ရှာဖွေရေး ...

Loading...
PO Box 320-207, San Francisco, CA 94132-0207, USA – editors @ moemaka.net ((510) 854-6501)။ HOME, ၅၈/၆၀ ဗိုလ်အောင်ကျော်အောက်လမ်း၊ ရန်ကုန်၊ ဖုံး (၀၉၂၅- ၄၂၀၀ - ၆၀၆)။ စာတိုက်သေတ္တာ (၈၂၅)၊ ရန်ကုန်စာတိုက်ကြီး။

သက်ခိုင် - ဘာမှာချင်သလဲ ချင်းမိုင်

သက်ခိုင် - ဘာမှာချင်သလဲ ချင်းမိုင်
(မိုးမခ) ဒီဇင်ဘာ ၂၂၊ ၂၀၁၄



မပြည့်တဲ့ သူတွေကြား
နင့်အလှတွေလည်း မပါးအောင်
ငါ့ကို ဘာများ
မှာသွားချင်သလဲ ချင်းမိုင်။

၉၅၊ ၉၆
ဘဝတွေ ပျောက်ကတည်းကပေါ့
နင်က ထွေးပွေ့
ငါတို့ရင်မှာ အနွေးငွေ့ရဖူးတယ်။

လန်းန (Lanna) ဆိုတဲ့ ယဉ်ကျေးမှု
သင်က အလေးဂရုမပြုအား
ငါတို့လို အမေဝေး သားတွေအတွက်
အကုန်စုံအောင် အချိန်တွေပေး
ကွယ် တို့တွေကို
လုံခြုံအောင် သင်ဖန်တီးပေးခဲ့တယ်။

ဝင်လာ၊ ထွက်သွား
ဒီလိုသူတွေကိုများ
မေတ္တာတရား မပျောက်
သင်က မျက်စိဒေါက်ထောက်
ဘဝတလျှောက် ကြည့်ခဲ့တယ်။

ဒါပေမယ့်
နှစ်ကာလတွေဟောင်း
မျိုးဆက်သစ်တွေ
အကြိမ်ကြိမ်ပြောင်းတဲ့ကြားမှာ
သင်လည်း မလှမပ
လူတကာ အလိုကျ
နှလုံးသားမှာ ငိုရ၊ ကြိုမှ
ကွယ်
အလိုကျကျ မကျကျ
ကပြခဲ့ရ။

သင်အခါခါ ငိုရတာ မသိ
သူတို့ဆန္ဒသာ ပကတိ
အဲဒီလို ဘယာဂတိတွေကြား။

နင်တို့အတွက်ထမင်း
ငါအတော်ပဲ ရှင်းပြ၊ ခင်းရ
အော် အရည်အချင်းအရ တဲ့။
ဒါကြောင့်
ငါ့ကို (ဟိုဟာလေ) ဖော်လံဖား
အဲသလို စံထားရမယ်လို့ကြွေးကြော်
အဲဒီလို အတွေးအချော်တွေကြား
သင်လည်း နားရှက်
ငါလည်း အမျက်ထွက်မိမယ်။

ဒါကြောင့်
အဲဒီလို ပေါက်တက်ကရတွေများ
မပြည့်တဲ့ သူတွေကြား
နင့်အလှတွေလည်း မပါးအောင်
ငါ့ကို ဘာများ
မှာသွားချင်သလဲ ချင်းမိုင်။

(ချင်းမိုင် = ထိုင်းနိုင်ငံ၏ ဒုတိယမြို့တော်)

သက်ခိုင်
(၀၀း၁၈) ။ ၂၀၊ ၁၂၊ ၂၀၁၄

ဒီဇင်ဘာ ၂၁၊ ၂၀၁၄ - မိုးမခရေဒီယို (ဆစ်ဒနီ)

old-radio
ဒီဇင်ဘာ ၂၁၊ ၂၀၁၄ - မိုးမခရေဒီယို (ဆစ်ဒနီ)
ဂီတလုလင် မောင်ကိုကို (၈၁နှစ်) နောက်ဆုံးရေးတဲ့ ရန်ကုန် တက္ကသိုလ်ယုဒဿန်ခရစ်ယာန်အသင်းတော် စိန်ရတုတေး (၂) (၁၉ ၃၇-၂၀၀၇)
ရာဇတောဝါကဗျာ - နိုင်မြန်မာ
သမ္မတကြီးကို ရိုးတယ်ပြောလို့ မေးပါရစေ - ဇင်သော်နိုင်
အမေရိကန်ဒဏ်ခတ်မှုနဲ့ ဦးအောင်သောင်း ပိုင်ဆိုင်မှုအချို့ - ဂိုရှယ်လေး
မြန်မာပြည်မြေပုံ ရေးဆွဲကြသူများ - ဦးဘုန်းဓါတု၊ ၂၀၁၁ တောင်ငူ
ဆစ်ဒနီမြို့က ကော်ဖီဆိုင် အကြမ်းဖက်မှုနှင့် ဝေဘန်ချက် (နစ်နေမန်းဝက်ဆိုက်)
အောင်ဆန်း (သို့) ခန်းခြောက်မသွားတဲ့ မြစ်တစင်းကဗျာ - အလင်းဖြူ၊ သူရိယဂျာနယ်
နေပြည်တော် (နေပူတော်) နဲ့ တရုတ် ကုလား ကြောက်ရတဲ့ တိုင်းပြည် - သူရိယဂျာနယ်
အထူးကဏ္ဍ - ၂၀၁၄ ခရစ်ယာန်တရား၊ ဆရာမထူးရယ် (ဆစ်ဒနီမြန်မာ၊ ခရစ်ယာန်အသင်းတော်) ခရစ်ယာန်တေးများ၊ သင်းအုပ်ဆရာ ဒေါမနစ်နဲ့ ဂီတလုလုင် မောင်ကိုကိုရဲ့ နောက်ဆုံးလက်ရာ (၃)
မေးမြန်းဆက်သွယ် - နှင်းမြတ်ခိုင်
စီစဉ်သူ - ဦးပန်တျာ၊ ဒေါက်တာဇင်မာထွန်း၊ သတင်းတာဝန်ခံ - နှင်းမြတ်ခိုင်
(မိုးမခမှတ်ချက် - မိုးမခရေဒီယို (ဆစ်ဒနီ)အစီအစဉ်တွင် သတင်းထည့်သွင်းခြင်း၊ ကြော်ငြာများ ထည့်သွင်းခြင်းတို့အတွက် ဦးပန်တျာတို့ မိုးမခရေဒီယိုအဖွဲ့သို့ upantra@gmail.com အီးမေးဖြင့် ဆက်သွယ်နိုင်ပါကြောင်း)

နေဝန်းနီ (မန္တ လေး) - "အောင် ဆန်း မ သေဘူး"


နေဝန်းနီ (မန္တ လေး) - "အောင် ဆန်း မ သေဘူး"
(မိုးမခ) ဒီဇင်ဘာ ၂၂၊ ၂၀၁၄

တောင် တန်း တွေက 
အ လေးပြုရတဲ့  အောင် ဆန်း
အနှစ် တစ် ရာတင် မဟုတ် ဘူး
ကမ္ဘာပျက် သုဉ်းအ မှောင် ဖုံး တောင်
ပြည် သူ တွေရင် ထဲ
ကျွန် တော် ရင် ထဲ
အောင် ဆန်း ဘယ် တော့မှ မသေဘူး။


17/12/2014

သစ်ကောင်းအိမ် - နွေဦးကန်တာရုိုဇာ …

သစ်ကောင်းအိမ် - နွေဦးကန်တာရုိုဇာ …
(မိုးမခ) ဒီဇင်ဘာ ၂၁၊ ၂၀၁၄



ငါစိတ်တွေ
ဆိတ်ငြိမ်သွားအောင်
ညလုံးကျွတ်
လင်းပေးနေတဲ့အမှောင်တွေကုို
ငါကျေးဇူးတင်မိ၊

စစ်ကုို
စစ်ကြည့်မိတယ်
စစ်ရဲ့သားတွေ အလုိုမရှိ…..

ချစ်သားတွေကုို အလုိုမရှိ
အချစ်သားတွေသာ အလုိုရှိ…..

ပစ္စုပ္ပန်ကုို
အမုန်းနဲ့ မလိမ်းကျံချင်ဘူး…
ဇာတ်ကတော့
နင်သေးလည်းမအေးမယ့်ဇာတ်

ငါကတော့ဖြင့်
ကဗျာစပ်နေသူကြီး။ ။


(နွေဦးကန်တာရုိုဇာ= အိပ်မက်တခုထဲတွင် ဆရာဇော်ဇော်အောင်၏ ဇာတ်ကောင် ပီတာဇော်မြင့်သည် ကော်ဖီဆုိုင်ဖွင့်လှစ်၍ ရောင်းချနေ လေရာ ထုိုဆုိုင်တွင် ကျနော်မှာယူသောက်သုံးမိသော ကော်ဖီတခွက်၏ အမျိုးအစားနာမည်မျှ…)

(၂၀။ ဒီဇင်ဘာ။ ၂၀၁၄)

photo - Aung Htet

သီဟ(စခန်းသစ်) - လမ်းတိုင်းကို ခင်းထားတယ်


သီဟ(စခန်းသစ်) - လမ်းတိုင်းကို ခင်းထားတယ်
(မိုးမခ) ဒီဇင်ဘာ ၂၁၊ ၂၀၁၄

တူမောင်ညို - တစ်ရာ ရာခိုင်နှုန်းပြည့်အနိုင်ရဖို့ဆိုလျှင်


တူမောင်ညို   - တစ်ရာ ရာခိုင်နှုန်းပြည့်အနိုင်ရဖို့ဆိုလျှင် 
(မိုးမခ) ၂၀၁၄ ခုနှစ်၊ ဒီဇင်ဘာ ၂၀ ရက်) 

ဤဆောင်းပါးအား (၁၅- ၁၂-၂၀၁၄) ရက်စွဲဖြင့်ထုတ်ဝေသော အတွဲ(၃)၊ အမှတ် (၄၉) ဒီလှိုင်းစာစောင်၊ အယ်ဒီတာ့အာဘော် နိဂုံးပိုဒ်ဖြင့်စတင်လိုက်ပါသည်။ 

“စတုတ္တအကြိမ်ဗဟိုကော်မတီအစည်းအဝေးမှချမှတ်လိုက်သည့် တိကျသောလုပ်ငန်းလမ်းညွန်၊ ခိုင်မာသောစည်းရုံးရေး၊ ပီပြင် သောမူဝါဒနှင့်အင်အားတောင့်တင်းသော အမျိုးသားဒီမိုကရေစီအဖွဲ့ချုပ်သည် ဗိုလ်ချုပ်အောင်ဆန်းရာပြည့်နှင့်အတူ ၂၀၁၅ ရွေးကောက် ပွဲ၌တစ်ရာ ရာခိုင်နှုန်းပြည့်အနိုင်ယူပေဦးမည်ဖြစ်ပေသည်”
ဤနိဒါန်းပါစာသားများကို ဒီလှိုင်းအယ်ဒီတာအဖွဲ့က သာမန်ရေးရိုးရေးစဉ် ရေးလိုက်သည်တော့ဟုတ်ဟန်မတူပါ။ ခိုင်မာသည့် သံဓိဌာန်သဘော၊ ပီပြင်သည့် ဆုံးဖြတ်ချက်သဘောရေးလိုက်သည်ဟု ယူဆမိပါသည်။ 

