ရှာဖွေရေး ...

Loading...
PO Box 320-207, San Francisco, CA 94132-0207, USA – editors @ moemaka.net ((510) 854-6501)။ HOME, ၅၈/၆၀ ဗိုလ်အောင်ကျော်အောက်လမ်း၊ ရန်ကုန်၊ ဖုံး (၀၉၂၅- ၄၂၀၀ - ၆၀၆)။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

တူမောင်ညို - ၁၀ မိနစ် စကားပြောပွဲ

တူမောင်ညို - ၁၀ မိနစ် စကားပြောပွဲ 
(မိုးမခ) နိုဝင်ဘာ ၁၊ ၂၀၁၄ 
“ကြီး ၄ကြီး”၊ “ကြီး ၉ ကြီး”၊ “ထိပ်သီး ၁၄ ဦး” လို့ ဆိုပြီး ကိုယ်ထင်ရင်ကုတင်ရွှေနန်း ဘယ်လိုပဲ စိတ်ကူးယဉ် သတ်မှတ်ပြော ဆိုနေပါစေ၊ တကယ်တန်းမှာတော့ အာဏာရှိသူ/အုပ်စိုးသူတွေက အာဏာမဲ့အတိုက်အခံကို အာဏာကပ်မြှောင်တွေခြံရံပြီးခေါ်တွေ့ တာပါ။ ၁၀ မိနစ်စီ စကားပြောခွင့်ပေးတဲ့၊ “၁၀ မိနစ်စကားပြောပွဲ”မျှသာ ဖြစ်ပါတယ်။ 
“အစိုးရ၊ လွှတ်တော်၊ ကော်မရှင်၊ တပ်မတော်၊ ကြံ့ဖွံ့ပါတီ” တို့ကနေ သူတို့ရဲ့အဆွယ်အပွားအချို့နဲ့အတူ အတိုက်အခံပါတီ ၂ ခုက ခေါင်းဆောင် ၂ ယောက်ကို ခေါ်တွေ့တာပါပဲ။ သူတို့ကိုယ်သူတို့ “ကြီး” တယ်လို့ ထင်နေသူတွေကလည်း “နိုင်ငံတော်” က ဒီ “၁၀မိနစ်စကားပြောပွဲ”  မှာ သူတို့ကို မခေါ်/ စိမ်းကားလို့ ကြိတ်မနိုင် ခဲမရဖြစ်နေကြတယ်လို့ ပြောသံလည်းကြားရပါတယ်။
  “၁၀ မိနစ်စကားပြောပွဲ” ဟာ ရုတ်တရက်ထီးအနက်ဖွင့်လိုက်တာကို မြင်လို့ ဝိုင်းပြီးအာကြတဲ့ ကျီးတွေလို ခဏတဖြုတ်တော့ အုတ်အော်သောင်းသဲဖြစ်သွားပေမယ့်၊ ပြီးတော့လည်း နဂိုနေမြဲအတိုင်းပြန်ဖြစ်သွားတာပါပဲ။ 
ခေါ်တွေ့ တဲ့ ပုံစံကိုပဲကြည့်ပါ၊  “အစိုးရ” (ဦးသိန်းစိန်၊ ဒေါက်တာစိုင်းမောက်ခမ်း၊ ဦးဉာဏ်ထွန်း)၊ “လွှတ်တော်” (ဦးရွှေမန်း၊ ဦးခင်အောင်မြင့်)၊ ရွေးကောက်ပွဲကော်မရှင် ( ဦးတင်အေး)၊ တပ်မတော် (ဗိုလ်မင်းအောင်လှိုင်၊ ဗိုလ်စိုးဝင်း)၊ ကြံ့ဖွံ့ပါတီ ( ဦးဌေး) တို့က သူတို့ အဆွယ်အပွားတွေထဲက အချို့ဖြစ်တဲ့ ဦးသိန်းထွန်း(တစည)၊ စိုင်းအိုက်ပေါင်း(SNDP)၊  ဦးခင်မောင်ဆွေ(NDF) တို့ ခြံရံပြီး   ဒေါ်အောင်ဆန်းစုကြည် (NLD) နဲ့ ခွန်ထွန်းဦး (SNLD) တို့ကို ခေါ်တွေ့တာပါ။  
“၂၀၀၈ အခြေခံဥပဒေ” ပြင်ဆင်ရေးနဲ့ပတ်သက်ပြီး “ပုဒ်မ ၄၃၆ မပြင်ဆင်ရေး၊ ပုဒ်မ ၅၉ (စ) မပြင်ဆင်ရေး၊ PR စနစ် ကျင့် သုံးရေး”စတဲ့ ဘက်ကနေ ကြည့်ရင်“အစိုးရ၊ လွှတ်တော်၊ ကော်မရှင်၊ တပ်မတော်၊ ကြံ့ဖွံ့ပါတီ” တို့နဲ့ သူ့အဆွယ်အပွားတွေဟာ တစ်ကျိတ် ထဲတစ်ဉာဏ်ထဲတွေပဲဖြစ်ပါတယ်။ (NLD) နဲ့ (SNLD) တို့က အခြေခံဥပဒေပြင်ဆင်ရေး (သို့) အသစ်ရေးဆွဲရေးဘက်က မဟုတ်ပါလား။ အခြေခံဥပဒေကို (NLD) ပါတီက လွှတ်တော်တွင်းကနေပြင်ဆင်ရေးပဲကွက်ပြီးပြောနေလို့ (SNLD) က အတွင်းရေးမှူးက ဝေဖန်ပြော ဆိုချက်ဟာ  အမြော်အမြင်ရှိတဲ့ပြောဆိုချက်၊ သတ္တိရှိတဲ့ပြောဆိုချက်ဖြစ်ပါတယ်။ 
ဒီလို “ခေါ်တွေ့” တာကို ပင့်တင်တွန်းပို့မီဒီယာတွေက “သမိုင်းဝင်တွေ့ဆုံမှု” လို့ ပြူးတူးပြဲတဲရေးသားကြတယ်။ လက်တွေ့ မှာ တော့ တွေ့ဖူးပြီးသားလူတွေ အချင်းချင်းလက်ဆွဲနှုတ်ဆက်ကြ၊ ဓါတ်ပုံအတူတွဲရိုက်ကြ၊ ပြီးတော့ ၁၀မိနစ်စီ စကားပြောကြရတာပါ။ (KNU)၊ (RCSS)၊ (UWSP)“ဝ”နဲ့မိုင်းလားတို့ ပြီးရင် ကာချုပ်ကို ပထမဆုံး ဖူးတွေ့ရတယ် ဆိုတဲ့ စာနယ်ဇင်းကောင်စီ(ယာယီ) အတွင်းရေး မှူး အဖို့တော့ မာန်တက်ပြီးလက်မထောင်ချင်စရာပဲ။ သူက ကာချုပ်နဲ့  “ ၃နာရီနဲ့မိနစ် ၂၀ ” ကြီးများတောင်တွေ့ပြီး စကားပြောခဲ့ရတာ မဟုတ်လား။ ကာချုပ်က ခဏခဏခေါ်တွေ့နေတဲ့(KNU) ဥက္ကဋ္ဌ စောမူတူးဆေးဖိုးနဲ့ ပဒိုမန်းငြိမ်းမောင်တို့ကတော့ “ဒါလေးများကွာ” ဆို ပြီး ပြုံးနေကြလိမ့်မယ်ထင်တယ်။ 
“သမ္မတ၊ လွှတ်တော်ဥက္ကဋ္ဌ၊ ကာချုပ်” တို့ နဲ့ တွေ့ကြရသူတွေအားလုံးမှာ တူညီချက်တစ်ခုတော့ရှိတယ်။ အဲဒါကတော့ အဲဒီလို “ခေါ်တွေ့မှု” ဆိုတာတွေကနေ ဘာရလဒ်မှ မယ်မယ်ရရ ဆုပ်ဆုပ်ကိုင်ကိုင်ရရှိခြင်း မရှိဘူးဆိုတဲ့ အချက်ပဲဖြစ်ပါတယ်။ “ ဗြိစုံ- ဗြုံစိ၊ ဗြုံစိ- ဗြိစုံ” ပါပဲ။ 
အတိုက်အခံလို့ခေါ်တာကိုမကြိုက်တဲ့ အတိုက်အခံပါတီခေါင်းဆောင်ကတော့ ရတဲ့အချိန် ပိစိညှောင့်လေးအတွင်းမှာ ဖေဖေ ထူထောင်ခဲ့တဲ့ တပ်မတော်အပေါ်ထားရှိတဲ့ သူမရဲ့“ပလေတိုးနစ်အချစ်” ကို ပြောဖြစ်အောင် ပြောလိုက်တာကဖြင့် ဒီတွေ့ဆုံမှု ရဲ့ အဓိက ဇာတ်ထွဋ်များဖြစ်နေမလားမသိပါ။ ကိုပါကြီးရဲ့ကျန်ရစ်သူမုဆိုးမ၊ ဆိုင်းရွယ်ဂျာရဲ့မိဘများနဲ့အတူ စစ်တပ်ရဲ့မီးရှို့မှု၊ မုဒိန်းကျင့်မှု၊ သတ်ဖြတ်မှုမျိုးစုံကို တွေ့ကြုံခံစားခဲ့ကြရတဲ့ အခြားအခြားသော တိုင်းရင်းသားပြည်သူတွေက ဘယ်လိုများပြောကြမှာပါလိမ့်။ ဒီစကားကို မြင့်မြတ်ရာဘုံက ဆရာ ဦးဝင်းတင်ကြားရင် ဘယ်လိုများပြောမှာပါလိမ့်မယ်။
မြန်မာ့နိုင်ငံရေးမှာ (ဖဆပလ) အစိုးရမှသည် (ဗိုလ်) ဦးသိန်းစိန်ကြံ့ဖွံ့အစိုးရအထိ အဆက်ဆက်သော အုပ်စိုးသူတွေဟာ  သူတို့ကြုံတွေ့နေရတဲ့ အခက်အခဲတွေထဲက ယာယီထွက်ပေါက်ရှာ လိုတဲ့အခါမှာပဲဖြစ်ဖြစ်၊ ထုနဲ့ထည်နဲ့ဖြစ်တည်လာတဲ့ (ပြည်တွင်း စစ် ရပ်စဲရေး၊ ပြည်တွင်းငြိမ်းချမ်းရေး၊ ဒီမိုကရေစီရေး၊ ဖက်ဒရယ်ပြည်ထောင်စုတည်ဆောက်ရေး၊ နိုင်ငံရေးအရ တွေ့ဆုံဆွေးနွေးရေး စတဲ့)  ပြည်သူလူထုဆန္ဒကို လမ်းကြောင်းပြောင်းဖြိုခွဲ လိုတဲ့အခါမှာ ပဲဖြစ်ဖြစ် “ဟန်ပြတွေ့ဆုံဆွေးနွေးပွဲ” တွေဖော် ထုတ်လေ့၊ ပြုလုပ်လေ့ရှိပါ တယ်။ “၁၀ မိနစ်စကားပြောပွဲ” ဟာလည်း  အဲဒီလို “ဟန်ပြတွေ” ထဲမှ  ခပ်ညံ့ညံ့အမျိုးအစားတစ်ခုမျှသာဖြစ်ပါကြောင်း။ 




