်မာမိသားစုတို့ စုဝေးနိုင်၊ အခမ်းအနား ပွဲလမ်းသဘင်များ ပြုလုပ်နိုင်ရန် ကိုယ်ပိုင်နေရာဌာန ရရှိရေး ကြိုးပမ်းခြင်းဖြစ်သည်ဟု ယူဆမိသည်။
ရပ်တည်ရေး၊ နေထိုင်ရေးအတွက် အချိန်နှင့်အမျှ ရုန်းကန်နေရသည့် ဤနေရာမျိုး၌ အဆောက်အဦတစ်ခု၊ အခန်းတစ်ခု ပိုင်ဆိုင်ရေးဆိုသည်က တကယ့်အိပ်မက်ကြီးဖြစ်သည်။ သို့သော်လည်း အိပ်မက် မက်သူ များပြားလျှင် သို့တည်းမဟုတ် အိပ်မက်ကို ၀ိုင်းဝန်းအကောင်အထည်ဖော်သူ များလာလျှင် မဖြစ်နိုင်စရာမရှိ။
ရန်ပုံငွေပွဲ ပြုလုပ်မည့် သြဂုတ်လ ၉ ရက်နေ့တွင် နောက်ထပ်အိပ်မက်တစ်ခု မက်ထားကြပြန်သည်။ ယင်းအိပ်မက်က မြန်မာ၊ အင်္ဂလိပ် ၂ ဘာသာဖြင့် ပါဝင်ယှဉ်ပြိုင်နိုင်သည့် စာစီစာကုံး (အက်ဆေး) ပြိုင်ပွဲဖြစ်သည်။ ပြိုင်ပွဲဝင် ခေါင်းစဉ်များက မြန်မာခေါင်းစဉ် ‘ကျွန်ုပ်တို့၏ ရွှေအိပ်မက်များ’ ဖြစ်ပြီး အင်္ဂလိပ်ဘာသာဖြင့် Our Community Dreams ဟု အမည်ပေးထားသည့် ခေါင်းစဉ်ဖြစ်သည်။ ယင်းပြိုင်ပွဲကို နံနက် ၁၁ နာရီမှ မွန်းတည့် ၁၂ နာရီအထိ အခမ်းအနားပြုလုပ်ရာ 1501 Magnolia Ave, San Bruno, CA 94066 တွင်ပင် ပြုလုပ်မည်ဖြစ်သည်။
အက်ဆေးပြိုင်ပွဲ၊ စာစီစာကုံးပြိုင်ပွဲ ပြုလုပ်ခြင်းက အိပ်မက်မက်ခြင်း ဆို၍ အလွန်အကြူးပြောသည် ဟု ထင်စရာရှိသည်။ ဟုတ်သည်။ သည်မှာက မြန်မာပြည်နှင့်မတူ။ မြန်မာပြည်မှာက စာစောင်မျိုးစုံတွင် ပြုလုပ်သည့် ပြိုင်ပွဲများကို ၀င်ရောက်ဖြေဆိုသူ၊ ယှဉ်ပြိုင်သူက အများအပြား။ ပြိုင်ပွဲဝင်သူ မရှိမှာ မပူရ။
သည်မှာက ပြိုင်ပွဲဝင် များများစားစား မရှိမှာ၊ စိတ်ဝင်တစားရှိသူ နည်းမှာ ပူရသည်။ အထူးသဖြင့် မြန်မာဘာသာဖြင့် ရေးသား ပြိုင်ပွဲဝင်သူ မရှိမှာ ပူနေရသည်။ မြန်မာပြည်မှာ အတန်းပညာ တော်တော်တန်တန် တက်ရောက်ခဲ့ပြီး သည်မှာ ကျောင်းဆက်တက်နေသည့် ကလေးများ ဆိုပါစို့။ အစ၌ အင်္ဂလိပ်လို သင်ကြားရသည့် ကျောင်းတွင် တက်ရောက်သင်ယူနိုင်ရန် အင်္ဂလိပ်လို နားမလည်မှာ ပူပင်နေရသော မိဘများအဖို့ နောက်ပိုင်း၌ ထိုကလေးငယ်များက မြန်မာမပြောမှာ၊ မြန်မာလို အရေးအဖတ် မပြုလုပ်တော့မှာကိုသာ ပူရတော့သည့် အခြေအနေ။ ယင်းကား အမေရိကရောက် မြန်မာဆန်ချင်သော၊ မြန်မာမှုမြတ်နိုးသော မိဘတိုင်း ရင်ဆိုင်နေရသော အနေအထားဖြစ်သည်။
အက်ဆေးပြိုင်ပွဲတွင် မြန်မာ၊ အင်္ဂလိပ် ၂ ဘာသာမှ ကြိုက်နှစ်သက်ရာဘာသာဖြင့် ဖြေဆိုနိုင်သည်ဟု ရွေးချယ်ခွင့်ရှိသဖြင့် ပြိုင်ပွဲဝင်လူငယ်အများစုက အင်္ဂလိပ်ဘာသာဖြင့်သာ ၀င်ရောက်ယှဉ်ပြိုင်ကြမည်ဟု ယူဆရသည်။ စီစဉ်သူများကမူ မြန်မာဘာသာဖြင့် ၀င်ရောက်ယှဉ်ပြိုင်သူ များစေချင်သည်။ မည်သို့ဆိုစေ ပြိုင်ပွဲဟူသည်က ပြိုင်ပွဲစည်းကမ်း ရှိသည်ပင်။