ကျနော်ကလည်း ဒီချုပ်ပါတီအနိုင်ရစေချင်ပါသည်။ ထိုစိတ်၊ထိုဆန္ဒသည် တစ်ပါတီ၊တစ်ပုဂ္ဂိုလ်အနိုင်ရစေလိုသည့် ကျဉ်းကျဉ်း မြောင်းမြောင်းစိတ်ထားမျိုးအလျဉ်းမဟုတ်ပါ။ လူမျိုးပေါင်းစုံပြည်သူများ၏လတ်တလောနှင့်ရေရှည်အကျိုးစီးပွားအပေါ်မူတည်သောအနိုင် ရစေလိုသည့် စိတ်သဘောထားဆန္ဒလည်းဖြစ်ပါသည်။

ကျနော့်ဆံဖျားမှခြေဖျားအထိသည်ထိုသို့အနိုင်ယူလိုသော စိတ်ဆန္ဒတို့ဖြင့် ပြည့်လျှမ်းနေပါသည်။ စစ်အုပ်စုနှင့် စစ်အာဏာရှင် စနစ်အပေါ် အဖိနှိပ်ခံလူမျိုးပေါင်းစုံပြည်သူများက ပီပြင်ပြတ်သားစွာ ထာဝရအနိုင်ယူထားမှဖြစ်မည်။ 

စစ်အုပ်စုနှင့်စစ်အာဏာရှင်စနစ်အပေါ် အဖိနှိပ်ခံလူမျိုးပေါင်းစုံပြည်သူများဘက်မှ ပီပြင်ပြတ်သားစွာ အနိုင်ရရှိထားမှသာ ငြိမ်း ချမ်းရေး၊ ဒီမိုကရေစီရေး၊ ဖက်ဒရယ်ပြည်ထောင်စုအရေးများသည် ရေရှည်အာမခံချက်ရှိမည်မဟုတ်ပါလော။ ဒီမိုကရေစီစနစ်ဆို သည် အဖိနှိပ်ခံပြည်သူများက အရာရာကိုအဆုံးအဖြတ်ပေးနိုင်သည့် ခေတ်စနစ်ကို ဆိုလိုခြင်းဖြစ်သည်မဟုတ်ပါလား။ ၁၉၆၂ မှ ယနေ့ အချိန် အထိ ရာစုနှစ်ဝက်ကျော်ကာလများသည်  စစ်အုပ်စုနှင့် စစ်အာဏာရှင်များ ထင်ရာစိုင်းခဲ့သည့်နှစ်ကာလများပင်ဖြစ်သည်။ ထိုသို့ ဖက်ဆစ် ဆန်သော ယုတ်မာရိုင်းစိုင်းမှုများ ရပ်တန်းကရပ်ရပေတော့မည်။ ဆက်လက်စိတ်ရှည်သည်းခံခွင့်ပြုနေ၍မရတော့၊ ယင်းသို့ ဆိုးသွမ်းလှ သည့်လုပ်ရပ်များကို နိဂုံးချုပ်မြေမြှုပ်ပစ်ဖို့လိုပြီ။

  လူမျိုးပေါင်းစုံ ပြည်သူများအပေါ် စစ်အုပ်စုနှင့်စစ်အာဏာရှင်စနစ်က အနိုင်ကျင့်ဖိနှိပ်ဗိုလ်ကျနေခဲ့သည့် နှစ်ပေါင်း ၅၀ ကျော် ကာလအတွင်း တိုင်းပြည်ဆင်းရဲ၊ ပြည်သူမွဲခဲ့ရသော်လည်း  အုပ်စိုးသူ စစ်အုပ်စုစစ်အာဏာရှင်များမှာမူ ကျိကျိ တက်ကြွယ်ဝ ချမ်းသာ သော ကုဋေကြွယ်သူဋ္ဌေးကြီးများဖြစ်ခဲ့ပြီ။ ဤမျှဆိုးဝါးရိုင်းစိုင်းသော၊ မတရားသော၊ မမျှတသော စနစ်ဆိုး၊ စနစ်ရိုင်းကို အမြစ်ပါမကျန် ဖြို ဖျက်တူး ထုတ်ပစ်ရမည်မဟုတ်ပါလော။  

“ အမျိုးသားဒီမိုကရေစီအဖွဲ့ချုပ်သည် ဗိုလ်ချုပ်အောင်ဆန်းရာပြည့်နှင့်အတူ ၂၀၁၅ ရွေးကောက် ပွဲ၌တစ်ရာ ရာခိုင်နှုန်းပြည့် အနိုင်ယူပေဦးမည်ဖြစ်ပေသည်” ဟုဆိုထားသည်သဖြင့် အချက် ၃ ရပ်ခေါင်းထဲတွင် စီကာစဉ်ကာပေါ်လာပါသည်။ 

ပထမဆုံးအချက်မှာ ၁၉၉၀ ပြည့် ရွေးကောက်ပွဲ အနိုင်ရခဲ့သည့်ကိစ္စဖြစ်ပါသည်။ ဒီချုပ်ပါတီက ကြေညာချက်များတွင် ရေး လေ့သားလေ့ရှိသည့် စကားလုံးအရဆိုလျှင် “သောင်ပြိုကမ်းပြိုအနိုင်ရသည့်” ကိစ္စကြီးဖြစ်သည်။

ထိုအောင်ပွဲ၊ ထိုရလဒ်ကြီး မည်ကဲ့သို့ အဟောသိကံဖြစ်သွားရသနည်း။ ယခုတော့ ဤအချက်သည် နာကျင်ခါးသည်းဖွယ်ရာ မမေ့နိုင်စရာ၊မမေ့ကောင်းစရာ အတိတ်သမိုင်းသင်ခန်းစာတစ်ခုဖြစ်သွားခဲ့ပါပြီ။ 

ကာချုပ်ဗိုလ်မင်းအောင်လှိုင်တို့ မကြာခဏကိုးကားနေသာ (၉၂ ဒသမ ၄၈) ရာခိုင်နှုန်းဆိုသည်မှာ ၁၉၉၀ ပြည့်ရွေးကောက်ပွဲ ရလဒ်ကိုဖျက်သိမ်းပစ်ပြီးသားလည်းဖြစ်စေ၊ စစ်အုပ်စုနှင့်စစ်အာဏာရှင်စနစ်အား “၂၀၀၈အခြေခံဥပဒေ” ဖြင့် သဖူဆောင်းပြီးသားဖြစ်စေ ခဲ့သောတစ်ချက်ခုတ်နှစ်ချက်ပြတ် လုပ်ရပ်ပင်ဖြစ်သည်မဟုတ်ပါလား။ 

ဒုတိယအချက်မှာ “တစ်ရာ ရာခိုင်နှုန်းပြည့်အနိုင်ရရေးကိစ္စ”ဖြစ်သည်။ တစ်ရာ ရာခိုင်နှုန်းပြည့် နိုင်ဖို့ဆိုသည်မှာ ၂၀၀၈ အခြေခံ ဥပဒေတည်မြဲနေသမျှ ဘယ်လိုမှ မဖြစ်နိုင်သောကိစ္စဖြစ်သည်။ အကြင်နိုင်ငံရေးပါတီတစ်ရပ်သည် အကြင်ရွေးကောက်ပွဲ၌ မည်သို့ပင် တစ်ရာ ရာခိုင်နှုန်း ပြည့်အနိုင်ရသည်ဖြစ်စေ၊ လွှတ်တော်ထဲ၌ ၇၅% သာ နေရာရမည်ဖြစ်သည်။ ကျန် ၂၅%ကို ကာချုပ်က အပိုင်ရယူ ထားပြီးဖြစ်သည်မဟုတ်ပါလား။ 

ဤအချက်ကို ဒီချုပ်ပါတီနှင့် ဒီလှိုင်းအယ်ဒီတာ့အဖွဲ့ကလည်းသိပြီးဖြစ်ပါသည်။ သို့ပါ၍ ၂၀၁၅ ရွေးကောက်ပွဲတွင် ဒီချုပ်ပါတီ အနေဖြင့် တစ်ရာ ရာခိုင်နှုန်းအပြည့်နိုင်ဖို့ မဖြစ်နိုင်ပါဟု အားနာစွာဖြင့်ပြောရပေတော့မည်။ (PR) ခြေလှမ်းများ၊ ဉာဏ်နီဉာဏ်နက် မျိုးစုံ ဖြင့် လုပ်ကြံဖန်တီးလာနိုင်သည့် “ဦးတင်အေး ရွေးကောက်ပွဲကော်မရှင်”၏ ညစ်ကွက်များနှင့် ကြံ့ဖွံ့ပါတီ၊ (တစည) ပါတီတို့၏ ခြေလှမ်း များကို ထည့်သွင်းစဉ်းစားလိုက်မည်ဆိုလျှင် တစ်ရာ ရာနှုန်းပြည့်အနိုင်ရရေးကိစ္စသည် အရေး/အပြောလွယ်သလောက် လုပ်ရကိုင်ရ မလွယ်လှသည့်ကိစ္စဖြစ်သည်မှာ ပို၍ရှင်းလင်းသွားသည်မဟုတ်ပါလား။

ထို့အပြင် လွှတ်တော်ထဲတွင် ကာချုပ်ယူထားသည့် ၂၅%ကိစ္စ လောလောဆယ်လျှော့ပေးနိုင်မည် မဟုတ်ကြောင်း ရွေးကောက်ပွဲ ကော်မရှင်ဥက္ကဋ္ဌကိုယ်တိုင်က ထုတ်ဖော်ပြောနေသည့်ကိစ္စကိုလည်း သတိပြုကြဖို့လိုပါသည်။ 