အရှင်စန္ဒိမာ (မွန်စိန်တောရ) - ဓါတ်ပုံနုိုင်ငံရေး


အရှင်စန္ဒိမာ (မွန်စိန်တောရ)  - ဓါတ်ပုံနုိုင်ငံရေး
(မိုးမခ) နိုဝင်ဘာ ၁၊ ၂၀၁၄

သမ္မတဦးသိန်းစိန်နဲ့ လူထုခေါင်းဆောင်ဒေါ်အောင်ဆန်းစုကြည်တုို့ နှစ်ပွင့်ဆုိုင်တွေ့ဆုံမှု သုံးလေးကြိမ်လောက် လုပ်ခဲ့ပေမယ့် ဘာမှအရာမထင်ခဲ့ဘဲ ဓါတ်ပုံကြော်ငြာပဲ ဖြစ်ခဲ့တယ်။ ယခု ၁၄ပွင့်ဆုိုင်တွေ့ဆုံမှုဆုိုတာလည်း ဓါတ်ပုံနုိုင်ငံရေးပဲ ဖြစ်အုံးမှာပါ။ ပထမခြေလှမ်းပါ။ နောင်မှာ ဒီလုို တွေ့ဆုံမှုတွေ ဆက်လုပ်သွားအုံးမယ်ဆုိုတာကလည်း ကြိုးရှည်ရှည်လံပြီး အချိန်ဆွဲထားတဲ့သဘောပါ။    

လက်ရှိနုိုင်ငံရေးဖိနှိပ်မှု၊ လူမှုဘဝဆင်းရဲကြပ်တည်းမှု မြင့်မားလာနေတဲ့အချိန်မှာ အာရုံလွှဲ အပေါ်ယံဖြေလျှော့ပြ နုိုင်ငံတကာအမြင်မှာ ဘက်ပေါင်းစုံပါဝင်တဲ့ နုိုင်ငံရေးတွေ့ဆုံမှု ဆွေးနွေးညှိနှိုင်းအဖြေရှာမှုတွေ ဆက်လက်လုပ်ဆောင်နေပါတယ်လုို့ အကြောင်းပြစရာ ဆင်ခြေပေးစရာ ရှာတဲ့အနေနဲ့ ဒီ ၁၄ပွင့်ဆုိုင်တွေ့ဆုံပွဲကုို ထလုပ်လုိုက်တာ မြင်သာလှတယ်။  

လုံးဝမတွေ့တာထက် တွေ့တာကောင်းတယ်။ ယခု ပထမခြေလှမ်းသာ ဖြစ်တယ်။ နောင်ဒါမျိုး ဆက်လုပ်ဖုို့ ရှိသေးတယ် စသည်ဖြင့် ရသေ့စိတ်ဖြေ မရေမရာ မျှော်လင့်ချက်တွေ ပေးတယ်။ ဤနည်းအားဖြင့် အစုိုးရအတွက် အသက်ရှူပေါက်ရသွားတယ်။ အနာဂတ် တုိုင်းပြည်နဲ့ပြည်သူလူထုအတွက် ရုိုးသားတဲ့ ဖြူစင်ဖြောင့်မတ်တဲ့ စိတ်စေတနာအရင်းခံနဲ့ လုပ်တဲ့ ဆွေးနွေးပွဲအဖြစ် ဘယ်လုိုမှ ခံစားလုို့ မရတာ အမှန်ပါ။

ဦးသိန်းစိန်ရဲ့  ထိပ်သီးနှစ်ဦးတွေ့ဆုံမှု ဓါတ်ပုံနုိုင်ငံရေးဟာ အချိန်အတုိုင်းအတာတစ်ခုအထိ အလုပ်ဖြစ်ခဲ့တယ်။ ပြည်တွင်းပြည်ပကုို မျက်လှည့်ပြပြီး သူတုို့လုိုချင်တာ ရအောင် ယူနုိုင်ခဲ့တယ်။ ထိပ်သီးနှစ်ဦးရဲ့ ဓါတ်ပုံက အလုပ်မဖြစ်တော့ဘဲ အလိမ်ပေါ်သွားတော့ ယခု ထိပ်သီး ၁၄ဦးဓါတ်ပုံနဲ့ မျက်လှည့်ပြပြန်တယ်။

ဒီလုို အမြန်ကောက်ချက်ချဖို့ စောသေးတယ်။ စောင့်ကြည့်ဖုို့ သင့်တယ်လို့ ယူဆသူတွေ ရှိကောင်းရှိမယ်။ ဘယ်လုိုပင်အမြင်ရှိပါစေ လက်ပန်းတောင်းတောင် ဒေသခံပြည်သူတွေရဲ့ မျှော်လင့်ချက်မဲ့အခြေအနေကတော့ မျှော်လင့်ချက်မဲ့လျှက်ပါ။ လယ်သိမ်းခံလယ်သမားတုို့ရဲ့ လယ်ယာမဲ့ဘဝအခြေအနေလည်း နဂုိုအတုိုင်းပါ။ ထောင်ထဲရောက်သွားခဲ့ကြတဲ့ လယ်သမားများလည်း ထောင်ထဲမှာ ဆက်ရှိနေလျှက်ပါ။ အဖမ်းခံထားရတဲ့ သတင်းမီဒီယာသမားတွေလည်း အဖမ်းခံထားရတဲ့အတုိုင်းပါ။ ကုိုထင်ကျော်ကုိုလည်း တရားရုံးတစ်ခုချင်းစီက ထောင်ဒဏ်တွေ ဆက်လက်ချမှတ်နေလျှက်ပါ။ သတင်းထောက်ကုိုပါကြီးအမှုလည်း လွတ်လပ်ပွင့်လင်းမျှတတဲ့ တရားစီရင်ရေးနဲ့ အလှမ်းဝေးနေလျှက်ပါ။ မကျေနပ်လုို့ ဆန္ဒပြသူတွေကုို ပုဒ်မ ၁၈ နဲ့ ဟန့်တားဖမ်းဆီးနေလျှက်ပါ။

တဖက်မှာတော့ PR စနစ် ရှေ့ခရီးဆက်မယ်။ နာဂစ်အခြေခံဥပဒေကုို အပေါ်ယံလောက် ပြင်မယ်။ ခရုိုနီတွေနဲ့ ထိပ်ပုိုင်းစစ်ဗိုလ်တွေရဲ့ စီးပွါးဥစ္စာတွေ ဒီရေအလား ဆက်လက်တုိုးပွားနေမယ်။

ပြည်ပအိမ်နီးချင်းနုိုင်ငံတွေမှာ သွားရောက်အလုပ်လုပ်ကုိုင်တဲ့ မြန်မာနုိုင်ငံသားများ ဆက်လက်တုိုးပွားနေမယ်။ ပြည်တွင်းက စက်ရုံအလုပ်သမားတွေရဲ့ လုပ်ခလစာတုိုးမြှင့်ရေး တောင်းဆုိုသံတွေ ဆက်ကြားနေရမယ်။ ထွန်တုံးတုိုက်ပွဲတွေ ဆက်ပေါ်ပေါက်နေမယ်။ ထောင်ထဲမှာ လယ်သမားဦးရေ ဆက်လက်တုိုးပွားနေမယ်။

အစုိုးရပုိုင်းက ပုဂ္ဂိုလ်တွေကတော့ ဒီမုိုကရေစီဆက်လက်ဖေါ်ဆောင်နေတယ်။ လူ့အခွင့်အရေးတွေ တုိုးတက်နေတယ်။ ငြိမ်းချမ်းရေးဆွေးနွေးပွဲတွေ ရှေ့ဆက်သွားနေတယ်။ အခြေခံဥပဒေပြင်ဆင်ရေးကုို လွှတ်တော်တွင်းမှာ ဆောင်ရွက်လျှက်ရှိတယ်လုို့ ဆက်ပြောနေကြအုံးမယ်။

ဒီလုိုပါပဲ။ ၆၂ ခုနှစ်က စခဲ့တဲ့ စစ်အာဏာရှင်စနစ်ဟာ အမည်အမျိုးမျိုးနဲ့ ယနေ့အချိန်အထိ ပန်းပန်လျှက်ပါ။  

အရှင်စန္ဒိမာ (မွန်စိန်တောရ)  

ကာတွန်း စောငို - အမှုကတော့ ရှင်းရမှာပဲ


ကာတွန်း စောငို - အမှုကတော့ ရှင်းရမှာပဲ
(မုိုးမခ) နိုဝင်ဘာ ၁၊ ၂၀၁၄

ဟန်သစ်နိုင် - အာဆီယံမသန်စွမ်းသူများ အနုပညာပွဲတော် သတင်းစာရှင်းလင်း


ဟန်သစ်နိုင် - အာဆီယံမသန်စွမ်းသူများ အနုပညာပွဲတော် သတင်းစာရှင်းလင်း
(မိုးမခ) အောက်တိုဘာ ၃၁၊ ၂၀၁၄

အာဆီယံမသန်စွမ်းသူများ အနုပညာပွဲတော်၏ ပထမအကြိမ်စာနယ်ဇင်းရှင်းလင်းပွဲကို အောက်တိုဘာ ၃၀ ရန်ကုန်မြို့ central hotel တွင်း ကျင်းပပြုလုပ်ခဲ့သည်။

ဦးအောင်ကိုမြင့် (Operation Director) မှပြောကြားရာတွင် ၂၀၁၃ ခုနှစ် အောက်တိုဘာလ ၁၇ရက်မှ ၁၉ရက်အထိ ကျင်းပပြုလုပ်ခဲ့သောအနဂ္ဂရောင်စဉ်အမည်ဖြင့် မြန်မာနိုင်ငံမသန်စွမ်းသူများအနုပညာပွဲတော်ကို မြန်မာနိုင်ငံမှမသန်စွမ်းသူများ ၂၆၃ဦးဖြင့် ရန်ကုန်မြို့ မင်းဓမ္မလမ်းရှိ MCC ခမ်းမတွင် နိုင်ငံတော်အဆင့် ကျင်းပပြုလုပ်ခဲ့ကြောင်း၊ ၂၀၁၄ ဒီဇင်ဘာလတွင် ကျင်းပမည့် အာဆီယံမသန်စွမ်းသူများအနုပညာပွဲတော်ကို ၃ ရက်မှ ၇ရက်အထိ ပထမအကြိမ် အိမ်ရှင်နိုင်ငံအဖြစ် မြန်မာနိုင်ငံ နေပြည်တော်တွင် ပြုလုပ်သွားမည် ဖြစ်ကြောင်း ပြောကြားသည်။