အင်္ဂလိပ်ဘာသာဖြင့်ရေးသားသည့် အက်ဆေးဖြစ်စေ၊ မြန်မာဘာသာဖြင့် ရေးသားမည့် စာစီစာကုံးဖြစ်စေ အခြေခံ စည်းမျဉ်းက တူသည်။ အကြမ်းဖျင်းအားဖြင့် စာစီစာကုံးတစ်ပုဒ်တွင် နိဒါန်း၊ စာကိုယ် နှင့် နိဂုံး တို့ ပါဝင်ရမည်။ နိဒါန်းသည် စာစီစာကုံး ကို စတင်ရသည့် စာပိုဒ်ဖြစ်ပြီး ခေါင်းစဉ်ပါ အကြောင်းအရာကို မိတ်ဆက်ပေးရမည့် စာဖြစ်သည်။ စာကိုယ်က နိဒါန်း၌ မိတ်ဆက်ခဲ့သည်များနှင့်ပတ်သက်၍ အကျယ်တ၀င့် ရှင်းလင်းရေးသားရမည်ဖြစ်ပြီး နိဂုံး၌ ယူဆချက်၊ မျှော်မှန်းချက် စသည်များဖြင့် အဆုံးသတ်ရန်ဖြစ်သည်။ စာစီစာကုံးဟု အမည်ပေးထားသည့်အတိုင်း အကြောင်းအရာ၊ အချက်အလက် စသည်များ စီကာစဉ်ကာ စီကုံးရေးသားရန်၊ အဆက်အစပ် ရှိရန် လိုအပ်သည်။ ယင်းအချက်အလက်များ ပြည့်စုံသည်ဆိုလျှင် စာစီစာကုံး အင်္ဂါရပ်ပြည့်စုံသည်ဟု အကြမ်းဖျင်းဆိုရပါမည်။ ခွဲခြားထားသော ရေးသားနည်း ပုံစံအများအပြားကို ဤနေရာ၌ ရှင်းမပြတော့ပါ။
စာစီစာကုံးကို စာမျက်နှာ ၂ မျက်နှာမှ ၄ မျက်နှာ၊ ၃ မျက်နှာမှ ၅ မျက်နှာ စသဖြင့် ပြိုင်ပွဲဝင်တို့၏ ဘာသာရပ်ဆိုင်ရာ ကျွမ်းကျင်မှု နှင့် သတ်မှတ်မည်ဖြစ်ပြီး (မြန်မာပြည်တွင်တော့ အသက်အရွယ်၊ ပညာအရည်အချင်းတို့ဖြင့် ခွဲခြားပါသည်။) သတ်ပုံမှန်ကန်မှု၊ လက်ရေးလက်သား ရှင်းလင်းမှု၊ အရေးအသားကောင်းမွန်မှု၊ ခေါင်းစဉ်နှင့် ဆီလျော်မှု စသည့်အချက်များပေါ်တွင် အမှတ်ပေးပါသည်။ သီးခြားသတ်မှတ်သည့် စည်းမျဉ်းများ ကွဲပြားသော်လည်း အခြေခံကတော့ အတူတူပင်ဖြစ်သည်။
စာစီစာကုံးပြိုင်ပွဲ ကျင်းပသည့် လူငယ်များ၏အိပ်မက်တွင် အခြားသူများလည်း ပါဝင်စေချင်သည်။ အထူးသဖြင့် လူငယ်များက ကိုယ်တိုင်ပါဝင် ဖြေဆိုခြင်းဖြင့်၊ မိဘများက သားသမီးများအား တိုက်တွန်းခြင်းအားဖြင့် အကူအညီပေးနိုင်ပါသည်။ ၀င်ရောက်ဖြေဆိုခြင်းက အခြားသူများ၏ အိပ်မက်တွင် ပူးပေါင်းပါဝင်ခြင်းဖြစ်သကဲ့သို့ မိမိတို့၏ ပြိုင်ပွဲဝင်စာမူများတွင်လည်း မိမိတို့၏ အိပ်မက်များကို ဝေငှနိုင်သည်။
အများအတွက် ရည်မှန်းသော၊ ကောင်းမွန်သည့် အနာဂတ်အတွက် ပြင်ဆင်သော အိပ်မက်များသည် လှပသော အိပ်မက်များသာဖြစ်သည်။ ထိုအိပ်မက်များသည် လူတိုင်းမက်နိုင်သည့် အိပ်မက်များဖြစ်သကဲ့သို့ လူတိုင်းလည်း မက်သင့်သော အိပ်မက်များဖြစ်သည်။ စိတ်ဝင်စားသည်ဆိုပါက နောင်မက်မည့် အိပ်မက်ပေါင်းများစွာအတွက် ယခုကပင် စတင် မက်လိုက်ဖို့ပင်။ ။
Comments