၂၀၀၈ အခြေခံဥပဒေ တွင်ပြဋ္ဌာန်းထားသည့် ပုဒ်မ ၆ (စ)၊ပုဒ်မ ၁၄၊ ပုဒ်မ ၂၀ (င)၊ (စ)၊ ပုဒ်မ ၄၀ (ခ) (ဂ) တို့သည် အခြေခံ ဥပဒေ၏ အထက်တွင်၊ နိုင်ငံရေး၏ အထက်တွင် စစ်အုပ်စု/ စစ်တပ်က လွှမ်းမိုးထားသည့်အချက်များပင်ဖြစ်သည်။ ဤအချက်များသည် ၂၀၀၈အခြခံဥပဒေ၏ အနှစ်သာရဖြစ်သည်။ ဤအချက်များကို ဖယ်ရှားမပစ်နိုင်သမျှ ရွေးကောက်ပွဲတွင် တစ်ရာ ရာနှုန်းပြည့် အနိုင်ရလျှင် လည်း  “ပုဒ်မ ၄၃၆ ပြင်ဆင်၍မရနိုင်” သည် ကို အားလုံး နားလည်ထားပြီးဖြစ်ပါသည်။ 
၂၀၀၈ အခြေခံဥပဒေသည် စစ်အုပ်စုနှင်စစ်တပ်အား ထာဝစဉ်အာဏာသိမ်းမှု/အချိ်န်မရွေး အာဏာသိမ်းနိုင်မှုကို “ဥပဒေအရ” ခွင့်ပြုထားသည့် အခြေခံဥပဒေဖြစ်ပါသည်။ ဤအချက်သည် ၂၀၀၈ အခြေခံဥပဒေ၏ အနှစ်သာရလည်းဖြစ်ပါသည်။ ပြင်ဆင်ရေး သမား များ အဓိကဦးတည်ပြင်ဆင်ရမည့်အချက်မှာ ဤအနှစ်သာရအချက်ပင်ဖြစ်ပါသည်။ ယင်းအချက်ကို မပြင်ဆင်နိုင်သမျှ/မပြောင်းလဲနိုင်သမျှ ကာလပတ်လုံး စံပြည့်၊နှုန်းပြည့်ဒီမိုကရေစီ၊ စံပြည့်နှုန်းပြည့် ဖက်ဒရယ်ပြည်ထောင်စု ဖြစ်လာမည်မဟုတ်ပါ။ 

  ထို့အပြင်ဤအချက်ကို စစ်အုပ်စုက လုံးဝအထိမခံပါ။ ကော်မရှင်ဥက္ကဋ္ဌ ကိုယ်တိုင်ပြောနေသည့် “Balance Out သွားမယ်” ဆိုသည်မှာ ဤအချက်ပင်ဖြစ်ပါသည်။ ဆိုရလျှင် “၂၀၁၅ ရွေကောက်ပွဲ” တွင် တစ်ရာ ရာခိုင်နှုန်းပြည့်နိုင်လျှင်လည်း အခြေခံဥပဒေကို ပြင်ဆင်၊ ပြောင်းလဲနိုင်လိမ့်မည်မဟုတ်ပါ။ 

တတိယအချက်မှာ ဒီချုပ်ပါတီဥက္ကဋ္ဌပြောခဲ့ဖူးသော “ ၂၀၀၈ အခြေခံဥပဒေတည်မြဲနေသမျှ ရွေးကောက်ပွဲတွေဟာ လွတ်လပ် ပင်လွတ်လပ်ငြားသော်လည်း တရားမျှတလိမ့်မည်မဟုတ်” ဆိုသည့် ပြောစကားကို   အမှတ်ရကြဖို့လည်းလိုပါလိမ့်မည်။  

နိဂုံးချုပ်၍ ပြောရလျှင် ၂၀၀၈အခြေခံဥပဒေတည်မြဲနေသမျှကာလပတ်လုံး လူမျိုးစုံပြည်သူများ“တစ်ရာ ရာခိုင်နှုန်းပြည့်” အနိုင် မရနိုင်ပါ။ အဘယ့်ကြောင့်ဆိုသော် “၂၀၀၈အခြေခံဥပဒေ”သည် စစ်အုပ်စု/စစ်အာဏာရှင်စနစ်အား ထာဝရစဉ်အနိုင်ယူခွင့်ပေးအပ်ထား သည့် အခြေခံဥပဒေဖြစ်နေသောကြောင့်ပင်ဖြစ်ပါသည်။  သို့ပါ၍ “တစ်ရာ ရာခိုင်နှုန်းပြည့်”အနိုင်ရရှိစေဖို့ဆိုလျှင် ၂၀၀၈ အခြေခံဥပဒေ ကို ဖျက်သိမ်းမှသာဖြစ်နိုင်မည်ဆိုသည့်အချက်မှာရှင်းလင်းနေပါသည်။ 

ညွန်း
- ဒီလှိုင်းစာစောင်၊ အတွဲ (၃)၊ အမှတ် (၄၉)၊ ၁၅-၁၂-၂၀၁၄ 
- ၁၆-၁၂-၂၀၁၄  ရွေကောက်ပွဲကော်မရှင်ဥက္ကဋ္ဌ ပြောကြားချက်
- ဖွဲ့စည်းပုံအခြေခံဥပဒေ (၂၀၀၈) 

 (ဓာတ်ပုံ-Yangon Globe)

အောင်သဇင် - ပြည်ထောင်စုဖြိုခွဲရေး - တိုင်းရင်းသားစည်းလုံးညီညွတ်မှုဖြိုခွဲရေး


အောင်သဇင်  - ပြည်ထောင်စုဖြိုခွဲရေး - တိုင်းရင်းသားစည်းလုံးညီညွတ်မှုဖြိုခွဲရေး
(မိုးမခပေးစာ) ဒီဇင်ဘာ ၂၀၊ ၂၀၁၄

ဒို့တာဝန်အရေးသုံးပါးကို ပါးစပ်ကအမြှုပ်ထွက်မတတ်အော်နေတဲ့ ကာချုပ်မင်းအောင်လှိုင်ဟာ တိုင်းရင်းသားတွေ UNFC ထဲမှာ၊ FUA ပြည်ထောင်စုတပ်မတော်ထဲမှာ၊ KAF ကော်သူးလေတပ်မတော်ထဲမှာ စည်းလုံးညီညွတ်မယ့်အရေး ကိုတော့ အပြင်းအထန်ဆန့်ကျင်နေပြီး ဖျက်ဆီးဖြိုခွဲဖို့ နည်းမျိုးစုံသုံးနေတာ တွေ့ရတယ်။

ဗိုလ်ချုပ်မှူးကြီးအဆင့်ရှိ မင်းအောင်လှိုင်ဟာ ၂၀၁၃ မေလ နဲ့ နိုဝင်ဘာလကတည်းက တပ်မတော်မူ ၆ ချက်တို့ ငြိမ်းချမ်းရေးမူ ၆ ချက်တို့ လုပ်လာပြီး ကိုယ်ပိုင်ပြဋ္ဌာန်းခွင့်အတွက်တိုက်နေတဲ့ တိုင်းရင်းသားတပ်တွေကို တည်ဆဲ ဥပဒေတွေလိုက်နာဖို့၊ ၂၀၀၈ အခြေခံဥပဒေလိုက်နာဖို့ဆိုတဲ့ မဖြစ်နိုင်တဲ့တောင်းဆိုချက်တွေ စ,လုပ်ခဲ့တယ်။ နိုင်ငံ တော်ကာကွယ်ရေးတက္ကသိုလ် NDC လို့ ကြီးကြီးကျယ်ကျယ်နာမယ်ပေးထားတဲ့ စစ်ကျောင်းမှာ စက်တင်ဘာ ၁၉ ရက် က မင်းအောင်လှိုင် မိန့်ခွန်းပေးတော့ UNFC ကို ပြောင် အတိအလင်းတိုက်ခိုက်လာခဲ့တယ်။ လက်နက်ကိုင်တော်လှန် ရေးအဖွဲ့တွေကို "တိုက်ထုတ်ချေမှုန်း"တာမှန်တယ် ဆိုတဲ့သဘော ပြောလာခဲ့တယ်။ တိုင်းရင်းသားတပ်တွေကို သွား မတိုက်ဘူး၊ ဒါပေမဲ့ ခုခံပိုင်ခွင့်အရ မတွေ့ခင်မှာ တားရတယ်လို့ ပြောတာဟာ သူတို့တိုက်ချင်ရင် အမျိုးမျိုးအကြောင်းပြ တိုက်မယ်ဆိုတဲ့သဘော စိန်ခေါ်ခြိမ်းခြောက်တာဖြစ်တယ်။

VOA အင်တာဗျူးတွေကြည့်ရင် စစ်သားနဲ့မဆိုင်တာတွေ၊ သမတတို့ လွှတ်တော်တို့ပြောရမှာတွေကို လျှောက်ပြောနေ တာတွေ့ရတယ်။ ၂၀၀၈ အခြေခံဥပဒေကိုလဲ အကြီးအကျယ်အမွှန်းတင် ကာကွယ်နေပြီး ပြင်ဖို့ကိစ္စမှာ တိတ်နေတဲ့ အသံတွေနားထောင်ဖို့ ဘာညာလျှောက်ပြောနေတာဟာ နာဂစ်မိလို့သေသွားသူတွေ တမလွန်ကနေ ထောက်ခံမဲထည့် ခဲ့တာ၊ တချို့မြို့နယ်တွေမှာ ၁၀၀% ကျော်ထောက်ခံမဲပြခဲ့တာတွေကို တမ်းတနေပုံရတယ်။ 

တိုင်းရင်းသားတွေဘက်ကကြည့်ရင် ၂၀၀၈ အခြေခံဥပဒေဟာ ညောင်နှစ်ပင်မှာ တိုင်းရင်းသားလက်နက်ကိုင် ၁၃ ဖွဲ့ အဆိုပြုချက်၊ ဝ၊ ကိုးကန့်၊ မိုင်းလား ၃ ဖွဲ့တို့ရဲ့ အဆိုပြုချက်တွေကို လုံးဝပယ်ချပြီးဆွဲခဲ့တဲ့အတွက် ဘယ်လိုမှလက်မခံ နိုင်တဲ့အခြေခံဥပဒေဆိုတာ အားလုံးအသိဖြစ်တယ်။

 ညောင်နှစ်ပင်အမျိုးသားညီလာခံဆိုတာ အခြေခံဥပဒေဆွဲဖို့ အတွက် ဒီမိုကရေစီနည်းကျ ကိုယ်စားလှယ်ရွေးတာ၊ ဆွေးနွေးတာ၊ ဆုံးဖြတ်တာ လုံးဝမရှိတဲ့ ညီလာခံအတုကြီးဖြစ်ပြီး အဲ့ဒီဒီမိုကရေစီကင်းမဲ့လှတဲ့ ညီလာခံပြီးတော့မှ ပုဒ်မ ၄၄၅ ကို လူတယောက်တည်းရဲ့အမိန့်နဲ့ ထပ်ထည့်ခဲ့သေးတာ ဖြစ်နေတော့ ဒါကို အသေအလဲကာကွယ်နေတဲ့ မင်းအောင်လှိုင် ဘာလဲ ဘယ်လဲ ဆိုတာ ပြေးကြည့်စရာတောင် မလို ပါဘူး။