အဆိုပါ ဖွင့်ပွဲနေ့ ဒီဇင်ဘာ ၃ရက်နေ့သည် အပြည်ပြည်ဆိုင်ရာမသန်စွမ်းသူများနေ့ဖြစ်ပြီး ပိတ်ပွဲ ၇ ရက်နေ့သည် မြန်မာနိုင်ငံတော်အစိုးရမှ မသန်စွမ်းသူများဆိုင်ရာကို ကုလသမဂ္ဂတွင် သဘောတူလက်မှတ်ရေးထိုး အသိမှတ်ပြုပေးသောနေ့ဖြစ်သည့်အတွက် ၄င်း ၃ ရက်နှင့် ၇ ရက်သည် မသန်စွမ်းသူများ အလေးထားရတဲ့နေ့ဖြစ်ကြောင်း၊ ၄င်းနေ့တွေကိုဂုဏ်ပြုသောအားဖြင့် အနုပညာများကို ချိန်ကိုက်ပြုလုပ်သွားမည်ဖြစ်ကြောင်း၊ ရှေးယခင်က အဆိုးအမြင်၊ အယူအဆအလွှဲအမှားတွေကို ဖုံးလွှမ်းသွားနိုင်ဖို့နှင့် မြန်မာနိုင်ငံတွင်နေထိုင်ကြသော မသန်စွမ်းသူများသည် ကမ္ဘာတွင်နေထိုင်ကြသော မသန်စွမ်းသူများကဲ့သို့ ပြုလုပ်နိုင်ကြောင်းများကို ကြိုးစားသွားမည်ဖြစ်ကြောင်း၊ သန်စွမ်းသောအနုပညာရှင်များနည်းတူ မသန်စွမ်းသောအနုပညာရှင်များက သူ့အတိုင်းအတာနှင့်အတူ စာပေ၊ ဂီတ၊ ပန်းချီ၊ အကများတွင် ပြုလုပ်ဖန်တီးတည်ရှိနေကြောင်းများကို ပြည်သူလူထုသိရှိ နားလည်အောင် ပြသသွားမည်ဟု ပြောကြားသည်။


မြန်မာနိုင်ငံမသန်စွမ်းသူများရှေ့ဆောင် (Program Director) ဦးနေလင်းစိုးမှ အာဆီယံမသန်စွမ်းသူများ အနုပညာပွဲတော်ပြုလုပ်ရခြင်း အဓိကရည်ရွယ်ချက် (၅)မျိုးကို ပြောပြရာတွင် 
(၁) အနုပညာလှုပ်ရှားမှုမှတဆင့် မသန်စွမ်းသူများကို ပြည်သူလူထုသိရှိစေရန်၊
 (၂) အနုပညာလှုပ်ရှားမှုဟာ ပြည်သူလူထုက မသန်စွမ်းသူများအပေါ် ထားရှိသောစိတ်သဘောထားများ ပြောင်းလဲတိုးတက်လာစေရန်၊ 
(၃) မသန်စွမ်းသူများအနုပညာကိုမြှင့်တင်ပေးခြင်းဖြင့် အနာဂတ်တွင် တတ်ကြွလူငယ်များပေါ်ထွက်လာစေရန်၊ (၄) အာဆီယံဒေသတွင်းနိုင်ငံများမှာရှိတဲ့ မသန်စွမ်းအနုပညာရှင်များကြားထဲမှာ သူတို့နှင့် ပူးပေါင်းဆောင်ရွက်လာစေရန်၊
 (၅) မသန်စွမ်းသူများအနုပညာအနာဂတ် စဉ်ဆက်မပြတ် ရေရှည်တိုးတက်လာဖို့နှင့် စီးပွားရေးလုပ်ငန်းရှင်များနှင့် ပူးပေါင်းပါဝင်ဆောင်ရွက်မှုများလိုလာဖို့ ရည်ရွယ်ကြောင်း …


အနုပညာလှုပ်ရှားမှုများကို အကြိုအနေဖြင့် မြန်မာနိုင်ငံမသန်စွမ်းရှေ့ဆောင်နှင့် အခြား မသန်စွမ်းအဖွဲ့အစည်းများ ပူးပေါင်းပြီး ဂီတအနုပညာပွဲများ ကြိမ်ဖန်များစွား ပြုလုပ်ခဲ့ကြောင်း၊ အာဆီယံ ၁၀ နိုင်ငံမှ လာရောက်ဖျော်ဖြေကြမည့် မသန်စွမ်းသူများတွင် ပြည်ပမှ ၇၅ဦး၊ ပြည်တွင်းမှ ၃၀ဦးတို့ဖြင့် ဖျော်ဖြေသွားရန်စီစဉ်ထားကြောင်း၊ မြန်မာနိုင်ငံမှမသန်စွမ်းသူများသည် ခေတ်ပေါ်၊ ခေတ်ဟောင်း အဆိုအက၊ နန်းတွင်းအက၊ ပုဂံအက၊ တေးသရုပ်ဖော်၊ နှစ်ပါးသွားအက၊ ဝှီးချဲလ် ဘီးအကများ ပါဝင်မည်ဖြစ်ကြောင်း ပြောကြားသည်။



ခိုင်မာကျော်ဇော - အူးဒါးချောင်းကိုဖြတ်၍

ခိုင်မာကျော်ဇော - အူးဒါးချောင်းကိုဖြတ်၍
(မိုးမခ) အောက်တိုဘာ ၃၁၊ ၂၀၁၄


အူးဒါးချောင်းဆိုတာ သံလွင်မြစ်ကြီးထဲကိုစီးဝင်တဲ့ ချောင်းရိုးလေးတခုပါ၊ သံလွင်မြစ်နဲ့  အူးဒါးချောင်းဆုံရာနေရာမှာ ကရင်ပြည်နယ် ဖာပွန်ဒေသက စစ်ပြေး မိသားစု အစု(၂၀)ကျော် ပုန်းအောင်း နေထိုင်ကြပါတယ်။

တဲအိမ်လေးတွေ ၃-၄လုံး ဟိုတစု ဒီတစုရှိတဲ့ သူတို့ နေတဲ့ နေရာလေးကို ရွာပုန်းလေး တရွာလို ခေါ်ပြီး ဇာတိရပ်ရွာတွေကို စွန့် ခွာထွက်ပြေးလာကြ၊ တောတွေတောင်တွေထဲမှာ ပုန်းအောင်းနေထိုင်ကြတဲ့ သူတို့ ကိုတော့ ရွာပုန်းရွာရှောင်တွေလို့  ခေါ်ကြပါတယ်။

ရွာပုန်းရွာရှောင်တွေနေတဲ့ တဲအိမ်လေးတွေနဲ့  စာသင်ကျောင်းလေး တကျောင်းကိုတော့ အူးဒါးချောင်းက ပိုင်းခြားထားပါတယ်။ တဲအိမ်ငယ်လေးတွေက အူးဒါးချောင်းရဲ့ အနောက်ဘက်မှာ၊ စာသင်ကျောင်းလေးကတော့ အူးဒါးချောင်းအရှေ့ ဘက် တောနက်နက်တနေရာမှာ။ စာသင်ကျောင်းလေးကို အူးဒါးချောင်းရဲ့ တဖက်ကမ်းက တောနက်နက်တနေရာမှာ ပို့ ထားရတာ လုံခြုံရေးအတွက်လို့  သူတို့ က ပြောကြပါတယ်။

သူတို့ ပြောတဲ့ လုံခြုံရေးဆိုတာက ကျောင်းလေးရဲ့ လုံခြုံရေး။ ကျောင်းသားတွေရဲ့ လုံခြုံရေး။ ကျောင်းဆရာမလေးရဲ့  လုံခြုံရေးအတွက်သာမက သူတို့ အားလုံးရဲ့  လုံခြုံရေးနဲ့  ဒီနေရာလေးမှာ သူတို့ ကြာကြာနေနိုင်ရေးအတွက်ဆိုတာကိုတော့ သူတို့ ထဲက တဦးပြောပြပါတယ်။

‘ကလေးတွေရဲ့  စာအံသံဟာ အဝေးကြီးကနေ ကြားနိုင်တယ်’

‘အန္တရာယ်ကို ဖိတ်ခေါ်သလိုဖြစ်မှာစိုးလို့  စာသင်ကျောင်းလေးကို ချောင်းတဖက်ကမ်း တောနက်တဲ့နေရာမှာ ဆောက်ထားရတာ’

ဒါကြောင့်လည်း တဲအိမ်လေးတွေက ကျောင်းသား(၂၀)ကျော်နဲ့  ကျောင်းဆရာမလေးတဦးဟာ အူးဒါးချောင်း ကိုဖြတ်ပြီး ချောင်းတဖက်ကမ်း တောနက်နက်တနေရာမှာရှိတဲ့ ကျောင်းလေးရှိရာကို ကျောင်းတက်ကျောင်းဆင်း လုပ်ရပါတယ်။

တဲအိမ်လေးတွေရှိတဲ့ အူးဒါးချောင်းရဲ့ ကမ်းစပ်မှာ သက်ရင့်ပျဉ်းမပင်ကြီး တပင်ရှိပါတယ်၊ အဲဒီ ပျဉ်းမပင်ကြီးကတော့ သူတို့ ရဲ့  ကျောင်းသွားကျောင်းပြန် ဆုံရပ် ဆုံမှတ်ပါပဲ။ ဆရာမလေးနဲ့  ကျောင်းသူကျောင်းသားတွေဟာ မနက်(၇)နာရီလောက်မှာ ပျဉ်းမပင်ကြီးမှာ စုဝေးကြ၊ လူစုံရင်တော့ အူးဒါးချောင်းကိုဖြတ်ပြီး စာသင်ကျောင်းလေးရှိရာကို ချီတက်ကြပါတယ်။

ဆရာမလေးဦးဆောင်တဲ့ သူတို့ စစ်ကြောင်းမှာ ကျောင်းနေအရွယ်မဟုတ်တဲ့ ကလေးငယ်တွေနဲ့  ခွေး၃-၄ကောင်လည်း ပါပါတယ်။  ခွေးတွေကတော့ သူတို့ ရဲ့ သခင် ကျောင်းသားလေးတွေ ကျောင်းတက်ရာကို တကောက်ကောက်နဲ့  လိုက်ပါကြတာဖြစ်ပြီး ကလေးငယ်တွေကတော့ တောတဲ တောင်ထဲ ဖားရှာငါးရှာ ဟင်းရွာရှာ ထွက်ကြတဲ့ မိဘတွေက သူတို့ ရဲ့  ကလေးငယ်တွေကို ကျောင်းသွားကြမယ့် အကိုအမတွေနဲ့  ထည့်ပေးလိုက်ကြတာပါ၊

သူတို့ စစ်ကြောင်း အူးဒါးချောင်းကို ဖြတ်တဲ့အခါ ကလေးငယ်တွေကို ဆရာမလေးနဲ့  သက်ဆိုင်တဲ့ အကိုအမတွေက ချီပိုးဖြတ်ကျော်ကြရပါတယ်၊ ပျဉ်းမပင်ကြီးကနေ စပြီးတာထွက်လာတဲ့ သူတို့ စစ်ကြောင်းဟာ အူးဒါးချောင်းထဲကို ပြေပြေလေးဆင်း၊ ချောင်းကိုဖြတ်၊ ချောင်းစပ်ကနေ ချောင်းကမ်းနဖူးပေါ် ကွေ့ ကာဝိုက်ကာနဲ့ ပြန်တက်၊ အဲဒီနောက်မှာတော့ မနိမ့်လွန်းမမြင့်လွန်းတဲ့ တောင်(၂)လုံးကို တက်လိုက်ဆင်းလိုက်နဲ့  ခရီးရှည်ကြီး ချီတက်လာလိုက်တာ (၁)နာရီကျော်လောက်ကြာတဲ့အခါ မြွေလိမ်မြွေကောက်လမ်းလေးထဲ တိုးဝင်ပြီးတဲ့ နောက်မှာတော့ ၀ါးရုံပင်အုပ်အုပ်လေးတွေအောက်က အသံတိတ် အဖော်မဲ့နေတဲ့ စာသင်ကျောင်းလေးတကျောင်းကို ဆိုက်ရောက်ပါတော့တယ်၊