မင်းအောင်လှိုင် သိန်းစိန် ရွှေမန်း ခင်ညွန့်တို့ဟာ အမျိုးသားနိုင်ငံရေးဆိုတဲ့ စကားလုံးကိုလဲ ရေလဲနဲ့သုံးနေပြီး ရှုပ်ထွေးအောင် လုပ်နေကြတာ ဖြစ်တယ်။ တကယ်တော့ ကွယ်လွန်သူဝန်ကြီးချုပ်ဟောင်းဦးနု အကောင်းဆုံး ရှင်းပြခဲ့ ဖူးသလို လက်နက်ကိုင်တော်လှန်ရေးအဖွဲ့ အပါအဝင် နိုင်ငံရေးပါတီတိုင်း၊ နိုင်ငံရေးအဖွဲ့အစည်းတိုင်းဟာ အမျိုးသား နိုင်ငံရေးကို ကိုယ့်အမြင် ကိုယ့်ရှုဒေါင့် ကိုယ့်အယူအဆ ကိုယ့်ဝါဒသဘောတရားနဲ့ လုပ်နေကြတာချည်းဖြစ်တယ်။ အဲသလိုလုပ်နေရာက တချို့အခြေအနေတွေမှာ သွားတူကြလို့ ပေါင်းလုပ်ကြတာတွေ ဖြစ်တတ်တယ်၊ ဥပမာ- လွတ်လပ်ရေးအကြိုကာလ၊ ၈ လေးလုံးကာလတွေလိုမျိုး။ ဒါပေမဲ့ အဲ့လိုအချိန်တွေမှာတောင် အမြင်မတူလို့ကျန်ခဲ့တဲ့ အနည်းစုတွေ ရှိတတ်သေးတယ်။ ဒါမျိုးက အမြဲတမ်းမတူနိုင်တဲ့အတွက် ပါတီစုံဒီမိုကရေစီစနစ်ကို ကျင့်သုံးကြရတာ ဖြစ်တယ်။ 

ဗိုလ်ချုပ်မှူးကြီးသန်းရွှေ ခေါင်းခေါက်ရွေးထားတဲ့ လက်ရွေးစင်တပည့်ချုပ်ပီပီ စစ်ဝါဒနဲ့ စစ်အာဏာရှင်စနစ်ကို အစွမ်းကုန်ကာကွယ်စောင့်ရှောက်ဖို့ သစ္စာပြုထားတဲ့ မင်းအောင်လှိုင်ဟာ စစ်အုပ်စုကို အကာကွယ်ပေးမယ့် ဟန်ပြငြိမ်းချမ်းရေးလုပ်ဖို့ Plan A အဖြစ် တိုင်းရင်းသားတော်လှန်ရေးအဖွဲ့အများစုကို တပြည်လုံး အပစ်ရပ်စာချုပ် လက်မှတ်ထိုးအောင် ဘယ်လိုမှခြိမ်းခြောက်လို့လဲမရ၊ စစ်ရေးနည်းနဲ့ချေမှုန်းလို့လဲမရ၊ လိမ်ညာလှည့် စားလို့လဲမရတာ လေးနှစ်ကြာလာတော့ တိုင်းရင်းသားလက်နက်ကိုင်တွေထဲက ခပ်ပျော့ပျော့တွေကိုသိမ်းသွင်းပြီး တိုင်းရင်းသားတွေရဲ့ စည်းလုံးညီညွတ်မှုကို ဖြိုခွဲဖို့လုပ်နေပြီဖြစ်တယ်။

တိုင်းရင်းသားအများစုကို ကိုယ်စားပြုထားတဲ့ NCCT နဲ့ အပစ်အခတ်ရပ်စဲရေးဆွေးနွေးနေရာမှာ တိုင်းရင်းသားတွေ ဘက်က ဖက်ဒရယ်စနစ်ကို ကြံ့ကြံ့ခိုင်ဆုပ်ကိုင်ထားတဲ့အတွက် လက်ရှိဆွေးနွေးပွဲတွေဟာ အခု သိန်းစိန်အစိုးရသက်တမ်းအတွင်း မအောင်မြင်နိုင်ဘဲ ၂၀၂၀-၂၀၃၀ အထိရောက်နိုင်တယ်၊ ဒါပေမဲ့ ၂၀၁၅ ရွေးကောက်ပွဲမှာ ကြံ့ဖွတ် အစိုးရဘဲ တက်မယ်၊ ကြံ့ဖွတ်အစိုးရသစ်ဟာ ဖက်ဒရယ်ကို လက်မခံ၊ ငြိမ်းချမ်းရေးဆွေးနွေးပွဲကို ဆက်မလုပ်တော့ဘဲ သီရိလင်္ကာပုံစံ ချေမှုန်းရေးဘဲလုပ်မယ်လို့ စစ်အုပ်စုထိပ်သီးတွေက မူချထားပြီးဖြစ်တယ် (NLD အစိုးရဖြစ်မှာကို သူတို့ ခေါင်းထဲ ထည့်တွက်မထားပါ)။ ဒါက Plan C ဖြစ်ပါတယ်။ 

ဒါပေမဲ့ ဒီကနေ့ကာလမှာ တပ်ရင်းတရင်းကို စစ်ထွက်အင်အား ၁၀၀ ပြည့်အောင် မနည်းတွန်းနေရလို့ တပ်မတခုလုံး ပေါင်းမှ ရှေးတုံးကတပ်ရင်းနှစ်ရင်းစာဘဲရှိတော့ အရင်ကလို ၇ ရင်းရှေ့တန်းထွက် ၃ ရင်းနောက်တန်းနားစနစ် မလုပ် နိုင်တော့ဘဲ ၁၀ ရင်းစလုံး ရှေ့တန်းထွက်နေရတဲ့အခြေအနေမှာ ဒီ plan ဟာ နေ့ခင်းကြောင်တောင်စိတ်ကူးယဉ် အိမ်မက်အဆင့်ထက် မပိုနိုင်ဖြစ်နေရှာတယ်။

ဒါကြောင့် မင်းအောင်လှိုင်နဲ့ အောင်မင်း၊ သိန်းဇော်တို့ဟာ Plan B အဖြစ် သိမ်းသွင်းလို့ရတဲ့ တိုင်းရင်းသားခေါင်း ဆောင်ဆိုသူတချို့ကို UNFC နဲ့စင်ပြိုင်သွားဖို့ လှုပ်ရှားနေတယ်။ သူတို့က ဘယ်သူထိုးထိုး မထိုးထိုး တပြည်လုံးအပစ် ရပ်စာချုပ် NCA ကို ကိုယ်ကစပြီးလုပ်သွားဖို့၊ တခြားအဖွဲ့တွေလဲ နောက်ပိုင်းမှာ စိတ်ပြောင်းလာရင် တဖွဲ့ချင်းလာ ဒူးထောက်ထိုးစေဖို့ ရည်ရွယ်စည်းရုံးနေတယ်။ မထိုးဘဲကျန်တဲ့အဖွဲ့ကို စစ်ရေးအရချေမှုန်းပစ်ဖို့ ဦးတည်နေတယ်။ အဲဒီ စင်ပြိုင်အဖွဲ့ကိုလဲ တရုတ် အမေရိကန် EU တို့ကအသိအမှတ်ပြုဖို့ လော်ဘီလုပ်မယ်၊ ၆၇ ပါတီနဲ့ပါဆွေးနွေးပြီး သဘော ထားယူမယ်လို့ လက်တွေ့မကျ ရွှီးပြလိုက်သေးတယ်။ (အရင်ကလဲ WGEC ဆိုပြီး လှုပ်ရှားလှည့်စားခဲ့ပေမဲ့ ခဏနဲ့ပွင့် ကျသွားလို့ မအောင်မြင်ခဲ့ရှာဘူး။) 

ဒီလိုစီမံချက်တွေဆွဲထားပြီးဖြစ်တဲ့အတွက် ၄ ပွင့်ဆိုင်တို့ ၆ ပွင့်ဆိုင်တို့ဟာ ကျဉ်းမြောင်းတယ်ဆိုပြီး ဒေါ်စုနဲ့ NLD ဆန့် ကျင်ရေးလမ်းစဉ်ကို ဆက်လက်စွဲကိုင်နေတာဖြစ်တယ်။ အောက်တိုဘာလကုန်က ဒေါ်စုအပါ ထိပ်သီး ၁၄ ယောက် တွေ့ဆုံပွဲကိုတောင် အမျိုးသားနိုင်ငံရေးအင်အားစု ၅ စုရဲ့တွေ့ဆုံပွဲအဖြစ် သရုပ်ဖျက်နေတာ ဒီအခြေခံပေါ်ကဖြစ်တယ်။ တိုင်းရင်းသားတွေကိုလဲ ကိုယ့်အကျိုးစီးပွားပါမှာမဟုတ်လို့ ဒီလိုအပွင့်ဆိုင်တွေလက်မခံဖို့၊ တနည်းအားဖြင့် ဒေါ်စုတို့၊ ခွန်ထွန်းဦးတို့ကိုဆန့်ကျင်ဖို့ လှုံ့ဆော်တွန်းအားပေးနေတယ်။

မင်းအောင်လှိုင်ရဲ့ စီမံချက်ထဲမှာ မူလက KNU စောမူတူး နဲ့ RCSS ရွက်စစ်တို့ကို အပိုင်ထည့်ထားပြီး CNF ရွှေခါးနဲ့ လျံမှုန်းကိုလဲ လျာထားခဲ့ပေမဲ့ တခြားအင်အားကြီးအဖွဲ့တွေမပါရင် NCA ဆိုတာ စက္ကူစုတ်ဘဲဖြစ်မှာမို့ KIA မပါလဲ UWSA ဝ ကို ဆွဲခေါ်ဖို့ အဓိကကျနေတယ်။ မင်းအောင်လှိုင်ရဲ့ Plan B အရ KNU ဝ ရှမ်း-တောင်တို့က အရင် လက်မှတ်ထိုးကြမယ်၊ သမတသိန်းစိန်ဆန္ဒကို ဖြည့်မယ်၊ NCCT ဖျက်ရေး သို့မဟုတ် ဂျောင်ထိုးပစ်ရေးလုပ်မယ်လို့ ခင်း ထားတယ်။ အဲဒါဆိုရင် ၂၀၁၅ နှစ်ကုန်မှာလုပ်မယ့် ရွေးကောက်ပွဲအတွက် လမ်းရှင်းသွားမယ်လို့ ကာချုပ် မင်းအောင် လှိုင်နဲ့ သမတသိန်းစိန်တို့က ယူဆထားတယ်။ 