ဝါးရုံပင် အုပ်အုပ်လေးတွေကာဆီးထားတဲ့ သူတို့ ကျောင်းလေးဟာ ကျောင်းငယ်လေးတကျောင်းပါ၊

သို့ သော် သစ်လုံးတိုင်တွေနဲ့  ခိုင်ခိုင်ခန့် ခန့် ။ အမျိုးအမည်မသိတဲ့ ဖက်မျိုးစုံနဲ့  မိုးကာထားသော်လည်း ထူထူထဲထဲ လုံလုံခြုံခြုံ၊ သစ်မာသားတွေနဲ့ ပြုလုပ်ထားတဲ့ စာသင်ခုံလေးတွေကလည်း ညီညီညာညာ။

ကျောင်းခန်းထဲမှာတော့ ခရစ်ယာန်တရားဟော ဆရာတဦး ကောင်းမှုပြုထားတဲ့ သင်ပုန်းကြီး(၁)ချပ်၊ မြေဖြူဗူး (၃)ဗူးနဲ့  တိုင်ကပ်နာရီ(၁)လုံး၊

သူတို့ ကျောင်းလေးရဲ့  အခင်းအကျင်းကတော့ ဒီမျပါပဲ၊ အူးဒါးချောင်းကိုဖြတ်ပြီး  ချီတက်လာတဲ့ သူတို့ စစ်ကြောင်းဟာ ကျောင်းခန်းထဲရောက်တာနဲ့  သူငယ်တန်း တစု၊ ပထမတန်းက တစု၊ ဒုတိယတန်းက တစု၊ စာသင်ခန်းရဲ့  အနောက်ဘက် ထောင့်တထောင့်မှာတော့ ကလေးငယ်တွေနဲ့  ခွေး ၃-၄ကောင်ကတစု၊ အားလုံးအလိုက်တသိနဲ့  တပ်ဖြန့် ပြီး နေရာယူလိုက်ကြပါတယ်၊  ပြီးတာနဲ့  သူတို့ ရဲ့ စာသင်ချိန် စပါတော့တယ်၊

ဆရာမလေးက ကျမ်းစာအုပ်တအုပ်ထဲက ကျမ်းစာပိုဒ်(၂)ပိုဒ်ကို သင်ပုန်းကြီး တခြမ်းပေါ်ရေးချ၊ ဒုတိယတန်းအစုက ကလေးတွေက ကူးရေး၊ အပေါင်း၊ အနှုတ် သင်္ချာအက္ခရာကို ကျန်တဲ့ သင်ပုန်းကြီးတခြမ်းပေါ်မှာ ဆရာမလေးက ရေးချ၊ ပထမတန်း ကလေးတွေက လိုက်ကူး။ အင်္ဂလိပ်အက္ခရာ အေကနေ ဇက်အထိကို သင်ပုန်းကြီးရဲ့  အောက်ဆုံးနားမှာ ဆရာမလေး ရေးတဲ့အချိန်မှာတော့ သူငယ်တန်းကလေးတွေက လိုက်ရေးကြပါတယ်။

အတန်းခွဲအလိုက်။ အုပ်စုလိုက် အလှည့်ကျစနစ်နဲ့  ကူးရေး။ တွက်ချက်နေချိန်မှာ ကျောင်းသားတွေရဲ့  အရေးအတွက် မှန်မမှန်ကို ဆရာမလေးက ကျောင်းသားတဦးချင်းစီ အနားသွားပြီး အနီးကပ်စစ်ဆေး အမှတ်ပေးပါတယ်၊

ဝါးရုံပင်အုပ်အုပ်လေးတွေနားအောက်က ကျောင်းလေးက တိတ်တိတ်ဆိတ်ဆိတ်၊ ဆရာမလေး စာသင်တာကလည်း တိုးတိုးတိတ်တိတ်၊ ကျောင်းသူကျောင်းသားတွေကလည်း တိုးတိုးတိတ်တိတ်၊ အတူလိုက်ပါလာတဲ့ ကလေးငယ်တွေနဲ့  ခွေး ၃-၄ကောင်ကတော့ ငြိမ်သက်စွာနဲ့  အိပ်မောကျလို့ ။

စာသင်ခန်းအလယ်တိုင်မှာ ချိတ်ဆွဲထားတဲ့ တိုင်ကပ်နာရီလက်တံ (၁၂)ဂဏန်းကို ညွန်ပြတော့ ဆရာမလေးက သင်ပုန်းကြီးပေါ်က စာလုံးတွေကို ဖျက်၊ ကျောင်းသားတွေကလည်း တအုပ်တည်းသော စာအုပ်ကို လွယ်အိတ်ထဲထည့်၊ အိပ်မောကျနေတဲ့ ကလေးတွေနဲ့  ခွေးတွေကို နှိုး၊ နှိုးမရတဲ့ ကလေးတွေကို ချီပိုးပြီး ကျောင်းခန်းထဲကနေ စီတန်းပြီးထွက် ပြီးတော့ လာရာလမ်းကို မျက်နှာမူလိုက်ကြပါတယ်။

အဲဒီနောက်မှာတော့ ဆရာမလေးဦးဆောင်တဲ့ သူတို့ စစ်ကြောင်းဟာ အူးဒါးချောင်း ကမ်းစပ်က ပျဉ်းမပင်ကြီးရှိရာ ပြန်လည် ချီတက်ကြပါတော့တယ်၊ ပျဉ်းမပင်ကြီးဆီကို ရောက်တဲ့အခါမှာတော့ သူတို့ လူစုခွဲလိုက်ကြပြီး တဲအိမ်ငယ်လေးတွေရှိရာကို အလျိုအလျိုနဲ့  တိုးဝင်ပျောက်ကွယ်သွားကြပါတယ်၊

မွန်းလွဲ(၂)နာရီလောက်မှာ သူတို့  အူးဒါးချောင်းကမ်းစပ်က ပျဉ်းမပင်ကြီးမှာ ပြန်ဆုံကြဦးမှာပါ၊

ပြီးတော့ အူးဒါးချောင်းတဖက်ကမ်း ကျောင်းလေးရှိရာကို ချီတက်ကြဦးမှာပါ၊

ညနေ(၅)နာရီလောက်မှာတော့ အူးဒါးချောင်းကိုဖြတ်ပြီး ပျဉ်းပင်ကြီးရှိရာကို သူတို့  ပြန်လည်ရောက်ရှိလာကြမှာပါ၊

အူးဒါးချောင်းနေရာလေးမှာ သူတို့  ဘယ်လောက်ကြာကြာ နေရမယ်ဆိုတာ ဘယ်သူမှ အတိအကျ မပြောနိုင်ပါဘူး။ အူးဒါးချောင်းကို သူတို့ ဘယ်လောက်ကြာကြာ ကျော်ဖြတ်ခွင့်ရနေမယ်ဆိုတာလည်း ဘယ်သူမှ အတိအကျ မသိကြပါဘူး၊

အူးဒါးချောင်းကို တနေ့ ကို(၄)ကြိမ် ကျော်ဖြတ်နေရတဲ့ အလွန်စကားနည်းတဲ့ ဆရာမလေးကတော့ သူ့ ရင်ထဲက ဆန္ဒကို ကျမကို တိုးတိုးလေး ဖွင့်အံခဲ့ပါတယ်၊

‘အူးဒါးချောင်းကို တနေ့ ဘယ်နှစ်ကြိမ်ပဲ ဖြတ်ရဖြတ်ရ ကျမတို့  ဖြတ်နိုင်ပါတယ်’

‘ ဒါပေမယ့် ဒီနေရာလေးကနေ ကျမတို့ ဘယ်ကိုမှ ထပ်ပြီး မပြေးချင်တော့ပါဘူး’တဲ့။

လမိုက်ည သန်းခေါင်ယံမှာ သံလွင်မြစ်ကြီးထဲကို ကွေ့ ကာဝိုက်ကာနဲ့  စီးဆင်းသွားတဲ့ အူးဒါးချောင်းရဲ့  ရေစီးသံဘေးကိုတော့ ပုန်းတဲလေးတလုံးပေါ်ကနေ ကျမ သဲ့သဲ့လေး ကြားခဲ့ရပါတယ်။


(Photo - Khaingmar Kyawzaw)

မောင်စွမ်းရည် - ခေတ်သမိုင်း


မောင်စွမ်းရည် - ခေတ်သမိုင်း
(မိုးမခ) အောက်တိုဘာ ၃၁၊ ၂၀၁၄

                                   ယမ်း
                               ဗုံး
                   သေနတ်
           စစ်တပ်
ပစ်သတ်။
           သွေး
                 ချွေး
                       မျက်ရည်
                                  ပြည်သူပေးဆပ်။

မောင်စွမ်းရည်၊ ၂၀ အောက်တိုဘာ ၂၀၁၄။
(Photo - Ko Myoe, 88)

အရှင်ကုသလသာမိ (အတည်မဲ့) - စကန်ဒီနေဗီးယားတိုင်းပြည်များသို့ ခရီး (အပိုင်း ၆)


အရှင်ကုသလသာမိ (အတည်မဲ့) - စကန်ဒီနေဗီးယားတိုင်းပြည်များသို့ ခရီး (အပိုင်း ၆)
(မိုးမခ) အောက်တိုဘာ ၃၁၊ ၂၀၁၄


ယခင်အပတ်မှ အဆက်

 (၂၈)
အအေးဓာတ်က ပိုလာသည်နှင့် ဘူတာအတွင်းရှိ ဘေးဘက်လေးတန် မှန်ဖြင့် ကာထားသော နားနေခန်းသို့ သွားပြီး အိတ်ကိုဖွင့်ကာ ဆွယ်တာကို ထုတ်ဝတ်လိုက်သည်။ အထူးသဖြင့် ဆောင်းတွင်း နှင်းများ ဖွေးဖွေးလှုပ်အောင် ကျလာချိန်ရောက်လျှင် နားနေဖို့ ပြုလုပ်ထားသောအခန်းလေးဖြစ်သည်။

ခဏကြာသောအခါ အမျိုးသမီးကြီးတစ်ဦး ဝင်လာသည်။ စောင်လိုလို ဘာလိုလို နီညိုရောင်အဝတ်ကြီးကို ဟိုလိပ်ဒီလိပ်၊ ဟိုထိုးထည့်ဒီထိုးထည့်ကာ ဝတ်ထားသော ဖတ်ရှင်အသစ်အဆန်းကို မမြင်ဖူး၍လောမသိ၊ ပြုံးစိစိဖြင့် ကြည့်နေသည်။ ပြန်ပြုံးပြလိုက်သည်။ အချို့က စာရေးသူလိုဘုန်းကြီးများ ဝတ်စားထားပုံကို သူများနှင့်မတူအောင် ဖက်ရှင်ထွင်ဝတ်သည်ဟု ထင်ပုံရသည်။

စာရေးသူ ဂျာမနီသို့ ထွက်ခွါလာခါနီးတွင် သူငယ်ချင်း ဦးကိတ္တိသာရနှင့် ခေမာသီဝံကျောင်းတိုက်တွင် ဆုံဖြစ်သည်။ ခေမာသီဝံဆရာတော်နှင့် တွေ့ဖြစ်တော့ ဆရာတော်က “ဥရောပသွားမှာဆိုတော့ သမဏသညာတော့ မပျောက်စေနဲ့”ဟု မှာသည်။ ထိုစကားက ခေါင်းထဲမှ မထွက်။ သို့ဖြစ်၍ စာရေးသူ ဘယ်ပဲသွားသွား၊ လမ်းလျှောက်ထွက်တာကစပြီး ဟိုဘက်အဆောင်ဒီဘက်အဆောင် ကူးတာအဆုံး များသောအားဖြင့် သင်္ကန်းရုံပြီးသာ သွားဖြစ်သည်။

တစ်ခါတစ်ရံ သင်္ကန်းကြီးရုံပြီး လူကြားထဲသွားရတာ ပြူးတိပြူးကြောင် အကြည့်များကြောင့် အနည်းငယ်တော့ အနေခက်ဖူးသည်။ မည်သို့ပင်ဖြစ်စေ ဗုဒ္ဓဘာသာဘုန်းကြီးတစ်ပါးအသွင်ကိုတော့ တတ်နိုင်သမျှ ထိန်းသိမ်းထားဖြစ်သည်။

(၂၉)

ဘူတာထဲတွင် ခရီးသည်က တစ်ဦးနှစ်ဦးမျှသာ ရှိသည်။ ဒေသခံများသည် အချိန်အတိအကျ သိသဖြင့် ရထားထွက်ခါနီးမှသာ ရောက်လာလေ့ရှိသည်။ အပျင်းလည်းပြေ ဗဟုသုတလည်း ရအောင် အမျိုးသမီးကြီးနှင့်စကားပြောဦးမှပဲဟု တွေးကာ “ဟဲလို”ဟု နှုတ်ဆက်လိုက်သည်။ ဖြစ်ချင်တော့ သူက အင်္ဂလိပ်စကား သိပ်မတတ်။ သို့ပေမဲ့ ကိုယ့်ခရီးစဉ်ကို ပြောပြဖြစ်သည်။ ယခုလာမည့်ရထားဖြင့် အောလ်ဘော့ကို သွားမည့်အကြောင်း လက်မှတ်ပြပြီး ပြောဖြစ်သည်။

ထိုအခါကျမှ အမျိုးသမီးကြီးက သူ၏ စမတ်ဖုန်းလေးကို ထုတ်ပြီး အင်တာနက်မှတစ်ဆင့် ရထားခရီးစဉ်များကို ကြည့်နေသည်။ ရထားခရီးစဉ်များနှင့်ထွက်မည့်အချိန်၊ ဆိုက်မည့်အချိန်များကို ဘူတာအလိုက်၊ မိနစ်ချင်းအလိုက် အသေးစိတ် အင်တာနက်တွင် တိတိကျကျ သိနိုင်လေသည်။ နိပ်ပေစွ။ ပြီးမှ အမျိုးသမီးကြီးက ပထမရထားမှာ အောလ်ဘော့သို့ တိုက်ရိုက်မရောက်ကြောင်း၊ ၁၅ မိနစ်လောက် ပိုစောင့်ပြီး ဒုတိယရထားကို စီးသင့်ကြောင်း အကြံပြုသည်။ သို့ဖြင့် စာဖတ်ရင်း ရထားစောင့်နေလိုက်သည်။

မှတ်မှတ်ရရ ဖတ်နေဖြစ်သည့်စာအုပ်က ဆရာမဂျူး၏ “ဆုံနေရက်နဲ့ လွမ်းလေခြင်း”။ အရင်က သရုပ်မှန်ကဗျာ၊ သရုပ်မှန်ဝတ္ထုများကို သဘောလည်း မကျ၊ ဗဟုသုတအနေဖြင့်သိရအောင် ဖတ်ကြည့်တော့လည်း အရသာမတွေ့၊ ဆရာမနှင့်လူချင်းသိချိန်ကျမှ ဖတ်ချင်စိတ်ပေါက်လာသဖြင့် ဖတ်ကြည့်ခြင်း ဖြစ်သည်။ ဖတ်ကြည့်သည့်အခါ ဆရာမ၏ စာအရေးအသားများက စိတ်ဝင်စားစရာကောင်းသည်။ နုသည်၊ ညက်သည်၊ ဝါကျများက ပြေပြစ်သည်။ သို့ရာတွင် ဖြစ်စဉ်များကို အတင်းမဖြစ်ဖြစ်အောင် ကြိုးစားတတ်သည့် မြန်မာဝတ္ထုများ၏ဟန်ကတော့ ပြောင်းလဲသွားသည်ဟု မထင်။

ကိုယ်စီးမည့်ရထား မရောက်သေးသော်လည်း ရထားတွေကတော့ တစ်စီးပြီးတစ်စီး ဖြတ်သန်းသွားလာနေကြသည်။ ဒိန်းမတ်ရထားများက ဂျာမနီက ရထားများကဲ့သို့ အတွဲတွေတော့ သိပ်မများလှ။ သို့ရာတွင် ပိုမိုသစ်လွင်သည်၊ သန့်ရှင်းသည်ဟု ထင်သည်။ ဘူတာအတွင်းမှာနေမှ သတိထားမိသည်။ လျှပ်စစ်ရထားများဖြစ်သဖြင့် ရထားသံလမ်းပေါ်မှ လျှပ်စစ်သံကြိုးများက တဖျစ်ဖျစ် မြည်နေသည်။ ဓာတ်ဆီမလိုဘဲ နိုင်ငံအနှံ့၊ ဥရောပအနှံ့ လျှပ်စစ်သံကြိုးများဖြင့် ပြေးဆွဲနေသောရထားများကိုကြည့်ပြီး သဘောတွေကျနေမိသည်။

(၃ဝ)

LCD တွင် ဖော်ပြထားသည့်အချိန် ရောက်သည်နှင့် အချိန်တိကျစွာ ရထားရောက်လာသည်။ ရထားပေါ်တက်ပြီး ခုံအလွတ်တစ်ခုရှာကာ ထိုင်လိုက်သည်။ အသက်အရွယ်အတော်အိုးမင်းနေသည့် အသက် ၈ဝ ခန့် အဘိုးအဘွားစုံတွဲရှေ့တွင် ထိုင်လိုက်သည်။ ဒိန်းမတ်ရထားများရှိ ထိုင်ခုံများက ဂျာမနီရထားများထက် ပိုပြီး သက်တောင့်သက်သာရှိသည်။ ရထားပေါ်တွင် ဘယ်မြို့ကို ဘယ်နှနာရီနှင့် ဘယ်နှမိနစ်တွင် ရောက်မည် … စသဖြင့် ဆိုက်ရောက်မည့်ဘူတာနှင့် ရောက်မည့်အချိန်ကို ရေးထားသော စာတန်းလေးများက ပြေးနေသည်။

ထိုစာတန်းလေးများကို ကြည့်ပြီး အောလ်ဘော့မြို့ ဘူတာတွင် လာကြိုမည်ဆိုသော ဒကာကိုစိုးစိုးမောင်ထံ လှမ်းဖုန်းဆက်သည်။ ဘာမှ မပူဖို့၊ ဘူတာမှာ အသင့်လာကြိုမည်ဖြစ်ကြောင်း ပြောသည်။ အိပ်ရေးပျက်ထားသဖြင့် နှစ်နှစ်ခြိုက်ခြိုက် အိပ်ပျော်သွားသည်။ “ဖောက်”ခနဲအသံနှင့်အတူ ဗူးနှင့် ထိုင်ခုံရှေ့က စားပွဲထိသံကြားလိုက်မှ မျက်လုံးဖွင့်ကြည့်ဖြစ်သည်။ အဘိုးကြီးနှင့်အဘွားကြီး ဘီယာဗူးဖွင့်သောက်နေခြင်းပေတည်း။

(၃၁)

နေ့လယ် ၂ နာရီခန့်တွင် အောလ်ဘော့မြို့သို့ ရောက်သည်။ ကိုစိုးစိုးမောင်၊ သမီးငယ်နှင့် ကိုဇော်တို့ လာကြိုသည်ကို တွေ့ရသည်။ ဘူတာရောက်ရောက်ချင်း အပေါ့သွားချင်သဖြင့် အိမ်သာရှာသည်။ အိမ်သာက ဒိန်းမတ်ငွေ (ခရိုနာ)ထည့်မှ ပွင့်မည့်အိမ်သာဖြစ်သဖြင့် အကြွေလဲပြီးမှသာ တက်ခဲ့ရသည်။ ပြီးဒကာကိုစိုးမောင်၏ကားလေးဆီ သွားခဲ့သည်။ သူ့ကား ရှေ့ခန်းထိုင်ခုံကို စောင်တစ်ထည်ပါ ခင်းထားသည်။ ဘာသာမတူသော်လည်း ယဉ်ကျေးပျူငှါစွာ ကြိုဆိုခဲ့သော အစ္စလာမ်ဘာသာဝင် ဒကာကိုစိုးမောင်တို့အား ကျေးဇူးတင်ရသည်။

ကားပါ့ကင်းမှ ကားကလေးက ငြိမ့်ခနဲ ထွက်သွားသည်။ စိတ်ထဲမှ “ကြည့်စမ်းကွာ … အကဲခတ်စမ်းကွာ … ကမ္ဘာ့အငြိမ်းချမ်းဆုံးနိုင်ငံကြီး”ဟု ပြောနေမိသည်။
 “ကမ္ဘာ့အငြိမ်းချမ်းဆုံးနိုင်ငံ”
 “ကမ္ဘာ့အငြိမ်းချမ်းဆုံးနိုင်ငံ”
 “ကမ္ဘာ့အငြိမ်းချမ်းဆုံးနိုင်ငံ”
“ကမ္ဘာ့အငြိမ်းချမ်းဆုံးနိုင်ငံ”။

ပဲ့တင်ထပ်နေသည်။ အားကျပါဘိကွယ်။ ကမ္ဘာ့အငြိမ်းချမ်းဆုံး နိုင်ငံတဲ့။ ဂုဏ်ရှိလိုက်ပါဘိ၊ တို့လည်း တို့နိုင်ငံကို ကမ္ဘာ့အငြိမ်းချမ်းဆုံးနိုင်ငံလို့ ကြွေးကြော်ချင်လိုက်တာ။

ခေါင်းထဲမှာ အတွေးပေါင်းစုံက တရစပ် ဝင်လာနေသည်။ စာတွေထဲမှာ မြန်မာဆိုတာ ဘာ၊ မြန်မာလူမျိုးဆိုတာ ဘယ်လို စသဖြင့် ဂုဏ်တင်ရေးနေ ရေးနေ၊ ပါးစပ်ကနေ ဘယ်လို အမျိုးမြတ်တာတွေ ဘာတွေ ညာတွေ အော်နေအော်နေ … တကယ်ဆုံးဖြတ်တာက လုပ်ရပ်တွေကိုပါ။ လုပ်ရပ်များ၊ ထိုလုပ်ရပ်များမှ ဖြစ်ပေါ်လာသော အကျိုးတရားများက အကောင်းဘက်မှာ ရှိမနေလျှင် ကြွေးကြော်သံဟူသည် ရှက်စရာတစ်မျိုးသာ ဖြစ်နေပါလိမ့်မည်။