မင်းအောင်လှိုင်ဟာ KNU ခေါင်းဆောင် စောမူတူးနဲ့အဖွဲ့ကို ၇ ခါတွေ့ခဲ့ပြီး သမတသိန်းစိန်က ၅ ခါတွေ့ခဲ့ပြီးဖြစ်တယ်။ တိုင်းရင်းသားစည်းလုံးရေး အော်နေပြီး ၄ ပွင့်ဆိုင် ၆ ပွင့်ဆိုင်ဆိုတာ မကျယ်ပြန့်လို့မကြိုက်ဘူး ပြောနေပေမဲ့ လက် နက်ကိုင်အဖွဲ့ ၂၀ လောက်ထဲမှာ တဖွဲ့တည်းကိုဘဲ ၅ ခါတွေ ၇ ခါတွေ တွေ့နေခဲ့တာ ဘာရည်ရွယ်ချက်လဲ တိုင်းရင်း သားအားလုံး သဘောပေါက်ပြီးသားပါ။ 

မင်းအောင်လှိုင်၊ သမတသိန်းစိန်နဲ့ အောင်မင်းတို့ရဲ့ပံ့ပိုးမှု အပြည့်အဝရထားတဲ့ မူတူးတို့အဖွဲ့ဟာ UWSA ဝ အဖွဲ့ကို သွားစည်းရုံးတာ ၃ ခေါက်ရှိသွားပြီဖြစ်တယ်။ တိုင်းရင်းသားအကြိုက်စကားလေးတွေ၊ သံတမန်စကားလုံးတွေနဲ့ တဖက်က အယုံသွင်း၊ တဖက်မှာတော့ UNFC-NCCT အပုပ်ချရေး၊ ဝ နဲ့ UNFC သွေးခွဲရေး၊ ဒေါ်စုဆန့်ကျင်ရေး၊ အထူး သဖြင့် NCCT နဲ့ သီးခြားစီ အပစ်ရပ်စာချုပ်လက်မှတ်ထိုးရေးအတွက် ဝ မိုင်းလား ရှမ်း-တောင်တို့ကို MPC ဆီက ဘဏ္ဍာငွေကြေး အထောက်အပံ့အပြည့်နဲ့ လိုက်စည်းရုံးနေတယ်။ ကျန်းမာရေးမကောင်းတဲ့ ဝ ခေါင်းဆောင်တွေ လက် မှတ်ထိုးနိုင်ဖို့အတွက် လိုအပ်ရင် တပ်မတော်(လေ) ရဟတ်ယာဉ်နဲ့လာခေါ်ပေးမယ်လို့တောင် မူတူးတို့က မင်းအောင် လှိုင်ကိုယ်စား ရဲရဲကြီးအာမခံခဲ့သေးတယ်။

UNFC-NCCT ဟာ အပစ်ရပ်ပြီးရင် နိုင်ငံရေးဆွေးနွေးမယ်၊ နိုင်ငံရေးဆွေးနွေးဆုံးဖြတ်ပြီးမှ SSR/DDR လို့ခေါ်တဲ့ တပ် ဖျက် လက်နက်စွန့်တဲ့လုပ်ငန်းတွေလုပ်မယ်လို့ ဒီနှစ်သြဂုတ်လတုံးက အပစ်ရပ်စာချုပ်တတိယမူကြမ်းမှာ သဘောတူ ခဲ့ပြီးဖြစ်တယ်။ ဒါပေမဲ့ မင်းအောင်လှိုင်နဲ့ သူ့လက်အောက်ခံ KNU ကိုယ်စားလှယ်တို့က ပြောင်းပြန်လှန်ပြောနေပြီး UNFC ဟာ နိုင်ငံရေးဆွေးနွေးပြီးမှ အပစ်ရပ်စာချုပ်လက်မှတ်ထိုးဖို့ အဓိပ္ပါယ်မရှိ တောင်းဆိုနေတယ်လို့ စွပ်စွဲနေတယ်။ UNFC တို့ ကချင်တို့က ခေါင်းမာနေသလိုလို ဝါဒဖြန့်နေကြတယ်။ 

အများသိကြတဲ့အတိုင်း တတိယမူကြမ်းမှာသဘောတူခဲ့တဲ့ SSR ကိစ္စကို မင်းအောင်လှိုင့်တပည့် ဗိုလ်ချုပ်သုံးယောက် က သဘောမတူတော့ဘူးဆိုပြီး ထွက်ပြီးသားတံတွေးပြန်ကောက်မျိုလို့ စက်တင်ဘာလ စတုတ္ထမူကြမ်းမှာ ပြဿနာ တက်ပြီး အပစ်ရပ်ဆွေးနွေးပွဲတွေ အကန့်အသတ်မရှိ ရပ်ဆိုင်းသွားခဲ့တာကို UNFC အပေါ် အပြစ်ပုံချနေတယ်။ UNFC က ဖက်ဒရယ်ပြည်ထောင်စုတပ်မတော် FUA လုပ်လို့ အပစ်ရပ်စာချုပ်မှာ အနှောင့်အယှက်ဖြစ်ရတာဆိုပြီး ငဖယ်က ပြောင်းပြန်လုပ်နေပြန်တယ်။
တကယ်တော့ FUA ကိုကြံစည်ခဲ့ အကောင်ထည်ဖော်ခဲ့တာ ကြာပါပြီ။ UNFC မပေါ်ခင် ၂၀၁၀ ခုနှစ် CEFU (ဖက်ဒရယ် ပြည်ထောင်စုပေါ်ထွန်းရေးကော်မတီ) ကာလကတည်းက စပြီးအဆိုပြုခဲ့ကြ စဉ်းစားဆွေးနွေးခဲ့ကြတာဖြစ်ပြီး ၂၀၁၁ ဒီဇင်ဘာကတည်းက စဖွဲ့ခဲ့တာဖြစ်တယ်။ ဒါဟာ ဘာမှ ငြိမ်းချမ်းရေးကိုစိန်ခေါ်တာမဟုတ်ပါဘူး။ ခင်ဗျားတို့ တိုင်းရင်း သားချင်းဘဲ အရင်ညီအောင်လုပ်စမ်းပါအုံး ဆိုလို့ ပေါင်းစည်းနိုင်အောင် ကြိုးပမ်းတာဖြစ်တယ်။ တိုင်းရင်းသားစည်းလုံး ညီညွတ်ရေးကို လက်တွေ့အကောင်အထည်ဖော်တာဘဲဖြစ်တယ်။ 

ဒါပေမဲ့ မင်းအောင်လှိုင်တို့စစ်အုပ်စုကတော့ တိုင်းရင်းသားတဖွဲ့ချင်း သူတို့ဆီလာဒူးထောက်မှ တိုင်းရင်းသားစည်းလုံး ညီညွတ်ရေးလို့ သတ်မှတ်နေပြီး တိုင်းရင်းသားတွေ အချင်းချင်းစုဖွဲ့ကြတာကိုတော့ တိုင်းရင်းသားစည်းလုံးညီညွတ်မှု ဖြိုခွဲတယ်လုိ့ သူခိုးကလူဟစ်နေတယ်။ တိုင်းရင်းသားတွေ စည်းလုံးညီညွတ်ဖို့ကြိုးစားတာကိုဘဲ ဗဟိုဦးစီးစနစ် ကျင့်သုံး တယ်လို့ စွပ်စွဲ ပြဿနာရှာနေတယ်။ စည်းလုံးညီညွတ်ရေးကို လက်တွေ့ကျင့်သုံးမှုအဖြစ် ပြည်ထောင်စုငြိမ်းချမ်းရေး ဖော်ဆောင်ရေးကော်မတီနဲ့ လုပ်ငန်းကော်မတီတို့ကို တိုင်းရင်းသားတော်လှန်ရေးကိုယ်စားလှယ်တွေနဲ့ ပူးတွဲကော်မတီ ဖြစ်စေဖို့၊ ပြည်ထောင်စုညီလာခံကြီးကို ပူးတွဲကမကထပြုဖို့ အဆိုပြုတာတွေကိုလည်း မင်းအောင်လှိုင်-အောင်မင်း တို့က ခါးခါးသီးသီးငြင်းဆန်နေပြီး အပစ်ရပ်စောင့်ကြည့်ရေးပူးတွဲကော်မတီလောက်ဘဲလုပ်ဖို့ ဖိအားပေးနေတယ်။

၂၀၁၁ ခု FUA တည်ထောင်ပြီး နောက်မှလုပ်ခဲ့တဲ့ တပြည်လုံးအပစ်ရပ်ရေးဆွေးနွေးပွဲတွေမှာ ၂၀၁၄ ဧပြီမှာ ပထမ မူကြမ်း၊ မေလမှာ ဒုတိယမူကြမ်း၊ သြဂုတ်လမှာ တတိယမူကြမ်းအထိ အဆင်ပြေခဲ့ပြီး စက်တင်ဘာလ စတုတ္ထမူကြမ်း ကျမှ ထစ်သွားတာဟာ FUA နဲ့ မဆိုင်ကြောင်းထင်ရှားနေတယ်။ တိုင်းပြည်တပြည်မှာ တပ်မတော်တခုတည်းရှိရမယ် ဆိုတာကို ဘယ်တိုင်းရင်းသားကမှ အငြင်းပွားမနေပါဘူး။ တိုင်းရင်းသားတွေလိုချင်တဲ့ ဖက်ဒရယ်တပ်မတော်ဆိုတာ နိုင်ငံရေးကင်းရှင်းပြီး အာဏာမရူးတဲ့ professional တပ်ဖြစ်ဖို့နဲ့ ဖက်ဒရယ်စနစ်အရ ဗဟိုချုပ်ကိုင်မှုလျှော့ချထားတဲ့ တိုင်းပြည်ရဲ့ ပြည်နယ်တွေမှာ ကိုယ်ပိုင်ပြဋ္ဌာန်းခွင့်မူအရ လုံခြုံရေးကိစ္စ (ကာကွယ်ရေးကိစ္စမဟုတ်) ကို ကိုယ့်ဖာသာ တာဝန်ယူခွင့်ရှိဖို့ အဓိကလိုချင်တာဖြစ်တယ်။

စစ်အုပ်စုတွေ ပြောပြောနေတဲ့ လူမျိုး ၁၃၅ မျိုး ၁၃၅ သံ မဖြစ်ဖို့၊ လက်နက်ကိုင် ၁၆ ဖွဲ့ ၁၆ သံ တယောက်တပေါက် မဖြစ်ဖို့၊ တိုင်းရင်းသားစည်းလုံးညီညွတ်ရေးမပြိုကွဲဖို့ဆိုတာ စောခူဆဲရဲ့ စည်းလုံးခြင်းအတွက်သီချင်းကို တိုင်းရင်းသား အဝတ်အစားမျိုးစုံ လှလှဝတ်ပြီး စုပေါင်းကရုံနဲ့ မရနိုင်ပါဘူး။ လက်တွေ့အဓိပ္ပါယ်ရှိတဲ့နည်းကို FUA က ကျင့်သုံးနေတာ ဖြစ်တယ်။ KAF ဆိုတာလဲ ကရင်ပြည်အတိုင်းအတာအရ အလားတူဖြစ်တယ်။ 

ကာချုပ်ကိုယ်စားလှယ်တွေက NCCT ဟာ အပစ်ရပ်ဆွေးနွေးဖို့အတွက် ဝ၊ မိုင်းလား၊ RCSS တို့ကို မဖိတ်ခေါ်ဘူးလို့လဲ တလွဲပြော စွပ်စွဲသေးတယ်။ တကယ်တော့ ဟန်ညောင်ရွှေရဲ့လှည့်ကွက်အောက်မှာ RCSS က လိုင်ဇာ-လော်ခီးလာ ညီလာခံသဘောတူချက်တွေကို  လက်မှတ်မထိုးဘဲ သီးခြားရပ်တာ၊ ဝ ကတော့ အပစ်ရပ်ဆွေးနွေးစရာမလိုဘဲ ငြိမ်း ချမ်းရေးဆိုင်ရာနိုင်ငံရေးဆွေးနွေးဖို့ဘဲ လိုအပ်တော့တာဖြစ်လို့ မတက်တဲ့အကြောင်း အများသိကြေညာထားပြီးဖြစ် တယ်။ အပစ်ရပ်ဆွေးနွေးပွဲနဲ့ပတ်သက်လို့ သဘောထားတွေကို တရားဝင်ထုတ်ပြောခဲ့ကြပြီးဖြစ်တယ်။

အခုတော့ ဝ နဲ့ မိုင်းလားက တခြားတိုင်းရင်းသားတော်လှန်ရေးအဖွဲ့အားလုံးနဲ့ တစုတစည်းတည်း လက်မှတ်ထိုးမယ်၊ တသီးတခြားခွဲမထိုးနိုင်ဘူးလို့ အပြတ်ပြောလိုက်ပြီး ရှမ်း-တောင် RCSS ကလဲ ဗမာစစ်တပ်နဲ့ ကရင်ဥက္ကဌတို့လုပ်ပုံ တွေ၊ ဘတ်ကီးရိုက်ပုံတွေကို မယုံမကြည် မကျေမနပ်တွေဖြစ်နေပါတယ်။ CNF ရဲဘော်ထုကလဲ ဗမာစစ်တပ်ရဲ့ အဓိပ္ပါယ်မဲ့ ချုပ်ချယ်ဗိုလ်ကျမှုတွေကို မကျေမလည်ဖြစ်နေပြီး ခတ်ခွာခွာလုပ်နေတော့ မင်းအောင်လှိုင်ရဲ့ ကလိမ် ကကျစ် Plan B အခြေအနေမကောင်း ဖြစ်နေပါပြီ။

ဒါပေမဲ့ မင်းအောင်လှိုင်တို့ဟာ စောမူတူးကို ၂၀၁၅ မှာ ဒုသမတခန့်မလိုလို၊ ကရင်တပ်ကို လွှတ်တော်က ၂၅% ထဲ နေရာခွဲထည့်ပေးမလိုလိုလေသံလွှင့်ပြီး ဟိုအကောင်ဝမ်းသာအောင် လေလည်ပြတာမျိုးလဲ လုပ်နေတယ်။ (၂၀၀၉ ခု တုံးကလဲ ကချင်အထူးဒေသ-၁ စခုံတိန်ယိန်းက လွှတ်တော် ၂၅% ထဲ ပါမလိုလိုအသံထွက်ပြီး နောက်ဆုံးတော့ နယ် ခြားစောင့်တပ်ဘဲ ဖြစ်သွားခဲ့တယ်။)

မင်းအောင်လှိုင်ဟာ မူလက ၂၀၁၅ မှာ သမတလုပ်ဖို့ ရည်မှန်းခဲ့ပေမဲ့ တိုင်းပြည်အခြေအနေတွေက ယခုစာဖတ်နေသူ ကြီး နိုင်ငံတော်အကြီးအကဲလုပ်ခဲ့တဲ့ အနှစ် ၂၀ အပစ်ရပ်ကာလလို အေးဆေးမနေတဲ့အတွက် လူဝတ်လဲ သမတ အရွေးမခံတော့ဘဲ ပင်စင်သက်ထပ်တိုးပြီး ကာချုပ်ဆက်လုပ်ဖို့ သဘောတူလိုက်ရတယ်။ တဆက်တည်းမှာ ဂျူနီယာ တွေကို ချုပ်ကိုင်ရာမှာ ပိုမီးသေအောင် နယ်အဝန်းအဝိုင်းကျောထောက်နောက်ခံမရှိ ရန်ကုန်သားချင်းဖြစ်တဲ့ မြထွန်းဦး ကို အိမ်ရှေ့စံလျာထားပြီး အပတ်စဉ် ၂၅ အထက် ဗိုလ်ချုပ်တွေတသီကြီးကို အငြိမ်းစားပေး အရပ်ဖက်ရွှေ့ဖို့ စီစဉ်နေ တယ်။ ၂၀၁၅ သို့မဟုတ် ၂၀၁၆ မှာလုပ်မယ့် ရွေးကောက်ပွဲအခြေအနေမကောင်းရင် ၁၉၅၈ ခုတုံးကလို အိမ်စောင့် အစိုးရအဖြစ် မလိမ့်တပတ်လုပ်ဖို့လဲ စဉ်းစားပြင်ဆင်ထားတယ်။ ဒါလဲ Plan နံပတ် ဘယ်လောက်ဖြစ်မလဲ မသိသေးပါ။

မင်းအောင်လှိုင်နဲ့ DSA အပတ်စဉ် ၆ ခုကွာတဲ့ မြထွန်းဦးဟာ ဗိုလ်ချုပ်မြကို အဆိပ်နဲ့၊ ပဒိုမန်းရှာကို သေနတ်နဲ့ လုပ်ကြံ နိုင်ခဲ့လို့ တိုက်ပွဲကြီးတွေမတိုက်ဖူးတဲ့ အပစ်ရပ်ကာလဗိုလ်ချုပ်ဖြစ်လာသူတွေထဲကနေ တပ်ချုပ်ကြီးသန်းရွှေက တော် ကောက် မြှောက်စားခဲ့တာဖြစ်တယ်။ စီနီယာတွေကိုတရိပ်ရိပ်ကျော်တက်ပြီး တင်ဖို့လုပ်တာကို အပတ်စဉ် ၂၂ က ဗိုလ်ချုပ်ကျော်ဆွေက ကလန်ကဆန်လုပ်လို့ ဘရိတ်ပြန်အုပ်ပြီး ကျော်ဆွေကျေနပ်အောင် ချွေးသိပ်ရင်း တခြားစီနီယာ ဗိုလ်ချုပ်တွေကိုဖယ်ဖို့ အချိန်ယူအကြံအဖန်လုပ်နေရတယ်။ စစ်တပ်ထုံးစံအရ ကိုယ့်ကိုလှန်နိုင်မယ့် အပတ်စဉ်မတိမ်း မယိမ်းတွေနည်းလေ၊ စစ်အာဏာကျင့်သုံးလို့ကောင်းလေ ဖြစ်သလို အပတ်စဉ်ကွာလေ၊ ရာထူးတက်လာတဲ့ဂျူနီယာ တွေက ကျေးဇူးတင်လေ၊ ပိုချုပ်ကိုင်လို့ကောင်းလေဖြစ်လို့ ဂျူနီယာတွေကိုများများတင်ဖို့ စီစဉ်နေတာဖြစ်တယ်။ 

ဒီတော့ ဒို့တာဝန်အရေးသုံးပါးတွေ အမျိုးသားနိုင်ငံရေးတွေ လိပ်ခေါင်းထွက်အောင်အော်ရင်း တိုင်းရင်းသားအချောင် သမားတွေ တိုင်းရင်းသားသစ္စာဖောက်တွေကို နဖားကြိုးထိုးပြီး တိုင်းရင်းသားစည်းလုံးညီညွတ်ရေးကိုဖြိုခွဲနေသူ၊ ပြည် ထောင်စုကိုဖြိုခွဲနေသူဟာ တိုင်းရင်းသားတွေဒူးထောက်အညံ့ခံရေးကိုသာမြင်ချင်တဲ့ ဗမာစစ်အုပ်စုဘဲဖြစ်နေတာ တွေ့ ရပါတယ်။ စစ်အုပ်စုဟာ စစ်မှန်တဲ့ငြိမ်းချမ်းရေး၊ စစ်မှန်တဲ့ဖက်ဒရယ်စနစ်၊ စစ်မှန်တဲ့ဒီမိုကရေစီစနစ်တွေကို နည်းမျိုးစုံနဲ့ ဟန့်တားဖျက်ဆီးနေတဲ့အတွက် စားပွဲဝိုင်းတိုက်ပွဲကို လူထုတိုက်ပွဲဖိအား၊ နိုင်ငံတကာပြည်သူ့ဖိအားတွေနဲ့ဝန်းရံပြီး တရားမျှတတဲ့ငြိမ်းချမ်းရေး မရရအောင်လုပ်ဖို့ နိုင်ငံသားတိုင်းမှာ တာဝန်ရှိနေပါပြီ။


အောင်သဇင်

ဝင်းအောင်ကြီး - သတင်းထောက်အား ၀န်ကြီးချုပ်ကတောင်းပန်ရသည့် သတင်းစာရွှေခေတ်



ဝင်းအောင်ကြီး - သတင်းထောက်အား ၀န်ကြီးချုပ်ကတောင်းပန်ရသည့် သတင်းစာရွှေခေတ် 
(သူ့ဖေ့စ်ဘွတ်) ဒီဇင်ဘာ ၂၀၊ ၂၀၁၄

အင်္ဂလိပ်အစိုးရက သတင်းစာအတတ်ပညာ ယူဆောင်လာ၍ ကိုလိုနီစနစ်ကို မကျေနပ်သည့်ကြား မြန်မာပြည်တွင် သတင်းစာထုတ်ကြ၊ သတင်းစာဖတ်ခဲ့ကြရသည်။ ဂျပန်ခေတ်မှာလည်း သတင်းစာရှိ၏။ ၁၉၄၈ ခုနှစ် လွတ်လပ်ရေးရတော့ ပါလီမန်မှာ တိုအခံမရှိလို့၊ သတင်းစာများက ၀င်ရောက်တာဝန်ယူရသည်ဟု ကမ္ဘာ့သမိုင်းပညာ ရှင်များကမှတ်တမ်းတင်သည်။

အဘယ့်ကြောင့် သတင်းစာတို့၏ ရွှေခေတ်ဟု ခေါ်ကြသနည်း

ရှိပြီး မြန်မာ့အလင်း၊ဟံသာဝတီ၊သူရိယ၊ဗမာ့ခေတ်တို့အပြင်ရန်ကုန်၊တိုးတက်ရေး၊စီးပွါးရေး၊ဟစ်တိုင် စသဖြင့် မန္တလေးမှာ လူထု၊မန်းသူရိယ၊ဗဟိုစည် စသည့်သတင်းစာတွေ ထွက်လာ၏။
 