ရာဇဝတ်မှုများ၊ အဓမ္မမှုများ၊ အနိုင်ကျင့်မှုများ၊ အဂတိလိုက်စားမှုများ လျော့နည်းသထက် လျော့နည်းလာမည်၊ တရားဥပဒေစိုးမိုးမှုများ အားကောင်းသထက် အားကောင်းလာမည်၊ ရာဇဝတ်မှုများ နည်းပါးပြီး တိကျခိုင်မာသော တရားဥပဒေအောက်မှာ ရှိနေပြီဆိုလျှင် ကြွေးကြော်နေစရာပင် လိုမည်မဟုတ်၊ အလိုအလျောက် မြန်မာကို ချီးကျူးလာပေလိမ့်မည်။ လက်တွေ့ဘဝများ မငြိမ်းချမ်းဘဲ မည်မျှပင် ကြွေးကြော်နေပါစေ … မည်သူမျှ အထင်ကြီးလေးစားလိမ့်မည် မဟုတ်ပါ။ ကြွေးကြော်နေခြင်းများကို လျှော့ပြီး လက်တွေ့လုပ်ပြကြဖို့ လိုအပ်ပါသည်။

(၃၂)

ဒိန်းမတ်နိုင်ငံသည် လူဦးရေအားဖြင့် ၅ သန်းကျော်မျှသာ ရှိသည်။ ကမ္ဘာ့အငြိမ်းချမ်းဆုံးနိုင်ငံများစာရင်းတွင် Global Peace Index ၏ စစ်တမ်းအရ နံပါတ် ၁ စာရင်းဝင်သည်။ ရာဇဝတ်မှုများ၊ အကြမ်းဖက်မှုများ၊ စစ်ပွဲများ စသည်များ နည်းပါးမှု၊ များပြားမှုအပေါ်အခြေခံ၍ စစ်တမ်းကောက်ယူထားခြင်း ဖြစ်သည်။ စကန်ဒီနေဗီးယားတိုင်းပြည်များအနက် ဒိန်းမတ်က နံပါတ် ၁ စာရင်းဝင်သလို နော်ဝေက နံပါတ် ၂ နှင့် ဆွီဒင်က နံပါတ် ၅ စာရင်းဝင်သည်။ ကမ္ဘာ့အငြိမ်းချမ်းဆုံးနိုင်ငံများ ထိပ်ဆုံး ၁ဝ နိုင်ငံတွင် အာရှမှ စင်္ကာပူ (နံပါတ် ၃) နှင့် ဂျပန် (နံပါတ် ၁ဝ) သာ ပါဝင်သည်။ အစဉ်အားဖြင့် ဒိန်းမတ်၊ နော်ဝေ၊ စင်္ကာပူ၊ စလိုဗေနီးယား၊ ဆွီဒင်၊ အိုက်စလန်၊ ဘယ်ဂျီယံ၊ ချက်နှင့်ဂျပန်နိုင်ငံတို့ ဖြစ်သည်။

“တို့မြန်မာ ဒီလို အငြိမ်းချမ်းဆုံးနိုင်ငံများစာရင်းထဲ ဘယ်တော့များ ဝင်ရောက်နိုင်ပါ့မလဲ”။ မေးခွန်းလေးကို ကိုယ့်ကိုယ်ကို မေးပြီး ဝမ်းနည်းမိပါသည်။ အမေရိကလို ရုပ်ဝတ္ထုများ အလျှံပယ် ကြွယ်ဝဖို့ ဆုမတောင်းပါ။ တရားဥပဒေစိုးမိုးပြီး အေးအတူ ပူအမျှ ဝါဒဖြူစင်တဲ့မြေဖြစ်ဖို့သာ ဆုတောင်းပါသည်။ တရားဥပဒေမစိုးမိုးဘဲ၊ ရာဇဝတ်မှုများ လျှော့နည်းမလာဘဲ၊ အကြမ်းဖက်မှုများ မပပျောက်ဘဲ “ဗုဒ္ဓဘာသာထွန်းကားတဲ့ တို့တိုင်းပြည်”လို့ မကြွေးကြော်ရဲပါ။ နေရင်းထိုင်ရင်း ငြိမ်းချမ်းမှုကိုသာ အားပေးသော ဗုဒ္ဓဝါဒပါ နာမည်ပျက်နေမှာ စိုးပါသည်။

“ဗုဒ္ဓဘာသာဝင်များပီပီ ငါတို့တွေ တိုင်းပြည်ကို ငြိမ်းချမ်းစေရအောင်၊ ဗုဒ္ဓဘာသာဖြစ်လို့ ကိုယ့်ကိုယ်ကို ဂုဏ်ယူနေကြသူများပီပီ ငါတို့တွေ ဗုဒ္ဓဘာသာဂုဏ်တက်အောင် လုပ်ကြရအောင်လေ” … ရင်ထဲမှာ တိုးတိုးလေး တိုက်တွန်းနေမိသည်။ ရင်ထဲမှာ ပဲ့တင်ထပ်လောက်အောင် အော်နေပေမယ့် အသံတော့ ထွက်မလာခဲ့ပါ။

ဆက်လက်ဖော်ပြပါမည် …

အရှင်ကုသလသာမိ (အတည်မဲ့)
www.facebook.com/ashinkusalasami

နေဝန်းနီ(မန္တလေး) - "တချိန်တုန်းက ထောင် ဆိုတာ"


နေဝန်းနီ(မန္တလေး) - "တချိန်တုန်းက ထောင် ဆိုတာ"
(မိုးမခ) အောက်တိုဘာ ၃၁၊ ၂၀၁၄


"ထောင်ဆိုတာ သွားလို့ကောင်းတဲ့နေရာမဟုတ်။"

အခုခေတ်လူငယ် လေးတွေပြောနေကြပါတယ်။ ထောင်ကျတော့ ဘာဖြစ်လဲတဲ့။ အဲလို အသံတွေ မကြာမကြာ ကြားလာရတော့။ အသိပညာ ဗဟုသုတ ရစေ၊ ရေးမယ်ဆိုပြီး ရပ်ကွက်ထဲက ထောင်ကျဘူးသည့် ဦးလေးတစ်ယာက် နှင့် အလုပ်ပြီးချိန်တိုင်း တစ်ပတ်တိတိ မပျက်မကွက်ဘဲ စကားသွားပြောဖြစ်ခဲ့သည်။ လွန်ခဲ့သော အနှစ် (၂၀) ခန့် ထောင်တွင်း နေထိုင်မှုများကို ရေးသားတင်ပြပါမည်။

သူ ထောင်ကျသည့် သက်တမ်းမှာ ရှစ်လ သာရှိပေသည်။ သက်တမ်းမှာ မများလှသော်လည်း နားထောင်ခဲ့ရသည့် ကျွန်ုပ်အဖို့မှာတော့ ကြက်သီး ဖျန်းဖျန်းထခဲ့သည်။ အမှတ် ၅ ရဲစခန်း၌ တစ်လကြာ ထိန်းသိမ်းခံရပြီးနောက် အိုးဘိုထောင်ကြီးချုပ်သို့ ပြောင်းရွေ့ခဲ့ရသည်။ သူ၏ထောင်ဝင်နံပါတ်မှာ ၄၇၂၃/ခ ဖြစ်သည်။ (ခ) ဆိုသည်မှာ အချုပ်ကျခြင်းကို ဆိုလိုသည်။ ၄၇၂၃/က(က) ဆိုတာကတော့ (အကျ) ထောင်ကျခြင်းကို ကိုယ်စားပြုသည်။ ထိုဦးလေးမှာ (ခ) ဘဲရှိသေးသည်။

အိုးဘိုထောင်ရောက်သည့် ရက်မှစ၍ တစ်ပတ်တိတိ ထမင်းမစားပေ။ အဘယ်ကြောင့်ဆိုသော် စားဖိုချောင်မှ ချက်သည့် ထမင်းသည် ဝက် တောင် မတောင်းပေ။ ထမင်းချက်ပြီဆိုရင်လဲ နှာခေါင်း ထဲတွင် ဖွဲနံ့များ ဝင်လာသဖြင့် ပျို့တက်ပြီးစားလို့မရပေ။နောက်တော့မှ ကျင့်သားရပြီး ထမင်း စားလို့ရသွားသည်။မနက်ကို ငါးပိအစိမ်း နဲ့ ပဲဟင်းကျွေးပြီး ညနေပိုင်းတွင် "တာလဘော" ဟင်းရည်နှင့် စားရသည်။ တာလဘောဆိုတာက ထောင်တွင်းမှာစိုက်ထားတဲ့ ဟင်းရွက်တစ်မျိုးကို ခူးပြီး တောက်တောက်စင်း အမြစ်တွေလဲပါ၊ အရိုးတွေလဲပါတာပေါ့။ ထောင်ထဲမှာ သူတို့အချင်းချင်းနာမည်ပေးထားတာက ဝက်ခေါင်းရမ်း ဟင်းရည်တဲ့။ဝက်ကို သွားတိုက်ရင်တောင် မသောက်ဘဲ ခေါင်းရမ်း ပြမယ့် ဟင်းရည်လို့ အဓိပ္ပာယ်ရတယ်။

ဗုဒ္ဓဟူးနေ့ဆိုရင် အမဲသား ကျွေးသည်။ အမဲသား မစားသူက ကြက်ဥတစ်လုံး ရသည်။ အမဲသားကလည်း ကောင်းကောင်း ကန်းကန်း ချက်ပြုတ်ထားခြင်း မဟုတ်ပေ။ ထမင်းထဲတွင်လည်း စပါးလုံးအဖွေးသားနှင့်။ ဖယ်ပစ်ရင်လဲ အရိုက်ခံရသည်။

"ထောင်ပိုင်ကိုတင်ပြတော့ ထမင်းကလည်း အကောင်း။ အသားဟင်းကလည်း အကောင်း။ ငါးပိဆိုရင်လဲ ရှယ်မှရှယ်ဘဲ။ ငါတို့ကို ကျွေးတာကြ တခြားပါ ကိုနေ ... ရာ။ ငါးပိမရတဲ့ နေ့တောင်ရှိသေးတယ်။ အဲလိုမျိုးနေ့ရှိမယ်ဆိုတာသိလို့ ငါးပိကို တစ်ဝက်စား တစ်ဝက်ကို သိမ်းထားရပေါ့။ ငါက တစ်ကောင်ကြွက်လေ ကိုနေ ... ရ။ ဘယ်သူမှထောင်ဝင်စာ လာမတွေ့ဘူး။"