အင်္ဂလိပ်လို The New Time of Burma, The Burman တို့အပြင် နောက်ပိုင်းမှာ Nation, တပ်မတော် ကထုတ်သည့် Guardian တို့ကြိုက်ရာရွေးဖတ်နိုင်သည်၊ Urdur, Hindi, Mindarin, Cantonese, စသော နိုင်ငံခြား ဘာသာအပြင် ရှမ်းသတင်းစာ၊ ကရင်သတင်းစားတွေ တောင်ရှိခဲ့ဖူးတာပါ။
 

ဦးသိန်းဖေမြင့်၏ ဗိုလ်တထောင်၊ ဦးညိုမြ၏ အိုးဝေ၊ ဖဆပလ အာဘော် မဏ္ဍိုင်၊ ၁၉၅၇ ခု၊ ဧပြီလ ၁၇ ရက်နေ့မှာ ကြေးမုံ၊ အထောက်တော်နဲ့ ပြည်တော်စိုး သတင်းစာ ၃ စောင်ထွက်လာပြန်သည်။ ဦးထွန်းဖေ၏ ထွန်းနေ့စဉ် ဝေဖန်ချက်တွေ ထိမိလွန်းလို့ သြဇာကြီးမားခဲ့သည်။
 

သတင်းစာကို ဘယ်သူပိုင်ပိုင် သတင်းနှင့်စီမံခန့်ခွဲမှု (Editorial Management )ကို ထိလို့မရ။ အမြင်ချင်း ကွဲကြစေကာမူ သတင်းစာချင်း အပြန်အလှန်လေးစားကြ၏။ သတင်းစာက ဘယ်လိုရေးရေး သတင်းစာဖတ်သူ ကိုယ်ပိုင်အသိနှင့် ဆုံးဖြတ်ကြ၏။
ြု

 မြန်မာနိုင်ငံ သတင်းစာဆရာများ အသင်းက သတင်းစာအာလုံးကို ကိုယ်စားပြု၏။ အစိုးရနှင့် ဆက်သွယ်လုပ်ဆောင်ရသော်လည်း သွယ်ဝိုက်၍ပင် သြဇာမခံ။ အလားတူ မြန်မာနိုင်ငံ သတင်းထောက်များ အသင်းသည်လည်း သီးခြားလွတ်လပ်သည့် အသင်းဖြစ်၏။
 

စာဖတ်သူများ စဉ်စားကြည့်ပါ၊ အဲဒီခေတ်အခါကို သတင်းစာတို့၏ ရွှေခေတ်လို့ မခေါ်သင့်ပေဘူးလား?
ဗုဒ္ဓဟူးနေ့ တပတ်ခြား ၀န်ကြီးချုပ်၏ သတင်းစာရှင်းလင်းပွဲရှိသည်။ ၀န်ကြီးချုပ်က တင်းပြအပြီး သတင်းစာဆရာများက ဘာမဆိုမေးလို့ရ၍ ပြဿနာတက်သည်လည်းရှိ ရယ်စရာမောစရာများလည်းရှိ၏။ တကြိမ်မတော့ သတင်းထောက်ပေါက်စလေး ကိုစိန်ဝင်းက ဘာမေးသလဲဆိုတာတော့ မမှတ်မိ၊ ၀န်ကြီးချုပ်က မဖြေဘဲ ထိုင်ခိုင်းလိုက်သည်။
 

နောက်သတင်းစာရှင်းလင်းပွဲကျတော့ ထုံးစံအတိုင်း ၀န်ကြီးချုပ်က တင်းပြအပြီး သတင်းစာဆရာများ ဘာမှမမေးကြတော့မှ သူ့အမှားသတိရသွားသည့် ၀န်ကြီးချုပ်က မတ်တတ်ရပ်ကာ “ ကိုစိန်ဝင်း၊ ကျနော်တောင်းပန်ပါတယ်” လို့ဆိုကြောင်း သတင်းစာထဲ ကျနော်ဖတ်ခဲ့ခူးသည်။
  

ဝန်ကြီးချုပ်ဦးနုက လူလည်၊ မတောင်းပန်ပါက မြန်မာနိုင်ငံ သတင်းထောက်များ အသင်းနှင့်တွေ့၊ မြန်မာနိုင်ငံ သတင်းထောက်များ အသင်းနှင့် ရင်ဆိုင်ရတော့မည်။ ဒီမိုကရေစီစနစ် ကျင့်သုံးသောနိုင်ငံတွင် ၀န်ကြီးချုပ်ကလည်း သူ့အလုပ်သူလုပ် သတင်းစာကလည်း သူ့အလုပ်သူလုပ်။
 

 မြန်မာပြည်မှာ ခုရက်များအတွင်း သတင်းစာဆရာများ အသင်းကို ကာကွယ်ရေးဦးစီးချုပ်ကခေါ်ယူ တွေကဆုံသည့်သတင်းနှင့် စာဖတ်သူများ ဆက်စပ်ကာ တွေးတောစဉ်းစားကြဖို့ ပါခင်ဗျာ။
 

 ကျနော် ၀င်းအောင်ကြီးပါ။
၂၀၁၄ ခု၊ နိုဝင်ဘာလ ၂၆ ရက်နေ့။

ညိုထက်ညို - ဆင့်ကဲဖြစ်စဉ်

ညိုထက်ညို - ဆင့်ကဲဖြစ်စဉ်
(မိုးမခ) ဒီဇင်ဘာ ၂၀၊ ၂၀၁၄

ဆရာမင်းလူ က သူ့စာတစ်ပုဒ်တွင် လူတို့ အတိတ်ကို ပြန်တမ်းတတတ်သည့် အကြောင်း ရေးဖူးသည်။ ဟုတ်လဲဟုတ်သည်။ ကျွန်တော့်အဖေလဲ အတိတ်ကို ပြန်တမ်းတသည်။ ကျွန်တော်လဲ အတိတ်ကို ပြန်တမ်းတသည်။ ကျွန်တော့်ထက် ငယ်သော လူငယ်များလည်း နောင်တစ်ချိန်တွင် အတိတ်ကို ပြန်တမ်းတ ကြလိမ့်မည်။ ဒါက ဖြစ်မြဲ ဓမ္မတာ တွေ ဖြစ်သည်။

ဆရာ့စာကို ကျွန်တော် မှတ်မိသလောက် ပြန်ဖော်ပြပါမည်။ အတိတ်မှာ ကျန်ခဲ့သည်က နုပျိုစိုလတ် သော နေ့ရက်တွေ၊ ဘာပဲဖြစ်ဖြစ် လူငယ်ဘဝ ပျော်ခဲ့သည့် နေ့ရက်တွေ၊ ရှေ့လာမည့် နေ့တွေက အိုလာမည့် နေ့ရက်တွေ၊ နာလာမည့် နေ့ရက်တွေ၊ နောက်ဆုံး သေခြင်းတရား နှင့် ဆိုက်ဆိုက်မြိုက်မြိုက် တိုးမည့်နေ့၊ ပျော်စရာ ဘာမှမကောင်း။ ထိုနေ့တွေ မလာခင် လက်ငင်းနေ့ တွေကလည်း သားရေး သမီးရေး လူမှုရေး စီးပွားရေး အရေး သောင်းခြောက်ထောင်နှင့် ပူမှု ဆယ်ကုဋေ နေ့ရက်တွေ၊ ဒါ့ကြောင့်လည်း စိတ်သက်သာရာ ရရာရကြောင်း “ငါတို့တုန်းက ဘယ်လို” ဆိုသည့် စကားကို အမြဲ ကြားရပါသည်။

ထိုအထိက မဆန်းပါ။ အမေရိကန် တစ်ယောက်လည်း ဒီအတိုင်း ဖြစ်ပါလိမ့်မည်။ ဂျပန် တစ်ယောက်လည်း ဒီအတိုင်း ဖြစ်ပါလိမ့်မည်။ မြန်မာ တစ်ယောက်လည်း ဒီအတိုင်း ဖြစ်ပါလိမ့်မည်။

ဒါပေမယ့် ထိုထို အမေရိကန်တွေ ဂျပန်တွေ ထက် ဆန်းနေသည်က ကျွန်တော်တို့ မြန်မာတွေ ဖြစ်သည်။ နေ့စဉ် လူမှုဘဝတွေကိုပဲ ကျွန်တော် ပြောပြပါမည်။

မိတ်ဆွေ၊ ယနေ့ သင့်တွင် ပိုက်ဆံ ဘယ်လောက်ရှိရှိ လွန်ခဲ့သော နှစ်အစိတ်ခန့်က ဒံပေါက် ထမင်းမျိုး သင် ဘယ်မှာမှ ဝယ်မစား နိုင်တော့ပါ။ ထိုစဉ်က ဒံပေါက်ထမင်းကို ကျွန်တော် မှတ်မိသလောက် ပြန်ရေးပြပါမည်။

ကျွန်တော်သည် ငယ်စဉ်ကတည်းက ဒံပေါက်ကြိုက်သူ ဖြစ်၍ တစ်လတစ်ကြိမ် လောက်တော့ ၃၆လမ်း နှင့် အနော်ရထာ လမ်းထိပ် က “နီလာ” ဒံပေါက်ဆိုင်တွင် အမေ့ကို ဒံပေါက် ဝယ်ကျွေးခိုင်းပါသည်။

ထိုစဉ်က (၁၉၈၀ပြည့်လွန် နှစ်များ စောစောပိုင်းကာလ) ဒံပေါက်တစ်ထုပ် ဘယ်လောက်လဲတော့ ကျွန်တော် အတိအကျ မမှတ်မိ။ ငွေတစ်ဆယ်ကျော်ကျော် လောက် ဖြစ်မည်ဟုတော့ အကြမ်းဖျင်း ခန့်မှန်းမိသည်။ ဒံပေါက်တစ်ပွဲ တွင် ပါဝင်သော ဒံပေါက်ထမင်း ပမာဏက ယနေ့ ဒံပေါက်တစ်ပွဲ ၏ နှစ်ဆနီးနီး ရှိမလား မသိ။ ယနေ့ ဒံပေါက်စားလျှင် ပုံမှန် အစားကောင်း လူလတ်ပိုင်း တစ်ယောက် လိုက်ပွဲ မယူ၍မရ။ ထိုစဉ်က လိုက်ပွဲမယူဘဲ အစားမကြီးသူ ဆိုလျှင် ဝလောက်သည် ဟု ကျွန်တော် ခန့်မှန်းမိသည်။