 နောက်တော့ သူတို့မသိအောင် စပါးလုံး ဖယ်စားရသည်။ ရေချိုးပြီဆိုရင်လဲ ဝဝလင်လင် မချိုးရပေ။ “ပုံစံ” နှင့် ချိုးရပေသည်။ တန်စီးတို့အမိန့်ပေးမှုကို စောင့်နေရသေးသည်။ ခပ်ဆိုလျှင် ခပ်ထားရသည်။ ချိုးဆိုမှ ချိုးရသည်။ ခပ်ပြီးတန်းချိုးလို့ကတော့ ဘာပြောကောင်းမလဲ။ ရေစိုစိုနဲ့ ကျောပြင်ကို ကြိမ်လုံးက လာတော့တာပဲဟေ့။  ရေမချိုးရတဲ့ရက်တွေက ရှိသေးတယ်။ အဲဒီလို ရက်မျိုးတွေဆိုရင် ချိုးပြီးသားရေကိုပြန်ချိုးရတယ်။ ရေကမလောက်ဘူးလေ။

ည အိပ်ရာဝင်ရင်လည်း ၅ မိနစ် သက်သာခွင့် ပေးတယ်လေ။ အဲဒီချိန်ဆိုရင် စကားပြောသူကပြော၊ အနှိပ်ခံတဲ့လူက အနှိပ်ခံပေါ့။ တစ်ခါအနှိပ်ခံရင် ငွေနဂါးဆေးလိပ် သုံးလိပ်ပေးရတယ်။ ပိုက်ဆံအစားပေါ့ကွာ။ ပိုက်ဆံကမသုံးရဘူးလေ။ ရုံးထုတ်ရက်ဆို ငါပျော်တယ် ကိုနေ ... ရ။ အပြင်ထွက်ရတယ်။ လက်ဖက်ရည် သောက်ရတယ်။ ထောင်ထဲမှာက လက်ဖက်ရည်ကို "ဒေါင်"လို့ခေါ်တာကွ။ အစကတော့မသိပါဘူးကွာ။ ဒေါင်တွေရမယ်၊ ဒေါင်တွေလို့ လိုက်ရောင်းနေတာ ငါက မေးကြည့်တာပေါ့။ ဒေါင်ဆိုတာဘာလဲလို့။ သူတို့ကပြောတယ်။ လက်ဖက်ရည်ကို အင်္ဂလိပ်လို ဘယ်လို ခေါ်လဲတဲ့။ ငါလဲပြောတာပေါ့ “တီး” လို့။ သူတို့ကဆက်ပြောတယ်။ တီးတော့ ဘယ်လိုအသံထွက်လဲ။ “ဒေါင်” လို့ထွက်တာမဟုတ်လား။ အေး.. အဲဒါပဲ။

ငါ့မှာကွာ ရယ်လိုက်ရတာ။ တချို့ အရက်သမားတွေက အရက်နဲ့ ဒေါင်ကို ရောသောက်ရတယ်။ ခိုးသောက်ရတာဆိုတော့ မရှိ၊ ရှိတာ သောက်ရတာပေါ့ကွာ။ နောက်တစ်ခုက လက်နှိပ်စက် စာရေးကြီးက ကွမ်းယာရောင်းတာကွ။ အဲဒီထဲမှာ နံပါတ်ဖိုးပါတယ်ကွ။ ငါ့ကိုလဲ ဖိုးသမားကပြောလို့သိတာဟေ့။

နောက်တစ်ခုက ထောင်ထဲမှာညပိုင်း ရေသောက်၊ သေးပေါက်၊ အီးပါ အစီစဉ်အတိုင်း ပြောရတာကွ။ ဥပမာကွာ ထောင်ဝင်နံပါတ် ၄၇၂၃/ခ ရေသောက် လို့ အိပ်နေရင်းက အော်ရတယ်။ တန်းစီးရဲ့ သွား လို့ ပြောတဲ့ အသံကြားမှ သွားရတာ။
ရေသောက်ဆို ရေပဲသောက်ရတယ်။ သေးမပေါက်ရဘူး။ သေးပေါက်ချင်ရင် ရေသောက်သေးပေါက်လို့အော်ရသည်။ အီးပါချင်တယ်ဆိုရင်လဲ။ အီးပါလို့ အော်လို့မရပေ။ သေးပေါက်အီးပါလို့ အော်ရသည်။ ငါတို့တွေ ပေါက်တဲ့သေးတွေကို ငါ့တို့ကိုကျွေးတဲ့ ဟင်းရွက်တွေမှာဖြန်းတယ်ဟေ့။တစ်ကယ်တန်းငါ ကျတာက ၆ လပဲကွ။ ငါနေရတာက ၈ လ။ ၂လပိုတယ်။ အလျော် မရဘူးကွ။ မြန်မာနိုင်ငံလေ။ နိုင်ငံခြားတွေမှာ အလျော်ရတယ် ကိုနေ။

ဟုတ်ကဲ့ပါ လေးလေး။ အခုလို ပြောပြပေးလို့ လေးလေးကို ကျေးဇူးတင်ပါတယ်

ကျွန်တော် စာစီပြီး ရေးပြီနော် လေးလေး။

အေးပါ .....ကိုနေ ....ရေးပါ  ရေးပါ။

မာမာအေး - ဖွားတော်မူပုံ၊ “ပြောစရာတွေလဲ တပုံကြီး ရှိသေးတယ်” (၅၅၇)

မာမာအေး - ဖွားတော်မူပုံ၊ “ပြောစရာတွေလဲ တပုံကြီး ရှိသေးတယ်” (၅၅၇)
(ဘီဘီစီ)၊ အောက်တိုဘာ ၃၁၊ ၂၀၁၄

သောတာရှင်းများ ကျန်းမာတော် မူကြပါစရှင်
    မာအေးချစ်တဲ့ သောတရှင်တွေ၊ ဂီတ၀ါသနာရှင်တွေ အားလုံး မာအေးရဲ့ အသံလေး ကြားရတဲ့ အခါမှာ ကိုယ်ရော စိတ်ပါ ကျန်းမာ ကြပါစေလို့ ဆုမွန်ကောင်းတောင်း လိုက်ပါတယ်။
    သောတရှင်တို့ရေ.. ရှေ့တစ်ပါတ်မှာတုန်းက တခြားနိုင်ငံတခုက ရုပ်မြင်သံကြားမှာ အပိုင်း (၅၄) ပိုင်း ရိုက်ကူးပြသတဲ့ “ဗုဒ္ဓ” အမည်နဲ့ ဇာတ်လမ်းတွဲ၊ မြန်မာလို “လောကကို အလင်းဆောင်သူ” လို့ နာမည်တပ်ပြီး ထုတ်လွှင့်ခဲ့တာကို Online မှာ ကြည့်မိတာကြောင့် ဗုဒ္ဓ၀င်ခြင်း ကွာဟနေတာဟာ မြန်မာ့ ထေရ်ရဗုဒ္ဓဘာသာဝင်များ အတွက် မှားယွင်း အသိတွေ ရှိလာနိုင်လို့ နှစ်ခု ယှဉ်ပြောပြဖို့ ကိုယ့်ဆီက ဗုဒ္ဓ၀င်ကို စတင်ထားခဲ့တာ၊ ကပ္ပလီဝတ်ပြည် ဘုရင် သုဒ္ဓေါဒနမင်းရဲ့ မိဖုရားကြီး မယ်တော်မာယာထံမှာ သန္ဓေယူတဲ့ အထိရောက်နေပါပြီ။
    သူတို့ဆီက ရုပ်ရှင်မှာကျတော့ နန်းမွေနန်းဆက် မရှိတဲ့ အတွက် စိတ်ပင်ပန်းနေတဲ့ ဘုရင်ကြီးကို မိဖုရားကြီးက ပြောပါတယ်။ “ဘုန်းတော်ကြီး အမှာပါးလိုက်တယ်။ တနေ့မှာတော့ ဒီလိုဖြစ်လာလိမ့်မယ်။ နေမင်းလဲ ရှိမယ်။ လမင်းလဲ ရှိမယ်။ ကောင်းသော နက္ခတ်အချိန်ကာလမှာ အရှင်ရာမလဲ ဖွားတော်မူခဲ့တယ်။ အဲဒီအချိန် သားဆုပန်ရင် လုံးဝဆုတောင်းပြည့်မယ်တဲ့။” ဒါနဲ့ ပရောဟိတ်တွေက ဘုရားရှစ်ခိုးကြတယ်။ ဘုရားဆိုတာ ဘယ်ဘုရားလဲ့လို့ မပါခဲ့ပါဘူး။ ခေါင်းဆောင် ပရောဟိတ် ပုဏ္ဏားကြီးက အခုလို ဘုရားရှစ်ခိုး ဆုတောင်းပြီးတဲ့နောက် နေမင်းထွက်လာချိန်မှာ ဒီနေရာမှာထားတဲ့ ကြာဖူးက ပွင့်လာတယ်ဆိုရင် မင်းကြီး ဆုတောင်းပြည့်မယ်လို့ ပြောတဲ့ အတိုင်း နေထွက်လာတဲ့အခါ ကြာဖူးက ပွင့်လာတာ ပြပါတယ်။ မိဖုရားနှစ်ပါးကိုလဲ လိုရာပြည့်ပါစေလို့ ကြာပန်းကို ပေးပြီး ဆုတောင်း လိုက်ပါတယ်။ အဲဒီလို ဆုတောင်းခဲ့တဲ့ ညမှာဘဲ မိဖုရားကြီး မာယာဒေ၀ီဆီကို ဆင်ဖြူကြီးနဲ့ ကြာပန်းတစ်ပွင့် လာကြတဲ့ အိပ်မက်မက်ပြီး သန္ဓေ ခံခဲ့တာပါဘဲ။ မာအေးတို့ ဂေါတမ ဗုဒ္ဓ၀င်မှာတော့ ဆင်ဖြူတစ်ကောင်သာ နံပါးက၀င်တယ်လို့ သိမှတ်ရပါတယ်။ တိတိကျကျ ဘယ်နေ့ ဘယ်ရက်မှာ အလောင်းတော်မြတ် သန္ဓေယူခဲ့ပါကြောင်း ကျေးဇူးရှင် လယ်တီဆရာတော် ဘုရားကြီး စီရင် ရေးသားတဲ့ “ခုနှစ်နေ့ ဘုရားရှစ်ခိုး” ထဲ တစ်ပိုဒ်မှတ်တမ်းရအောင် ရွတ်ပြပါရစေရှင်။
(လယ်တီ ခုနှစ်နေ့ ဘုရားရှစ်ခိုး ပထမပိုဒ်)
    “သုံးလူ့ရှင်မင်း ကျွန့်ထိပ်တင် သောင်းခွင်စကြာဝဠာ၊ နတ်ဗြဟ္မာတို့၊ ညီညာရုံးစု၊ တောင်းပန်မှုကြောင့်၊ ရတုနဂို၊ ရွှဲရွှဲစိုသည်၊ ၀ါဆိုလပြည့်၊ ကြွက်မင်းနေ့ဝယ်၊ ချမ်းမြေ့ကြည်ဖြူ သန္ဓေယူသည်၊ နတ်လူငြိမ်းဖို့၊ ကိန်းပါကို”
    မာအေးတို့ ဗုဒ္ဓဘာသာဝင်များ ကိုးကွယ် ပူဇော်နေတဲ့ ဂေါတမ ဘုရားရှင် အလောင်းအလျာဟာ မဟာသက္ကရာဇ် (၆၇) ခုနှစ်၊ ၀ါဆိုလပြည့်၊ ကြာသပတေးနေ့မှာ သန္ဓေယူခဲ့တာဟာဖြင့် နတ်လူအများကြီး ငြိမ်းချမ်းဖို့ ကိန်းပါဘဲလို့ ရေးခဲ့တာပါရှင်။
    ဘ၀ပေါင်း ငါးရာကျော် ပါရမီတော်တွေ ဖြည့်ကျင့်ပြီးမှ ဗုဒ္ဓဖြစ်ဖို့ သန္ဓေပြန်ခရရှာပါတယ်။ သူလို ကိုယ်လို သာမန်ဆိုရင်လဲ ဘယ်လို “ဗုဒ္ဓ” မည်ပါ့မလဲနော်။
    နောက်တစ်ခု မတူတာလဲ ပြောရပါအုံးမယ်။ “ဒေ၀ဒတ္ထ” ခေါ်တဲ့ မင်းသားဟာ ဘုရားအလောင်း သိဒ္ဒတ္ထနဲ့ တတိုင်းပြည်ထဲ မွေးဖွား ဖြစ်တည်နေတာကို တွေ့ရလို့ပါရှင်။ ဘုရားလောင်းထက် အရင်၊ ဘုရင်သုဒ္ဓေါဒနရဲ့ ညီတော် “အနူ(ရ်) နဲ့ ခယ်မတော် မန်ဂလား” တို့ရဲ့သား ဒေ၀ဒတ် ဖြစ်နေပါတယ်။ မူလက နန်းရံမရှိတဲ့ ဘုရင်ကြီး သုဒ္ဓေါဒနရဲ့ ကပ္ပလီဝတ်ပြည်ကို သူတို့သား နန်းရစေချင်တာကြောင့် မာယာဒေ၀ီ မိဖုရားကြီး ကိုယ်ဝန်မတည်နိုင်အောင် ကြံစည်တာ၊ အသက်ပါ အန္တရာယ် ပြုကြတာတွေလဲ ရိုက်ပြပါတယ်။ နောက်ဆုံးမှာ ရှေးရိုးစကားအရ ဆယ်လကျော်မှ မွေးမယ့် ကလေးဟာ ကိုယ့်ခင်ပွန်းဆီမှာ မွေးရင် ဖခင် ၀န်ထုပ်ဝန်ပိုးဖြစ်မယ်။ သားနဲ့ မင်းကြီးကို ငဲ့ညှာမယ်ဆိုရင် ဒေ၀ဒဟ ကို သွားဖို့ မင်းကြီးကို ခွင့်တောင်းပါလို့ လင်ညီအမတော်တဲ့ ဒေ၀ဒတ်ရဲ့ အမေက ခြောက်တာနဲ့ မိဖုရားကြီးက သွားဖြစ်တာမျိုး ရိုက်ထားပါတယ်။
    မာအေးတို့ ဆီက ဗုဒ္ဓ၀င်မှာတော့ မယ်တော် မာယာဒေ၀ီရဲ့ မောင်တော်တဲ့ ဒေ၀ဒဟပြည့်ရှင် ဘုရင် သုဗ္ဗဗုဒ္ဓရဲ့ တိုင်းပြည်ကို သွားခဲ့တာပါ။ တူဖြစ်တဲ့ ဒေ၀ဒတ္ထနဲ့ သမီးတော် ယသောဓယာ ဗိမ္မာဒေ၀ီတို့ရဲ့ ဖခင်ဆီကို ပေါ့ရှင်။ လမ်းမှာတင်ဘဲ လုမ္ဗနီသာမော အင်ကြင်းတော အရောက်၊ ကမ္မဇလေနှောက်တာကြောင့် နားနေ ပန်းမြိုင် အင်ကြင်းကိုင်းကို ကိုင်ရင်း အဆင်းရွှေဝါ တင့်တယ်လွန်းတဲ့ မြတ်လောင်းလျာကို ဖွားမြောက်လာခဲ့ပါတယ်။ ဒါကြောင့် ကပ္ပလီဝတ်နဲ့ ဒေ၀ဒဟ တိုင်းပြည်ကို သွားတဲ့ လမ်းပေါ်က လုမ္မနီ အင်ကြင်းတောမှာ ဘုရားအလောင်းတော်ကို ဖွားတာခြင်းဘဲ တူပါတော့တယ်။
(ခုနှစ်နေ့ ဘုရားရှိခိုး ဒုပိုဒ်) လယ်တီ ဆရာတော် ဘုရားကြီး
    “သန္ဓေယူခါ၊ ဆယ်လကြာသော်၊ မဟာသက္ကရာဇ်၊ ခြောက်ဆယ့်ရှစ်ကြုံ၊ ကဆုန်လပြည့်၊ သောကြာနေ့ဝယ်၊ ချမ်းမြေ့စုံစီ၊ လုမ္ဗနီ၌၊ မဟီလှိုက်ဆူ၊ ဖွားတော်မူသည်၊ နတ်လူ အောင်မြို့၊ လမ်းပါကို။”
    ဒါကတော့ လယ်တီဆရာတော် ဘုရားကြီး ရေးသားခဲ့တဲ့ ခုနှစ်နေ့ ဘုရားရှစ်ခိုးထဲက ဒုတိယ အပိုဒ်ဖြစ်ပါတယ်။ ဒါကြောင့် မြတ်စွာဘုရား သခင် ဂေါတမ အရှင်ရဲ့ အလောင်းအလျာ သိဒ္ဓတ္ထကုမ္မာ မင်းသားကလေးဟာ မဟာသက္ကရာဇ် (၆၈) ခုနှစ်၊ ကဆုန်လပြည့်၊ သောကြာနေ့က လုမ္ဗနီ အင်ကြင်းတောမှာ ဖွားမြင်ခဲ့ကြောင်း ကောင်းကောင်းကြီး သိနိုင်တာပေါ့ရှင်။
    ဘုရားအလောင်းတော် ဖွားမြင်တော် မူချိန်မှာ ဖွားဖက်တော် (၇)ပါး ပေါ်ပေါက်ခဲ့ပါတယ်။ အဲဒီ (၇) ပါးသော ဖွားဖက်တော် တွေကတော့ နံပါတ် (၁) ညီတော် အာနန္ဒာ၊ (၂) မဟာဗောဓိပင် (၃) ကာဠုဒါယီ အမတ် (၄) ယသောဓရာ မင်းသမီး (၅) မြင်းမြီးဆွဲ မောင်ဆန် (၆) ရွှေအိုးကြီး လေးလုံး (၇) ကဏ္ဏာက စီးတော်မြင်း တို့ ဖြစ်ပါတယ်။
    ဖန်သားပေါ်က ဗုဒ္ဓလောင်းလျာလေးမှာတော့ ဒါတွေအားလုံး မသိနိုင်ပါဘူး။ ယသော်ဓရာမင်းသမီး ငယ်လေးဟာ ဘုရင်သုဒ္ဓေါဒနနဲ့ မင်းပြိုင်တပါးနဲ့ ညီမတော် အမိသာတို့ရဲ့ သမီးလေးတဲ့။ လာလည်တဲ့ ဧည့်သည်အနေနဲ့ ကစားဖော်လုပ်ထားပါတယ်။ မင်းကြီးရဲ့ အမှုထမ်းတစ်ဦးကတော့ မယ်တော် မာယာဖွားမြင်ကြောင်း လျှေက်ထားလာရင်း သူ့မှာလဲ သားလေးမွေးတာမို့ သူလိုဘဲ မင်းသားကလေးကို စောင့်ရှောက်ခွင့်ပေးဖို့ တောင်းဆိုပါတယ်။ ဒါကြောင့် “ကျန်း” ခေါ်တဲ့ ကောင်ကလေးဟာ ဘုရားလောင်းနောက်မှာ တောက်လျှောက်ပါနေတာကို ကြည့်ပြီးတော့ ဖွားဖက်တော်လို့ ထင်ရတော့တာဘဲ။
    မြန်မာတို့ အများသိထားတဲ့ ဗုဒ္ဓ၀င်မှာကျတော့ မယ်ယသော် ဟာ ဘုရားလောင်းရဲ့ ဖွားဖက်တော်လဲ ဖြစ်တယ်။ ဘုရားမဖြစ်မီ သိဓတ္ထမင်းသား ဘ၀က ကြင်ယာမိဖုရားလဲ ဖြစ်ပါတယ်။ သုမေဓါ ရသေ့ကြီး ဘ၀မှာ “ဒီပင်္ကရာ မြတ်စွာဘုရား” ထံပါး ဘုရားဆုပန်စဉ်က အနီးနားမှာ ရှိနေတဲ့ သုမိတ္တာကလေး ဖြစ်ခဲ့လေတော့၊ ကြာပန်းတွေ လှုဒါန်းပြီး “ပါရမီဖြည့်ဖက် ဖြစ်ရလိုပါ၏” လို့ ဆုတောင်းခဲ့တာကိုးရှင့်။ ဒီအခါ “ဘုရားအရာ နင့်အရာလား” ရယ်လို့ ရသေ့ကြီးက တွန်းဖယ် ပုတ်ခတ်လိုက်တာကြောင့် ကြာပန်းလေး တချို့တောင် လွတ်ကျသွားတယ်တဲ့။ ဒီအကြောင်းကို ဂီတစာဆိုကလေး အောင်ကျော်ထွန်းက “ပါရမီလေး သုမိတ္တာ” သီချင်းမှာ ရေးဖွဲ့ထားပါတယ်ရှင်။
(ပါရမီရှင်လေး သုမိတ္တာမှ)
    “အို…ချစ်သား သုမေဓါ၊ သည်းခံလေလော့၊ သည်းခံလော့ဟဲ့၊ ငါဘုရားဟောကြားပေမှာ၊ အင်္သချေယျ ဘဒ္ဒကမ္ဘာ၊ ဗောဓိထိုထို ညောင်ပုဂ္ဂိုလ်၊ လူပျိုဘုရား မရှိငြားတဲ့၊ သုမိတ္တာ ချစ်သမီး အလှ၊ ဘ၀ဆက်တိုင်း ပါရမီ ကူဖြည့်ပါတဲ့ ၊ ကြားရလေပြီပေါ့။ ဗျာဒိတ်တော် ရတနာ၊ နှစ်ထောင်းအားရ၊ သာဓု အနုမ္မောဒနာ၊ သုမေဓါ ရှင်ရသေ့ကြီး နဲ့ ပါရမီရှင်လေး သုမိတ္တာ သူတို့ နှစ်ဦးကြား နိဗ္ဗာနပစ္စယော ဟောတု အောင်မင်္ဂလာ xxxxxx”

(ဓာတ်ပုံ - ခင်မောင်လေး၊ ဖို့ဝိန်း၊ ဇေတ၀န်ကျောင်း၊ စုပေါင်း မဟာဘုံကထိန် ပွဲတော်)

ကာတွန်း စောငို - လိပ်ပတ်လည်တဲ့ ငြိမ်းချမ်းရေး


ကာတွန်း စောငို - လိပ်ပတ်လည်တဲ့ ငြိမ်းချမ်းရေး
(မိုးမခ) အောက်တိုဘာ ၃၁၊ ၂၀၁၄