ဒံပေါက်ထဲတွင် လည်း သီဟိုဠ်စေ့တွေ၊ စပျစ်သီးခြောက်တွေ၊ အခြား ကျွန်တော် မမှတ်မိတော့သည့် ဟင်းခတ် အမွှေးအကြိုင်တွေ ပါသေးသည်။ ဒံပေါက်ထဲတွင် သုံးသည့် ကြက်သားကလည်း ကြက်တစ်ကောင်ကို လေးစိတ်စိတ်ထားသည့် ကြက်တစ်စိတ် ဖြစ်သည်။ ယနေ့သုံးသည့် မော်ဒယ်ကြက်ပိန် လေးများ မဟုတ်။ ယနေ့ထက် အများကြီး ကြီးသည့် မောင်ဗမာ ကြက်တစ်စိတ် ဖြစ်သည်။

ကျွန်တော် အခုထိ မှတ်မိနေတာ ရှိသေးသည်။ ကျွန်တော်တို့ လမ်းထဲက သားအဖနှစ်ယောက် “နီလာ” တွင် ဒံပေါက် လာစားလျှင် ဒံပေါက်တစ်ပွဲ နှင့် လိုက်ပွဲ တစ်ပွဲ (သို့) နှစ်ပွဲ မှာပြီး နှစ်ယောက် မျှစားကြသည်။ ဒါလည်း အလုပ်ဖြစ်တာပါပဲ။ သူတို့နှစ်ယောက် ဝဝလင်လင် စားရပါသည်။

ကျွန်တော့်အဖေ ကတော့ “ဆိတ်သားခါးပတ်” အစွဲကြီးသူ ဖြစ်သည်။ သူ ငယ်စဉ် တက္ကသိုလ် ကျောင်းသားဘဝ (၁၉၆၀ တဝိုက်) က မဂိုလမ်းရှိ ကုလားဆိုင်များတွင် စားခဲ့ရသည့် ဆိတ်သားခါးပတ် နှင့် ခါးပတ်ခါနာ မျိုး ယနေ့ ဘယ်မှာမှ ရှာမရတော့ ဟု ကျွန်တော် ငယ်စဉ် (၁၉၈၀ ပြည့်လွန် နှစ်များတုန်းက) ကျွန်တော့်ကို တဖွဖွ ပြောဖူးသည်။ ကျွန်တော် ဒံပေါက် ကြိုက်မှန်းသိတော့
“ဒါလဲ ငါ ငယ်ငယ်က ဒံပေါက်ကို မမီဘူးကွ၊ ငါ့သားဆို ကြိုက်လိုက်မယ့် ဖြစ်ခြင်း”
ဟု ပြောရှာသည်။

ပြန်စဉ်းစားကြည့်တော့ ဒံပေါက်တွင်မက အစားအသောက် အားလုံးဟုပဲ ဆိုရတော့မှာ ဖြစ်သည်။ လက်ဖက်ရည်ခွက်တွေ သေးသွားသည်။ နံပြားတွေ သေးသွားသည်။ ပေါက်စီထဲ ဝက်အူချောင်း နှင့် ဘဲဥ ခပ်ကြီးကြီး တစ်စိတ် ပျောက်သွားသည် (သေးသွားတာကတော့ ပြောမနေ ပါနဲ့တော့) ၊ ပိန်ပိန်ပါးပါး မော်ဒယ်မလေးများလို အီကြာကွေးလေးတွေ ပေါ်လာသည်၊ မုန့်ဟင်းခါးထဲက ကြက်သွန်ဥ အိအိကြီးတွေ မြေလျှိုးမိုးပျံ သွားသည် (ဟိုးယခင်က မုန့်ဟင်းခါးတစ်ပွဲ သည် ယခုခေတ် နှစ်ပွဲစာမျှ ရှိသည်)။ ပညာရှင် တွေ ပြောတတ်ကြသည့် small is beautiful ဆိုသော စကားကို မြန်မာ့ အစားအသောက် လောကတွင် လက်တွေ့ အသုံးချကြသည် ဟုပဲ ကြံကြံဖန်ဖန် ဆိုရမလား မသိ။ ကွမ်းယာဗန်းထဲက ကမ္ဘာကျော် စီးကရက်တွေလည်း မရှိတော့၊ အို..အရာအားလုံး ပါလား။ ကျွန်တော် ဘုရားတမိသည်။

အစားအသောက် တွေအကြောင်း တွေးရင်း ကိုယ်က စာရေးသူမို့ မဂ္ဂဇင်းတွေ အကြောင်း စိတ်ရောက် သွားပြန်သည်။ ဒါလည်း ဘာထူးလို့လဲ။ အဖေ့အမွေ စာအုပ်သေတ္တာ ကြီးထဲက ရှုမဝ အဟောင်းတွေ ဒဂုန် အဟောင်းတွေကို ကျွန်တော် ပြန်လည် မြင်ယောင်သည်။ မဂ္ဂဇင်း အထူကြီးတွေ။ ယနေ့ ကျွန်တော်တို့ ရေးနေသည့် မဂ္ဂဇင်းများ၏ နှစ်ဆခန့် ရှိလိမ့်မည်။ လူသာဆိုလျှင်တော့ ယနေ့ မြန်မာ့ မဂ္ဂဇင်းများ ခုခံအား ကျဆင်းမှုရောဂါ စွဲကပ်ခံရမှုကြောင့် ပိန်လှီပါးကပ် သွားသည်ဟု အယိုးစွပ် ခံရနိုင်သည်။

မဂ္ဂဇင်းများထက် ပိုလွမ်းတာကတော့ ကလေးစာပေများ ဖြစ်သည်။ ကျွန်တော့် ထပ်ခိုးကလေး၏ ချောင်တစ်ချောင်တွင် အစည်းလိုက် အစည်းလိုက် တွဲချုပ်ထားသော ကာတွန်းဂျာနယ် ပေါင်းချုပ်ကြီးတွေကို ကျွန်တော် ပြန်လွမ်းသည်။ ကျွန်တော်တို့ တုန်းက ဖတ်ခဲ့ရသည့် အပတ်စဉ် “ရွှေသွေး” “ရွှင်ပြုံး” နှင့် “လှပ” ကို ယနေ့ ကလေးများ ဖတ်ရလျှင် ဘယ်လောက်များ သဘောကျကြ လိမ့်မည် မသိ။ နောက် ”တေဇ” နှင့် “မိုးသောက်ပန်း”။ ပန်းချီဆရာကြီး ဦးဘကြည်၊ ကဆ ဟု လက်မှတ်ရေးထိုး တတ်သော ဆရာကြီး ဦးကျော်ဆန်း၊ နောက် ဆရာကြီး ဦးသန်းကြွယ် နှင့် သူ့ ဇာတ်ကောင် အကျော် အမော်များ၊ အိမ်မြှောင်ရုပ် လက်မှတ်ကလေး ထိုးတတ်သည့် ဆရာကြီး ဦးအောင်ရှိန်။ အရုပ်တွေကို အသာထား၍ ဇာတ်လမ်းတွေကို ချည်း ဝေဖန်ရမည် ဆိုလျှင် ယနေ့ ကလေး ကာတွန်း ဇာတ်လမ်းများ ဟိုတုန်းကနှင့် ယှဉ်လျှင် ပြောစရာ စကားလုံး ရှာမရလောက်အောင် ညံ့ဖျင်းကြောင်း ဟိုတုန်းကခေတ် မီသူတိုင်း သိပါသည်။

မရေးရ မနေနိုင်၍ ကုန်ဈေးနှုန်းတွေ အကြောင်းလည်း အနည်းအကျဉ်း ရေးရဦးမည်။ လွန်ခဲ့သော နှစ်နှစ်ဆယ်ကျော် က လက်ဖက်ရည် တစ်ခွက် လေးကျပ် ဖြစ်သည်။ ကျွန်တော် ရှစ်တန်း ကိုးတန်းလောက်က အိတ်ထဲ ၄၅ကျပ်တန် တစ်ရွက် ထည့်လာနိုင်သူသည် ထိုနေ့အတွက် သူဌေး ဖြစ်သည်။ ၁၉၉၅မှာ တက္ကသိုလ် စတက်တော့တောင် အိတ်ထဲ ငွေလေးငါးရာ ထည့်ထားလျှင် တော်တော်နှင့် သုံးမကုန်တော့။ ယနေ့ လူငယ်များကတော့ ဘယ်လို ထင်မည်မသိ။ သူတို့လည်း နောင် နှစ်နှစ်ဆယ် ကြာလျှင် “ငါတို့တုန်းက လက်ဖက်ရည် တစ်ခွက်မှ သုံးရာတည်း” ဟု ပြောကြဦးမလား မသိ။ “အိတ်ထဲ ငွေဘယ်လောက် ထည့်ထားလျှင် တော်တော်နှင့် သုံးမကုန်တော့” ဟုတော့ ပြောသံ ကြားရတော့မည် မထင်။ ဘယ်လောက်ထည့်ထည့် ကုန်သည့် ခေတ်သို့ ရောက်နေ၍ ဖြစ်သည်။

ဟိုအရင်က စားအုန်းဆီတွေ မရှိ၊ တလောက ကြားလိုက်ရသည့် ကြောက်မက်ဖွယ်ရာ သတင်းထဲကလို ဆီထဲသို့ ရေသန့်ဗူးခွံ ထည့်ကြော်တာ မရှိ၊ အေအိုင်ဒီအက်စ် မရှိ၊ ရန်ကုန်မြို့လယ် တွင် ခြင်ထောင် ထောင်စရာ အကြောင်း မရှိ (လွန်ခဲ့သော နှစ်လေးဆယ်က ရန်ကုန် မြို့လယ်တွင် ခုလို ခြင်တွေ မရှိ၊ အနည်းအကျဉ်း မျှသာ ရှိသည်) ၊ သောက်လိုက်လျှင် နံမစွက်သည့် လက်ဖက်ရည် ခွက် ငယ်ငယ်ကလေးတွေ မရှိ၊ မီးစက်သံ တဖုန်းဖုန်း နှင့် မီးစက် ညှော်နံ့တွေ မရှိ၊ ရပ်နေသည့် နာရီစင် ကြီးတွေ မရှိ၊ ရေမထွက်တော့သည့် ရေပန်းကြီး မရှိ၊ ရေးနေရင်းနှင့် ကိုယ့်ဘဝကိုယ် ဆရာကြီးကွေး လို သရော်လိုစိတ် ပေါက်လာသည်။

အသက် နှင့် ကုန်ဈေးနှုန်းက လွဲ၍ အရာအားလုံး ငယ်သွားသည်။ ထို့ထက်ပို၍ ဆိုရလျှင် ဖြူကာပြာကာ ကျသွားသည်။  ။

ညိုထက်ညို
(ဓာတ်ပုံ - ရန်နောင်(ဗိုလ်တထောင်)၊ ရန်ကုန်မြို့၊ အနော်ရထာလမ်း)

ကာတွန်း လိုင်လုဏ် - ကြယ်တွေ စုံဘီလား


ကာတွန်း လိုင်လုဏ် - ကြယ်တွေ စုံဘီလား
(သူ့ဖေ့စ်ဘွတ်) ဒီဇင်ဘာ ၂၀၊ ၂၀၁၄